الجزء الثاني: منتج الاسبوع المفضل ... مدمنات المكياج هذا الموضوع لكم حياكم الله

[cup cake's]

يعطيكم ألف عافيه بنااات خوووووووووووووش موضوع و الله

أنا باجر إن شاء الله بروح السوق و أخم لي جم شغله .. بس بغيت آخذ رايكم ..

محتاره بالفاوديشن شنو آخذ من بين اللي بحطهم و شنو الأحس و أبي اللي يعطي تغطيه حلوه

ماكس فاكتر و لا بوبي براون و لا كلارينس ؟؟؟

و إذا خذيت أي نوع من هالفاونديشنات ضروري يكون الكونسيلر من نفس الماركه ؟؟

إذا مو ضروري من نفس الماركه .. شنو أحسن كونسيلر طبيعي ؟؟

و ناويه أشتري ماسكرا سموكي لاش من ميك أب فور ايفر اختي مجربتها و تمدحها ؟؟ شنو في غيرها أبيها تكثف و تنفع للمناسبات ؟؟

اي و أبي تاتو للحواجب .. حاطه ببالي آخذ من بودي شوب شدو بني و أسود مثل ما قالت لي الاخت بنك جوسي ..؟
أبي درجته تكون حلوه مو غامج حيل .؟؟ بشنو تنصحوني ؟؟

و بخاطري آي شدو نحاسي .. اشرايكم بـ بينفت ؟؟ و إذا مجربين من أي ماركه ثانيه يا ليت تقولون لي ؟؟

يالله أنطركم .. ضرووووووووووووري ..

أدري أسألتي واجد بس شسوي عليميه

 

[cup cake's]

وينكم

باجر ع الساعه 2 بروح أمااااااااااااااانه ردوا علي :/

 

[Mrs_Orchidia]

محتاره بالفاوديشن شنو آخذ من بين اللي بحطهم و شنو الأحس و أبي اللي يعطي تغطيه حلوه

ماكس فاكتر و لا بوبي براون و لا كلارينس ؟؟؟
-- ماكس فاكتور حلوة و رخيصة
-- بوبي براون حلوة و غالية لووول
-- كلارينس مادري


و إذا خذيت أي نوع من هالفاونديشنات ضروري يكون الكونسيلر من نفس الماركه ؟؟
إذا مو ضروري من نفس الماركه .. شنو أحسن كونسيلر طبيعي ؟؟
لحد الحين أكثر مدح على كونسيلر بوبي براون
و موشرط نفس ماركة الفاونديشن .. انا ما احط نفس ماركة الفاونديشن ترىو عادي ما تفرق


و ناويه أشتري ماسكرا سموكي لاش من ميك أب فور ايفر اختي مجربتها و تمدحها ؟؟ شنو في غيرها أبيها تكثف و تنفع للمناسبات ؟؟
سموكي لاش مو حلوة .. انا واختي مجربينها مو شي كلش .. تطول بس ما تكثف و مع الوقت تطيح الرموش
اذا تبين حق المناسبات جربي من بورجوا الذهبية
ديور شو
لانكوم هيبنوس .. دراما


أبي تاتو للحواجب .. حاطه ببالي آخذ من بودي شوب شدو بني و أسود مثل ما قالت لي الاخت بنك جوسي ..؟
أبي درجته تكون حلوه مو غامج حيل .؟؟ بشنو تنصحوني ؟؟
مال بودي شوب حلو .. بس عندج بعد مال ميك اب فور ايفير حلو مع الفرشة .. و نفسه بالضبط من الهنوود كاراجا


و بخاطري آي شدو نحاسي .. اشرايكم بـ بينفت ؟؟ و إذا مجربين من أي ماركه ثانيه يا ليت تقولون لي ؟؟
روحي ماك او ميك اب فور ايفير و نقي الالوان على كيفج .. بينيفيت ماعندهم وايد الوان .. الاغلب نيود

 

[_zahra]

كب كيك عليج بالتجربة مو شرط اللي نفع بمدح البنات يمشي وياج صدقيني انتي جازفي وجربي وبعدين بتعلمين شنو اللي يناسبج

 

[magnolia]

بنات عندنا ماركة NARS؟




السوال الثاني
هذي علبة اي شدو اختي شرتها من مطار البحرين قبل سنة و نص من ديور
كلمة روعة شوية عليها

