♠▲▼نظرة المجتمع والأهل للمطلقة♠▲▼

[نهى الأحمد]

المطلقه انسانه عاشت تجربه و فشلت هالتجربه ...

فممكن يكون الفشل بسببها او بسبب شريكها اللي اهو الزوج او الظروف ما ساعدتهم ع نجاح التجربه ...

ساعات تكون نظره الناس قاسيه و في ناس متفهمين ...

الله يعوض كل مطلقه و مطلقه ان شاء الله ...

يعطيج العافيه نهوي ...

هلا ياقلبي

الله يعافيج ياااارب

الحياة تجارب ولازم الانسان يتعلم من تجربته في الحياة

وهذ اهو حال المطلقة

بدل اللوم،،،نحاول نعرف شنو الأسباب اللي ادت الى الطلاق

 

[Unusual]

لا الزواج كرمني ولا الطلاق قلل من قيمتي ...

عبارة قرأتها وما زالت عالقة بالذاكرة لعمق معناها ...

*

 

[نهى الأحمد]

دايم اللوم على الحرمه لانها هي الطرف الضعيف
يعني المجتمع اذا الرجال مطلق تنسي له سبحان الله
لكن المرأه تبقى بالرايحه والرجعه هذا المطلقه وكل خطوه تخطوها لازم تحسب لها الف حساب ..
مع ان مو شرط الطلاق بسببها هي لكن المرأه تبقى مرأه
بس بالفتره الاخيره والله اللي اشوفه ان الطلاق صار امر جدا عاااااادي يعني كل من طفش من حياته قال بطلق او بتطلق !

هلا حبيبتي

شاكره لج على المشاركه وابداء الرأي

دوم المرأة كل خطوة تخطيها محاسبة عليها وخاصة اذا كانت مطلقة
لكن لازم نعطيها حقها في الحياة بعد الطلاق

وعسى ربي يفرجها على الجميع

 

[حـوريـه]

يمكن آلعيب منّه هو

مو منهآ

يعني تطلقت المره .. خلاص هي العيب فيهآ هي اللي مو زينه

ليش هم داشين حياتهم وشآفوآ اللي حصل واللي عآشوه

نظره سطحيه من ناس سطحيين > نصيحه هالفئة لو تكلموآ لايهمونكم

 

[نهى الأحمد]

بهالفتره الحاليه بالعكس النظره وايد تغيرت للمطلقه الحمدلله
يعني قبل من نقول مطلقه قالوا اكيد اهيا السبب واكيد مو زينه ..الخ
الحين بالعكس يستوعبون ان هذا نصيب وانهم ماتوافقوا مع بعض ومو شرط واحد فيهم مو زين يمكن الاثنين زينين بس ماتدرين شنو ظروفهم

مطلقه والا متزوجه والا ارمله والا عزوبيه كلهم بشر ومن حقهم يعيشون حياه عاديه

والناس بكب الاحوال تتكلم

هلا عزيزتي
أسعدني مشاركتج العطره

اهو صحيح النظرة تغيرت الحين لكن من عند الكل لانه ندري انه اصابع الايدين مو مثل سوا
وتختلف العقول والنظرات

مطلقه والا متزوجه والا ارمله والا عزوبيه كلهم بشر ومن حقهم يعيشون حياه عاديه

صاجه ياقلبي

من حقهم يعيشون ويكملون حياتهم عادي مثلهم مثل غيرهم

 

[آنسه مسلمة]

أنا أشوف مجتمعي
ينظر للمطلقة نظره عاديه

 

[a7la-elbanat]

حبوبه هذاك اول الحين بالعكس المطلقه حالها حال العاديه اصلا من كثر حالات الطلاق ثلاث ارباع الكويتيات والكويتينن مطلقين والمحاكم تشهد وبالعكس يعني عادي

الحين ما اتوقع احد يفكر من هالناحيه لان صار شي طبيعي بالمجتمع ..

