** تجمع الي مسوين جراحة الفك**

[الحزينه 12]

الحزينه

انتي بلشتي بالتقويم الجراحي ولا لسى ؟اسألي دكتورك كل هالاسئله

لان المقاسات هو اللي بيأخذها لك ويعطيك شكل تقريبي لوجهك

احنا ماشفناكي ولا نقدر نقولك اشلون بيصير شكلك !!!!

انا حالتي قمي اسمايل وعندي تراجع فك سفلي هع وماعندي ذقن خخخخ <<<الحمدلله على كل حال

وجهي حاليا مو طويل يعني اقرب للقصير

خلصت تقويم وحددوا لي موعدالعمليه وهنا المشكله

مااعرف كم بيشيلوا من لثتي ولااعرف كم مقاسها؟؟

وبالنسبه للذقن مره خايفه منه اخاف يطول وجهي لانهم بيكسرون العظمه ويقدمونهاواخاف تصير بارزه ومايعجبني شكلي

 

[innocence]

السلام عليكم بنات

وحشتوووووني كثير واعذروني على قلة دخولي من قبل العملية
كانت نفسيتي زفت وصارت احداث اليمه خخخخخخخ

اولا ابشركم سويت العملية يوم الاربعاء والحمد لله صحتي كويسه
اشكركم من اعماااااق قلبي عالسؤال والدعوات الله يجزاكم خير ويوفقكم ويسهل اموركم جميعا
كنت افرح اذا قريت الردود وانبسط من اخبار البنات بس لللاسف دخولي اغلب شي من الجوال

ان شاء الله راح انزل سيناريو كامل للي مريت فيه بالمدونه خخخخخخ

بس راح اعطيكم موجز عالسريع

اولا سبب قلة دخولي للمنتدى من قبل العملية هي نفسيتي المحبطه خخخخ اهلي قالوا اجليها قبل العملية باسبوع تخيلوا حالتي النفسيه
وغير كذا لما وافقوا وقابلت دكتور التقويم عشان يركب لي السيرجكال هوكس قبل العملية قالي على
خطة العلاج وهي مختلفه عن اللي اعرفه وماكنت مستوعبه ولاناقشته ابدا كان ضايق صدري ورايحة له وعيوني متورمه من الصياح خخخخخخ مالي خلق اناقش امي الله يهديها ماوفقت اروح له الا قبل كم ساعه من موعدي معه

ماالومها والله كانت خايفه علي مره وقلقانه من اني اتشوه او يصير لي شي خطير بس الحمد لله بعد معاناة وافقت طبعا وهي مو مقتنعه عشان كذا كان ضايق صدري
كنت خايفه اسوي العمليه واهلي مو راضين كنت مشحوووونه من هالموضوع

المهم

قبل العملية باربع ايام قابلت الجراح وشرح لي الخطه الجديده كنت مصدومه وخايفه من النتيجه

خطتي قبل هي رفع للفك العلوي بمقدار 8 ملم تقريبا مع ترجيع واحتمال ترجيع السفلي لو المسافه ماكفت
بس طمني بعدها وقال احاول فك واحد

بالمقابله الاخيره شكله ماكان يبيني افكر لما خبرني قبل انها فك واحد فقال ابيك ماتتفاجاين بعد العملية لو سويناها على فكين

وشرح لي شرح مطوووول ويخرررع ليش ممكن يلجا لفكين

الخطه الجديده هي تقليل مسافة الرفع وترجيع الفك العلوي بمقدار 1 سم مع تقديم الفك السفلي يمكن 2 او 3 ملم

طبعا صعقت من هالخطه وخفت من كمية الترجيع الكبيره حسيت اني باصير مثل العجوز مع تقديم السفلي

تقنيا لما شرحها لي فهمت ومقتنعه فيها حسيتها افضل من الخطه القديمه بس كشكل على وجهي عجزت اتخيل كيف بيكون

بس الحمد لله واثقه بالجراح وهو طمني ان النتيجه بتكون لصالحي

بس قال العملية راح تكون على مسارين يافك واحد يافكين وقال باحاول بقدر الامكان تكون فك واحد لان الفك السفلي سليم ومايحتاج الا تقديم بسييط عشان العضة ولا ياثر عالشكل

توكلت على الله وقلت له خلاص انا مستسلمه فك او فكين اهم شي النتيجه وتعبهم واحد خخخخخخ


