انتو الحكم تعالو حكمو علي انا ظالمه ولا مظلوبه خلااااص تعبت

[دلوعة حمني]

شوفي حبيبتي دام زوجج متمسك فيج خلاص لا يهمج احد ... و هو جزاه الله خير ما يقدر يقول شيء حق ابوه مهما كان هذا ابوه اللي ربها و تعب عليه لين صار ريال ... انت شوفي الاخت اللي كتبت عن وحدة تعالج و جربي يمكن صح رحمج لاف ... الله يكتبلج الخير و يرزقج الذرية الصالحة انت كل و من انحرم منها

 

[ماركة انثى]

ربي يفرجها عليج

بس انتي روحي تعالجي سواء دكاتره او قرأن شوفي نفسج

وادعي ربج يحلها ماغير الله احد​

 

[عجزت افهم نفسي]

بعد عمري والله

مو عارفه شنو اقولك لكم على ردودكم الحلوه اللي حسستي اني وحده منكم وفيكم وكأني اعرفكم

من زماااان

مو عارفه اشكركم وحده وحده

ان شاء الله لك مني احلى دعوه بقيام الليل بالاسم ان شاء الله بإذن الله

 

[حبيبي مالكني]

عورتي قلبي الله يعينج
والله يجعل كيد عدوج في نحره

 

[عجزت افهم نفسي]

كلم زوجي نسيبه وقاله انا ما افكر بالزواج حاليا..

رد عليه وقاله انا اختي كل ماجاها واحد رديناها وانت الوحيد اللي وافقت عليه جاي تقول ماتبي عرس

وهذا الكلام صار طبعا واهو معاي كل هذ ابس عشان يثبت لي انه صج ما يبي يعرس وان ابوه اللي يبي هالشي



عشت بصراع نفسي الله لايوركم اياه من ينطق باب شقتي يوقف قلبي اخاف ابوه اللي جاي وجايب اخباره الحلوه معاه

لين ما جاء اليوم المشؤوم مادري اسميه يوم مشؤوم ولا يوم نحس ولا شنو بالضبط

صرت اكره شهر 8 من يجي تبدأ المشاكل والمصايب من كل ناحيه إلى ما تخلص السنه

مادري يمكن عشان يذكرني بحملي اللي فرحت فيه في هالشهر ولاتم مادري والله احسه نحس علي

ما اطول عليكم

جا شهر 8 وصرت بحال الله اعلم بها مشاكل وهوشه وعوار قلب

خالتي الحنونه واقفه معاي ضد زوجها بس ما يجيها إلا الطق وساكته

تتصل على امي وتتعذر لها وتتأسف وكأن غلطتها مو غلطه زوجها

تجيني وهي منكسره وتكسر قلبي معاها

بس ما انكر ان وجودها اهو اللي مخفف علي .. حنانها اهو اللي ماخلاني اجن لاني كنت بحال الله اعلم بها

الله لا يحط احد بهالموقف ..

المهم زوجي بحال وانا بحال وكل واحد حاط حرته بالثاني

على كثرة الهواش اللي بينا بس عمره ماغلط علي بكلمة ولا رفع يده

انا اغلط عليه واقوله انتو مو رجال لو تحبني صج وقف بوجه ابوك

يقولي تبيني اعق ابوي عشانك

انا لي عمر ما ارفع صوتي عليه تبيني ارفع عشانك

هذا ابوي والله قال ولا تقل لهما اف ولا تنهرهما

احسه يلجمني بكلامه

مرات اقول ايه ابوه واهو يحبني وتحملي ومرده لك

ومرات اقول لا وين رجولته إذا اهو ما حماني منو اللي بيحميني

ومرات و مرات ومرات آآآآه شقول وش اخلي

جا رمضان وجات الطامه معاه

ماحسيت بطعمه ولا بركاته وكان هذا في عام 2008 عشان تتضح الصورة

اقبل واقبلت المشاكل معاه

حدد ابوه من نفسه يوم الملكه

نسيت اقولكم ترا خالتي وحمواتي ولا وحده راحت فيهم بيت الجديده

كل هذا بترتيب عمي و زوج بنته على كلامهم كلام الحريم مايهم الاهم كلام الرجال

وانا لآآآخر لحظه عندي امل ان هالزواج مايتم

لاكن تم والحمد لله على كل حال ... تم وانا احس اني مكسوره مهما لقيت من العنايه من ابوي وامي و خالتي وحمواتي

بعد اضل مكسوره إلا بالعكس رعايتهم واهتمامهم حسسني بالشفقه والعجز

ليلي ما انامه مرت ليالي رمضان الاولى وانا متوجه ربي ورافعه يديني .. كنت احس براااحه غريبه وانا على سجادتي

اقضي ليلي كله من الساعه 1 إلى الفجر وانا احس مرتااااحه وانا بين يدين الله لاكن تجيني لحظات ينربط لساني وماعرف ارد

ادعي عليه ولا ادعي له

ولا ادعي ان الله يعطيني القوه واقدر اتأقلم مع حياتي الجديده

بعيشها مع نص رجال (( مو عشان تزوج ثانيه لا )) انا مقمت اشوفه رجال لان رجولته مامنعت الظلم اللي طاح علي وانا زوجته

