** تجمع الي مسوين جراحة الفك**

[barbie girl]

دموع منسيه و كتكوته حمدلله عالسلامه ومبروك نجاح العمليه الفال للجميع


بنااااات اشرايكم اسوي العمليه برمضان ولا عقب ؟

والله قمت احس بندم اقول اصوم احسن رمضان مره بالسنه ولاحقه عالعمليه اسويها عقب رمضان دايركت لاني جاهزه للعمليه وحددوا التاريخ 6 رمضان ومستشفى خاص يعني باي وقت اقدر اسويها


كتكوووته بسألج اذا بسويها برمضان اقدر افطر يومين ثلاثه واصوم الباجي؟؟ وجم مره تاخذين المسكن ؟ اقدر اخذه عالسحور واصوم عادي ولا كل جم ساعه ؟؟؟

انا حتى اهلي يمكن يروحون عمره وميته عالروحه بس افكر بالعمليه مدري محتاااره حيل



اسراااء اجلي سفرة العيد وسويها عالعيد وراااج دوام من صجج خلصي كل شي افتكي من بنات الدوام انا مجربة الدوام يمااااااااااااا حش وسوالف وقرااااض عاد لو شافوا وجهج منتفخ ما تسلمين من شرهم قطييييعه


خلااااص فكري بس بشكلج الحين لاحقه عالسفر

 

[barbie girl]

على طاري المرطب

انا ما استغني عن مرطب البودي شوب الستيك زبدة الكاكاو وفي نفسه نوع ثاني ستيك بس قيتامين بس زبدة الكاكاو احلىىىى ويرطب الشفايف



اسراااااء شوفي اذا كنسلت موعد عمليتي اخذيه عليج بالعافيه بشاااور نفسي واشوف

 

[sendrila]

ستايلك
المفروض حاطه صحن شوربه انتي عارفه وضع البنات ها لمفطح كيف بياكلونه
:krkrkr::krkrkr::krkrkr:
الله يتمم لك على خير وان شاء الله يتحقق نص الحلم الثاني

والف الف الف الف مبرووووووووووووووووك

:eh_s(9)::eh_s(9)::eh_s(9)::eh_s(9)::eh_s(9)::eh_s(9):

سيزر تفاح هلا وغلا

ايش دعوه ضيعتييييييييييينا ؟

طمنينا عنك ياقلبي ايش صار معك
​

 

[sendrila]

barbie girl

ياقلبي نصيحه سويها بعد رمضان لانه لازم تفطرين اذا سويتي العمليه لان الجسم محتاج غذاء وكثرة سوائل بعد العمليه عشان

عمليه التئام الجرح (وهذا الكلام موجه كمان لسوسو )

ومع الصيام جسمك راح يفقد هاي الاشياء وما راح تقدرين تعوضين اللي فقدتيه بالاكل المعتاد لان نوعية غذائك راح تكون

مقتصره على

السوائل والا شياء اللينه وكمان العمليه مو سهله يعني مو عملية زايده لا حبيبتي هاذي فيها تكسير عظام ياقلبي

ومعروووووووووووووووف ان الغذاء المتكامل في فترة النقاهه بيساعد في التئام الجرح يعني لو صمتي ماراح تقدرين

تعوضين اللي فقدتيه من السوائل اللي الجسم محتاجه ولا تنسين انو رمضان دي السنه بالصيف والنهار طويل

بالعربي اللي ناويه تسوي العمليه في رمضان تحط في بالها انو تفطرمستحييييييييييييييييييييييل تصوم وانتو شايفين كيف الواحد اذا

جاته انفلونزا ما يتحمل ويفطر ف كيف بعمليه كبيره زي هاذي ​

 

[دلوعة شيخها]

كتكوته
انا الحمدلله ماجاتني دوووخه
فما اقدر اقولك الا تغذي زين << من زين تغذيتي كانت كلها سوايل
ومتى استعملت الفرشه من ثاني يوم مع المضمضه الي كتبها لي الدكتور
باربي قيرل
انا ما انصحك تسوينها برمضان لانها فيها تعب وبيروح عليك رمضان في التسدح
والنوم والعيد مابتقدرين تطلعين وانا عانيت كثير من سالفة العزايم والخرجات:eh_s(2):
لان كل وجهك وآآآآآآرم وآخر القرار لك
ستايلك
الف الف الف مليوووووووون مبروووك
عقبااال ماتسوين العمليه وتفرحين زياااده يااارب
ياربي لك الحمد بس ماقدرت اكثر أكل
كثر الله خيييرك
سيزر تفاااح
وش ذي الغيبه:eh_s(22):
من طول الغيبات جاب الغنايم
هاه بشرينا وش آخر اخباارك
دموع منسيه​

