♠▲▼نظرة المجتمع والأهل للمطلقة♠▲▼

[أوراق مخملية]

الله المستعان ..

أولاً : الطلاق ليست مشكلة , إنما هو حل لمشاكل عدة ..
إذن الطلاق حـــل ..

ثانياً : إن جهل وسطحية المجتمعات التي نتربى فيها تكبلنا بقيود عدة , لا يعني ذلك أنها على حق ..
لذلك , إن كان الأمر يرضي الله ويرضي رسوله و المجتمع ينظر له بتلك الدونية
يجب أن يصم الشخص أذنيه عن هذه التفاهات ..
ثم إن إضاء الناس غاية لا تدرك ..

ثالثاً : الإنسان يجـب أن يعتد بذاته , يقومها , المطلقة يجب أن تقوي قلبها وتثق بنفسها
وتدرك نظرة المجتمع الخاطئة تلك , إذ أنها ما عملت إلا ما يرضي الله ورسول ..

وما ذنب الرجل او المرأة إن استحال العيش مع بعضها , ليس عيباً !
فنحن بشر , نحب ونكره .. وربي شرع لنا الطلاق رحمة منه وتكريماً لإنسانيتنا ..
أبداً نظرة المجتمع للمطلقة ليست عادلة ..

ولكن وجب التنبيه لأمر مهم , أن المرأة وإن طلقت يجب أن تحافظ على سمتها
وتحذر أبسط الأمور حتـى لا يأخذها المجتمع حجة لقذفهـا ..

شنو نظرتكم انتو للمطلقة؟؟​

إن كان طلاقها حلاً , ولجأت إليه لأسباب تدعوها فعلاً للطلاق , فانا أحييها

 

[نهى الأحمد]

هلا حبيبتي نهى صبحج الله بالخير
بخصوص موضوع المطلقه
قبل لاتكون مطلقه فهي انسانه لها مشاعر واحاسيس
يعني الانسان مايختار قدرة ولا نصيبه
فانصيبها كان سئ بالزواج
فهل تقعد مع زوج ماتحمل له اي مشاعر مجرد انها بتسكر افواهه ناطقه
الناس بتتكلم سواء كانت مطلقه عزباء ارمله .........الخ
ولاتنسين مايفكر بالنظره الدونيه للمطلقه الا شخص مصاب بمرض نفسي
والمفروض نشفق عليه وعلى تفكيره المريض
والمفروض الوحده ماتعطي اهتمام لكلام الناس
لان الناس مهما سويتي لهم ماراح يبين بعينهم
وشكرا عالموضوع الحلو

يا هلا وغلا ومرحبا ،، نورج غطى عالكهربا

هلا فيج حبيبتي

شاكره لج على رأيج في الموضوع

قبل لاتكون مطلقه فهي انسانه لها مشاعر واحاسيس
يعني الانسان مايختار قدرة ولا نصيبه
فانصيبها كان سئ بالزواج

اي والله صاجه ياقلبي :eh_s(15):

هذا قدرها ونصيبها في الحياة والمفروض ماتعطي اهمية لكلام الناس اللي ما يخلص

 

[نهى الأحمد]

أنا عن نفسي ارى الكويت مجتمع متفتح جدا..مافيه عايله بالكويت مافيها وحده تطلقت(من كثر الطلاق)

والنظره السيئة للمطلقه...المسئول عنها المطلقه وحدها....
اهيا تقدر تثبت روحها..وتكون واثقه من نفسها اهيا مااغلطت فلازم ماتصير حساسه
اللي خرب نظرة المطلقه..لان في بنات وهذي اقليه جدا تتطلق عشان تلعب.. وتستانس.. ماتحب احد يملكها..فلما تتطلق تلعب وتشوه سمعة المطلقات
اما الطلاق حلال.. ومافيها شي انا اعرف صديقتي مطلقه..وتضحك واهلها يخافون عليها ومستانسه ومرتاحه.. عمرها مااشتكت وقالت ليش اهلي صاكين علي عشان مطلقه؟ بالعكس كانت تقول اهلي يخافون ..اهلي مايبون الناس تتكلم علي

وواثق الخطا يمشي ملكا...

هلا ياقلبي

مشكوره على المشاركة العطره

الثقة بالنفس مطلوبة للانسانة المطلقة
المفروض ماتهتم لكلام الناس

تقول اهلي يخافون ..اهلي مايبون الناس تتكلم علي

هذا اللي نبيه ياقلبي :eh_s(15):

 

[نهى الأحمد]

,​

وعليكم السلام ورحمه الله
في نظري الي اشوفه انا ماكو نظره معينه للمطلقه
بعكس قاعده اتكمل حياتهااااا مثلها مثل اي وحده
المجتمع تغير من كثر نسبة الطلآٌق ​

يا هلا والله ياقلبي

مشكوره على المشاركه العطره

 

[لين الـورد]

شنو نظرتكم انتو للمطلقة؟؟
نظرتي عااديه لان الانسان لايعلم بما كتب الله له في هذه الحياة ومايعلم فيها الا الله
وشنو رايكم بنظرة المجتمع والأهل لها ؟؟هل هي عادلة؟؟
نظرة المجتمع ماهي عاادله لانو راح يتكلمون فيها وكلام الناس مايرحم احدا
وكل شي قسمه ونصيب
ويعطيك الف عااافيه