وين كلامه لي انتي بكفه والعالم كلها بكفه ثانيه

انتي حب حياتي ولو يصير اللي يصير ادفع عمري ولا اخليك

وين هذا كله

حسيت اني كنت عاااااايشه بكذبه طويله عريضه

حسيت انه طووووول فتره زواجنا واهو قاعد يمثل علي

حسيت بأحاسيس متضاربه

اشوف معاملته لي من احسن ما ييكون واشوف عجزه قدام ابوه وانسى كل اللي الاشياء الزينه اللي سواها



طبعا قررو الزواج بعيد الفطر .. وبيكون محفوف وعائلي جدااا

لاكن قبل العيد وبالاخص في 13 رمضان من هنا بدأت المشاكل الكبيره بينني وبين زوجي

وعش الحب اللي بينا انهدم

الحنون تغير وصار شرس

اللي ما يغلط علي صار يقط الكلمه ومايثمنها

خلوني اقولكم شنو صار بـ هاليوم

بعد الفطور كالعاده جلست مع خالتي وحواتي والصغار و حريم عيالها 2 وحده في مثل سني والثانيه لا اكبر مني

إلا اتصل عليه عشان يوديني بيت اهلي كالعاده مايرد

اتصل ومايرد

قالت لي مرت حماي اللي كبري مو فاضي لك ولا بيرد علي

طنشتها وضليت ارد

وانا احس بالغصه في حلق خالتي ودها تقولي وودها لا

قلت لها خالتي صاير شي انا مادري عنه

قالت لي يا يمه شبيصير غير اللي الله كاتبه

قلت لها قولي لي شنو صاير

قالت لي مرت حماي العوده ان زوجي المصون رايح يوري عروسته الجديده الشقه

انا تسمرت بمكاني ماعرفت شنو ارد وشنو أقول

معقوله دعواتي ما استجابت >> استغفر الله

حسيت ان الله ما يستجيب دعوتي .. مريت بلحظه ضعف استغفر الله ياربي سامحني عليها انا اعترف اني ضعيفه

المهم قلت لمرت حماي تعرفين ويين الشقه قالت ايه بالعماره الجديده ووصفت لي المكان

اهي بنفس منطقتنا يعني قريبه من بيت اهل زوجي لاكن تحتاج سياره ما يصير اروح لها مشي



انا باللحظه هذي منشل تفكيري مادري وش اسوي اروح له ولا ما اروح اطلب الطلاق ولا اضل على ذمته

الطلاااااق يمكن يخليه يتحرك لو طلبته

لاكن ساكته ومستسلمه اكيد بيمشي على راي ابوه

توصلت لحل وياليتي ماوصلت له احس اهو اللي دمر كل شي بيني وبين زوجي

حتى الصوره المشروخه اللي أخذتها عنه بسبب زواجه تكسرت اكثر واكثر

خليت حماي الصغير يوديني لشقته

ونزلت ودخلت لها إلا القاه يوصف لها وش بيحط وشنو بيسوي

وحسيت بعيونه الفرح لا تقولون لا يتهيأ لي .. لا تقولون اهو من البدايه مجبور

مجبور طل

انا اللي شفته غير

مبتسم ويقولها بنحط هني وبنسوي هناك وهذي الصاله وهذا الغرفه

تبون تعرفون اكثر وش مسوي

غرفته نومه حافر عليها تاريخ زواجهم بذمتكم هذا مغصوووووووووب ؟؟؟؟!!!!

المغصوب يخطط ويروح ويطلع معاها من وراااااي ؟؟؟!!!

المغصوب يطقني قدامها ويهيني

ايه طقني

لما شافني تسمر بمكانه

ووقف و لما رديت عليه قدامها .. ماشاء الله هذا المغصوب

تعرفون وش سوا

جاني ومسكني من كتفي وقالي روحي البيت

قلت له ماني رايحه

قالي اقوله روحي

و قطني على باب الشقه هذاااا المغصوب

زوجي اللي كلها لمسات حنان لما يقرب مني صار يعاملني بجفاف وقوه وعند مين عند زوجته الجديده ؟؟!!!

زوجي اللي عمره ما طقني واحنا لحالنا يرفع علي يده عند زوجته ؟؟؟!!!

كل هالتساؤولات تمر قدامي وانا بدمووووعي امشي راجعه لبيت اهلي

شريط حياتنا مع بعض كله قدامي

وبقدره قادر جاتني قوه مو طبيعيه .. حسيت احد يقولي هذا اختبار ولازم تنجحين فيه

انتي الفايزه لو نجحتي وهو وابوه الخسرانين

ليالي رمضان الدعوه مستاجبه 100% وغير هذا المظلوم مفتوحه له ابوب السما

اطالع السما واحسها جد تقولي ما لك إلا انا لا اهلج ولا هله بينقذونك من اللي انتي فيه

