بنات رفيجتي زوجها قالها بتزوج عليج أشكرررررررره

[زيتونا كويتيا]

شلونكم بنات

بصراحه اتصلت عليي رفيجتي تبجي بجي

اقولها شفييج تكلمي وبجيت معاها وماني عارفه شسالفه ولا تقولي الخاين الوقح بعد عشرة 3 سنين وبعد مافرحت قلبه بولد يشيل اسمه يبي يتزوج عليي قتلها فهميني اصاير شنو

تقولي قاعده ولا يدخل عليها ريلها وقولها فلانه انا ريال اخاف ربي وماحب أخربط وسوي شي حرام انتي زوجتي وام عيالي وماقدر استغنى عنج ومابي اسوي شي حرام والله سمح لرجل يتزوج 4 حريم

وانتي مو مقصره معاي ولا شي بس بتزوج وحده ثانيه وتوها كانت تبي تتكلم ولا يقولها نطري

لاتسويلي حنه ورنه وتعورين راسي وتقوليلي كلام الحريم إلي يصدع الراس انا ريال امشي على شرع ربي ولو انتي مدلعتني ومخليتني يا دهيلة لاتنكتين هم بتزوج علييج انا ماسويت شي غلط

وشوفي يا بنت الناس بتصدعين راسي وتبين الطلاق بطلقج لاتحنين فوق راسي انتي زوجتي وابيج

بس اذا بتقوليلي اذا تزوجت عليي طلقني راح اطلقج وانا اضحك لانه مو انتي تهدديني

ولاتكلمين فلانه وعلانه ووزونج عليي وفرون راسج وقولولج اي تطلقي خليه يولي

ترا اذا تطلقت اهما بيرقصون ولا راح يضرهم شي بس يلعبون براسج وفرون راسج واخرتها انتي الخسرانه

فبلعي العافيه وتقبلي بالواقع

و قالها في شي بتقولينه غير الكلام المعهود إلي كل بنيه تبي تقوله

تقول سكتت وتبجي

ولا يبوس راسها وقولها فكري ومشى

وداقه تبي وتقولي ماتدري شتسوي

شرايكم بنات ؟؟؟؟؟؟


​

 

[مولاي الفرج]

اتوقع قالها اذا حنيتي اطلقج بس جذي يخوفها احسه شاريها بس اهو مزواج

المشكله ماتقدرين تقولين له انت غلط اللي بيسويه بالحلال

الله يعنيها شي صعب بس خل تحاول تتحمل تتطلق منه وين تروح اهي وولدها مو من صالحها

 

[Tom ♥ Jerry]

,،


آنزين ليش شنو السبب ؟
جي من غير سبب ؟
مو معقوله خل تقوله ليش ؟
و تفهم السبب

 

[كتكات احمر]

خل تفهم السبب
ويمكن اهو في اشياء مو عاجبته فيها
عناد
تتنح
تهدده باهلها
ماتعطيه جنس
مو مهتمة بنفسها
ماتعطيه حب وكلام حلو
تجبره على اشيا مايبيها
اسلوبها خايس ودفشة
قايدة الحياة عنه
ماتاخذ رايه بالامور الي بتسويها
ماتستئذنه لما تطلع
تحتقره جدام عياله
تحس نفسها جدام اهله احسن منه
ماتحترمه
ماتخلي عيالها يحترمونه

كل هذا يؤدي الى الزواج الثاني بغض النظر عن اخطاء الزوج لان فهاللحظة هو مايشوف عيوبه

 

[نشيج الروح]

الصراحة أشوف ريلها في جوانب إيجابية وسلبية ....
المهم خلينا بشنو تقوله غير الكلام المعهود .....
خل تقوله أنا توني سمعتك لي الآخر ومن حقي أنك تسمعني لي الآخر .... أنت قلت كلام الريايل ودوري أقول الي عندي سواء كلام حريم أو غيره ....... أنت تبي تتزوج صح ..... أنا راضية بس بشرط ..... أول شي شنو هدفك من الزواج الثاني ...... ثاني شي هل أنت مستعد للزواج الثاني من الناحية المادية ؟؟؟؟؟؟ ثالث شي هل قريت عن مفهوم العدل .... رابع شي أنت إنسان عادل وتعد نفسك من العادلين لأن أي خطأ ترتكبه بالعدل فهذا أنت محاسب عليه شرعا وأنا ما راح أسامحك عليه طول عمري وحياتي سواء بسيط أو قوي ..... خامس شي هل استشرت أحد بالزواج الثاني وتجارب ناس ماخذين زوجتين يعني ناس ثقة ولا بس تبي تجرب وتستمتع ؟؟؟؟؟
إذا جاوبتي على هذه الأسئلة بأجوبة مقنعة روح تزوج وإن كانت أجوبتك غير صالحة فأنت مو كفو زوجة ثانية تظلمها ....
وخل تقوله فكر وعطني جواب وتبوسه على راسه وتمشي ......

