انتو الحكم تعالو حكمو علي انا ظالمه ولا مظلوبه خلااااص تعبت

[دمع الروح]

الله يسخره لج يااااارب بس نصيحه المره مو كل يوم لها زوج شوفي بوقتنا الزواج الثاني منتشر حييييل لكثرة البنات وبما انه مقدرج ويحبج لاتضيعينه من ايدينج وصدقيني كل بيت فيه مشاكل واحمدي ربج أن اللي يسويه الحمدلله بالحلال يعني مايخونج ويعربد من وراج وابراسلج عالخاص بخصوص الحمل

 

[قطرة من سحاب]

دامكم تحبون بعض لهالدرجه الله يتمم عليكم فنا جدامج الا هالطريق انج تعيشين معاه
ومو من صالحكم يطلق الاولى ويتشردون العيال
شنو يضمن لج اذا طلقها لأي سبب من الأسباب راح يجبره ابوه يتزوج ثالثة وهكذا لان أبوه من البداية مايبيج
مالج الا الصبر والدعاء يكفي انه يحبج ومعترف لج انو مو مرتاح وياها
الله يوفقج ويريح قلبج
وافينا بالجديد

 

[فركيته]

حبيبتي انا معاج ان الغيرة ممكن تسوي جذيه بس حسبيها: يعني ممكن تسوين مشروع وتنشغلين وتنسينه بس تظل المرة ودها بكلمه حلوه ودها بمشاعر حلوه,اعيش مع نص ريال يحبني ولا اعيش بروحي.انتي اخذي استراحه وفكري بهدوء وشوفي نفسج هل بعادة ممكن يأثر عليج او لا وبالتالي القرار لج,بس تأكدي ان الحياة قصيره في انا نعيشها في كدر وحزن وحرام سنين عمرج الحلوه تروح عالفاضي.

 

[misspurple]

الله يسامحج قريت قصتج وقاعدة ابجي بالدوام عورتي قلبي قصتج شبيهه حق وحدة اعرفها بس اهي احملت ما شاء الله بعد ما قرت على نفسها الله فج عوقها (سورة البقرة+ الرقية الشرعية+ اذكار الصلاة+ اذكار النوم+ العمرة+ الصدقات+ الاستغفار)
الله يزيد المحبة بينكم ويكتب لج الضنى اللي يفرحكم انتي وياه وصدقيني اقري على روحج يمكن اللي فيج نفس ولا عين مو شرط سحر
وهم فحصي مرة ثانية وعالجي عند الاطباء لا تقصرين على روحج
وخلاص مادام رضيتي تردين له وبذمته زوجته الثانية خليج على حالج مادام الحمدلله ما قصر عليج بأي حق من حقوقج

 

[عجزت افهم نفسي]

florense

PuPa^^SWeeT

دمع الروح

قطرة من سحاب

فركيته

misspurple




بعد عمري والله فديتكم على نصايحكم الحلوه

 

[عجزت افهم نفسي]

بنات اهو من امس لليوم وهو يتصل علي وانا للحين بيت اهلي

خلوني اقولكم شنو صار بالتفصيل


قبل امس اتصل 4 مرات ع الساعه 11 ولا رديت

وبالخامسه رديت بدون نفس قلت نعم قالي عندج فلوس قلت الحمد لله عني

قالي اكيد عندج ولا لا قلت اكيد ليش شتبي مني ؟!!!

قالي هذا رد خلاص خلاص ماابي شي

قلت له عيل ليش متصل

قالي خلاص بعدين

وسكر الخط


على الساعه 2 الظهر او ما جلست من النوم لقيت مسج منه كاتب لي كنت محتاج بس مشكوره كفيتي ووفيتي

رديت عليه محتاج فلوس رد إذا محتاج اللحين اعطيك

ولا رد علي


جا امس المغرب واتصلت عليه وقلت له ارسلت لك مسج ولا رديت ماعندك رد

قالي لا شتبيني اقول كنت محتاج وخلاص

قلت له محتاج فلوس ؟

قالي خلاص انتهت مو محتاج شي

قلت له طيب مع السلامه


اليوم الفجر بعد الصلاه اتصل و رديت

قلت له نعم

قالي الله ينعم عليك

قلت له شفيك ؟

قالي بس حبيت اسمع صوتج

قلت له إذا زوجتك نايمه وعندك فرصه تكلمني انا ما مو معطه نفسي فرصه اكلمه مافي شي يربطني فيك