الف الف الحمدلله على سلامتك
وان شاء الله تنسين التعب وتفرحين بالنتيجه​

 

[Miss_o]

مرحباااااااااااااا جميعا عضوة جديدة تنضم للمنتدى وتنضم لاكبر تجمع جراحي

مراحب جميعا انا باختصار عندي بروز خفيف بالفك العلوي ممكن تعديله بالتقويم لكن اللي مضايقني اكثر القمي سمايل

كنت ابحث عن حلول لها وعرفت من استشاراتي للاطباء انها مالها حل غير الجراحة

بحثت في النت ولقيت تجمعكم هذا التجمع المبااااااااارك ومرا فرحت

تجمع وبنفس الوقت عيلة مشالله استفسارات وتشجيع ودعم نفسي لبعض

شي يريح صراحة

انا لسا مابديت مشواري سويت خلوعات للاضراس وباقي 1

دعاواتكم لي بالتساهيل وضموني لقائمتكم الحديدية

 

[Esraa.a]

اسراااااااااااااااااء ياحبيبتي نصيحه لاتسوين العمليه وتساااااااااااافرين لانه ياقلبي راح يكون تعب عليك وانتي ماكملتي 10 ايام ولا تنسين الزحمه اللي في الحرم تخيلي احد يدقج بوجهك وانتي لسه ماالتئم الجرح لانه مع الزحمه الناس تخبط في بعض نصيحه مني سوي العمليه بعد العمره منها تدعين قدام بيت الله الحرام ان الله ييسر لك امورك ويرضيك بالنتيجه ويرزقك بالوظيفه اللي تتمنين وحاولي تقدمين العمره بداية رمضان واول ما ترجعين سويها و كنسلي سفرة العيد لان انتي عارفه السفر تعب شيل وحط بيكون فيك حيل ياترى؟؟ وقتها بتكونين في فترة نقاهه وانتي عارفه هالفتره يبي لك تركزين على غذائك وراحتك ولاتنسين التغيرات النفسيه اللي تصير بعد العمليه بتكونين كارهه نفسك طبعا هذي فتره مؤقته وتروح .
بس انا حابه اقول شي رمضان شهر عباده وهو شهر واحد في السنه يعني بيروح عليك اجر الصوم والصلاه لانك ماراح تقدرين تصومين وانتي تعبانه اصلا لازم تتغذي زي الناس وصلاة التراويح والقيام ماراح تقدري تصليها فافضل تأجليها لبعد رمضان على طوووووووووووول والله يكتب لك اللي فيه الخير الا اذا التأجيل مو في صالحك من ناحية المستشفى وتوفر الاسره هذا شي ثاني واستخيري ياقلبي .​

والله يا سندريلا أنا نيتي إني أصوم رمضان كله واتفرغ للعبادات خصووووصا في العشر الأواخر

وما أقدر أقدم العمره .. بالغصصصصصب لقيت لي حجز

أمي قالتلي قعدي بالكويت سويها مو ضروري عمره >> أنا مصررره عالعمره لأنه عمرة رمضان ما تتطوف

سفرة العيد احتمال أكنسلها .. بس العمره لأ

المشكله ما أقدر أأجل العمليه بعد العيد >> وراي مقابلة وظيفه



أنا بصلي أستخاره .. واللي الله كاتبه لي بيصير

والله يرزقني على قد نيتي ياااااااااااارب

 

[Esraa.a]

حيااااااااااااااااااااكم












وركبت التقويم ركبت التقويم

وركبت التقويم ركبت التقويم



وركبت التقويم ركبت التقويم

وركبت التقويم ركبت التقويم

وركبت التقويم ركبت التقويم



ركبت التقويم ركبت التقويم

احتفااال تاايم:ggdw:


واخيرا تحقق الحلم حلم من سنييييين كلللوش وركبت التقويم ركبت التقويم

لاتلوموني بنات فرحااانه مررررررررررره لو بيدي احتفلت بالعياده بس بيقولون وش هالمهبوله

