&&* تجــــمع مـــراجــعات مسـتشفـــى المـــــواســاه *&&

[sosota]

قووووووه بنات


بغيت اسال عن دكتور عادل مرسي بمستشفى المواساه احد جرب الولاده عنده ؟؟؟

انا بجر وقاعده اراجع عنده الحين احسه وايد حنون واسلوبه حلو ...و ان شالله راح اكون مرتاحه نفسيا وقت الولاده

ورفيجتي مدحته بالولاده بس ابي خبرات وحجي عنه اكثر بلييييييييييز


عاد انا نوعي خوااااااااااااااااافه وايد

 

[رقة و نعومة]

بنات منو يراجع عند نجوى لبيب اللي بالمواساة*

انحاشي عنها
عن خبرة ولادتها فلم رعب:rgewrg:

 

[ناني سيكرتس]

هاي يا حوامل: اشلونكم مع الحمال ..؟ الله يهون وايسر لنا حملنا.
امس كنت بزواره وسالت وحده من معارفنا عن الدكتور حيان والولاده عنده, طبعا انا اراجع عنده وللامانه يهبل الدكتور بس كنت بسال عن الولاده والخياط ماله, عاد هذي قالتلي خياطه ايين روحي اولدي عنده وانتي مطمئنه ولا تحاتين شي..
عاد الولاه سهاله من الله, قلت خلاص بكمل معاه والله المسهل .

 

[بيرلا ستور]

ناني ماقصرتي والله

انا عند حيان وكنت ابي اعرف عن الخياطة بس سمعت عنه كل خير

ومتابعة وياه الحمد لله ومتفائلة فيه خير من بعد ربنا

 

[بيرلا ستور]

خيشة شكر

انصحج بحيان انا الدكاترة الحريم خلاص توبة
بولادتي الاولى كنت عند نجيبة القطان واي حدها مادية ةبعدين رحت الراشد وفتحت عندهم ملف عشان اولد عندهم
والدكتورة تكون من عندهم بس هم وهقتني الدكتورة ايفا وسافرت بس كانت الولادة حلوة والخياط حلو مع دكتورتي الثانية نسيت اسمها بعد اجنبية


بحملي هذا الثاني قلت اروح دكتور وشفت المدح على حيان والحمد لله رحتله يهبل بكل معنى الكلمة

 

[sosota]

محد جرب دكتور عادل مرسي ؟؟

 

[الحرير]

انحاشي عنها
عن خبرة ولادتها فلم رعب:rgewrg:

ليش فلم رعب
ذكري لنا التفاصيل جزاك الله الف خير

 

[خيشة شكر@]

انا اذا براجع عند حيان الاحمد براجع علشان ابي احمل مو مرجعة حمال ؟؟؟؟؟
تنصحوني فيه

 

[بيرلا ستور]

خيشة اذا تبين للحمال روحي عند ناهض حمادية

حتى عيادته مو بالعيادات الخارجية بعده بالمبنى مال المستشفى والضغط عليه وايد
وشكثر بنات ابتدى معهم وحملوا من بعد ربنا وكرمه

واختي الحين بتعالج عنده واخت زوجي

الحين عن حيان بالمعالجة ماسمعت صراحة بس الكل يشكر منه

 

[ناني سيكرتس]

ناني ماقصرتي والله

انا عند حيان وكنت ابي اعرف عن الخياطة بس سمعت عنه كل خير

ومتابعة وياه الحمد لله ومتفائلة فيه خير من بعد ربنا

عاد انتي ولادتج قبلي, اولدي بالسلامه وكتبيلنا تجربتج مع حيان بالتفصيل..
الله يسهل عليج ولادتج انتي وباجي الحوامل ... ويهون على الي توهم حمل مثلي شروايي ...

 

[Om_Ksha]

رد: >>>تجمع مراجعات الدكتورة نداء بو خضور<<<

والله شكلي بفتحلي ملف عند غيرها ولا الوهقه !!