قالي منو النايمه ؟

قلت له اهي يعني منو

قالي بس اهي ماراحت معاي >>> بنات انا افكر سفر زوجته معاه طلع مسافر لحاله :eh_s(2):
قالي انتي اساسا ماتعرفين انا وين رايح شلون عرفتي انها معاي

قلت له انت مستحيل تسافر بدون لا يكون احد معاك



والله حن قلبي عليه بس كابرت على نفسي

قالي انا مسافر اغير جو انا مضغوط نفسيا منج ومنها انتي ملجأي الوحيد وتغيرتي علي حتى راحتي مو عارف وين ألقاها

قلت له مع السلامه



ومن الفجر للحين ما اتصل




انا مو زعلانه إلا علي شي واحد

ليش مو قادره اعطيه فرصه وابدي معاه من جديد

انا احبه والله احبه بس نفسي مو قادره تسامحه

وارتاح لما اكون بعيده عنه ما ابي مشاكله ولا مشاكل زوجته ولا مشاكل ابوه

احس برااااحه وانا بعيده

وتبون الصج

احب لما يتصل علي ويقولي انه ولهان ولا مشتاق ولا يبيني

استانس لما اسمع منه هالكلام

بنات شورو علي شسوي


اضل حاقرته و افكر بس براحتي وبعدي عن المشاكل

ولا ارجع له عشانه وعشان قلبي اللي يحبه واضغط على نفسي واعيش تحت ظلم ابوه ومع نص رجال ؟؟


ادري بتقولون القرار بيدي

بس ابي اعرف اللحين شسوي اتصل عليه ولا انتظر اتصاله

ولو اتصل شقوله

شلون اتصرف معاه


بصراحه محتتتتتتتتتتتتتتتتااااااره بعمري معاه

اللي انا ابيه يرجع لي لحالي بدون بيته الثاني وهالشي مستححححححححححححححيل يحققه لي

واحبه وما اقدر اعيش بدونه مهما كان هذا زوجي واللي جمعني فيه مو شويه

منو يقدر يحل لي هالمعادله الصعبه :eh_s(2):

ابي شي يريحني ويريحه



صح بنات أشكر كل وحده حاولت تساعدني سواء على الخاص ولا ع العام

الله يعطيكم ألف ألف ألأف عافيه

الله يجزيكم الجنه ان شاء الله

بعد عمري ماقصرتو

 

[متلثمه بغترة ابوها]

اللهم ارزقها الذريه الصالحه المعافاة
اللهم انزل عليها من رحمتك ياارحم الراحمين
اللهم انها عبدك ابن عبدك ناصيتها بيدك ماض فيها حكمك عدل فيها قضاؤك
ربي ارزقها وفرح قلبها وهدئ روعها ياارحم الراحمين واعدل العادلين
اللهم انك ملك الملوك رب كل شي انك تقدر ولا نقدر ربي ارزقها
حبيبتي والله ادعيلك من كل قلبي الله يتقبل دعائنا لك بظهر الغيب
اهم شي لاتنامين الا وانتي على وضوء واذا صحيتي حتى لو تنامين وتقعدين
في كل مره تقعدين فيها وانتي تتقلبين قولي هالدعاء
( لا اله الا الله وحده لاشريك له له الملك وله الحمد وهو على كل شي قدير سبحان الله والحمدلله ولا اله الا الله والله اكبر ولا حول ولا قوة الا بالله) بعدها ادعي بأي دعاء تبينه ربي راح يستجيب لك ان شاء الله واذا حبيتي تتأكدين من الدعاء اكتبي في اليوتيوب دعاء الارق لخالد الجبير
وهذي طريقه بعد وصلتني بالواتس اب جربيها
*للي ربيـّۓ حرمها ‏​مَ‘ـَُِنٍّ الحمل والإنجاب والخلطه مو للبيع هدي مجانا لوجه آللــَّھ عسى يرحمنا*
هدي تجربة وحده ‏​مَ‘ـَُِنٍّ الأخوات*
: ‏انا الان عمر ابني عشر سنوات ومنذ ذلك الوقت لم يكتب لي الله الحمل*
و عندي اللي يسمونها قرحة الرحم .. وحاولت مرارا وتكرارا اني احمل لكن دون فائده .. واخيرا التجات الى الله سبحانه وتعالى بالدعاء في السجود*
ثانيا : قرات في احد المنتديات عن خلطة للحمل ومن كثر حلف اللي كتبته ان الخلطة خيالية ومن اول او ثاني مره تحمل الوحده قررت اني اجربها*
وسبحان الله والله من اول مره استخدمتها مع الدورة ماشفت الدورة الثانية طلعت حامل الحمد لله وانا الحين بالشهر الثاني بعد انتظار عشر سنوات مابين التهابات واكياس بالمبيض وارتفاع هرمون الحليب ... الخ حصل الحمد لله الحمل
فحبيت افيد اخواتي المسلمات لعل اللله ينفع بما قلت*
الخلطة :*
ملعقة صغيرة قرفة + ملعقة صغيرة حلبة + ملعقة صغيرة كمون + ملعقة صغيرة حبة سوداء*
تبدين فيها من اول يوم الدورة الى خامس يوم تنقعينها بالليل بكوب ماء حار وتخلينه الى الصبح وتقومين الصبح تشربينها لمدة خمس ايام*