قبل العملية بيوم التحليل ودكتور التخدير

العملية يوم الاربعاء الساعه 12 الظهر

وجا الدكتور صالح وطمني ان كل شي بيكون سهل و رجع يشرح لي طريقة العملية خخخخخخ بمصطلحات تخرع اكثر ساعتها كنت اقول لنفسي وش يبيني اقول ياخلاص بطلت ولا اخلصوا خدروني :eh_s(16):

يعني تخيلي قبل العملية بدقيقتين تسمعين هالمصطلحات
اصطدام بقاعدة الجمجمه ,, برد للفك ممكن ياثر على جذور الاسنان وماادري ايش كلام يجيب المغص خخخخخخ

قبل مايجي كنت ادعي واستغفر واقول اللهم اني استودعتك نفسي وعرضي وصحة بدني يوم سمعت كلامه قعدت اردد اللهم استودعتك جمجمتي واعصابي واسناني فاحفظهم لي ههههههههههههه

كل الادعية والايات اللي تخطر ببالي جلست ارددها

الين مادخلوني غرفة العمليات

الطاقم الطبي كان راااائع ماشاء الله واحد من طاقم التخدير مصري حبووووب الله يجزاه خير جلس يقرا علي ويقولي على ادعية الين ماتبنجت وماحسيت بالدنيا

تقريبا العملية استمرت 4 ساعات طبعا ماحسيت بطولها مادريت الا اسمعهم يصحوني

كان صعب افتح عيوني بالبدايه كنت اسمع اصوات الاجهزة واسمعهم يقولون تنفسي بعمق بس ماكنت استجيب بسرعه
كان نفس المصري يهزني انوسنس فتحي عيونك انتي خلصتي أومي ياست البنات رددي ورايه بتسمعيني أولي الحمد لله خخخخخخخخخخخخ بس انا مو يمه اسمعه بس كان صعب اتكلم او افتح عيوني
شوي شوي بديت استجيب لهم
واشرت لهم فك او فكين وقالوا فك اللهم لك الحمد والشكر من فضل ربي وتوفيقه
طبعا من اول ماخلصت الدكتور اتصل على اهلي وطمنهم

بعدها ودوني لغرفتي وكان طول الوقت نايمه حسيت باختي وابوي يوم جوا بس اول كم ساعه ماكنت اقدر افتح عيوني طول الوقت نايمه وحاطين لي ماسك اوكسجين وكمادات ثلج

اول يوم اصعب شي الم الحلق كان صعب ابلع عشان انبوب التخدير
وكان فيه دوخه ووهن بالجسم الدكتور قالي من اول يوم لازم تشربين سوايل وتمشين بمساعدة احد
وقال ماتروحين للحمام لحالك عشان لو حصل دوخه لاقدر الله يكون معي احد

طبقت كلامه بالحرف والحمد لله عدى كل شي

اللي اقدر اقوله ان تعب العملية يعتبر انفلونزا حاااد وعدم راحه
بس الالام تعتبر محتمله اغلبها صداع وشوية الم بالفك بس مع المسكنات يخف

اسوأ شي كان التنفس والم الحلق كان خشمي مسدوووود حتى مع السبراي ينفتح شوي ويرجع ينسد
كان ينزف دم ومليان كتل دم الله يكرمكم وغير الكحه كان فيه بلغم فكنت محتاجه لماسك الاكسجين خصوصا وانا نايمه

طبا النوم مافيه نوم خخخخخ مااذكر اني نمت نص ساعه كامله مع المغذي ويمكن عشان البنج كل نص ساعه حمام

كل يوم يمر اسهل من اللي قبله حسيت اني مصصحصه على اليوم الرابع

لسا ماقفل فمي عندي موعد معه اليوم عشان يقفله

طبعا اهم شي السوائل والحركه حتى لو كنتي تعبانه اضغطي على نفسك شوي وتحملي

جلست بالمستشفى الى يوم الجمعه وطلعت
التورم كان باشد مراحلة اليوم الثالث بالليل والرابع والخامس

ماقدر احكم على شكلي نهائي حاليا بس الفرق الوحيد اللي لاحظته هو قصر الوجه
شال لي من الفك اكثر من 7 ملم ورجعه كثير بس مادري كم وسوى لي برضو استطاله

الحين احس بشوية اجهاد والم عالفك السفلي لان فمي مفتوح ماقدر اسكره وقالي خلال الايام هذي ركزي بتغذيتك وحاولي تزيدين وزنك عشان وراك تقفيل يعني رجيم حاد
ماادري كم بيستمر بس من 10 ايام الى 3 اسابيع هذا المتوقع