ثانكس عالموضوع

 

[عسوله ودلوعه]

عاااااااااااااااااااااااااااااادية الزمن تبدل خلاص معدنا عايشين بخيام والا عشيش علشان نقول مطلقة ونظرة مطلقة ،،قولي احنا في وقت نظرة الناس للي معه فلوس او مامعه فلوس

 

[نهى الأحمد]

المطلقه الحين ونظرت المجتمع لها تغيرت لان الناس صاروا اكثر وعي من اول وزمان كانت المطلقة غير مرغوب فيها مثل العار

على اهلها لكن الحين اصبح الطلاق عادي والله المستعان

هلا حبيبتي ام فهوود

شاكره لج مشاركتج الطيبه

 

[ما كو اسم]

شخباري النظره للمطلقة والله الحريم معاي بالدوام ثلاث ارباعهم مطلقات ومو ناقصهم شئ وعلى فكره لاحظت الصايعات هن اللي رياييلهم يحبونهم ولازقين فيهم والسنعات وخايفين الله ويبون بس الستر مطلقات ....... استغفر الله جني خرتها بس والله احتر على المعايير المقلوبه

 

[نهى الأحمد]

بآلعكس آلمجتمع هألفتره مآينظر للمطلقه

نظره معينهـ لان آلطلآق صآر بكثره بهآلوقت​

وآنآ مآشوف آن آلطلآق عيب يمكن الآثنين
مآتفآهموآ والعيشه لآتطآق من حقهم ينفصلون​

وكمآ تدين تدآن اللي ينظر للمطلقهـ نظره سوء
بيلقآهآ بخوآته وبنآته في نآس الطلاق عندهم جريمهـ​

شكرآ لج ع الموضوع الهادف ​

هلا ياقلبي

العفو


شاكره لج على المشاركة الطيبه

وكمآ تدين تدآن اللي ينظر للمطلقهـ نظره سوء
بيلقآهآ بخوآته وبنآته في نآس الطلاق عندهم جريمهـ​

اي والله صاجة حبيبتي

المطلقة حالها من حال البشر

ماتوفقت في حياتها الزوجية
والاسباب تبقى مجهولة

 

[نهى الأحمد]

يارب تخلص مجتمعنااا من المتخلفين
مشكورا نهى

العفو حبيبتي

حياج الله

السلام عليكم ورحمة الله

شلونج نهوي مشتاقه لج حيييييييل حبيبتي..

طبعآآآ انا دايمآآآ احب مواضيعج المفيده واستفيد منهآآ حيييييييييييييييييل

لكن تدرين مثل هالمواضيع هاذي والتطرق لهاا يزيد من هالتفكير المتحجر الظالم انا ادري انج تبين تغيرين هالنظرة

لكن؟؟!!!!

حبيبتي احنآآ 2011 وعلى مشآآرف 2012شنو هالتفكير مطلقه ماتطلع والمطلقه مدري شنووو ليش انشآآءالله الحين نسبة الطلاق منتشرة واااااجد يعني قمنا نقول كل بيتين ثلاث فيه مطلقه يعني كلهم فيهم شي

بنات حمايل تطلقوا على الزين والشرف والسمعه الطيبه

مطلقآآت وااجد مظلومآآآت من حياتهم الزوجيه بعد فوق الحظ هم المجتمع والناس ضدهآآ

لاطبعآآآ

اعقب على شغله كتبتيهآآ



وصمة عآآآآر مرة وحده ليش شمسويييييييييييييييييه!!!!

لا لا لا مو لهدرجه هذآآآك قبل وقبل بس مثل هالمواضيع تبقيهآآآ


تحيآآتي لكل مطلقة اختىرت راحتهااا وعاشت حيآآتها من عذآآب كانت فيه او مآآر عليهااا..

مطلقه تندفن بالحيآآآ بهالتفكير

مطلق عادي الله يعوضه ويمشي حيآآآته!!!!!!!

مشكووووووورة نهوي واتمنى الكل يتقب وجهة نظري وتبقآآ وحهة نظر..

وعليكم السلام

يا هلا والله ياقلبي

تشتاق لج العافيه

مشكوره على ردج الاكثر من رائع

واحترم وجهة نظرج :eh_s(7):

 

[Beauty is Me]

الله يعين
لو مهما الناس صار عندها عادي

راح تلقين نظرات الشفقه والشماته والاستحقار موجوده

وراح تلقين نظرات اعجاب وتقدير وتشجيع موجوده


لكن ما يكسر مياديف الحرمه الا حرمه مثلها

لو الله يفكنا من لسان الناس

جان صرنا جميعا بخير

واهم شي تشجيع الام والابو والاخوان

وغيرهم مو مهم


في نلس تشتري سعاده بناتها
يكسر ظهرها انه بنتهم تطلقت
ويخافون علا نصيبها



بس دايما خل نتذكر

الله فوووق
وراح يعوض الجميع

 

[نهى الأحمد]

حياكم الرحمن حبيباتي


:eh_s(7):

 

[نهى الأحمد]

الله المستعان ..