نزلت بيتنا وامي خنت حيلي تصيح على حالي احس بها متحسفه انها زوجتني وانا صغيره

اتصل زوجي على البيت وردت امي قالها بنتك ليش تسوي جذيه

قالت له هذا صنع يدك مو صنع بنتي .. قتلتها وجاي بعد تعاتب

وثاني يوم جا ابوه بيتدنا يهاوش كان قريب المغرب الكلام هذا

ويشيل ويحط وولده معاه بس ديكور واقف بالصاله لا له راي ولا كلمه .. ابوي يرد عليه بس بإحترام لانه رجال كبير بالسن و في بيتنا
ولما احتد الكلام بينهم نزل السكر على ابوه وطاح وكلنا خفنا عليه
بس الحمد لله قام بالسلامه

والله والله يابنات على الظلم اللي جاني منه إلا اني خفت لا يصير فيه شي وطول ما هو بالمستشفى كنت اقول بيني وبين نفسي اني مسامحته

شفتو الانسان المتجبر شلون ينكسر قدام نفسه وقدام الناس حسيت بالرحمه عليه بالرغم انه ظالمني ومتعدي علي

 

[نواااال]

شلون عاقر والمراه حملت حمدالله والشكر وشدخله ابو زوجك في حياتكم هو شكو زوجك مشتكيله الحال
وثلاث اسنين وايد عيل الي ينطرون 7 و10 سنين شينقال لهم واذا الحمل ضعيف يكون من الزووج لانه يصير اجهاض متكرر زوجك لازم يوقف ابوه عند حده واضح السالفه انه موطايقج موسالفه عيال ويبي يشوفهم الله يعينج ​

 

[عجزت افهم نفسي]

المهم

من يومها ما شفته ولا اتصل وتبون تعرفون المغصوب و شنو سواااا

غير خطه .. ليش غير الخط ممكن احد يفهمني ...؟؟؟؟!!! لانه يبيني ولا لانه مجبور على زواجه ؟؟!!!

انكسرت في داخلي البنت المرحه اللي تحب الناس وتحب الحياه

فقدت ثقتي بالناس وكرهت ابوي

تعرفون ليش كرهته لان رجااااااال وكل الرجال صارو بنظري ظلاااام

كرهت المجتمع اللي انا عايشه فيه حسيته ذكوري بحث وما يرحم ضعف المرا

حسيت بالظلم يا نااااااس

مالي إلا سجادتي ألجأ لها

دموعي فاضحتني بكل مكان احاول اخفيها عن امي وابوي بس ما اقدر

بنت الـ 22 صارت كأنها بنت 44 صغفت حييييييييييييييييييييل وصرت جلده على عظم

ابوي راح تفاهم معاه لاكن يرجع ابوي يد ورا ويد قدام يقول لامي اكلمه كأني اكلم الجدار بس منزل راسه وساكت

الكلمه الوحيده اليي دايم يرددها عدل كلامك صح كلامك ما اخذت منه لا حق ولا باطل

مر العيد و ولا كأنه مر بالنسبه لي

كنت بهالوقت باقي لي سنه واتخرج من الكليه لاكن قررت اسحب اوراقي

استأذنت ابوي اني ابي ادرس برا حتى لو دبلوم بس ابي اطلع من الديره

احس مكتومه قالي ابوي ان شوري بيد زوجي مو بيده

زوجي اللي مغير خطه مايبي يكلمني ولا اللي موصي اخوانه ما يعطوني رقمه ولا ولا ولا

قلت له يبه انا اللحين معلقه لاني متزوجه ولا مطلقه وزوجي عايش العسل مع مرته الجديده ودفني تبي تكمل انت دفاني

قالي خلاص نروح احنا 3 انا وانتي وامك فتره استجمام والدراسه نتشاور فيها بعدين

وافقت وسافرنا وغيرت جو صج

رجعت لي البسمه من جديد حسيت اني توني ياهل ودلعه بين حضن امي وابوي

ابوي نساني الهم و الكدر اللي عشت فيه

استانست بالسفره فوووووووووووق ماتتصورون

شفتو الطفل لما يروح الملاهي شلون يتدلع على امه ابوه

شفتو شلون ونااااسته هذا انا وناستي مثله ويمكن زود

ردت لي عافيتي

ردت لي ضحكتي

ردت لي روحي

نسيت زوجي وبلاويه

نسيت الهم اللي صابني

حسيت ربي قاعد يكافئني على الظلم اللي جاني

حسيت ان اللي عندي الوناسه مو عند غيري

بعد شهر رجعت الديره والحمد لله النفسيه احسن من اول

وغير هذا الله رسل لي بنت في حياتي شنو أقول وشنو اخلي

بنت ولا كل البنات مؤدبه خلوووووقه احساس مرهف كل الصفات الحلوه فيها

وهي البنت الوحيده اللي صحبتي فيها تعدت الكليه

وصارت صديقتي تزورني بكل حزه

والله يابنات ان بـ هالفتره حياتي انقلب 180 درجه

عافيتي ردت .. ابتسامتي رجعت .. ضحكي وصراخي تارس البيت

امي صارت صديقتي الثانيه

صرنا شله انا وامي وصديقتي

حتي ابوي لاحط التغيير على امي ..