ياربي لك الحمد والشكر اخيرا

يارب يتمم علي وماتبهذلني الحشوه

معي الم شوي وصداع وووو في شغلات اقلقتني عرضها الدكتور

لي عوده لذكرها الحين وناسه بالتقويم شوي

ههههههههههههههههههههههههههههههههههههههههههههه


موتيييييييييييييييييتي من الضحك :krkrkr::krkrkr::krkrkr:



هذاااااااا تقويم .. الله يعين لما يعطونج موعد العمليه شبتسوين لوووووووووووووووول


الله يوفقج ان شاااااااااااء الله :eh_s(9)::ggdw::eh_s(9)::ggdw:

 

[Esraa.a]

>>>> صارلي وقت وانا ادور الموضوع ضيعتكم يالحديديات واخيرا لقيتكم
شلونكم بنات جميعا ؟؟
مبروك الي سوت العمليه
اسراء .. شلونك قلبي لا ماسويت العمليه بس كنت مضيعتكم ههههههههه
وراي لك تسوين العمليه بعد اشغالك وسفرياتك لا تستعجلين اهم شئ الوناسه والسفر ومتى مافضيتي سويها لا تضغطين نفسك
ولا تسوينها برمضان .

>>>> بقراء الصفحات ولي عوده .

أهلااااااااااا أهلااااااااااااااا

أسفرت وأنورت



المشكله إني مو فاضيه إلا هالفتره >> فترة رمضان

الله يكتب اللي فيه الخير ان شاء الله لي ولكم




و لااااااااااا تقطعين الله يخليج .. وبلغينا باللي يصير معاج أول بأول علشان ما نحاتيج :eh_s(15):

 

[nenna92]

هااااااااي بناااااااااااااات شلووووووووووووووووووونكم ؟؟؟؟؟؟؟؟



انا ليلحين مشوار طويل

بس الحمدالله هانت


باربي شصار عليج؟

دموع منسيه
الحمد الله على السلااااااااااااامه

 

[Esraa.a]

اسراااء اجلي سفرة العيد وسويها عالعيد وراااج دوام من صجج خلصي كل شي افتكي من بنات الدوام انا مجربة الدوام يمااااااااااااا حش وسوالف وقرااااض عاد لو شافوا وجهج منتفخ ما تسلمين من شرهم قطييييعه


خلااااص فكري بس بشكلج الحين لاحقه عالسفر

انا ليلحين ما توظفت بس عندي مقابلة وظيفه بعد العيد ,, وإذا قبلوووني ان شااااااااااء الله تعرفين إجراءات الوظيفه روحه ورده


اناااااا ميييييييييييته عالمكان هذا بالذات .. فماااااااابي أسوي العمليه وتروح علي المقابله والوظيفه


وهم مابي أسويها بعد ما اتوظف >> مالي خلق بنات الدوام والقرض والحش


عموما إذا توظفت ما يعطوني إجازه إلا بعد 6 أشهر من الوظيفه



ماااااااابي أأجل هالكثر ,, بسوي العمليه بخلص بفتك


علشان جذي ودي أسويها بداية رمضان .. عالأقل ويهي يكون فاش نوعا ما للمقابله

وطبعاااااااااا المقااااااابله ما تتأجل على كييييفي .. إذا ما راحت المقابله تروح علي الوظيفه



بنااااااااات ادعولي الله يرزقني هالوظيفه

 

[Esraa.a]

اسراااااء شوفي اذا كنسلت موعد عمليتي اخذيه عليج بالعافيه بشاااور نفسي واشوف

يعطيييييييييييج العااااااااااافيه مااااااااااا تقصرين بعد عمري:eh_s(17):



ما أقدر آخذ موعدج >> أنا سفرتي للعمره 12 رمضان


وانتي موعدج يصادف 6 رمضان تقريبا

 

[Esraa.a]

بقولكم وش قال دكتور التقويم بعد التركيب عرض صور ل3 اشخاص

واحد منهم البكتيريا متجمعه في اسنانه وسببتله التهاب شديد باللثه مما اضطر الدكتور انه يفك التقويم لانه مااستفاد شي منه بسبب اهماله