من امس كل ماشفت المرايه يفز قلبي خخخخخ ماكانه انا شكلي يخرع بس ان شاء الله تخف التورمات بسرعه ويسهل الايام الجايه

طبعا يابنات اذا ركزتوا عالجانب الايجابي من الموضوع كل شي بيتسهل
ماانكر ايام ماكنت بالمستشفى يجيني ضيقة صدر واقول يازين العافيه بس وش الله حادني خخخخخ
بس لو فكرتي ان هالشي كله مؤقت واعتبرتي نفسك تمرين بنزلة برد حاده وحاولتي تتحملين وتضغطين على نفسك بالشرب والحركه خلاص كل شي بيهون

فكري انك طول هالسنين كنتي مقرره تسوينها وتنتظرين هاليوم فاللافضل تنبسطين من نفسك وتكونين فخورها فيها لانك حققتي حلمك بكل اصرار وقوة وتقدرين تتحملين اي شي بدون استسلام

رددي الشي الايجابي ولا تفكرين بالسلبيات هذا اللي كان مسهل علي
وفوق هذا مااستسلم للتعب ولا احسس نفسي اني مريضه كنت ادعي ربي يمدني بالقوة والعزيمه
وكنت حريصه على نفسي اذا حسيت بدوخه او غثيان او اي شي اطلب المساعده
بس اذا حسيت نفسي احسن اقوم واتحرك واجيب اغراضي بنفسي

غير كذا حصني نفسك بالاذكار وشغلي القران اتذكر كان دايم يجيني هواجيس وهذيان بالمستشفى حتى لما رجعت للبيت كنت اتخيل اشوف اشياء قدامي وكوابيس
كلها اشياء طبيعيه لانك تعبانه ومثل اللي يمر عليك وقت ماتجيك حرارة وانفلونزا

وبس هذا اللي اتذكره وقدرت اكتبه واااااااسفه جدا عالاطاله
ماصار موجز خخخخخخخخخخخخ

دعواتكم بتسهيل الايام الجايه :eh_s(7):

وقلبي معكم يابنات
الف الحمد لله عالسلامه لك دموع منسيه وكل اللي سووا العملية ماتشوفون شر ان شاء الله
والله ييسر ويوفق باقي البنات ويكتب لهم اللي فيه الخير :eh_s(17):

 

[Esraa.a]

innocence


وااااااااااااااااااي شرحج عجييييييييييييب ما شاء الله ودقيييق >> ياليت كل البنات يشرحون التفاصيل نفسج



عطيتيني دافع وتشجييع كبييييييير للعمليه فوق ما أنا متشجعه وخالصه



الله يقومج بالسلاااااااااامه ياااااااااارب ,, وان شاء الله تعجبج النتيجه وتتهنين فيها طوووووووول العمر

 

[Esraa.a]

الوحده لماتقترب عمليتها تبدأ تستخف بالاسئله

فمهت ياقلبي انتى
يقدموا الفك ويعملوا الذقن فيصير شكل الوجه من الجنب جاي سيده مش مايل

والله يااسراء لو تشوفيني وانا اضحك انك بتحطي رجلك ههههههههههههه
صار شكلي يخرع واللثه حيييل واضحه

مااا ألومج والله عالأسئله .. من حقج


يلاااااااا ميخاااااالف تحملي شكلج شوووي .. هي فتره وتعدي وبعدها بتطلعين قمر ان شاء الله


وخففي طلعات علشان ما تسمعين كلام جارح

 

[Esraa.a]

اسراء الله يجزاك الف خير تعبتك معااي

بس انتي قلتي نزول الذقن يعطي طول للوجه ,, الرفع يعطي قصر

هذا قصدك بعد العمليه لمايقصونه والا قصدك نزول الذقن بعد العمليه؟؟؟؟؟؟؟؟

تعبج راااااااحه يا عمري



لاااا اللي أقصده إنه بعد العمليه يرتفع الذقن بعد ما يقصونه وبالتالي يقصر الوجه ويتحدد

 

[Esraa.a]

عندي سؤال

يعني الحين من الجنب يصير سيده طيب من الامام كيف يصير الذقن ؟؟

انااخاف تصيرالعظمه اللي يحطونها للذقن بعدمايقصونها بارززه وكذا مو حلو الشكل مرررررره