دورت بكل مكان بالكويت ماكووووووووووووووووووووو

بنات ما شفتو مثلها اهني عندنا؟
و ثانكس

 

[~MaNaR~]

بنات عندنا ماركة nars؟




السوال الثاني
هذي علبة اي شدو اختي شرتها من مطار البحرين قبل سنة و نص من ديور
كلمة روعة شوية عليها

دورت بكل مكان بالكويت ماكووووووووووووووووووووو

بنات ما شفتو مثلها اهني عندنا؟
و ثانكس

كان في نارس بالكويت اللحين ماكو

وبالنسبه لباليت الاي شدو جربي شوفي بمطار الكويت

لان في بضاعة خاصة حق المطارات بس تكون مخصصه للسفر

وما تنزل الا بالمطارات

 

[BaiTotia]

هذي العلبة مالت ديور ليميتد إديشن أتوقع من كولكشن الهوليدي

 

[cup cake's]

Mrs_Orchidia و _zahra

يعطيكم ألف عاااااااااااااااافيه بنات ما قصرتوا معاي ..

فديتكم و الله

 

[magnolia]

ماحبيت اكون متابعة للموضوع من دون ما اضيف شي بسيط من خبرتي العليمية بالمكياج

اول شي حبيت اسالكم عن هالمنتج من بينيفيت قالولي ان يثبت الحكل عشان ما يدث


بلييز بنات اللي جربته ممكن تقوللي شنو رايها فيه؟؟؟؟؟؟؟؟
و شنو طريقة استعماله؟؟؟؟؟؟؟

و ذاك المرة كنت اتصفح المجلة و تطيح عيني على صبغ اظافر لون بورغندي الحلو اللي فيه لمعة مطفية من استي لودر و طيران لهم و شريته بس عيبه لازم تحطين اقل شي طبقتين عشان يعطيج اللون اللي تبين
انصح فيه


يلا بانتظار ردودكم يا حلوات

 

[مراوي22]

كريماتي ريفلون حلو
بوبي براون حلو وخفيف ويصلح أكثر حق إلي بشرتهم مافيها عيوب
إستي لودر ماحبيته جربته بكذا طريقه وكلش ماحبيته طينه بلوه
ماكس فاكتر حبيبي أغير وأشتري غيره ولكن بعد أرجع له


أحلى أيشدو برايمر يثبته ويخلي لونه أقوى الذهبي كلش ماحبيته لانه فيه لمعه يصلح حق اللوك البرونزي بس بالنهار كلش ماحبيته أما الثاني تووووحفه طبعا ماينباع عندنه أظن قامو يبيعونه في الامارات ماركة أربن ديكي آنه طلبته من النت

عندي وايد أغراض مصورتها بس مركز التحميل ذبحني كل شوي ينقطع

 

[cup cake's]

قوه يا حلوين

يا حليلي و الله كبرت و قمت أشتري ميك أب و أمي تضحك علي خخخخخخخخخخخخخخخخخ <<

مالكم بالطويله

طبّوا حياكم ..

و هالأصباغ من isadora.. روووووووعه .. جيكوا على الأسود شوفوا شلون يصير شكله روعه صج
و اختي جربته صج صج صج نفس النتيجه اللي بالصوره واو من قلب

مسكرا بورجوا خذيتها على مدح اختي Mrs_Orchidia .. للأمانه ما جربتها بس فرشاتها وااااااااو .. و إن شاء الله أجربها و أقولكم رايي فيها << اخسسسسسسسسسسس لوووووووووووووووول

كحل أسود من isadora سواده مو طبيعي يهههههههههههههههبل ..
فاونديشن ماكس فاكتر 102 طبيعي هم أخذته على مدح البنات اهنيه .. و صج صج صج روووووووووووووووووووووعه ...
و روج مشمشي هديه من isadora لونه عادي ما جربته

هذا لونه

و هذا كونسيلر ميك آب فور ايفير تذكرت كان عند اختي و عاجبني جان آخذه و صج يهههههههههههههبل

و منكم نستفيد

 

[Mrs_Orchidia]

وااااااااااااي ونااااسة cup cake's قلتي اسمييي!! حبيتج :eh_s(22):
:ggdw:
حبيبتي عليج بالف الف مليووووووووووووون عافية .. و ان شاءالله كل اللي شريتيه يعجبج و تشترينه مرة و مرتين و عشر

