مشكلتي مع الجواتي و انتوا بكرامه gr4uu:

[أصيلة85]

بناات ابي مساعدتكم (مشكلتي مع الجوااتي و انتوا بكرامه)gr4uu:
بنات مشكلتي انا و ريلي نحب نشري جواتي (وانتوا بكرامه) ما ادري شهالهوايه !!
المهم انرس بيتي جواتي عندي كبتيين مترسين و الباجي صافتهم بره الغرفه بس شكلهم مو حلوا كلش
وانا قاعده عند حمولتي غرفتين و صاله .. يعني ماعندي مكان !! حدا شكلهم امظايقني ما ادري شسوي هذا و انا امصفيه الي ما ابيه منهم !! بلييز الي عندها حل تقوولييي
و انا بنتظاركم:bye22:

 

[أصيلة85]

اشدعوه 11 الي دخلوا ولا احد رد علي .. كلش ما هقيتهه منكم !!

 

[سنـــــا]

والله حبيبتي انا ما عندي حل لكن انا مثلج جواتي اشكثر ولازم احطهم بكراتينهم ....بس الحمدلله عندي مكان
ماحبيت ادش وما احط رد ....حاولي تفصلين كبت لهم ...واللي ما تلبسينهم على طول او مره بالسنه حطيهم فوق الكبت اذا ما يبينون او يعني مخزن اذا عندج

 

[nero]

نفس المشكله عندي

تدرين شسوي .. الي استخدمهم وايد احطهم داخل الكبت

والي ما استخدمهم حاطتهم بقواطيهم داخل كبت الملابس من تحت .. يعني مكان تقدرين توصلين له بسهوله لو تبين تلبسين شي من زمان مو لابسته .. والي اشووف يدور عليهم سنه ما البسهم .. سيدة بالزباله ليش اضيق على عمري

نصيحه الجواتي لا تخلينهم مقعدين بدون شي .. اولن شكلهم مو حلوو .. ثانين يتوصخون

 

[أصيلة85]

مشكوريين حبايبي على الردووود و ماقصرتوا خواتي

 

[shadona]

حقكم كاكم الحل عند ايكيااااااااااااااااااااااااااااااااااااا

في كبت جواتي حدا ضعييف و ما ياخز مكاااان

 

[كليرز]

ممكن انا اضيف شغلة
انه جواتي الشتا من بوتاتات والثقيلة حطيها بكرتونه كبيرة وسكريها عدل وحطيها بمكان او فوق السطح وخلي الباقي على الكبت الموجود عندك.. انا اسوي الطريقة هذي من زمان لان شقتي اللي عند حمولتي مو كبيرة

وبس
باي

 

[أصيلة85]

اشكركم على مشاركاتكم

 

[supermarket]

نفس المشكله عندي

تدرين شسوي .. الي استخدمهم وايد احطهم داخل الكبت

والي ما استخدمهم حاطتهم بقواطيهم داخل كبت الملابس من تحت .. يعني مكان تقدرين توصلين له بسهوله لو تبين تلبسين شي من زمان مو لابسته .. والي اشووف يدور عليهم سنه ما البسهم .. سيدة بالزباله ليش اضيق على عمري

نصيحه الجواتي لا تخلينهم مقعدين بدون شي .. اولن شكلهم مو حلوو .. ثانين يتوصخون

نفس طريقة نيرو بالضبط



بس اللي مدة ما استعمله اعطيهم امي توزعهم للفقارة:weight_lift:

 

[@ الرسامة @]

نفس مشكلتي

 

[g6awi]

في كبتات متخصصه حق الجواتي

انا نفسج بعد غرامي الجواتي وانتو بكرامه والجنااااااااااااااط

بروح اشتريلي من ايكيا اذا ماني غلطانه كبت مسطح تقريبا ياخذ 20 سانتي واهوا لاصق على الطوفه

يعني ماراح ياخذ مساحه كبيره

وانشاء الله اكون فدتج واي استفسار على الخاص

 

[أصيلة85]

مشكوره g6awi شكلنا مالنا الا اكيا

 

[ام بدر 123]

انا عن نفسى احب الجواتى مثلكم وكلما اترس كبت اشترى واحد ثانى وكلهم من اكيا :dddds:

 

[شوشوة1]

عندى لكم حل روووووووووووووووعه
شفو يا بنات روحي لاند مارك تلقين كبت كبير وطويل من برة مرايه كبيرة مايبين أنه كبت جواتي إلى لما تفتحينه قيمته تقريبا مع التوصيل 105 او 115 موذاكرة بس صدقيني راح ترتاحين وتدعون لى
وبالتوفيق؟

 

[أغلى حبيبه]

انا عندي من يدش الشتا كل الجواتي الشتويه احهم بكرتون وحاطتهم فوق السطح

وجواتي المناسبات كبت بروهم

والعملي حاطتلي ارفف بالمخزن وصافتهم

وغير التصفيه بكل موسم يديد

 

[moors]

نفس المعاناة انا حاطتهم تحت السرير

 

[al7noona]

فصلي لج كبت للجواتي احسن لج تسوين الحجم الي تبينه تسوينه عند الي يفصلون غرف نوم واثاث

 

[Swan]

نفس المشكلة
بس عندي فكره لي الحين ما طبقتها
واهي اني اشتري العلبه البلاستيك الكبيره اللي عند ايكيا
واحط فيه الجواتي الصيفية لحد ما يخلص الشتا
واحطهم في الارفف اللي بالمخزن لحد ماايي الصيف
وابدل فيهم
يعني نفس فكره البنات

 

[الحـ طيف ـب]

تخزين الأحذية ::

هناك أكثر من طريقة لتخزين الأحذية ولكن الأهم هو اختيارك للدولاب أو الرف المناسب لتلك الأحذية كذلك المكان المناسب لها ......مع تعويد جميع أفراد الأسرة على تنظيف الحذا من العوالق قبل وضعه على الرف الخااااااااص بها ..

طبعاً يراعى وضع الدولاب أو الرف الخاص بالأحذية عند المدخل العام للأسرة ليسهل عليها تناوله وقت الخروج مع العناية والأهتمام وذلك بالمحافظة على شكله العام نظيفاً ومرتباً ..


اتمنى اني افدتك..

 

[um wahaby]

انا كنت نفسج ... بس والله شرين ثلاث كبتات جواتي ونتو بكرامه من لاندمارك شالوا الدنيا كلها والحوسه
طوال وضعاف ... اشزينهم ... روحي شوفيهم يصلحون تحطينهم بره الشقه بعد عند الباب ليش انهم مو عراض وايد