انشروها يمكن توصل لوحده بأمس الحاجه


الله يرزقك ياقلبي

 

[قلبي عبدالله]

ارجعي حبيبتي ارجعي عارفه ليه لانك تحبيه الحين تقولي وانتي بعيده مرتاحه لكن لو يصير الطلاق ماراح تتحملي الوضع

وماتدري يمكن الله يكتب لك رزق في هالدنيا وتحملي لانك سليمه واللي صار لك قد يكون نفسي ومن لمحاتاه يعني انتي ما فيج عقم ماكو شي مستحيل كثري من الاستغفار وقراءة القران والله بيسهلها

اعرف بنت تطلقت من سنه وعندها ولد والليله عرس طليقها وقاعده تبجي دم وندمانه ماحافظت عليه رجعت لاهلها وللاسف معامله زفت وتهميش وحتى مصروف مايعطونها وقالتها نار الزوج ولا جنة الاهل وحتى لو كانت ظروفك مختلفه واهلك الله يخليهم سند لك بس لاتتسرعي والله يسهل دروبج وينور بصيرتج

 

[متلثمه بغترة ابوها]

ياربي عليك الله يعينك انتي حطمتيني بشكل موطبيعي
والله صارلي فتره ابكي عليك الله يساعدك ويمسح على قلبك
والحين قايمه اصلي لربي وادعيلك الله يواجرك على ماانتي فيه*

 

[بنت_أخت_خالتي]

السسسسالفه واااظحه اررررقيييي نفسسسج


اقرييي سوورة البقره يوميييا لمدة اسبوع او 10 ايام


واقري الاذكار اذكار الصباح والمساء

وانصحج بالورد المختصر

وان شاءالله الله يكتبلج الحمل

وزوجج معاج مو ضدج بس هم لازم ترقين نفسج

 

[يا كويتنا]

الله يفرج همج يارب

 

[om_dodo]

قلبى معاااج

 

[graam atfaal]

لاحول ولاقوه الا باللـــــــــــــــــــــــــــــــه .. الله يكون بعونتس حبيبتي ...
الله قادر يحل مشكلتس ... استغفري باي وقت لما يصير شد بالكلام استغفري .. ادعي الله بكل صلاه ....... والله يفرج عليتس​

 

[أم إييمي]

حبيبتى سمعى لا تقولين اهله زينيين بسكت ولا تقولين بيدافعون عنى وبنطر لا حبيبتى دافعى عن زواجج ولا تسكتين بكل الطرق اول طريقه صيرى ملاك لزوجج طيريه للسما بكل المجالات بالجنس والرعايه والكلام العسل وبكل شى اذا ماانفعت الطريقه هذى جربى طريقة المسكنه اتبجبج وترجى ودموع وترجى وتوسلى بعد لما تقطيعن قلبه واخر طريقه طريقة التهديد يا انا يا الزوجه الثانيه انسى اتركك تتزوج طبعا كل هذا يصير وانتى تعالجين نفسج وتتدورين الحمل لا تنطرين ولا تسمعين نصيحه غير جذى انا اكبر منج بواجد وجربت امور اكبر من جذى وبالتوفيق

 

[reemaar]

الله يكون بعونج ويصبر قلبج...عندج حلين:
١- تتأقلمين مع وضع ريلج انه عنده زوجه ثانيه..لاحظي أقول تأقلمي.. يعني افرضي هالشي على روحج وحاولي تتعايشين معاه ..تتصبرين..أحيانا وأحيانا.. تحبين هالواقع.. طالما ريلج للحين شاريج
٢- تنفصلين.. ماانصح فيه.. ما تضمنين بعدين تتزوجين واحد يحبج او لا.. صحيح ( وان يتفرقا يغن الله كلا من سعته)..لكن فكري.. ثم فكري ..ثم فكري... استخيري رب العالمين..