يعني الحمد لله رجعنا افضل من اول وربى ضاره نافعه

بـ هالفتره هذي كانت ارقام واااايد غريبه تدق علي وكنت اتجاهلها

او ارد وانا ساكته ونفس الشي المتصل ساكت مايتكلم

اخلي فطوم صديقتي ترد ما يتكلم المتصل

جاني احساس انه زوجي

تعرفون يا بنات شنو سويت لما حسيت بـ الحساس هذا

رحت وسجدت شكر لله

انه اخيرااااا حس فيني ورجع

والحمد لله قبل انا اللي الحق وراه اللي هو اللي بنفسه طلبني

يوم عن يوم تزيد اتصالاته

وجا يوم ورديت

الووو

الووو

انا عارفه انك انت ماله داعي حركات البزران

سكر الخط بوجهي وضل يمكن 3 ايام ما اتصل

حسيت اني مراهقه وفي واحد قاعد يغازلني

حسيت بروعه الحب والاشتياق من جديد

حسيت بأحاسيس صعب اذكرها

لاكن الاكيد اني حسيته مايقدر يستغنى عني

طبعا الكلام هذا بـ شهر 12

دخلنا الـ 2009 وبعد شهر1 اتصل علي واعترف انه اهو اللي كان يتصل وقلت له ادري

قالي توقعتك تغيرين خطك
قلت له لو صابر شوي كان وصلتك دعوى لاني كنت ناويه ارفع عليك قضيه طلاق
وراح اكسبها 100% تعرف ليش لان الله مايرضى بالظلم

المهم استآذني وقالي انه بيجي اليوم بيتنا بيتفاهم معاي ومع ابوي وكان هالكلام بشهر 2 طبعا شهر 1 كله مكالمات بينا وكأن احنا مراهقين

والله يبنات حسيت بفرحه غرررررررررررريبه

مادري ليش

مع اني مقهوووره منه اللي سواه فيني مو شويه

بس فرحانه انه بيرجعي ..

جا وتفاهم مع ابوي وعطاني رضاتي ورحنا مطعم وتعشينا وطول فتره ما احنا قاعدين ماسك يديني الثنتين احس في عيونه كلام بس مو عارف يصيغه حسيت الشوق بعيونه وكانت تآكلني عيونه بنظراته

حلوتي جسمك تغير .. شعرك طال .. مغيره لونه؟ .. كأنك غيرتي شنطتك .. متى شرتي موبايلك

تعرفون اللي كان متوقع شي وشاف عكسه شلون

هذا اهو توقع اني بمووووت بفراقه بضل مثل ما انا انتظر ردته

بس الحمد لله خاب ظنه وقدرت اعيش من دونه اياااام للحين لو تجي على بالي احلى ايام عمري احلى حتى من شهر عسلنا

سبحان الله احس المشكله اللي مرت فيها غيرتني من داخل خلتي قويه خلتني افهم الدنيا صح

كنت خياليه .. كنت عايشه بجوي الخاص كنت اشوف الدنيا بألوان مثل الطفله تفكيري كان محدود

بس الحمد لله على كل تغيرت وتغيرت نظرتي للدنيا

زوجي رجع ورجعت لبيتي وامي الثانيه وخواتي اللي الله عطاني اياهم

لاكن رجعت مو انا الاوليه رجعت اقوى بإذن الله

رجعت وانا كلي فخر اني زوجي من نفسه اهو اللي رجعني واهو اللي

جاني وتمنى اني ارجع له رجعت وانا مروفع راسي قدام عمي اللي حاول يطلقني منه بس ماقدر

تعرف ليش ياعمي لان زوجي يحبني ومايقدر على فراقي

بنات رجع لي احسن من اول كلامه بأسلوبه بكل شي

رجع المحب العاشق الولهان رجع زوجي بكل جوارحه لي

رجع ومعاه خير ممكن يضايق اي وحده مكاني

قالي ان زوجته حامل بالشهر الثالث

تعرفون شنو رده فعلي .. قلت له على البركه واخيرا بتصير ابو
وعمي بيصير جد

ما انكر اني ما انقهرت من داخل وحسيت بالنقص وان وحده ثانيه كامله بنظر عمي وانا الناقصه
بس الحمد لله عارفه ان الله بيعوضني خير لو مو في الدنيا بلقاها بالاخره

وماادري يمكت الياهل اللي انا متشفه على حماله يكون نقمه لي بالدنيا فأنا راضيه بحكم اللي قدره الله لي وحامدتك وشاكرتك يارب


يوم عن يوم يا بنات وانا غصب عني اتجاهل حمال الثانيه .. واتحاشى قدر ما اقدر وجودها ببيت اهل زوجي ما انزل لو اهي موجوده

ما ابي احس بنظراتهم لي و ما ابي اتخيل وجوده معاها

يعني ابي راحتي ما ابي اتضايق

صح بنات نسيت لا اقول لكم تراني اعرفها منل قبل في سابق معرفه بينا مو تصير اخت زوج حماتي ف أشوفها بالمناسبات
وشي ثاني تراها اكبر مني بـ 4 سنوات
وزوجي اكبر مني بـ 9 سنوات

اوقات احس بالقهر لانها اقرب مني لعمره .. واوقات اقول لنفسي لا انا الصغيره واهي الكبيره و الرجال مهما كان تفكيره يدور البنت الصغيره
وبكره لا شيب بتشيب معاه وانا بعدني

ادري بتضحكون علي بتقولون لي 4 سنوات مو 10
بس انا احاول اقنع نفسي بهالكلام ومهما كان بتدخل الـ 30 والـ 40 والـ 50 قبلي >>> واثقه من عمرها انها بتعيش كل هالسنوات :eh_s(4):

 

[عجزت افهم نفسي]

المهم يابنات قربت قصتي على النهايه ..