 

[رتاج جوجو]

بسم الله الرحمن الرحيم
الانسانه المطلقه انسانه عاديه انا بالنسبه لي عندي الانسانه المطلقة انسانه عاديه
وبعض الاحيان تكون مضلومه وبعض الاحيان تكون ظالمه والله اعلم

 

[*سعوديه كشخه*]

ما ادري ليش الناس مكبرين موضوع الطلاق دايما اذا قالو مطلقه ردوا مسكينه حرام الله يعوضها

احيانا تكون اسعد من المتزوجه

في جميع الحالات هي الربحانه

1) اذا كانت ما تبيه و طلبت الطلاق افتكت منه
2) اذا كانت مو معطيته حقوقه كامله و طلقها لانه مل منها بعد افتكت منه لانها لو كانت تبيه كان اسعدته
3) اذا كان هو مايبيها بعد افتكت من شخص ماراح تسعد معاه


مجرد رأي

 

[ShoO8ShoO8]

الطلاق اللحين صار شي عادي تلقين اللحين كل عايله في مطلقه
هذا نصيب ممكن تلقين اثنين مطلقين بدون مشاكل بس انهم ما ارتاحوا لبعض
توافيق من ربي واللحين الناس وعت للشي هذا

 

[نهى الأحمد]

طبعا في جم وحده راح يردون ردود ايجابيه واهم اول ناس تعترض على المطلقه وعلى اي شي سخيف تقول ليش انها مطلقه (( لي موضوع عن هالنقطه اللي اهي اي حركه او كلمه من المطلقه يقولون اي ليش انها مطلقه )

ارد لموضوعج واقول مثل ماقالت وحده قبلي صح المطلقه مثل اي بنت اهي اللي تقدر تخلي الناس تغير نظرتها وترى مو شرط المطلقه اي انثى بشكل عام العين عليها وترى هالايام حتى المتزوجه ام العيال ممكن يحوشها طشار وممكن تكون محل شك يعني قبل اي لما يقولون فلانه متزوجه بس خلاص تكون بعيده كل البعد عن الشك لكن بالوقت الحالي انا وحده من الناس اعرف ( بعض ) المتزوجات والله ياان بنات الليل ارحم منهم مع انهم متزوجات وممكن تحصلين زوجها يحلف براسها بس اهي جذي موتكانه موكفو ثقه واذا على نظره الاهل ترى في ناس تكون النظره من عند وعي او فهم ان هالشي مو بيد البنت او يكون خوف من كلام الناس او يكون في بدايه الطلاق يراقب ويشوف لكن اكيييييييييييد بعدين بعد وقت من الطلاق لما يشوف انها محترمه راح تتغير المعامله


الموت شنو من بعض الحريم اللي المفروض اهي تكون اكثر وحده تحس في بنت جنسها في حريم اهم اللي مايتركون المطلقه بححالها وانا هالنوع بصراحه مااشوفه شي بعيني لانه عديم فهم وادراك ان دوام الحال من المحال وان هالمطلقه احسن من بعض الحريم اللي عايشه مع نص زوج بس علشان تكون مرت فلان


يسلموو ادري طولت بس من حرتي من هالنوع

هلا حبيبتي

الله يسلمج

الموت شنو من بعض الحريم اللي المفروض اهي تكون اكثر وحده تحس في بنت جنسها في حريم اهم اللي مايتركون المطلقه بححالها

عدل كلامج ياقلبي

المفروض الحريم يحسون في بعض ومعاناة بعض


شاكره لج مشاركتج الطيبه

 

[نهى الأحمد]

بالعكس احس شوووي تغيرت هالنظره النااس بدت تفهم وراااح العقد اللي قبل والتفكير ان المطلقه عااار صج فيه ناااس للان بس فيه تحسن شوووي

هلا ياقلبي

والله هاذا اللي نتمناه

ان شاءالله تتغير هذي النظرة السلبية

 

[(الغاليه)]

اللي خايفه تطلق او تخلع عشان نظرة الناس ما عندها سالفه
الناس بيتكلمون بكل الاحوال
والطلاق او الخلع حل مو مشكله
وياما متزوجات بالتلزيق عشان بس ما يتطلقون!!
الحياة بتعيشينها مره وحده ...عيشيها وانتى مرتاحه مو بقلق ونكد

 

[تهاني الضعيفة]

غالبية المجتمع ونسبة قوية تنظر للمطلقة نظرة قاسية ولوم واغلبية العوايل ترضى ان تعيش بناتهم بحسرة والم ولا ان تتطلق
الا من هم متفتحين بشكل قوي مسكينة المطلقة الكلام اللي اسمعها عهنا يقطع القلب الله المستعان

 

[نهى الأحمد]

أنا اشوف المجتمع مازال ينظر للمطلقه نظره دونيه ويحطون السبب فيها ودائما يتكلمون ​