قولي حق الدكتور يرسملج عالأقل رسم كروكي تشوفين عظم وجهج كيف راح يصير



علشان تتطمنين أكثر دخلي على قوقل وكتبي Chin augmentation before and after pictures وشوفي صور الحالات قبل وبعد >> طبعا كلها مواقع اجنبيه
شوفي الأقرب إلى حالتج


والأغلب مسوين تكبير الذقن بالسيلكون ,, بس انتي ما عليج سيليكون ولا كسر العظم ,, أهم شي
شوفي الشكل قبل وبعد >> وصدقيني راح تعجبج النتيجه النهائيه :eh_s(15):


عملية الذقن معروووفه إنها تغير للأفضل .. لاااا توسوسين

 

[الحزينه 12]

الف الف الحمد لله ع السلامه انوووووووووووووسه

وعقبال ماتفرحين بالنتيجه ويخف التورم والانتفااخ

بس وش اخبار الانف؟؟؟؟؟؟؟؟؟

ولمارفعوا لك الفك العلوي ماظهر عندك فتحه العضه ؟؟؟؟؟؟؟

 

[الحزينه 12]

اسراااااااااء الله يعافيك جاوبي على اسئلتي ....... عمليتي باقي لها اسبوع وانا حدي خايفه وافكر اكنسلها

1-كيف اعرف مقاس اللثه ؟؟؟؟؟

لان انا لمااضحك اللثه عندي مو بارزه حيل ... احس ان مقاسها بس 4 ملم

يعني لو شالوها مايبين الاختلاف كثير صح ؟؟؟؟؟ومااحس الوجه بيقصر عشان 4ملم

وهل يتأثر الانف او الخشم بمقاس اللثه والا مالها دخل <<<<مدري وش يبي هالسؤال

 

[Esraa.a]

اسراااااااااء الله يعافيك جاوبي على اسئلتي ....... عمليتي باقي لها اسبوع وانا حدي خايفه وافكر اكنسلها

1-كيف اعرف مقاس اللثه ؟؟؟؟؟

لان انا لمااضحك اللثه عندي مو بارزه حيل ... احس ان مقاسها بس 4 ملم

يعني لو شالوها مايبين الاختلاف كثير صح ؟؟؟؟؟ومااحس الوجه بيقصر عشان 4ملم

وهل يتأثر الانف او الخشم بمقاس اللثه والا مالها دخل <<<<مدري وش يبي هالسؤال

هلا حبيبتي

مو ضروري تعرفين كم ميللي .. ما راح يفيدج بشي >> سواء عرفتي أو ما ما عرفتي واحد

الدكتور هو اللي يحدد كم ميللي تحتاجين بعد ما ياخذ المقاسات


دام إنه 4 ميللي مثل ما تقولين .. الوجه ما راح يقصر كثيير .. راح يقصر بشكل غير ملحوظ

بس الأهم من قصر الوجه >> الابتسامه تتغير للأفضل .. تعيدين الثقه بنفسج وبابتسامتج


بناااااااااات لااااااااا تخوووضون بالتفاصيل علشان ما تتعبون نفسيا .. مثل ما يقولون عطوا الخبز لخبازه
خلج واثقه من دكتورج و وكلي أمرج لله


بالنسبه لسؤالج هل يتأثر الخشم بمقاس اللثه

يقولون إنه كل ما زاد الرفع أو زاد قص اللثه .. الخشم يفرش أكثر >> علاقه طرديه


بس من وجهة نظري ماله شغل >> هو بمجرد ما ينقص العظم اللي يسند عليه الخشم فيه احتماليه إنه شكل الخشم يتغير .. مو كله فقط الجزء السفلي من الخشم ( الخنافر)

بس ترى التغيير بشكل عام يعتبر بسييط و راح يكون مناسب لمقاسات الوجه الجديده


يكون ملحوظ أو ( مفروش) أول أشهر من العمليه بس يبدا يرجع لوضعيته الطبيعيه من 6 أشهر - سنه

 

[لآ بيرلآ]

انووووووووووووووووووووووووووووسة الحمدلله ع السلاااامة
مبروووك و اخيرا ...
شرحج حداااا عجيب .. ان شاء الله نتطمن عليج قريبا

و بنات كلكم شلونكم شخباركم ؟ انا احاتي شيلة ضروس العقل

 