مرت شهور حملها وجابت بنت مثل القمر انا احسها تشبه زوجي

ولما ولدت مادري ليش حسيت ان لازم اروح ازورها

لاكن زوجي رفض .. بس يشهد الله اني ما اكرها ولا احقد عليها

بس تجيني ساعات غيره واسوي مشكله لو زوجي وداها سوق او

طلع معاها ع البحر او حتى تمشى معاها .. غصب عني والله ادري المفروض ما اسوي هالشي بس شسوي ما اقدر اتحمل

اوقات اطنش واوقات غصب عني والله

نسيت لا اقولكم ان زوجي رجعني بدون لا يقول لها
تعرفون شلون عرفت
اولا لو تصير مناسبه مثلا خطوبه حماتي زوجي ما يجيبني من الصالون إلا متأخر ويتعذر بربعه او بأي شي

اثاريه يروح يوديها مبجر وبعد ساعه يجي يأخذها و يرجعني
كنت اعرف هالشي لما اسأل خواته ماجات مرت اخوكم ؟؟!!

عذره لما سألته انه ما يبيني انقهر لو اشوفها وتصير هوشه بينا :eh_s(4):

الشي الثاني وهو اللي أكد لي انه من تدق عليه يسكتني عشان يرد ولما تسكر يقولي ما ابيها تسمع صوتك يمي ؟؟!!

ولما تجي ليلتي يقولها بروح الحداق :eh_s(1): بروح البر .. سهران مع الربع وغيره من هالكلام

بتقلون شلون عرفت انا اقولكم .. لان لما يرد عليها تسأله ها وصلت يوقلها ايه توني من شوي اللحين بنركب الطراد ومن هالكلام :eh_s(16):

المهم ما حطيتها بقلبي والله احس مقهوره ليش مايقولها انه رجعني
خايف على مشاعرها ست الحسن ولا شنو !!

جا يوم اهي زايره خالتي واهو معاها وانزل من فوق واجلس واسولف مع حمواتي العسل اللي من اجلس معاهم كل هستره وضحك
حسيتها انقهرت وقالت له تبي تمشي لانها للحين مادخلت معاهم مادري اهم مسوي حاجز ولا اهي مو متآلفه معاهم

تبون الصج حسيت اني غلطت بحقها ليش نزلت ليش قهرتها حسيت اني ظلمتها وتحسفت اني سويت هالشي احس مو طبع فيني هالحركه ليش سويت جذي ياربي :eh_s(16):

جاني بصراخه وبهواشه غير عن كل العاده ويزف فيني
قلت له انا حاسه من قبل انك مو قايل لها انك رجعتني
ليش ؟
تخاف على مشاعرها ؟
وانا وين كرامتي ؟
اللي اهتنها قدامها لما طقيتي يمها ؟؟
قالي انتي تبين تهديمن حياتي تبين تضيعين بنتي تبينها تطلب الطلاق
ومن هالكلام

تعرفون شنو اللي يضحك بالموضوع انه جاني يهاوشني عشان منووووو عشان زوجته الثانيه زعلت وتهددته ببيت اهلها طيب وانا ؟؟
انا منو مو زوجتك بعد ماتخاف تفقدني انا بعد

بنات انا تعبت والله .. كل تصير مشاكل بيني وبينه بسبب زوجته
ادري اهي زوجته مثلي بالضبط بس على الاقل يراعي مشاعري شوي

انا اللي شفته منه ومن ابوه مو شويه
وللحين جرحي بقلبي ما لتأم للحين ينزف
اهي تزعل وانا ازعل عادي ؟؟؟!!

تعرفون من رجعنا اللحين بنكمل سنتين والله ماان مشاكلنا اكثر من قبل

على اتفه التفاهه تصير مشكله لو مارد علي يجي ببالي انه معاها اكيد اللحين نايم معاها استغفر الله هالتفكير كل يجيني ..

تعرفون اخر مشكله بيني وبينه شنو شرطت عليه

إذا يبي ينام معاي ماينام معاها >> اقصد الجماع

ووعدني بهالشي يقول خلاص سديت حلق ابوي بياهل انتي الاساس واهي بس رضاوه ابوي

ادري ظالمتها بهالشي ومو من حقي بس غصب عني ما اقدر اعطيه لو عرفت انه نايم معاها
.. كل مره يجي من عندها اسأله نمت معاها ؟؟

يقولي لا ويحلف ويقسم .. وانا بداخلي مره اصدق ومره لا

إلى ما صارت الهوشه الكبيره اللي انا فيه معاها

ومالي غيركم تدلوني على الصح

زوجي جرحني وتزوج علي هذا نقطه اولى

النقطه الثانيه احسه خاني تعرفون ليش ؟

لان زوجته اللحين حامل !!!

شلون حملت واهو كل مره يحلف ويقسم انه ماجاسها !!!