لو أنا في مكانج.. ماادري يمكن باصبر..طالما في حب... مافي شي بايدج يقدر يغير الواقع..لكن نقول (وعسى أن تكرهو شيئا وهو خير لكم)... الحين اللي عندها كوكش يهال يتزوج عليها.. لا ويهجرها بعد... الدنيا صايره صعبة

الله يوفقج ويكتب لج الخير..

 

[shak!shoka]

فوفو كلامها روعه طبقيه وانشالله ترتاااحين
و يرزقج بدال الواحد توووم يااااااااااا رب يااااااا كرييييييييييم

 

[ترووفه]

والله اني بجيت عليج وعلى نفسي

الله يرزقنااا ويكوون بعووناااا

انتي ظلمتي نفسج انج اشوفين كل هذا وساكته ليش ؟؟

وظلمتي زوجج انه يحبج وشاارييج

بس والله انقهرت على سالفته يوم يوريها الشقه وحاافر تاريخ زواجهم


الله يكتب لج اللي فيه الخير

ويرزقنااا بالذريه الصالحه

 

[نشيج الروح]

الله يعينج حبيبتي ويوفقج .... وبالأخير الزواج البنت والولد هم الي يقررونه مو الأهل .... وما في شي بالغصب ....و قولي حق ريلج يفحص ... ممكن يكون منه

 

[نشيج الروح]

توني أقرا باجي الكلام .... يا حلوة أنتي قاعدة تمللين الريال منج وتكرهينه فيج ....
أنتي تبينه ولالا ؟
إذا تبينه حاااااااااولي تتأقلمين وتعيشين معاه مثل أول ..... وإذا ما تبينه قولي له ما أبيك وعيشي حياة ثانية .....
أدري أن الحلين صعبين بس لازم تجاهدين نفسج وتقررين .... أحسن من ما تعذبين كل يوم وتكبرين المشاكل....
الحين أنتي مو عارفة وين مصيرج وشنو مصيرج لأنج مو محددته ... حددي وين تبين مستقبلج وشكله وامشي عليه ....

 

[قلب القلوب]

تدرين انها دمعت عيني لما قريت موضوعج لانها نفس قصتي بس انا ما كان مغصوب من احد - صدقيني مافي احد حاس فيج كثري الغيره نار تحرق القلب والله اني مجربتها
صدقيني يمكن انتي كنتي احسن مني كنتي قويه انا تحطمت طلقت فيني الدنيا حسيت انه ما عاد لي امل بالحياه
أكلمج بعقل انتي تحبينه ما تقدرين تستغنين عنه والدليل انج اشتقتيله وفرحتي برجعته بس الي تعنين منه الغيره وهذي طبيعيه
الوحده منا تعرف قدرها عند زوجها والحب يبين لو ما كان يحبج ماصبر على مشاكلج
*...... اسأل مجرب ولا تسال طبيب ..... لا تحطين نفسج بمقارنه معاها ترى الظنا اذا جا بعد مده يصير غالي وما يقدر يستغنى عنه
انتي لا ظالمه ولا مظلومه هذي قسمتج ونصيبج لازم تاقلمين مع الوضع ترى الفراق مو حل انتي تتعبين وهو يجيج ليله وهي ليله شلون لوفقدتيه
اذا هو انسان عارف ربه ويصلي ماراح يظلم احد وتاكدي انها ماله ذنب مادام حاط الزواج براسه لو ما أخذها أخذ غيرها وبالنسبه للكذب عد وخربط ولو كان سوى الي قلتيله كان يطيح من عينك اول وحده تخيلي لو هي طلبت منه شذي شنو يصير فيج لو انا يمكن أموت من الحره
تدرين شنو العلاج الي انا جربته
والحمدلله الله فرجها علي ورزقني وما احد توقعها حتى زوجي

اولا احسني الظن بالله عز وجل وتوكلي عيه وحده
ثانيا اكثري من الاستغفار والدعاءف
ثالثا تصدقي وعدلي من نفسج شوفي شنو غلط بحياتج واتركيه لله عز وجل
وأكيد لازم تبذلين الأسباب وتعاجين وانسي الموضوع حاولي ما تفكرين بالحمل ادري صعب بس حاولي

أخيرا تأكدي ان الله ما يظلم احد وهذا كله خير لنا بس إحنا ماندري
وكوني على ثقه ان الله ارحم فيج من نفسج تبين تاكدين شوفي اشكثر امج ترحمج وتحاتيج وتدعي لج وتاكدي ان الله ارحم عليج من امج
ترى انا الله رزقني لما كل البيبان تصكرت بوجهي وما لقيت اللباب الرحمن
توجهي له بقلب صادق ولا تستجلين الاجابه