قاعده تحجز تذاكر سفر مايندرى متى عاد !!

 

[بيرلا ستور]

اكيد باذن الله ناني ربي يسهل علي وعليكم
واكيد رح اكتب كل شي وبكل امانة

متى ولادتج؟

 

[زينانه]

رد: >>>تجمع مراجعات الدكتورة نداء بو خضور<<<

ام كشه

انتي نفس حالتي بالضبط
انا اراجع عند نداء و ولادتي شهر 9
ومن كثر سفراتها اخاف اتوهق
جان اروح ابطل ملف عند ناهده العلي
من كثر مامدحوها قلت بس هذي الويتنغ لي
واذا صار ماصار طلبت ناهده

 

[زينانه]

رد: >>>تجمع مراجعات الدكتورة نداء بو خضور<<<

موعدي عندها السبت عقب عقب باجر
وبسالها عن وجودها بشهر 9 اكيد او لا

 

[نارنجه]

السلام عليكم

انا اراجع عند دكتورة شادية عثمان موجودة بالمبنى الي قبل المستشفى
بس على كلام الاستقبال أهي تعتبر عيادة خاصة بالدكتورة مو تابعه للمستشفى
ومجربتها من قبل تهبل وان شاء الله ناوية أولد بالمواساة

بس الحجي اشلوووون المستشفى و السسترات للحين سنعيين؟

 

[!الجادل الصعب!]

السلام عليكم

بنات من جربت ابرة الظهر عندهم ؟!
ويشملها التامين او لا ؟!

وابي دكتوره شاطره ماكو ):
اوامر سي السيد ضرووووري دكتوره هرمون الغيره
عنده مشعلل عنده الله يهديه ..!

 

[Om_Ksha]

رد: >>>تجمع مراجعات الدكتورة نداء بو خضور<<<

^
^
انا بعد بشهر 9 ولادتي
وموعدي عندها الاربعا الياي بس شكلي بسوي نفسج ..
وافتح ملف عند ناهده يمدحوونها .. بس تولد بالسلام !!!

والله يا حلوووووووووووو السلااااااااااام ..




بس انا اخاف الدكاتره مايرضون ايهم على اخر شي ولا عادي !! يعني انه ماراجعت عند ناهده من اول شي !!!
وصج شلون تصير المراجعات عند هاذي وهاذي .. يعني اذا كشت بناهده بالمراجعات اخاف وقت الصجيه توهقني

والله لويه الله كريم

 

[Om_Ksha]

رد: >>>تجمع مراجعات الدكتورة نداء بو خضور<<<

زينانه متى اخر موعد حددته لج !!
شكلي انا وياج نفس الوقت :///

 

[تكفى يا حظ ركز]

ههههه الجادل عقدج التأمين. ابرة الظهر ما تشمل فديتج. بس كمامهم عجيييييب. والله يوديج عالم ثاني. ابرة الظهر خطره فديتج
انا اخذتها من ثلاث سنين بالاحمدي والله اني تندمت حيل كنت متوتره. هي بفقرات الظهر مغامره. صج ماتحسين بشي كلللش بس تخافين منها.
دكتوره مادري. انا ولدت عند حيان الاحمد حيل مرتاحه معاه. وانتي بالولاده مع السسترات وفيه مساعده له دكتوره بعد هو جاني اول مادخلت غرفة الولاده وبعدين جا وقت طلعت الراس.والخياط. حريم مستحيل اجيهم جربت ثلاث بالولاده كل وحده غير عذبوني مافيهم صبر وبالهم مو وسيع بيخلصون وبس

 

[زينانه]

رد: >>>تجمع مراجعات الدكتورة نداء بو خضور<<<

ام كشه
ناهده تولد بالسلام
وراجعي معاها مرتين 3 مرات كافي
وبالتاسع قوليلها دكتوره بطلبج للسلام تولديني وراح تعطيج اظن اوراق
عشان تقدمينها للسلام عشان يدقون عليها حزت ولادتج