طحتي من عينهم اكيد اهما ما يحبون فصاروا ينظرون لج نظره على انج خفيفه او تكلمين او اي شي
انا اسفه حبيبتي ما اقصد اني اقولج هالكلام لكن انا ادري انهم صارو ينظرون لج جذي و الدليل الاسلوب المو حلو معاج و الحقران
اخذيها نصيحه مني
... سرج دفنيه معاج و لا تقولينه لاحد كلش مهما انقهرتي مهما تعبتي مهما حسيتي خليه لج واللللللله ان بتمر عليج اشكال يا حياتي من الصديقات كل مره راح تقولين هذي البنت الي تستاهل اسراري .. هذيج الي تستاهل اسراري ..
والنتيجه كلهم فيهم خصلة وحده نفسهم اول بعدين انتي !
وانا ما انكر يمكن تلاقين من تتقبل السالفه و تسمع لج لكن انها تكون على قلبج 100% انسي
المهم الحين هالصديقات لازم تعزمينهم على عشا ولا قهوه ولا اي شي .. اهي تمثيلية بسيطه سويها و ان شاء الله كل شي بيتغير
سوي روحج مو حاسه انهم حاقرينج و انج للخين ما تدرين و ان كل شي تمام
تقولين لهم شلونكم بنات شخباركم شمسوين هلا والله من هالكلام اشتقتلكم و بعدين قوليلهم دامي سمعت اخر اخباركم خل اقولكم اخر اخباري و ضحكي و قوليلهم طبعا انا الي حبيته هديته خلاص ما اكلم مراح اكلم مابي اكلم بس مابي خلاص اوفر الموضوع اني انا مو جذي
و بس اهما راح يقتنعون و اهني شوي يتعدلون معاج .. اهم شي خليج واثقه من نفسج و سرج لج .. ما عندج احد فهمي فهمي !!
ونصيحة مني لج :: لا تحبين
.. و ترى صديقاتج يحبونج لكنهم وخروا لان طريج الغلط ...... . غلط !!!!!
duh : >> اسمه طريج غلط وخري عنه و الي يبيج يطق باب بيتج .. عالاقل يكلم احد و يقول لو اني ما اقدر اخذها الحين مبدأيا تكون لي خطبة
وباين من طريقتهم ان البنات ما يحبون ولا يكلمون علشان جذي خافو من طريج الغلط
الدين النصيحة و النصيحة وردة مني لج ... سوي فيها الي تبين .. تاخذينها , تقطينها ما تاخذينها , المهم ان الوردة مني لج
ديري بالج
