زوجي اون لاين

[الله يرحمني]

بنات انا ماعندي مشكله بس في شغله مضايقتني شوي زوجي مفروض يمرني وياخذني من عند اهلي بس مامرني طرشت مسج اساله متى بيمرني قال باجر انا اليوم طالع من الدوام تعبان نفسيا وجسديا مالي خلق احد قلت عسى ماشر قال بعدين اقولج الحين تعبان قلت ماشي مفروض ينام تعبان بس الحين ادش الواتس اب القاه اون لاين غثني صراحه

 

[أنسأنة غير]

طيب افهمي منة السبب قبل يمكن عندة ظرف صعب او اي اي شي ماتدرين اكيد راح يمر وياخذك اذا مو بكرا بعدة واعرفي منة وتقربي زيادة وكوني صبـــورة ... بالتوفيق

 

[انا لحبيبي .]

لاتتسرعي حبيبتي ، يمكن فتح مجرد استطلاع وهو عالتخت لحد ما ينام

ماتحطي ببالك حبيبتي هالشغلات ، الله يهدي البال ويصلح الحال ،

 

[فوفو22]

وين المشكله؟؟؟

انا اشوف نفسي لما اكون هلكااانه وتعبانه

قبل النوم

اشوف الواتس اب

والايميل

حبيبتي تدرين وين الخلل؟؟؟؟

بنات هالوقت علموا ازواجهم .....على سهوله فراقهم

بمعنى كنا نلزق بالبيت وحنا صغار وهو طالع

لا موبايل ولا نت ولا غيره

يرجع يشوفني بوجهه الى ان تعوّد ان البيت بدوني ولا شي

ما شاء الله
بنات هالوقت

ريلها دوام قطني بيت اهلي

دوامه ليل قطني بيت اهلي

عندها عرس بنام عند اهلي

انت بتسافر انا بروح انام ببيت اهلي

انا تعبانه مريضة بروح بيت اهلي

حبايبي هذا كله خطأ الوم امهاتكم عليه

لزقي بريلج بداية الزواج عشان يتعلم على ريحتج وقربج

فوفو

 

[فوز22]

ههههه (¯°·._.·( فوفو 22 )·._.·°¯)>> فديتج كلامج اهو الصح √√√√

,,, كلامج مفروض ينكتب بماء الذهب على عقد الزواج

( تلزق فيه لزقة ,,عشان ما يتعود على فراقهاااا)
​

 

[tbola]

فوفو كفت ووفت وان شاء الله ربي يهديلك زوجج

 

[قلبي محمد]

فوفو كلامها صح ١٠٠ ٪
بس هم انتي لا تتسرعين
يمكن صح متضايق من شي معين يخص الدوام
وعادي قبل النوم اغلبنا نقعد نبطل الواتساب
لا يوسوسلج الشيطان
عرفي شنو السالفه وبعدين حكمي عالموضوع

 

[مناير ...!]

الواتس اب ممكن يخليج اون لاين مجرد ماتفتحينه
لو فتحه ونام يظل شابك

 

[fdeet_shosho]

ترا مرات يطلع اون لاين ويكون مبطل البرنامج مو مصكره ونايم عادي ترا
مرات يصير وياي جذي احاجى اختى ماترد ويطلع عندي اون لاين وانه تقرا الحجي ولما بعدين اسالها تقول والله مو عند التلفون مبطلته وعلى الشحن
فلاتظلمينه ودام قالج تعبان عطيه وقت يرتاح

 

[كشموووشه]

حياتي لايلعب بعقلج ابليس يمكن اهو نايم بس مو طالع من البرنامج او مسكره ونايم ترا وايد تصير معاي ....

 

[أعشقه]

انا لو مكانك والله بنقهر اقوى شي
انا ماحب اذا زوجي موجود اكون برى البيت او انام برى البيت اخاف يتعود
لو منك اقوله بخلي اهلي اجل يجيبوني ولا اخليه لحاله

 

[_مزون_]

الوتس اب تقريبا كلا اون لاين
مجرد ماتشوفينة مرة باليوم يظل اون لاين
عادي حبيبتي مافيها مشكلة
​

 

[Miss Cherry]

مرات اكون انا اون لاين بالوتس اب وانا مو داخله .. فاتحته وناسيته

ماتدرين يمكن مو شابك ولو شابك يمكن صج تعبان بس بيدش يشوف له شغله ماشوف فيها شي


وشدعوه عليكم تبون المره اربع وعشرين ساعة مقابله البيت هو يطلع ويستانس ومرته بالبيت تنطره .. عيشوا حياتكم مثل ماله حق يطلع ويروح ويجي على كيفه بعد اذا اهو مو بالبيت ليش اقعد انطره

 

[ELFAD3Ah]

مع فوفو 100%

 

[فلنتينو]

عادي حبيبتي مثل ماقالو البنات اهوو الواتس اب اوقات يكون اون لا ين واهو مو داش

وسعي صدرج ومايصير الا الخير

 

[جادل سبيع]

الله ايسخره لك ويهدي الجميع..

 

[الله يرحمني]

بين ان توه طالع من الواتس اب كيفه بس ليش حسسني ان هلكان ونفسيه اكس منو كان يسولف معاه كل هالوقت

 

[زوجة عزيز]

وين المشكله؟؟؟

انا اشوف نفسي لما اكون هلكااانه وتعبانه

قبل النوم

اشوف الواتس اب

والايميل

حبيبتي تدرين وين الخلل؟؟؟؟

بنات هالوقت علموا ازواجهم .....على سهوله فراقهم

بمعنى كنا نلزق بالبيت وحنا صغار وهو طالع

لا موبايل ولا نت ولا غيره

يرجع يشوفني بوجهه الى ان تعوّد ان البيت بدوني ولا شي

ما شاء الله
بنات هالوقت

ريلها دوام قطني بيت اهلي

دوامه ليل قطني بيت اهلي

عندها عرس بنام عند اهلي

انت بتسافر انا بروح انام ببيت اهلي

انا تعبانه مريضة بروح بيت اهلي

حبايبي هذا كله خطأ الوم امهاتكم عليه

لزقي بريلج بداية الزواج عشان يتعلم على ريحتج وقربج

فوفو

معا فوفو انا لان دايما كلامها عين العقل ماشاء الله وانا شخصيا جذي :rerrerek::rerrerek::rerrerek::rerrerek:

 

[غدرك ذبحني]

الله يعينج صج يمكن نفس ماقالوا البنات هو اون لاين بدون لا يدري

 

[om_dodo]

وشنو يعني ...
يابنت الحلال ريحي راسج وعسى الله يهديه لج يارب