 

[يارب نور حياتي]

حبيبات قلبي اقرو ا موضوعي جذيه زوجي بالبدايه والحين تطور وقول اخطبي لي اللهم لاتجعل زوجي اكبر همي ياااارب

 

[ScarletteO'Hara]

حبيبتي صعب ان احنا نعطيها حل لهذا الموضوع
اذا ريلها جاد بالموضوع تشوف نفسها هل تقدر تعيش كزوجة اولى على راسها مرة؟
انا عن نفسي ما اقدر
اهي يمكن تختلف عني
انزين مو معقولة بيتزوج مني و الطريج اكيد فيه شي
انا اقول خليها ترج تكلمه من غير انفعال عشان تعرف بالضبط اهو شنو يفكر فيه
قرار الطلاق لا تتخذه بسرعة لازم تفكر مرة و مرتين و عشر قبل الاقبال على هذي الخطوة لان شكل ريلها بياع عادي يطلقها اذا اهي ما تبيه
و الله يكون بعونها

 

[الأميرة جوري]

شنو السبب؟؟ يمكن بس تخويف اللي بيتزوج مايقول

 

[lamoshty]

آآممم
قولي لهآآ تصبر مالها غير كذآ تكسببه حتى لو تزوج عليها بكيد نسآء مو عبط ..


الله يعينهااا ..

 

[RowTow]

حبيبتي شوفي

اهي الله يعينها على ما ابتلاها بس مو شرط إنها غلطانه بشي, الرجال شكله شاريها بس يبي يتزوج.
و اهو كيفه شي مشروع حقه.
اهو شي يقهر و يعور القلب إي نعم بس لا تطلب الطلاق من أولها.
الرجال ما راح زنى, الرجال يبي يتزوج على سنة الله و رسوله.
و إهي إذا رضت بشرع الله و صبرت عليه الله راح يوفقها دنيا و آخره.

و لا تصدق كلام الحريم اللي ما عندهم سالفه اللي بيقولون لها تطلقي و اهم أزواجهم ما يبقى محرم ما ارتكبوه و راضين و ساكتين بشرع إبليس بس ما يرضون بشرع الله.

خليها تفرش سجادتها و تدعي رب العالمين إنه يرضيها بقضاءه مهما كان صعب و شاق عليها.

و الله يعينها يا رب و يصبر قلبها.
​

 

[toota2011]

خلي يولي عمى بعينه صج نحيس والله اقول طلقني مالت عليك وعلى العيشة معاك اللي صارله 3سنوات جذي باجر بعد 10سنوات شنو بيسوي والله اطلق واتزوج غيره ولا اني اعيش مع انسان حتى الكلام نعاه مستكثره علي ومايبي يناقشني بموضوع راح يذبحني والله اللي مايقدرني ويحترمني والله ماله مكان بحياتي ​

 

[عريب المستقبل]

آآممم
قولي لهآآ تصبر مالها غير كذآ تكسببه حتى لو تزوج عليها بكيد نسآء مو عبط ..


الله يعينهااا ..

الصبر والصمت والدعاء الى الله.........ان يهون عليج.......:yaaaaaarb:

 

[Johnson]

البنات على طول حطو العيب بالمره !!!

ترا هالنوع من الرياييل يحبون الزواااااااج ومزواج يعني لو المره ملكة جمال وسنعه ومو مخليه عليه قاصر بيتزوح يعني يتزوج اهما جذي ..
بالنسبه لشنو تسوي هذا قرارها يعني ماكو حل واحدمن الاثنين يا تتطلق يا تقعد على الشريجه حسب اذا اهيا تتقبل وحده ثانيه تشاركها بريلها ولا لا ..
انا من وحهة نظري وان شاء الله ما اعيش هالموقف ابدا لانه يعور القلب مستحيل اقعد مع انسان باعني وخاني

 

[fdeet_shosho]

الله يعينها يارب
وصج انا مايقهرنى الا اللى يقولون فيها عيب ونقص يسلام ؟!!! يعنى الحين اهوا اللى كامل ومكمل والله مساكين الحريم تلاقين الرجال مايصرف ولا اسلوب سنع ويخون وراعى خرابيط وسهرات وسفرات وهى اللى شايله البيت وشابله العيال وكل شي مسويته ووتصرف على البيت ولا زعل زوجها ولا بغى يتزوج قالوا العيب فيج وانتى فيج نقص ؟؟؟ لمتى هالنظرة للمراه انها دايم مقصره
اولا طريقته بالكلام زوجها معناته حافظ الحجي ودارس الموضوع وجاي يسمع لها الكلام اللى حفظه
اولا : اذا اهيا تبيه وتبي بيتها وولدها راح ترضى بعد شتسوى بس ها يصرف عليها ويراضيها وتفهمه انه لازم يعدل بينهم وانها ماراح تسامحه اذا ظلم بينهم لو شنو يجيب لبيته ومرته يجيبلها وتذكره بعقاب اللى مايعدل بين الحريم يمكن يخاف واذا كانت من النوع اللى مضحيه بحياتها واهلها ورفيجاتها عشان خاطره ومجابلته تعيش حياتها وتاخذ صلاحيات اكثر من قبل وماتسكت ابدن عن حقها ولا يكسر خاطرها ماعندي وماعندي لا عنده اللى يقدر يتزوج ثانية يقدر يوفرلها كل طلباتها وتحمله مسئولية البيت والعيال وكل شي وماتحط ولا تسوى شي بالبيت وماتدفع فلس واحد فى البيت هو ملزم فيها وفى بيتها وبعيالها
ثانيا : اذا اهيا ماتبيه وكارهته وماتقدر تتحمل مرة ثانية بعد شنسوى امر الله خل تستخير وتشوف ربي شكاتبلها
والله يكون بعونها يارب
والرجال لو تشبين اصابعج كلهم عشانه هم ماراح يعجبه وبيلتفت برا فلا تحطون اللوم على الحريم بسكم