[innocence]

innocence


وااااااااااااااااااي شرحج عجييييييييييييب ما شاء الله ودقيييق >> ياليت كل البنات يشرحون التفاصيل نفسج



عطيتيني دافع وتشجييع كبييييييير للعمليه فوق ما أنا متشجعه وخالصه



الله يقومج بالسلاااااااااامه ياااااااااارب ,, وان شاء الله تعجبج النتيجه وتتهنين فيها طوووووووول العمر

ياحياتي انتي تسلمين والله وعقبالك على خير يارب
وتطمني وتشجعي اكثر مافي شي يخوف

الف الف الحمد لله ع السلامه انوووووووووووووسه

وعقبال ماتفرحين بالنتيجه ويخف التورم والانتفااخ

بس وش اخبار الانف؟؟؟؟؟؟؟؟؟

ولمارفعوا لك الفك العلوي ماظهر عندك فتحه العضه ؟؟؟؟؟؟؟

الله يسلمك ياقلبي

بالنسبة للانف ماقدر احكم عليه كل يوم له شكل
اول 3 ايام كان الانتفاخ بجوانب الانف و نفس الانف منتفخ من برا ومن جوا فما في شي اسمه خشم هههههههههههه
فصايره الفتحات صغيره ومجرى الهوا ضيق وفتحه اوسع من فتحه ,, الفتحه اللي مدخلين فيها انبوب التنفس هي اللي اوسع
وصاير راقي لفوق كانه زحليقه من جمب خخخخخخ عشان منطقة الشنب والشفة العلوية مورمه
اليوم الرابع والخامس خفت منطقة جوانب الانف شوي وصار فيه ملامح خشم :d بس لازال مورم
ولاادري وش بيكون
بعدين انا طبيعة خشمي من قبل مو مرسوم ونحيف نوعيته تشبه خشم مريام فارس

بالنسبه بعد رفع الفك اول الايام ماكنت اقدر اسكر فمي لازم اقدم الفك السفلي عشان يتسكر
حاط لي سبلنت اللي هي جبيرة بلاستيكيه على الاسنان العلوية
فتضرب عالاسنان الخلفيه من ورا وصار عندي اجهاد بالفك السفلي لانه طول الوقت مفتوح

اليوم رحت وقفل فمي بتقديم فكي السفلي عليه ضغط رهيب بس قال معليش تحملي العضلات الحين جالسه تقاوم
هم قايلين لي من اول العضه من الامام بتتطابق بس الاضراس الخلفيه لا ماراح تتطابق
بيكون عندي عضة مفتوحه ورا وبتتعدل مع البريسز
لان انا طريقة الرفع مختلفه ومشكلتي مو بس قمي سمايل نزول الفك الشديد مسبب عضة عميقة
اسناني العلوية مغطية كل الاسنان السفليه ماكان يبين منها شي
فالرفع مضبط العضه الاماميه واثر عالخلفيه بس خطة العلاج مطلوب تكون كذا وبتتعدل مع البريسز

:ggdw:انوسه بيننا يامرحبا يامرحبا
حمدلله ع السلامه:eh_s(17):
الف مبرووووووووووك على انجازك شجاعه ماشاء الله
الله يفرح قلبك بالنتيجه اللي ترضيك

تسلمين و الله يبارك بعمرك قريت اخبار حلوة عنك وفرحت بقرب تركيبك للتقويم
الله يتمم لك على خير وان شاء الله تبشرينا باخبار احلى واحلى

انووووووووووووووووووووووووووووسة الحمدلله ع السلاااامة
مبروووك و اخيرا ...
شرحج حداااا عجيب .. ان شاء الله نتطمن عليج قريبا

و بنات كلكم شلونكم شخباركم ؟ انا احاتي شيلة ضروس العقل

الله يسلمك ويبارك بعمرك حبيبتي

اليوم كان شوي متعب
زكام ورجع خشمي ينسد وقفل لي فمي بمطاطات اليوم ماقدر افتحه ابددا وفيه الم بس ان شاء الله تعدي هالمرحله على خير
خوفي من الشرقة شرقت قبل شوي شرقه اليمه صعب اكح

عاد هو راحمني قال انتي نحيفه خخخخخخخ وراك رجيم حاد اتمنى انك ماتطولين على حسب قوة عظمك ,, بس لازم تربيط عشان تلتأم العضلات بمكانها الجديد
وعطاني ابره احط فيها السوائل معها انبوب امرره بين الاسنان حتى اوصل لاسنان العقل واضغط بشويش بس يبيلي اتعود عليه شغلته شغله


دعواتكم ربي يسهل هالمرحله ومااطول

 

[غلاااه]

انوسه حبيبتي

حمد لله على سلامتك .. وان شاء الله تكونين راضيه 100% بعد هالتعب

ومهما عانيتي تذكري انها فتره وبتعدي ان شاء الله .

