تسلم عيونج والله ..
واهم شي التوافيق ..
وعمليات الخشووم تراهاا يا تصيب او تخيب .. بس عسى ياربي كل آحد يبي يسويهاا يتوفق ويطلع خشمه بيرفكت ..
اي انا ملاحظه شباب الكويت طاحوو بعمليات الخشووم يجملون خشومهم لوووول
طيب شنو سبب اختيارج لدكتور ماجد تقي ؟
انا الي اعرفه انه اهوو شاطر حق سوالف البشره وجذي ..
اما الخشم ماعمري سمعت عنه الا منج ..
اهو الي زوجته الدكتوره نوره الصليلي ؟
بس ها اذا نزلتي صورة خشمج عطيني خبر ترا مرات انسى وما اجيك على موضوعج ..~~
وجم صار لج الحين .؟
اي والله صاجه التوافيق من رب العالمين والدنيا حظوظ في كل شي..
اما سالفة شلون قررت اسوي عنده..
اهوا بالاساس اختصاصي تجميل وترميم مو بشره مثل ماتفضلتي..يمكن ماخذ دورات بهالشي بس تخصصه الاساسي التجميل
وصح اهو زوج الدكتور نوره.. بس للأمانه ماجربت زوجته كلش
بس اهوا جربته 3 مرات..
سبب اختياري له .. الله يسلمج بداية كنت امفكره بالدكتور بشار رباح
وبسبب الاحداث الاخيره بسوريا ماقدرت اروح..وخييييييييييييره من رب العالمين اني مارحت
لأن البنات كانوا يقولون لي ثالث يوم بعد العمليه عادي ترجعين الكويت
ولما فتحت عيني الاسبوع اللي طاف بعد العمليه اول شي قلته الحمدلله ماسويتها بره
1- لأني تعبت وايد عقب العمليه
2- جلدي وايد تحسس و ورم ..يعني ما اتخيل روحي راكبه طياره حتى لو طرت ساعه
ما اتخيل ادش مطار..ويهي وايد وايد ورم
4- شلون اسوي عمليه وارجع !! وين المتابعه ؟ ومنو يتابع الشغل والجرح والتنظيف
وآخذ النصايح من منو !
بصراحه حسيت اني لو كنت امسويتها هناك جان تعذبت وايد..وتعبت نفسيتي..
المهم ماجد تقي كان اختياري الاول قبل لا اسمع عن الدكتور بشار من البنات
بس ابوي قال صغييير ومجازفه الللي تسوي عنده..وانتي وقرارج
لما قعدت مع نفسي قلت :
1- لما اسويها في ديرتي اساساً الدكتور الكويتي فاهم للملامح الكويتيه والخليجيه
عكس الدكتور الاوربي مو فاهم جلدتنا شلون صايره والملامح العربيه الخليجيه
2- دكتور يديد = دراسه حديثه..= فهم جراحي متطور...يعني دكتور صغيرونو وحديث بالمجال افضل من وجهة نظري من دكتور قديييييم وكبير ..
3- الدكتور مو بس شق و جرح وخيط..الدكتور له نظره جماليه وذوق..وانسان مثل الدكتور ماجد تقي شفت فيه الذراااابه و الذوق اسلمه ويهي بدون ما ااحاتي..
دخلي عليه استشاره مره وشوفيه وشوفي طريقته بالتعامل ..إنسان ذرب حيل..
عكس لما يكون دكتور تجميل .. ومهمل لنفسه وشكله غلط وماعنده اسلوب.هذا شبيسوي بويهي شبيغبر !!! اصلا هذا وينه وين التجميل
يعني بإختصار وبالخط العريض سلمته ويهي لأنــه إنسااان ذرررررب..وفاهم احنا شنبي
وفاهم حق الملامح الخليجيه ..اشكره قالي انتي ويهج عريض وعندج عظمه بالخدين
يعني الخشم مايصير يكون وايد صغير..
ولما اكلمه احس من عيونه فاهم علي .. عارف انا شبي.. وماحطيت آمال ولا صوره معينه ببالي..ولا وريته شي ولا قلتله ورني شغلك..لأن مو حلو الواحد يحط آمال ويرسم صور..وينصدم..
بس جد يابنات كانت تجربه ممتازه..وقرار صائب..:eh_s(15):
الحين صارلي 11 يوم ولما شال لي الحديده ونظفه لي بكل ثقه يقولي ترا اموررم
بس بخليج تاخذين فكره عن شكله لأنج تحاتين وحنانه
ورانياه ..مشالله مابي اتكلم
اي سؤال بعد انا موجوده وانشالله ببلغج بالبرايفت لما انزل الصور