احس خلاااااااااااااااااااااااص نفرت منه

جاني يتعذر والله غصب عني كل مره اتحجج مره تعبان ومره الدوام ومره ومره بس صاره غصب عني

يبي يفهمني غصب انه من اول مره من حمالها الاخير وحملت على طوووول :eh_s(14):

بنات انا نافره من وبقوه احس مو طايقته مااااا بيه خلاص موقادره اعيش معاه

جرحي مو راضي يلتأم و اللحين جا وكملها واحس بالخيانه

ادري مو من حقي اني اطلب هالشي بس مااقدر انام معاه لو هو نام معاها

حتى اهو يقولي بديت افقدت كلماتك الحلوه لمانام مع بعض

غصب عني والله مو قادره

من تصير مشكله تافهه مبينا تنفتح دفاتر مسكره :eh_s(11):

ويرجع موضوع زواجه والاحداث اللي صارت ينعاد

وكل هذا بكووووم واللحين جايني بيسافر معاها

حتى ماقالي وين بيروح بس قالي بسافر وخلاص

قلت له حتى انا بسافر مع اهلي قالي كلمه وحده بس بالسلامه :eh_s(11):

وعطاني المصروف وقلت له ماني بحاجتك خله لك

انا ما اقول اني ملاك بس والله ما اسوي له مشاكل مثل مشاكل اي زوج متزوج من 2 ويعاني

تعرفون ما اثقل عليه بالمصاريف عشان اعرف انه عند اجار ومصروفها ومصروف بنته

حتى اهو حاس بهالشي يقولي انتي ما تطلبين فلوس لما يعطني ولا اخذهم واقوله انت اولي شنو يسوي يروح يحطهم لي بحسابي

ولما اطلب السوق يزيدني فلوس على اللي عندي يقولي يمكن تشوفينشي يعجبك وماعندك ما بيك تخلين شي بنفسك

ادري انه يضغط نفسه ماديا عشاني لان اشوف الضغوطات الماديه اللي عليه
عرفت من اخوه انه توه ماخذ قرض ثاني
ومو مخلي احد بالعايله مو متسلف منه
والله مايدعيني قلبي اشوفه بهالحال .. اقصر على نفسي واقات يمر الشهر ولا اصرف ولا شي بس عشان لا اكلف عليه
بس هم ماينفع معاه للحين كل مديون وماعنده
ادري انه ماعنده من اشوفه معصب ولا يرضى يقولي شنو فيه اعرف انه مضغوط ماديا

اللي اعاني منه اللحين كثره مشاكلي معاه على اتفه التوافه احس مو قادره اتقبل منه شي وحتى اهو زهق من الهواش .. بالاخير خيرته بيني وبينها يا انا يا اهي في حياته قالي ما اقدر اختار

يقولي انتي كل اللي تسوينه فيني صابر عليك لاني احبك لاكن اهي ام بنتي وام اللي جاي بالطريق ما اقدر اطلقها يضيعون عيالي وابوي بيتبرى مني لو طلقتها
وبنفس الوقت خايف على اخته تطلق لو طلقها ..
والله حماتي ماتستاهل احسها مسكينه دخلت بشربكه مشاكلنا غصب عنها وما ارضى لها بالشينه

قلت له ماتبي تطلقها خلاص لا تطلقها بس خلها لعيالك وبس انا ما ارضى تعيش مع غيري واي وحده مكاني طلبت الطلاق
واللحين انت بخيارين يا تطلقني او تعيش بعيد عنها

يقولي حلك مو حل سليم وما اقدر اسوي هالشي

من تصرفاته وااااااضح انه شاريني لانه يقولي انتي على المشاكل اللي تسوينها فيني بس صاب عليك لاني احبج لاكن لو اهي لو تقولي كلمه من كلامك اللي يسم والله لا اوديها بيت اهلها .. لاحظي اني صابر عليها عشان عيالي وانتي اللي ما بيني وبينك عيال مخليك لاني احبج

بس مو قادر يختار بيني وبينها :eh_s(11):

لا واللي يحرني اكثر انه بسافر معاها ... بنات انا اللحين ببيت اهلي من امس وانا هني ولا كلف على عمره يتصل ولا يكلمني ولا يسأل

ما همني اتصاله كثر ما ني مقهوره من سفره معاها حتى ماقالي وين بيروح

بنات يمكن انا دخلتكم بمواضيع ماتخص مشكلتي لاكن كنت بوضح الصوره عشان تحكمون لي بالعدل اللي ابيه منكم بختصره بكم سؤال :

انا ظالمة زوجي بكثره مشاكلي معاه ؟؟

ظالمه بنت الناس معاي ؟؟

ولا ظالمه نفسي اني راضيه بهالعيشه ؟؟

ولا معاي حق لما اخيره بيني وبينها

الله يخليكم بنات محتاجه احد يساعدني ويدلني

في اشاياء وااااااايد قلتكم اياها ماقلتها لامي ولا فطوم صديقتي لاني مالي وجه اقولها لهم مثل منعي له انه ينام معاها

ابي مشورتكم فديتكم :eh_s(11):

 

[فركيته]