بغيت اسالك .. ليش يربطون الفكين وانتي ماسويتي إلا فك واحد :eh_s(10):؟؟




دموع منسيه

كيفك يالغلا ؟

طمنينا عنك لا تختفين ؟


​

 

[innocence]

هلا غلاه

الله يسلمك يارب
انا قلت له ماودي بالتقفيل بس قال لي لازم وشي ضروري بحالتي عشان تتوازن العضه والعضلات تلتام عالمكان الجديد
بس فعلا ترى قبل التقفيل ماكنت اعض ولا تلتقي اسناني ببعض ابدا الا لما اقدم الفك السفلي
حتى وهو يحط المطاطات اليوم حطها لي على دفعتين حط مجموعه وبعد 10 دقايق حط مجموعه ثانيه
قال معليش تحملي العضلات تبدا تقاوم الحين
فسبحان الله الحين احس بشد لاارادي من تحت واذني حتى توجعني

 

[الحزينه 12]

يصير الدكتور يعمل الذقن بعظمه الفك بدون مايكسره من الخلف؟؟؟؟؟؟؟؟؟

واللي الفتحه بين الفك العلوي والسغلي مو كبيره يعني طبيعيه بعد التقويم كيف بيقدم الدكتور لها الفك السفلي؟

واللثه لمايقصونها هل الدكتور يرفع الفك العلوي والا يرجعه للخلف والا كلها الاثنين؟

 

[الحزينه 12]

بنات من الدكتور اللي المفروض نعتمد على كلامه بالجراحه والشكل تبع الوجه

دكتور التقويم

والا

دكتور الجراحه

؟؟؟؟؟؟؟؟؟؟؟؟؟؟

 

[Esraa.a]

يصير الدكتور يعمل الذقن بعظمه الفك بدون مايكسره من الخلف؟؟؟؟؟؟؟؟؟

واللي الفتحه بين الفك العلوي والسغلي مو كبيره يعني طبيعيه بعد التقويم كيف بيقدم الدكتور لها الفك السفلي؟

واللثه لمايقصونها هل الدكتور يرفع الفك العلوي والا يرجعه للخلف والا كلها الاثنين؟

على فكره ترى انتي وااااااايد متشائمه >> ومن النك نيم مالج أكدتيلي إنج متشائمه

ترى التشاؤم ما يجيب إلا عوااااااار الراس والشقا

الرسول صلى الله عليه وسلم قال تفاءلوا بالخير تجدوه >> نصييييييييحه تفاءلي والله يفرجها ان شاء الله


إذا المسافة بين الفك العلوي والسفلي صغيره >> يعني انتي عندج تراجع كبير بالذقن مو بس بالفك السفلي

بالنسبه لسؤالج الأول >> ايييي يصير ,, والفك غير والذقن غير


ممكن سؤال: إذا انتي شايفه إنه فكج مافيه عيب وخااااااايفه لهالدرجه ,, ليش رايحه لدكتور جراحة وجه وفكين برجلج ؟؟؟

إذا حاااسه إنه مشكلة فكج بسيييييييطه وقادره تتاقلمين معاها باقي حياتج >> خلاااص مو ضروري جراحه فك
سوووي بسسسسسسس عملية الذقن >> العمليه سهله جدا ومدتها ساعه وحده بغرفة العمليات
علشان تعيدين التوازن بوجهج وتخففين من المشكله نوعا ما >> بس طبعا بهالحاله ضحكتج ماراح تتغير


أنا مو عارفه مشكلتج شنو بالضبط .. بس أكيييييييد الدكتور حاطلج خطة علاج مناسبه لحالتج

مو احنا نحكم على كيفنا نبي فك واحد ولا فكين >> الدكتور هو اللي يحدد بعد ما ياخذ القياسات والأشعه


الحالات تختلف ... مو ضروري إذا وحده نفس مشكلتج سوالها الدكتور فك واحد يعني انتي بعد فك واحد .. ممكن تحتاجين فكين >> المقاسات بالميللي تفرق مع الدكتور