عليها ويقولون كان صبرت كان تحّملت عشان اولادها ناسين أن الصبر له حدود وماهم ​

فاهمين أن الشرع اباح الطلاق في حالة تعّذر الحياه الزوجيه وأن الانفصال افضل من العيش ​

تحت الذل والقهر والظلم يعني الوحده مو مشكله تجلس ماتتطلق إذا كانت حياتها الزوجيه ​

مستحيله وتجيها الضغط والسكر وحاله نفسيه وممكن تجيها سكته بس عشان افراد المجتمع ​

المتخلفين يرضون عليها وكأن الحياه حياتهم هم وفعلا صدق المثل اللي يقول مايحس بالنار إلا ​

واطيها ، طبعا أنا اتكلم معاك بحرقه شوي عشان عندي قريبه مطلقه وعندها ولد تقريبا لها 9 ​

سنوات مطلقه أو اكثر ولحد الآن اخواني مايقولون عليها أم فلان أو فلانه لا يقولون المطلقه ​

وينظرون لها نظره دونيه وكل السبب منها في نظرهم ويحطون الخطأ منها ويقولون مفروض ​

صبرت وأنها تسّرعت في طلاقها ووووووو ، وواحد من اخواني وصل به الحال إنه يشوف ​

المطلقه وصمة عار ودائما يقول ماراح أحد يتزوجها ليوم الدين واحيانا يشوف رجال غير ​

مناسبين للزواج ويقول المفروض يتزوجونها تحمد ربها اصلا ما أحد يرضى يتزوجها ​

حسيت من نظرته أن المطلقه مفروض تتزوج كائن اسمه رجل كبير أو صغير ، مناسب أو مو ​

مناسب ، فقير أوغني ، متعلم أو غير متعلم ، فيه عيوب خلقيه باختصار زي مابنقول أي كلام ​

اهم شيء يُطلق عليها متزوجه وتنشال كلمة مطلقه عنها ، وللعلم أن اخوي متعلم مدري وش ​

ترك للناس الجاهله ودائما اقول في نفسي ياترى لو وحده من بناته لاقدر الله تطلقت راح ينظر ​

لها زي ماينظر لقريبتي المطلقه ؟!​

واسفه حبيبتي على الاطاله بس انقهرت إننا في القرن 21 ومازال فيه ناس نظرتهم قاصره ​

لحد الآن ! .​

هلا حبيبتي

شاكره لج مشاركتج العطره وابداء الرأي في هذا الموضوع

وأتمنى انه المجتمع يغير من النظرة الدونيه للمطلقة

 

[مدمنة خلطات]

هااااااااااااااااي نهووووي
شاخبارج حبيبتي ............؟؟
مبارك عليج الشهر ^_^

,,,
موووووووضوووع حسسسسساس .......

صج المجتمع تغير مو نفس قبل ................. بس احس مهما يتطور المجتمع يظل فيه نسبة تخلف ...........

تشوفين العايلة الفلانية متطورة و منفتحة وانهم يعاملون المطلقة عادي ............. بس لمن يصير موقف تبين النفوس على حقيقتهااااا ....................!! وتبين نظرتهم للمطلقة ... ولو حتى بكلمة ..............!!

 

[Shooggaa]

بالعكس المطلقه هالاااااااااايام ممكن تكون احسن وانظف من المتزوجات والحياة قسمه ونصيب

 

[حزن الليل]

حالها من حال الارمله والبنت

وخير يعني مطلقه:eh_s(4):
لان بختصار ماصار نصيب الا رزاق بيد الله محد راح ياخذ غير نصيبه

الله يهدي ها الناس اللي تفكيرها غريب:rgewrg:

 

[أغلى أمنياته]

الطلاق له سبب اكيد مو دايمت الملره مسؤله//
ما اعتقد في بنت تزوج تبي تطلق // وهاذا

 

[أغلى أمنياته]

وهاذا نصيب​

 

[نهى الأحمد]

مشكورين ياخواتي على المشاركات العطره

باذن الله رح ارد عليكم

 

[عاشقة هواك]

انا أشوف الحين المجتمع صار عادي

من كثر حالات الطلاق اللي تحصل أصبح الطلاق مو غريب وما تخلى عايلة من المطلقات

حتى بموضوع اللوم .. ماعتقد اللوم ينحط عالمطلقة نفسها , الناس جذي والا جذي فاتحة حلجها

أهم شي تعامل أهلها معاها ما يضغطون عليها ويلومونها انتي وانتي .. كثر الضغط يولد الانفجار

الله يوفق الجميع يا رب

قواج الله

انا وياها

مادري ليش مرات احس مجتمعنا متخلف انزين واذا كان العيب بالريال واهوا ما يصلي

وكان سكير يا كافي شلون تستمر معاه

تستمر معاه عشان نظره المجتمع

بس لما يتكلمون الناس ويقطون اللوم على البنت او يتكلمون بعرضها اهني عبالج الله راح يخليهم

اكيد راح يصير ابناتهم ولا اعراض الناس لعبه

وكل ما تطلع المطلقه يقولون عنها هايته مادري شنو المشكله حتى من الاهل نفسهم تفكيرهم

جذي مادري شصاير بالناس استغفر الله