لا حول ولا قوة الا بالله حبيبتي عليج بسورة البقره وانتي تو الناس صغيرة و3 سنين شويه بس اقري على نفسج لحي على ربنا بالدعاء وربي يفرجها من عنده لانه كريم وقادر على كل شيء الله يجبر بخاطرج ويخليلج زوجج ولا يحرمكم من بعض

 

[swanyway]

افرشي سجادتك وقابلي ربج وادعي من كل قلبج وقولي اللهم اكفني شر والد زوجي وضع في قلبه حبي وسخره لي ياارحم الراحمين
وكثري استغفار دايم دايم
شوفي اذا تقدرين تكلمين اخت ريلج تكلم زوجها ان اخوها يحب مرته ومتعلق فيه ومضغوط عليه عشان يتزوج بس يرد ريلج بس بدون مايبينون ابد لابو ريلج عن هالشئ بس استخيري قبل ماتسوين هالخطوه , وبنفس الوقت هي حل مؤقت لان يمكن يخطب له اي وحده ثانية

 

[سوالف سعودية]

حبيبتي انت مو ظالمه من خلال قصتك شفت انسانة طيبة وذوق ونيتها زينه وربي بيعطيك ع قدها

بالنسبة للحمل اسمعي نصيحة البنات اذا عندكم مره تفهم بهذي الاموار روحي لها وربي يسر لك امرك

ويبعد عنك كل هم هذي اول مشاركة لي هنا ويارب يسعدك ويرزقك الذرية الصالحه

 

[ام نجـــلاء]

اختي الريال تزوج خلاص وهو مسؤول عن مرته وعياله

لاتزعلين مني بس مالج حق تقولين له لاتنام معاها

تعترضين على حكم الله

الله حكم بالعدل هي مب ذنبها خطبها واحد وافقت عليه حالها حال غيرها تبي الستر

انتي ماشاء الله عليج كل تصرفاتج متزنه بس هالنقطه اختلف معاج

لان الله مايرضى بالضلم

 

[فركيته]

توني اقرا الموضوع كامل : اختي العزيزة سألي نفسج انتي تحبينه اذا تحبينه تمي معاه لانج اذا طلبتي الطلاق تخلينه لها باردة مبرده ,خلي الغيره على جنب وخليج الصدر الحنون له , خلي لما يجيك يلقى الهدوء والراحه مو المشاكل والصراخ,بعدين زوجج صارحج بحبه لا تتركينه وبعدين صج يحتد ويحب ام عياله وانتي يمكن تتزوجين بس ما يحبج الثاني مثله ولا يدللج وتحسفين وايد .هذا راي واستخيري افضلج.

 

[ثريا الكون]

الحين القصة خلصت ؟؟؟ يعني ما تزوج والله ما فهمت​

 

[barbya_q8]

ياربي ما يتم الي في بالهم الا وانتي حامل باذنه الواحد الاحد القادر عالكون فيكون مالج ملجأ ولا منجأ ولا حل غير ربج و سياتج وصلاتج ودعائج والله يارب يصده عن هالزواجه شهالعالم انتو شكو بالريال ياله عيال ولا لا اذا اهو مرتاح خلوه شهالعقليات الي لي الحين متحجره وتتحكم

 

[MissChoco]

الله يكون بعوونج مادري شقولج بس ماتقدرين تسوين شي

ريلج مسكين لا تلومينه مايقدر يعصي امر ابوه بيسايسه يخاف باجر يعارضه بشي ويفضحه ابوه عند الرياييل مايبي باجر الناس اتكلم فيه

 

[miss swan]

لاتوفرين عليه مثل ماسفرها يسفرج قوليله انا ابيك تسفرني ماابي اهلي
محتاجه زوجي
والله امر بالعدل​

 

[rosegold]

واااي حبيبتي الله يعينج والله إن يتني البجيه وانا اقرى قصتج قلبي عورني عليج ,, مادري شقولج لو انا ما اتحمل احد يشاركني بريلي واي قهر الله يصبرج وياجرج .. حبيبتي استغفري على طول ودائما خلي على السانج ( اللهم أجرني في مصيبتي ، واخلف لي خيرا منها ) , اهتمي بنفسج ودللي روحج وتدلعي عند أهلج وبيني حق زوجج هالشي , أحس الريال احب المره لمدلعه عند أهلها , والله يكتب اللي في الخير ان شاء الله , طمنينا عليج

 

[الشهد كله]

حبيبتي انتي عرفتي انه تزوج ، وياب من الثانية عيال وانتي رضيتي بالأمر الواقع

غصباً عليج مو من طيبج !!!!!!!!!!!!!!!

والحين لج إحدى الخيارين :

إما إنج تستمرين على هالحال طول عمرج يوم لج ويوم لها ، ويمكن الله يرزقج بالذرية

الصالحة ............

أو تطلبين الطلاق ويمكن الله يرزقج بزوج تحملين منه من أول شهر ( والله أعلم ) .