 

[كلاسيكال]

عسى ربي يصبرهآ على بلوآهآ ، وعسى ربي يهديه وشلون يعني بس عشان يبي ولد يروح يتزوج!!!

وشلون ام عياله يعني عندهآ بنات بس !!!

اذا عالولد تقوله الله الرازق ويعني لو بيتزوج وحده ثانية اهي اللي راح تييبله الولد !!

ختكلمة ويروحون يسوون اللي يقولون عنها الطريقة اللي ايبون فيها ولد بعد مشيئة الله / وعسى ربي يهديهم

 

[عاشقة هواك]

خلي يولي عمى بعينه صج نحيس والله اقول طلقني مالت عليك وعلى العيشة معاك اللي صارله 3سنوات جذي باجر بعد 10سنوات شنو بيسوي والله اطلق واتزوج غيره ولا اني اعيش مع انسان حتى الكلام نعاه مستكثره علي ومايبي يناقشني بموضوع راح يذبحني والله اللي مايقدرني ويحترمني والله ماله مكان بحياتي ​

انا وياها :rerrerek::rerrerek::rerrerek:

وصح كلام الاخت fdeet_shosho

بسكم كله تطلعون العيب بالمره

معني مو متزوجة بس انا اشوف الي حواليني رفيجتي انقهرت حيل عليها

جميله ما شاء الله وعيونها خضر وبنت سنعه جمال وشهادة واخر شي تزوجت

واحد ما يترس عينه الا التراب واحد نجس ما يعرف دينه ولا يصلي وكله سكران

الله يعوضها ان شاء الله :eh_s(2)::eh_s(2)::eh_s(2):

وتري على فكرة هالاسلوب الي كلمها فيه معناته ما يحترمها ولا يقدر

العشرة 3 سنين معاها

 

[swanyway]

تستخير تجلس او تطلق + تسوي مثل رد نسيج الروح

اذا جاء يرد عليها وقال ايه بكمل تحط شروطها :
1- شئ حارمج منه مثل وظيفه ولا دراسة ولا غيرها تخليه يوافق عليه
2- انه يعدل ماديا ومعنويا بكل شئ لها ولليهال ( سيارة للجديدة سيارة لها اثاث للجديدة اثاث لها مدارس خاصه للجديدة مدارس خاصه لها )
3- ماتشوف ولا تجتمع بالضرة وتكلمها بأي مكان واي مناسبة ولا عيالها
4- مايتكلم عن ضرتها وعن عيالها ولا يجيب طاريهم عندها ابد ابد ابد ويحرص على ضرتها من بداية وشروط وعقد الزواج انها مالها علاقه فيها ولا تتكلم فيها لا من بعيد ولا من قريب
5- الضرة مالها علاقه في بيتها ابد يعني ماتاخذ لا الخدامة ولا السايق ولا سيارة ولا حتى قدر من بيتها

واذا لها شروط تحط وتشرط وتخليها قوية بس بأدب وخليها تبين انها للحين شاريته بس منجرحة منه

 

[نونو العصله]

زين ليش يقول احسن من الحرام
شلفرق يعني اثنينهم خيانه
زواج ولا غيره
اللي يبيه يطلبه من مرته
مدري شقول انتي ادرا فيه
عايشه معاه وعارفته
ما اقول الا الله يصبر قلبج و يهون عليج

 

[نونو العصله]

الطلاق صعب وايد مو هين وهم تكونين معاه هم صعب
انتي الخسرانه بلحالتين
حاولي تعتمدين على نفسج و خليه ع الهامش مجرد اسم ريال جدام الناس
اشتغلي و سوقي سياره و اطلعي و ونسي روحج و اكشخي عشان نفسج مو عشانه هو
ادري صعب

بس لازم تتعايشين مع الوضع
وانشاء الله يكون مجرد كلام وما يسويها

 

[قـہۈه فـرنسيـہ™]

الله يعينها .... ويفرج همها يارب ....

خل تصبر وتدعي ربهااا ....

لأن لا احنا بنعطيها حل ولا أحد ثاني . . .

الرجااال براسه هالشغله ....وبالعكس أنا أقول تصرفه عين العقل ...جا وكلمها لأن الشششرع يقوول ان الزوجه لازم تدري يبلغها ماراح من وراااها والرجال خايف من الحرام ....


مالها الا تطرق باب اأكرم الأكرمين ....