بعد باچر ادخل ولااده ساااااااعدوني

[منى العنزي]

قوووه كروششات

انا دكتورتي قالتلي بدخلني بعد باچر ولاده لان راح يكون اخر موعد لي بس يا بنات انا للحين ما حسيت ولا شي من علامات الطلق ماحس الا بعوار مثل عوار الدوره فأنا خايفه تولدني بطلق صناااعي
تكفوون انا بچر وغشيمه شتنصحوني فيه عششان يحمي الطلق ويفتح الرحم
انا كنت بشرب دارسين ( القرفه) بس خرعوني تجارب البنات يقولون ينزل ماي الجنين ومايفتح الرحم وهم بحثت عن عشبه كف مريم الجواب نفس الشي واكو وحده ذكرت تجربتها انها كانت مفتوحه 3 سانتي واستخدمت العشبه تسكر الرحم وصار 1 وزيت الخروع نفس الشي يعور البطن عالفااااضي

بليييييييززز ساااعدوني ششسووي والله حدي مضاايقه وتعبت حيييييييل

بنات والله مالي الا الله وانتوا لاتبخلوون علي بردودكم حتى لو برفع او دعوه
وعسسى الله يهون عليكم الحمل ويسهل عليكم الولاده يااارب ويرزقكم بالطفل السليم المعافى

وجزاكم الله ألف خير... *

 

[anooma_86]

حبيبتي الله يسهل عليج بس الي اعرفه اذا مفتوحه شوي شربي خروع و امشي بعد ماتشربينه

 

[كلاسيكال]

انا اللي اعرفه ان المشي على تراب البحر ، زين وايد

وعسى ربي يهون عليج وتولين بالسلامة

 

[منى العنزي]

مششكورين حبايبي اللي ردوا

انا امشي داخل المجمعات وصراحه الجو مايساعد امشي عالبحر حتى بالليل رطووبه فضيعه




ناطره باجي الكروششااات

 

[قلبي خالد]

حماتي توها واله اخر موعد لها ١٧ولدت ٢٩من الشهر ١٢يوم و اهيا بعد مو بجر الله يسهل عليج حبيبتي

 

[شيــوخه]

الله يسهل عليج وعلي وعلى الجميع يارب

والله يا منى انا ماخليت شي ماخربته جربت الخروع وجربت الينسون
وجربت الدارسين وكف مريم والزعتر والاناناس والله ماخليت شي ماسويته حتى مشي مشيت وعلى البحر
بلحر مشيييييييييت على لتراب قلت ان شاء الله يسوي شي
بنهايه ولا شي والحين خلصت شهري وللحين لاعوار ولا شي
الي بقوله خلي كل شي على الله وماراح يطلع الا بيومه
وفي حريم مايليهم طلق والرحم مسكر عندهم بس من تحميله وحده ينفتح الرحم ومن احسن مايكون مشاءالله حتى ماطول بسرعه تولد والله كريم وادعيلي يا حياتي

 

[فرح79]

بالسلامه ان شاء الله اختى لاتخافي من الطلق الصناعي انا ما بولد الا بصناعي صار هلا مع ابره الظهر والكمام عادي ما يخوف والله يسهل عليك وتولدي وتطمنينا

 

[منى العنزي]

الله يسهل عليج وعلي وعلى الجميع يارب

والله يا منى انا ماخليت شي ماخربته جربت الخروع وجربت الينسون
وجربت الدارسين وكف مريم والزعتر والاناناس والله ماخليت شي ماسويته حتى مشي مشيت وعلى البحر
بلحر مشيييييييييت على لتراب قلت ان شاء الله يسوي شي
بنهايه ولا شي والحين خلصت شهري وللحين لاعوار ولا شي
الي بقوله خلي كل شي على الله وماراح يطلع الا بيومه
وفي حريم مايليهم طلق والرحم مسكر عندهم بس من تحميله وحده ينفتح الرحم ومن احسن مايكون مشاءالله حتى ماطول بسرعه تولد والله كريم وادعيلي يا حياتي

بعد عمرري شيوخه والله عورتي قلبي الله يسهل عليج ياااارب وان شاء الله تولدين اليوم قبل باجر بدون طلق صناعي وولاده طبيعيه يارب واتهنين بششوفه البيبي ياااارب.