أولاً : الطلاق ليست مشكلة , إنما هو حل لمشاكل عدة ..
إذن الطلاق حـــل ..

ثانياً : إن جهل وسطحية المجتمعات التي نتربى فيها تكبلنا بقيود عدة , لا يعني ذلك أنها على حق ..
لذلك , إن كان الأمر يرضي الله ويرضي رسوله و المجتمع ينظر له بتلك الدونية
يجب أن يصم الشخص أذنيه عن هذه التفاهات ..
ثم إن إضاء الناس غاية لا تدرك ..

ثالثاً : الإنسان يجـب أن يعتد بذاته , يقومها , المطلقة يجب أن تقوي قلبها وتثق بنفسها
وتدرك نظرة المجتمع الخاطئة تلك , إذ أنها ما عملت إلا ما يرضي الله ورسول ..

وما ذنب الرجل او المرأة إن استحال العيش مع بعضها , ليس عيباً !
فنحن بشر , نحب ونكره .. وربي شرع لنا الطلاق رحمة منه وتكريماً لإنسانيتنا ..
أبداً نظرة المجتمع للمطلقة ليست عادلة ..

ولكن وجب التنبيه لأمر مهم , أن المرأة وإن طلقت يجب أن تحافظ على سمتها
وتحذر أبسط الأمور حتـى لا يأخذها المجتمع حجة لقذفهـا ..




إن كان طلاقها حلاً , ولجأت إليه لأسباب تدعوها فعلاً للطلاق , فانا أحييها

هلا عزيزتي

اعجبني جدا ردج واسلوبج

الطلاق ليست مشكلة , إنما هو حل لمشاكل عدة ..

نعم عزيزتي
الطلاق ليس عيبا وانما هو حل لبعض المشاكل الزوجية التي يستحيل مع بعدها دوام الحياة الزوجية

ولكن وجب التنبيه لأمر مهم , أن المرأة وإن طلقت يجب أن تحافظ على سمتها
وتحذر أبسط الأمور حتـى لا يأخذها المجتمع حجة لقذفهـا ..

هذا ما نتمناه

 

[انوثتي غير وياك]

الريايـــــــــــــــل
ماتغير نظرتهم بالمطلقه على اساس انها وحدا من زينه
وبالاخر
انا معا كلن يرى الناس بعين طبعه ​

 

[نهى الأحمد]

شنو نظرتكم انتو للمطلقة؟؟
نظرتي عااديه لان الانسان لايعلم بما كتب الله له في هذه الحياة ومايعلم فيها الا الله
وشنو رايكم بنظرة المجتمع والأهل لها ؟؟هل هي عادلة؟؟
نظرة المجتمع ماهي عاادله لانو راح يتكلمون فيها وكلام الناس مايرحم احدا
وكل شي قسمه ونصيب
ويعطيك الف عااافيه

الله يعافيج حبيبتي

وشاكره لج رأيج ومشاركتج

 

[نهى الأحمد]

بسم الله الرحمن الرحيم
الانسانه المطلقه انسانه عاديه انا بالنسبه لي عندي الانسانه المطلقة انسانه عاديه
وبعض الاحيان تكون مضلومه وبعض الاحيان تكون ظالمه والله اعلم

هلا حبيبتي

مشكوره على المشاركه

صاجه ياقلبي

المطلقة انسانه عادية والمفروض ما تتغير النظرة لها مهما كان الأمر

 

[نهى الأحمد]

رفع للنقاش والاستفادة من ردود العضوات

 

[manoooram]

مو غلطت المرة ولا الريال ان حصل بينهم الطلاق
تعذرت العيشة والحياة بينهم كونها متعبه و وصلت لطريق مسدود
فالأسلم الطلاق بدل العيشه التعيسه
بنظري نظرة المجتمع اختلفت عن السابق صارت أرحم و أهون بحق المطلقه
مع العلم الى الآن نجد من هم يلقون بالنظرة الدونية للمطلقه