أما إنج كل ما تشوفينه تنكدين عليه وتعيشينه برعب لدرجة إنه يخاف يقولج وين بيسافر

لأ منتي مجبورة ، انتي تتناجرين معاه وينحاش منج ويروح البيت الثاني يدلعه ويغير جوه

هناك ، ليش توصلين نفسج حق هالمرحلة وتخلينه يكره يومج ، لأ بالعكس يومج خليه فرفشة

مالج شغل فيها نام وياها ولا هجرها ، انتي عليج من نفسج ولا تييبين سيرتها ولا حتى

طاريها ، وإذا أهو تكلم عنها من أول كلمة حطي إيدج على حلجه بشويش وقولي لو

سمحت ما طلبت منك تتكلم عنها ، وإذا ييت بيتي إنسى إن لك زوجة ثانية ، عشان أهو

في بيته الثاني ما يجيب طاريج بعد ..............

انتي طيبة وحبيبة وتستاهلين كل خير ، وهذا اختبار وبلاء من العالمين عشان يشوفج تصبرين ولا لأ ؟؟؟

وعسى الله يصبر قلبج ويرزقج الذرية الصالحة يارب :yaaaaaarb::yaaaaaarb::yaaaaaarb:​

 

[دانة الدنيا1]

حبيبتي الله يعوضج خييير انا الحين قريت مشكلتج للاخر والله كل وحده فينا كونها غيورة بطبيعتها بتسوي مثلج السيدة عايشة رضي الله عنها كانت شديدة الغيرة من زوجات الرسول وهذي فطرة في المرأة لكن اللي ابي اقوله لج لاتضغطين عليه تبيني اقولج قصة وشوفي حكمة المرأه بس هذي يبيلها قلب جااااامد على قولتهم واحده متزوجه وعندها زوجها وعيالها ويموووت فيها زوجها طيب يعني مو مغصوب مثل حالتج قام الزوج وتزوج على زوجته شنو تتوقعين سوت ؟؟؟ ولااااا شي ذكاء ودهاء هالزوجة اللي وقسم بالله اقول يارب تعطيني عقلها وحكمتها وربي لايوريني ولا احد حرت الشريكه المهم ماقالت ولا شي تخيلي الاهل والاصحاب كلهم يدرون ويقولولها شلووون سكاته قالت مدامه يصرف علي ولااا ينام عندها ويسافر معاي وكل شي موفره لي لييش اروح وافتح باب على نفسي واقوله انت متزوج ويقولي خلاص مدام عرفتي ليلة عندج وليلة عندها لااا ما اخلي يسوي هالشي ولا اعطيها فرصة تكون زوجته قدام المجتمع وتصير شريكتي خليهم بالخش والدس ومردة لي لانه مستحيل بيتم على هالحال هو نفسه بيمل لانها نزوة وفعلا والله يا بنت الحلال انه تمت سنتين تدري من يطلع يروح لها من يتاخر شوي عندها لكن مايبات برا بيت الاولى ويتم الطلاق بعد سنتين ويرجع لها وهالسالفه صارلها سنين ولي يوووومك الرجال مايدرى انه زوجته كانت تدري عنه انه متزوج عليها تخيلي الحكمه والذكاء ربي عطانا عقل عشان نفكر فيه لكن عاطفتنا تحكمنا كثير ونخلي هالقلب يتحكم فينا اكثر من عقلنا .. انتي يا حبيبتي اللي تسوينه حطي حيلج في الدعاء بان الله يعوضج بالطفل كل ما احتريتي قولي بغض النظر عنهم وبلتهي في حمالي روحي رداده اقري على نفسج طلعي مع رفيجاتج كل مابغيتي تصكين هوشه قولي خليني احسن الظن عشان ربي يسهل حملي دايمن قولي خليني اصير الاحسن انا ادري انها صعبه عليج لانها هي اللي جابت العيال يمكن لو انتي عندج عيال ماراح تتحسسين من الموضوع لهالدرجة لكن ادخلي دروات دشي نادي دلعي نفسج وانسييييهم واذا على موضوع النومة معاها طبعا ربي مايرضاها فلاتحرمين شي ربي حلله عشان ربي يعطيج مرادج وربي يمسح على قلبج وداايمن (ربي لاتذرني فردا وانت خير الوارثين )
دااايمن ردديها وقبل لايصير جماع مسحي على بطنج ومنطقة رحمة وقولي( ربي مسني الضر وانت ارحم الراحمين )وادعية الشفاء واخلصيي النية وربي ماراح يخيب ظنج يارب شوفي غيرج المحرومين من العيال والزوج والاهل حمدالله انتي بنعمة ربي معوضج باهل زوج ينحطون عالجرح وزوج كثر مايقدر يحاول انه يسعدج لكن انتي قاعده تطلعينه من طورة وترى الزوج مو معناته لما مايقولج الصج انه يحبها اكثر لااا الرجال عندهم هالشي يسمونه عدم جرح المشاعر وخصوصا لما يشوفج قاعده تعانين من هالشي انا بعض المرات زوجي يكذب وادري انه يكذب بس تدرين شقول والله اقول انه ماكذب الا لانه يحبني ومايبي يجرحني بشي ولو اني مو مهمه عنده جان قطها بويهي ولا همه طبعا انا قاعده اتكلم عن مواقف الحياة العادية وربي لا يوري احد فينا حرت الشريكة ويهون عليج هذي حقيقة وحاولي تتعايشين معاها وتشوفينها من ناحية ايجابيه الله يوفقج وويطعمج ولا يحرمج يارب وكل المسلمات