والله يسسهل علينااا ويهون الطلق يااارب وع باقي الحوامل ويرزق كل محرومه يارب

 

[منى العنزي]

بالسلامه ان شاء الله اختى لاتخافي من الطلق الصناعي انا ما بولد الا بصناعي صار هلا مع ابره الظهر والكمام عادي ما يخوف والله يسهل عليك وتولدي وتطمنينا

الله يسمع منج ياقلبي ومشكوره عالرد

والله كلامكم يرررريح ،، الله لايحرمني منكم ياااارب

 

[جمالي خيالي]

عن تجربه
شربي زعفران منقوع
او فوحي الزعفران مع الحليب بس كثري زعفران

وشربي شاي بابونج وحده بوحده

وكثري جمااااع لان ماي الريال نفس تحميله الطلق

والله يهون عليج وتقومين بالسلامه

 

[نـعـومـه]

روحي البحر وامشي بتراب البحر

وخلي زوجج يعاشرج بعد مهم

 

[كويتيه بالفراوله]

الله يهون عليج وتولدين بالسلامه حبيبتي
اذا فاتح الرحم خلي الدكتوره تسويلج توسعه عشان يفتح الرحم ...

 

[تبطي عظم!]

الله يسهل عليج يارب

 

[Kawaii GiяL]

عندج حلين يا تنطرين لين الطلق اييلج راجعي بس عشان تتأكدين ان البيبي بصحه و بخير
او طلق صناعي بس لازم ابرة ظهر لان الطلق الصناعي ما يرقع فيه الكمام من اللي اسمعه
انا بجر و انشالله ناوية على ابرة الظهر
​

 

[الحرير]

الله يسهل عليج وعلينا يارب ويرزقنا وياج الولادة الطبيعية
كثري المشي هاليومين بس مو مشي دلع مشي سريع شوي وادعي ربج

 

[منى العنزي]

مشششكورين حبايبي وجزاكم الله الف خير

انا قبل شوي شربت قفشتين من زيت الخروع مع عصير برتقال وللحين مو حااسه بشي الله يستر



 

[om MaRyooM]

اقري ادعية والقران كثر ماتقدرين .. واليوم وباجر اذا قدرتي قومي قيام الليل . . ربج مارح يردج ياعمري


ونصيحة هاليومين كثري من الجماع .. sorry
بس الجماع وحدة بوحدة لأن ماي الرجل في مادرةتحرض على الولادة

وامشي على تراب البحر .. مشي عادي لاتجهدين نفسج واايد

وانشالله سهالات لاتحاتين

 

[منى العنزي]

اقري ادعية والقران كثر ماتقدرين .. واليوم وباجر اذا قدرتي قومي قيام الليل . . ربج مارح يردج ياعمري


ونصيحة هاليومين كثري من الجماع .. Sorry
بس الجماع وحدة بوحدة لأن ماي الرجل في مادرةتحرض على الولادة

وامشي على تراب البحر .. مشي عادي لاتجهدين نفسج واايد

وانشالله سهالات لاتحاتين

تسسلمين حبيبتي عالمرور وماقصرتي وع سالفه الجماع ماقدر لاني عند اهلي
والمشي والله امشي ليما يعورني ظهري وتشد بطني چنها انحجر اهني ارتاح والمشكله مو فايد


ع العموم يعطيكم العافيه اللي ردوا علي وعسى الله ينولكم اللي فبالكم ويرزقكم الذريه الصالحه ويسخر لكم ازواجكم ياااارب ويرزق كل محررررررووووومه

 

[ام ولدي وبنتي]

الله يهون عليج ويفرج همج

 

[لولو.87]

الله يسهل علييج