والثاني من قل التنظيف او طريقة التنظيف الخطأ صار عنده بكل اسنانه بقع لونهم ابيض على قد حجم دائرة التقويم لانه البكتيريا تجمعت بالنص اللي هي مثل الكرستال لاصقه بالسن والطبقه هذي شوهت له شكل اسنانه ويقول الدكتور انه مالها حل ابد
تستمر معه للابد ونفس الشي فك التقويم مااستفاد شي غير التشوه

والثالثه عاد هذا اللي مهتم في اسنانه طلعت النتيجه وااو


عاد خويتكم في الله يوم تروح كانت طول اليوم موماكله شي ويوم سمعت هالكلام من الدكتور خفت خفت خفت خفت:eh_s(2):

مااخفيكم يمكن خوفي يوازي فرحتي بالتقويم لدرجه اني بعد ماطلعت من العياده كان الدكتور قايل عادي تطلعين الحين تروحين تاكلين لكن طبعا منعني من الاشياء القاسيه والاصقه

و مرينا الراشد عشان يتغدون لكن مااكلت شي ابد ابد:eh_s(2): اشوف الناس ياكلون وانا محرومه اتذكر الكلام والصور
ولازم افرش بوقتها حتى اقول لااختي افكر مااكل شي على طول واعتمد على السوائل والاسكريم
لانه اخاف يصير فيني لاقدر الله مثل ماصار في اللي الاثنين اللي شفتهم

وانا موسوسه بالاشياء اللي زي كذا بالخوف و بالتنظيف تدرون اول ماركبت المطاطات ماكنت عارفه انظف كيف كنت خايفه يطيحون ومن خوفي وحرصي كانت طريقة تنظيفي خطأ ولما رحت للدكتور قالي زيدي التنظيف وفشلتاه لقى بقايا

عاد روحتي الثانيه اللي هي امس رحت وانا لثتي واسناني نازفه من التنظيف بالخيط وواحد من المطاطات طاح من شدة التفريش

عاد الله يسلمكم الدكتور عطاني فرشاه صغيييييره مع شمع
وطلع عينه شنطه فيها كل ادوات التقويم و طلب انه تكون معي مثلها فيها عدة للتنظيف على طول وين مااروح معي

ومريت على بعض الصيدليات وحتى محلات مستلزمات الاسنان ومالقيت مثل الشنطه ولا حتى نوع الفرشاه الثانيه واخر شي اخذت الاغراض متفرقه وباقي الشنطه

-وعندي سؤال هل من ضمن الفرش اللي اقدر افرش فيهم فرشه عاديه؟ ولا لازم فرشة التقويم اللي فيها شبه من العاديه لكن من الوسط تكون داخله شوي

-ياليت تعرضون لي بالصور فرش التقويم بكل انواعها لاني بحثت بقوقل مالقيت شي واضح واكون شاكره ومقدره :eh_s(17):

-وهل عادي اني استعمل الغسول باليوم اكثر من مره؟؟

-وانا خايفه من البقع البيضا اللي تصير داخل حلقة الكرستال مثل اللي شفته كيف تتنظف هذي :eh_s(2):


وسؤال بعد ياكثر اسئلتك :tongue22:
-جتني الممرضه بالعلبه تقول اختاري
واحترت باللون ونسيت اصلا انه يركبون ملون :s141: حسافه كان استشرتكم قبل
لكن سمعت بنصيحة الممرضه السعودية وحطيت زهر مع موف طلع ماشاء الله روعه
لكن مايمنع ياليت تعطوني احلى الآلوان اللي جربتوها عشان اسجلهم للزيارات القادمه



في انتظار الاجابات والاضافات:eh_s(17)::hjy5jewf:

ستاااااااااايلك حبيبتي لااااااااا تخافين .. هذي حالات بسيييييييييطه

الدكتور خلاج تشوفينهم علشان يأكد عليج على سالفة التنظيف لا أكثر


هذا مو معناه إنه تمنعين نفسج من الأكل



كلنا حاطين تقويم .. ما صارلنا شي من اللي قلتيه

وأزيدج من الشعر بيت أنا حاطه تقويم مرتين .. الحمدلله ما صار شي



هذي الحالات ما تهتم بالتنظيف ولا تفرش نهاااائيا طول مدة التقويم


انتي فرشي عالأقل مرتين باليوم أو بعد كل وجبه ( لزيادة الحرص) ومااااااافيه إلاااا العااااافيه ان شاء الله لاااااااا توسوسين

