مناقشات وسوالف بنات نادي الكتاب

[كراميلا مرة]

بس احس بطل الروايه في مرض نفسي قهرني
شكلي بيخليني اوسوس مثله

 

[ليلو جبريت]

اي نفسه

هم كامل صح 900 صفحه وشوي
بس على جزئين حاليا وصلت 400 اخذ بريك واكمل

 

[بنت أبوي 1]

الرواية أقل ما يقال عنها رائعه
عدد صفحاتها 984
جميل فيها انها تناقش مواضيع نوقشت في عصر المؤلف
الحمد لله أنتهيت من قرئتها القصة :eh_s(9):
كتاب ألكتروني​

 

[ليلو جبريت]

حاليا 470 انام واخلص الجزء الاول وابداء بالثاني

 

[رحيل المرافيء]

http://twitter.com/#!/Bothayna_AlEssa
ليلووو هذي حبيبتج بثينة العيسى على تويتر لوووول



وبنات وين مناقشاتكم عن الرواية تقرون سايلنت يعني
اقروا بصوت عالي عطونا آرائكم

 

[ليلو جبريت]

ههههههههههه حلوة سايلنت
ورحيل بليز مافيني شدة تسمم

انا في اشياء مافهمتها ليش مو راضي اخته تتزوج من الريال الغني !!

بس شخصية البطل حلوة صراحه

 

[أنثى اليمامة]

مرحبا بنات انا للاسف تأخرت اخرني ان جهازي خرب ويحتاج فورمات للحين بالصفحه 422
شخصية البطل ، شخصية نادر نقرأ عنها او نتخيل صفاتها واحاسيسها ، متعودين على قالب معين من الشخصيات ، لك ديستوفسكي فنان فعلاً ،، يقول فرويد ان كل حالة نفسيه يكتشفها وكل مرض نفسي إلا ويلاقي ديستوفسكي متكلم عنه وذاكره برواياته ....

فعلاً ديستوفسكي رائعه ،، انا اعجبني الحوار خاصه صديقه ، حواراته واجوبته وافكاره تعجبني كثير ...


​

 

[أنثى اليمامة]

هو موراضي يخلي اخته تتزوج من الرجل الغني لان الرجل ما يناسبها ولا يناسب افكارها وهي مو مقتنعة فيه ولانها رح تتزوج الرجل الغني حتى يساعد اخوها بالمستقبل ، لانه يشتغل بالقانون ، ولان هذا الرجل الكبير الغني مغرور وبخيل ويبي يتزوج اخت راسكولينكوف لانها فقيره ، ويحب يسيطر عليها ويحسسها انه احسن لها لما تزوجها ، فالبطل ما يبي اخته تتزوج وتبيع نفسها عشانه ...

،، الكاتب بالروايه يسقط الضوء اكثر على عالم الفقراء وما يدور بينهم ، معاناتهم أحلامهم طموحهم ، ظروفهم الصعبة ،،
الجريمة مثلاً الي ارتكبها البطل ، نلاحظ كانه كل الظروف كانت تدفع البطل لا ارداياً لارتكابها ، وكان الظروف تتعاون معاه وتسهل له المهمة ، ولكن يأتي العقاب والي هو الان ما يعيشه البطل من معاناه وخوف وارتباك والمرض الي يعانيه بسبب الجريمة الي ارتكبها
كل الحالة النفسية الي مر بها البطل هي العقاب الاصعب عن جريمة الي ارتكبها ..

يوضح الكاتب بالرواية الي العقاب ليس عقاب مادي بالسجن او الاعدام او غيره وانما العقاب الحقيقي والاصعب هو العقاب النفسي الي يلحق المجرم من جراء ارتكابه للجريمه ...

للحين وكل هذا بالبدايه ما وصلنا لقلب الروايه ،، لانها تحمل اكثر من هذا .. فعلاً بكل كلمة احس بعبقرية ديستوفسكي ،،،



​

 

[ليلو جبريت]

روووعه تحليلج انثى

صح تركيب شخصية البطل كانت رائعه
راح ابتدي القراءة اللحين بس والله اضيع ساعات واضطر ارجع اقراء

 

[كراميلا مرة]

انا ليلحين صفحه 337
واحس حدي بطيئه الجزء الثاني كم صفحه
ترى موعندي
شكلي مابخلصها الا بعد رمضان
والروايه حلوه وخاصة الاحاسيس النفسيه
بس احس قمت اتاثر فيها حيل

 

[كراميلا مرة]

حاليا 470 انام واخلص الجزء الاول وابداء بالثاني

انا ابي اعرف في نفس النسخه الجزئين
او نسخه ثانيه الجزء الثاني
ابيها نسخه الكترونيه
وكم صفحه الجزء الثاني خل احسب حسابي متى اخلص

 

[أنثى اليمامة]

الجزء الثاني ما ادري يمكن 400 وشي ،، هي كلها كاملة 980 تقريبا ...

انا الحين ببدأ اقرأ ..

ليلو ماشاء الله عليج ، تقرين بشكل حلو ومييز ،، احنا تقريبا الحين قراب من بعض بالصفحات ،، وبخلصها قبل رمضان ان شاء الله

برمضان رح أبدأ الحرب والسلم لتولستوي من اربع اجزاء وناويه اخلي رمضان حق هالملحمة بروحها


​

 

[أنثى اليمامة]

حملي الرابط الي حطيته من قبل انا محملة الجزئين ويه بعض داجمينها .. اثنينهم تقريبا 980 صفحه

 

[ليلو جبريت]

اكيد قبل رمضان )":
انا قايله باخلص الي عندي قبل رمضان
ابي اروح المكتبه << اشتغل الادمان
بس هالايام احم احم مشغوله مع الدار

 

[أنثى اليمامة]

بالتوفيق ليلو والله متحمسة واااايد لج ،،


​

 

[ليلو جبريت]

حتى انا متحمسه وخايفه خصوصا اني غيرت بعض الشروط
والحمدالله وافقوا
مشكورة على الدعوه انثى

 

[كراميلا مرة]

عدل يعني النسخه اللي عندي كامله جزئين
يعني بخلص قبل رمضان

 

[ليلو جبريت]

اي منقسمه قسمين
مالي خلق قراءة اللحين

 

[أنثى اليمامة]

اي الي عندج كاملة الجزئين بتخلصين معانا قبل رمضان ... انا حاليًا خلصت الجزء الأول

الاحساس الي يمر فيه بطل القصه فضيع ومخيف جداً ...

​

 

[كراميلا مرة]

انا الحين وصلت لصفحه 360
وصج نفسية بطل روايه حدها متوتره
اتفاعلت مع الروايه لدرجة اني حسيت بالخوف مثله خخخخ
يمكن اكمل او اذا زهقت اكمل بكره قريت وايد اليوم