تجمع للى قدموا على الديوان ... والدفعة اليديدة ومتابعة لفترات التسجيل

[غزلان الشماليه]

منو اللي كانت نفس تخصصي ونسبتي وتوظفت بسرعه ياريت تجاوبوني

 

[hhateek]

السلام عليكم ورحمة الله​

هلا بنات عفية تردوا على ...​

دقوا على وزارة الدفاع يبون اقدم اوراقى
تخصصى بكالوريوس تصميم داخلى وأثاث .. وقال تخصص مطلوب ...
الحين اللى تعرف عن مقابلاتهم يعنى ممكن يحددوا لى متى المقابلة ...
وشنو الاسئلة ...
واذا نجحت بالمقابلة يتم التعيين ولا انتطر الاسماء​

والراتب فى حدود جم ادرى اسئلتى كثيرة لكن لكم دعوة حلوة ان شا الله ​

 

[قهوه ساده]

بنات ترى فترة 35 للحين ماخلصت تمددت لي ١٥/٧ الي تبي تسجل تسجل

 

[hhateek]

عسكر يقترح إلزام الجهات الحكومية تعيين المرشحين من الخدمة المدنية

نشر في 12, July 2011 :: الساعه 4:48 pm | تصغير الخط | تكبير الخط



تقدم النائب عسكر العنزي باقتراح يقضي بإلزام الوزارات والجهات الحكومية تعيين من يتم ترشيحهم من قبل ديوان الخدمة المدنية، واعتبار تاريخ الترشيح للعمل هو تاريخ التعيين إذا كان المرشح مستوفيا لشروط التعيين.
وقال عسكر في مقدمة الاقتراح: “درجت العادة منذ جعل التوظيف مركزيا ومحصورا بديوان الخدمة المدنية أن يقوم بترشيح أسماء للعمل في الوزارات والجهات الحكومية، وزادت في الفترة الأخيرة ظاهرة تجاهل الوزارات للمرشحين من قبل ديوان الخدمة المدنية، ونظرا لأن ذلك يفقد الديوان دوره التنسيقي والإشرافي على عملية التوظيف ويتسبب في ظاهرة جديدة هي ايجاد طبقة من العاطلين عن العمل الذين قام الديوان بتوفير فرص لهم، هم في الواقع لم يمارسوا أعمالهم ولم يتم تعيينهم من قبل الوزارات نظرا لتجاهل ترشيحهم فقد تقدمت بهذا الاقتراح”.

 

[honey lust]

اقتراح فاشل

لان الوزارات قاعده تطلب 10 ولا 20 و الديوان يرشح 200!!!!

بالله اذا توظفوا وين يحطون 200 موظف نقعد فوق بعض ولا شلون

المشكله الديوان يرشح وايد و الوزارت مو محتاجه عدد كبير بس عشان يبون يفتكون من اللي عندهم

 

[ترجمة احساس]

الله كريم

 

[أحبج يمه]

كل ما ادش على هالموضوع اتحطم زيادة خخخخخ


يارب ينزل اسمي بالدفعة الياية

 

[أم شهد و ندى]

ههههههههههههههههههههههههه

اي شي فيه وظيفه تلاقوني فيه هههههههههههههه

واذا على التحطم تحطمت خلصت ههههههههههه

 

[Zayany]

بنات أنا جيكت على ترتيبي مكتوب 6/3
مرفوض من جهة الترشيح
شنو يعني ؟

 

[قهوه ساده]

بنات انا سجلت وطلعلي مهئ للترشيح يعني مو مرشح
على هالحجي متى بيطلبوني متى نترشح شكلها السالفه مطوله حيييييييل
الي عندها خبره تفيدنا

 

[الجوريات]

هاي بنات يعني طلع الترتيب انا ما طلعلي شي

 

[Lays BL.ketchup]

قهوه ساده - الجوريات

انا بعد مو طالعلي الترتيب

 

[honey lust]

انا بعد ما طلعلي رقم ولا ترتيب

 

[frawlah_83]

شنو طلع الترتيب انا ماكو شي !!!!!!!!!!!!

انا الي اعرفه الترتيب يطلع بعد ماتخلص فترات المراجعه والديوان توه مسكر الاثنين اتوقع يبيلهم جم يوم على مايخلصون مراجعات

 

[فلنتينو]

اي في دفعه بتنزل ولا لا
ومتى؟؟

 

[frawlah_83]

على حسب كلام الجرايد في دفعه نص ٨ والله العالم

 

[قهوه ساده]

بنات دقيت على الديوان سألتها عن الرقم قالتلي انتي مؤهله للترشيح يعني مو مرشح
سألتها اذا رح يطلبوني هالايام عشان مراجعات او استكمال بيانات شي من هالنوع قالتلي بصريح العباره
لاااااا لا تو الناس مو الحين
يعني حطو روسكم ونامو هذا بالنسبه للي مسجلين جدد
لكن في اسماء مرشحين رح تنزل نص رمضان او اخر رمضان على كلام الديوان

 

[honey lust]

اي اوراق يبونهم بعد؟؟؟

 

[frawlah_83]

اي اوراق يبونهم بعد؟؟؟

لما اترشحين وينزل اسمج في وزاره اذا كنتي تبين المكان لازم تالي تراجعين جهه العمل تودين باجي ااوراقج الرسميه حق التوظيفه الي اهي البطاقه المدنيه والجنسيه وشهاده الميلاد وصور شخصيه

 

[بــدويــه مــا تــهـاب]

صبـــــاح الخيرررر..

لو ما عليكم امر حبيت اسأل ديوان الخدمه يصير يقدمون سعوديات؟؟؟