ولاااااااا تبالغين بالتنظيف ولاتحاولين تنظفين حلقة الكرستال علشان ما ينكسر التقويم ترى بسرعه ينكسر


بالنسبه للفرش المستخدمه مع التقويم >> عاااااااااااادي تقدرين تستخدمين أي فرشه مو شرط فرشه معينه


والغسول لا تستخدمينه اكثر من مره باليوم لأنه يتعب اللثه >> استخدميه 3 مرات بالأسبوع تقريبا


ماي وملح يعتبر غسول طبيعي >> اخذي بطل ماي وحطي فيه ملعقة متوسطه الحجم ملح وغسلي فيه
بس لااااااااا تكثرين من الملح لانه يتعب اللثه بعد

 

[Esraa.a]

مرحباااااااااااااا جميعا عضوة جديدة تنضم للمنتدى وتنضم لاكبر تجمع جراحي

مراحب جميعا انا باختصار عندي بروز خفيف بالفك العلوي ممكن تعديله بالتقويم لكن اللي مضايقني اكثر القمي سمايل

كنت ابحث عن حلول لها وعرفت من استشاراتي للاطباء انها مالها حل غير الجراحة

بحثت في النت ولقيت تجمعكم هذا التجمع المبااااااااارك ومرا فرحت

تجمع وبنفس الوقت عيلة مشالله استفسارات وتشجيع ودعم نفسي لبعض

شي يريح صراحة

انا لسا مابديت مشواري سويت خلوعات للاضراس وباقي 1

دعاواتكم لي بالتساهيل وضموني لقائمتكم الحديدية

ان شاااااااااااء الله من عيوني تاااااااااامرين أمر


بس ما قلتي لنا وين بتسوينها ومنو جراحج ؟؟

 

[Esraa.a]

القائمه الحديديه​

1- Emo Princess ( انتهت من العمليه 28-11-2010) الكويت ​

2- احساس مجروح (انتهت من العمليه 24-1-2011) الإمارات ​

3- maha al (انتهت من العمليه3-3-2011 ) السعوديه​

4- عيون عليا (انتهت من العمليه 5-3- 2011) الكويت​

5- غلااا الروح (انتهت من العمليه 3-2011) الكويت​

6- jnona (انتهت من العمليه 8-3-2011) الكويت​

7- غلاااااه (انتهت من العمليه 20-4-2011) السعوديه ​

8- اخت الامل (انتهت من العمليه 28-4-2011) السعوديه​

9- دلوعة شيوخها (انتهت من العمليه 3-5-2011) السعوديه​

10-عبير الصباح ( انتهت من العمليه 6-5-2011 ) السعوديه ​

11- ego-girl (انتهت من العمليه 6-5-2011) الإمارات​

12- Black & white (انتهت من العمليه 24-5-2011) الكويت​

13- nenna91 ( انتهت من العمليه 1-6-2011 ) الكويت​

​

14- Reem.M ( انتهت من العمليه 8-6-2011) السعوديه

16- دموع منسيه ( انتهت من العمليه 30-6-2011) السعوديه​

15- innocence ( انتهت من العمليه6-7-2011 ) السعوديه ​

17- كتكوته 2010 ( انتهت من العمليه14-7-2011) السعوديه ​

​

18- إسراء

19- لابيرلا​

20- بنت البحراني​

21- دنيا الحب ​

22- عصي الدمع ​

23- قهوة تركي​

24- سمنه ع عسل ​

25- شتآآت ​

26- ليلى ​

27- barbie girl ​

28- ساره​

29- توته مربربه ​

30- ستايلك ​

31- نرجس​

32- سنفوره كويتيه ​

33- كتكوته غنوجه ​

34- princess.78 ​

35- سيزر تفاح​

36- ريهام​

37- sendrila​

38- miss_o​

العدد قابل للزياده بإذن الله​

 

[Miss_o]

اهلا Esraa
انا اراجع عند الدكتور صالح البازعي ولسا ماقرر اهم فكين ولا واحد لحد مااخلص التقويم
وشكرا لك

 

[innocence]

السلام عليكم ورحمة الله وبركاته

اخيرا حصلنا هالمووضوع

بنات انا بنت عمي عندها قمي اسمايل وتراجع بالفك السفلي بشكل شديد
وجهها حاليا من فوق متوازن بس فكها السفلي راجع للخلف ومافيه ذقن