الفاونديشن مال ماكس فاكتور صارلي 4 سنين أستخدمه .. حده رووعة من ناحية التغطية و الثبات :rerrerek:

بس ما شاءالله عليهم خواتي عقب اربع سنين قالوا جنه لونه ما يناسبج! :eh_s(2):
لووول


المهم .. مشترواتج وايد حلوة بس صبغ ايسادورا ليتج ما استعيلتي فيه

موجود عند بوبا الافينيووز مكود شكثره و ارخص منه
انا شريته يصير صبغين (اللون الغرافيتي مع البيس ماله) ب4 و ربع بس

ايسادورا اللون بروحه ب5 و نص ! حرام




و عليج بالعافية مرة ثانية :eh_s(9): و ناطرينج تسدحين تجاربج عندنا
:eh_s(17):

 

[SpiceGirl]

كب كيك .. علييج بالعآفيه خووش مشتريآت ,,


اصبآغ ايسآدورآ حلوه بس صآجه مسز اوركيديآ غلآيآ .. و فوق هذآ الغرشه صغيره

جربت بس وآحد حده اينن "pink cadillac"


و مسكرة بورجوآ .. احط منهآ طبقتين بس و قبلهآ اكون تآرسه رموشي باي وحده ثآنيه .. لانهآ تنتف الرموش !

اشوفهآ تنفع حق المنآسبآت


تكدينهم بـ العآفيه

:eh_s(17):

 

[مانجا80]

بنوتات

ياريت تساعدوني ابي مسكرا تطول وتكثف وضد الماي لانه عيوني تدمع وايد وفيني حساسيه وابي كحل ثابت ومايحسس العين ياريت من لوريال او ماكس فاكتور او نيفيا والماركات العاديه

 

[أم الأسلوب]

متابعه الموضوع ​

وهذول الردود مما راق لي بعد إذنكم طبعا ،،،​

انشاءالله اشارك معاكم ،،،​

 

[بحرينية بحرانية]

بنات انصحوني شنو احسن نووع فاونديشن
بشرتي قمحية فااتحة على صفار
ماكس فاكتور لاستنيغ بروفورمنس و شنو افضل درجة بالنسبة لي
او ماكس فاكتور كلور ادابت و الدرجة
الماسكرا
برجوا
او مايبلين الصفرا ا و الحمرا
او ماكس فاكتر 2000
بلاشر
شو رايكم ببلاشر مايبلين

او الكريمي من نفس الماركة
؟؟؟؟
​

 

[BaiTotia]

ماسكرة بورجوا تينن بس عيبها غصب تطلع هونت ماقمت استخدمها

 

[magnolia]

اشدعوا بنات محد رد على سؤالي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[cup cake's]

Mrs_Orchidia
لوووووووووووووووووووووول حبتج العافيه < جان أتقوقع و أستحي خخخخخخخخخخخخخخخ ..

ما قصرتي حبيبتي .. صج فاونديشن ماكس فاكتر روووووووووووووووووووعهأحب هالدرجه تناسبني حيل ..

و الله شكلي بدمن عليه لوووووووووووووووووووووووول ..

@@ مالت عليهم ايسادورا هاااا أوريج فيهم << هدي هدي خخخخخخخخخخخخخ

لا بس عليميه مادري ... خخخخخخخخخخخخ

و الله يعافيج حبوبه :eh_s(22):

SpiceGirl

الله يعافيج حبيبتي .. اي جربتها اليوم اشحلاتها بس يالله يالله تروح @@ اصدمت حياتي .. بس بخليها للمناسبات أحسن

BaiTotia

صاجه يالله تطلع .. بس حلوه و الله

magnolia

حبيبتي و الله ودّي أفيدج بس ما عندي خبره بالميك اب حيل .. إن شاء الله البنات ما يقصرون معاج

 

[semsema.q8]

سلااااااااااام

منتج هالاسبوع المفضل ..

ماسكرا لوريال تيلسكوبك ..
كانت عندي من قبل و لما نشفت ما رديت شريتها .. و الحين طلعت لي مع حمر شريتهم .. و من جربتها مره ثانية صارت صديقتي =)

<< انا اللي عندي اللي لووونها اسووود كلها ..

فرشتها ضعيفة و طويلة .. تعطي طوول للرمووش ..و اتفرق الرموش ما يصيرون لازقين ..