بالنسبه للقمي سمايل >> تعتمد عالحاله
في حالات بس يرفعونه بعد ما يقصونه .. وفي حالات يرفعونه ويرجعونه



بطلي تشاؤم وتفائلي >> وان شاء الله إذا سويتيها تعجبج النتيجه :eh_s(7)::eh_s(7):

 

[Esraa.a]

بنات من الدكتور اللي المفروض نعتمد على كلامه بالجراحه والشكل تبع الوجه

دكتور التقويم

والا

دكتور الجراحه

؟؟؟؟؟؟؟؟؟؟؟؟؟؟

الأثنين >> واحد يكمل الثاني

أنا قبل أسبوعين رحت للجراح قلتله شنو تبي تسويلي بالضبط >> قالي ما أقدر أقولج ولاااا شي لاااااااازم أقعد مع دكتور التقويم بالأول

طبعا أنا كنت أبي التفاصيل علشان جذي ما قدر يجاوبني



بس بشكل عام الجراح هو اللي تتناقشين معاه عالشكل

 

[الحزينه 12]

مشكوره وربي ماقصرتي يااسراااء

الحين صح عليك اناعندي تراجع شديد بالفك السفلي وماعندي ذقن اساسا وعندي قمي اسمايل

طيب دام الفتحه صغيره بين الفكين ؟؟كيف الدكتور بيقدم الفك السفلي ويقصه عشان يعدله هو والذقن من جد مو فاهمه هالنقطه؟

 

[Esraa.a]

مشكوره وربي ماقصرتي يااسراااء

الحين صح عليك اناعندي تراجع شديد بالفك السفلي وماعندي ذقن اساسا وعندي قمي اسمايل

طيب دام الفتحه صغيره بين الفكين ؟؟كيف الدكتور بيقدم الفك السفلي ويقصه عشان يعدله هو والذقن من جد مو فاهمه هالنقطه؟

دام إنج مو فاهمه بالشرح ,, راح أفهمج بالفيديو


http://www.youtube.com/watch?v=dK14u2Elkow&feature=related

http://www.youtube.com/watch?v=ZF1K5crdhIQ&feature=related


يقصون الفك العلوي من فوق ويشيلون القمي سمايل ويردون يثبونه مع الترجيع أو التقديم في بعض الحالات

الفك السفلي يقدمونه أو يرجعونه حسب تطابقه مع الفك العلوي >> حتى نسبة التراجع قليله .. لاااااازم يحركونه في بعض الحالات علشان يطابقون العضه

والذقن يكسرون طرفه ويقدمونه



علشااااااااااااان تتطمنين أكثر .. شوفي هذي صور لحالات جراحة فك مع ذقن

هذا بس مسوي ذقن

وهذي بعد بس ذقن

تأكدتي الحين إنه عملية الذقن ما تطول الوجه ؟؟؟؟؟؟؟؟؟؟؟؟

 

[دلوعة شيخها]

انوووووووووووووووسه
الحمدلله على سلامتك
والله يخفف عنك الامك ياااارب
كلها ايام وتعدي
تدرين عاد انا احس اني نمت
كثييير ماحسيت بفرق في النوم
من المسكنات والمغذيات
بس تختلف الحالات عن بعض
دموووووع
الحمدلله على السلامه
واخيرا واخيرا واخيرا سويتها
نفسي اعرف وش شعورك الحين
عىد لاتختفين ادخلي وطمنينا
عني انا
دكتور التقويم قالي
أنه بس بيقفل الفراغات
وامس كان موعدي معاه
قالي ماشاء الله بس باقي
ملي واحد وقال يمكن يشيل التقويم بالعيد
وشسمه بعد جاء دكتور الجراحه وانا عنده
بعد حتى هو قال ماشاء الله على انه مابقى الا ملي واحد
بين الفكين وطمني على الانتفاخ الي بالشفه وقالي
فتره وتروح وانا مابين اني فرحانه وخايفه
يعني بس شغل التقويم بعد العمليه تسكير
المسافات فيديني يا اسراء تكفين
وأقوووول للبنااات لاتتردون ولا واحد بالميه
سووا العمليه وحطوا يدينكم بماء بااارد
بعد الاستخاره طبعا وقولي فوضت
امري الى الله والله بصير بالعباااد
والله العظيم اني كل ما احس بشد
بفمي اقول يارب لك الحمد والشكر
اني سويتها الحمدلله​