سوت تقوويم لمده 3سنوات والحين هي جاهزه للعمليه

وش رايكم بدكتور عبدالعزيز الوتيد؟؟؟؟؟؟؟؟

تنصحون انها تسوي عنده؟؟؟؟؟؟

وهل تقديم الفك السفلي ينحف الوجه ولا لا؟؟؟؟

والعمليه تغير الوجه كامل والا بس من الفك ؟؟؟ يعني العين والانف من فوق يخرب منظرهم ولا لا؟؟؟؟؟؟؟

وياليت تحطونها بالقائمه هع

وسلامتكم الف سلامه

اهلا يالغاليه وحياك بينا انتي وبنت عمك

اذا القمي سمايل مررره شديده بيتغير وجهها كثير خصوصا لان فكها السفلي متراجع فالتغيير بيكون جذري وطبعا للافضل
وبالنسبه للعيون والخشم بعد العمليه مباشره ماراح تعرف حتى نفسها ههههههه التورم بيغير ملامحها كلها
بس لازم تتهيا نفسيا للتغيير بعد مرور 3 شهور بترجع ملامحها مثل قبل بس رسمة الوجه من تحت كلها بتتغير
بيصير الوجه اقصر ومحدد من تحت

الله يسهل لها ويوفقها والدكتور عبد العزيز الوتيد ممتاز اعرف كثير مسوين عنده عمليات

مرحبا
انا ناوية اسوي العملية ان شاء الله، عندي بروز في الفك العلوي وميلان خفيف
المهم، سؤال للي عندهم بروز في الفك العلوي
حرف السين عندي غريب شوي مايطلع مره واضح مو (ث) بس ولو مو (س) صافية، ممكن يكون هذا بسبب بروز الفك العلوي ويروح بعد العملية؟

وفي وحده هنا سوت العلمية عند دكتور زهير حيدر او تعرف عن الدكتور شي؟

هلا عزيزتي

بالنسبه لبروز الفك العلوي وتاثيره على حرف السين فعلا ياثر ماتطلع سين بصوت حاد
اقصد المتعارف عليه
اذا صارت العضه سليمه بيصير النطق سليم

والدكتور زهير حيدر معروف وخبرته طويله فيه تجربه لواحد مسوي عمليته عنده
منزلتها انا بالمدونه ومبسوط بالنتيجه

بالتوفيق :eh_s(17):

 

[innocence]

المقاسات قبل العمليه هي عباره عن مودل للاسنان وللعضه ؟؟ يسويها دكتور التقويم ؟؟

تــــــيب فيه مقاسات ثانيه والا هذي كفآآيه

ارجووا الرد سريعا ويعطيكم العافيه

بنت عمي يوم دورتها طلع هو نفسه يوم العمليه <<<< البنت مبتلشه ولا تبي تاجل عمليتها

اسعفوووووووووووها بالحل الله يوفقكم

اخر مقاسات ياخذها دكتور التقويم قبل العمليه هذي يحتاجها هو عشان يتناقش مع الجراح عليها
بس فيه مقاسات ثانيه ياخذها الجراح قبل العمليه بكم اسبوع يسوي عليها العملية بشكل افتراضي
وبرضو يتناقش مع دكتور التقويم عليها

وبالنسبه للدوره مافي مشكله

بشرينا عنها اذا قامت بالسلامه

 

[innocence]

تصدقين بكيتيني والله :eh_s(16):

ضاق صدري عليك وشلت هم ردة فعل ابوي

الله يهونها ياااااااارب علي ويطمن قلب امك وتتقبل الموضوع ياااارب

:yaaaaaarb:

آآآمين تسلمين حبيبتي
الله ييسرها عليك وتلقين سرير دايم افكر فيك

كتكوته 2010 و innocence


الله ييسر أموووووووووركم ياااااااااااااااارب ويسهل عليكم ,, ميخالف تحملوا شوووي هي فتره وتعدي وبعدها ان شاء الله بتطلعون ملكات جمااااااال

وان شاء الله بإذن الله النتيجه تستاهل التعب


الله يصبركم عالأهل وعالجوع وعالألم وعالورم

آآمين وياك ياقلبي ربي يوفقك


دموع وكتكوته

الله يشفيكم يارب ويرزقكم الصحه والعافيه

اشتروا حليب انشور من الصيدليه وبتدعون لي صدقوني مارجعت طاقتي الا بعد مااعتمدت عليه بعد الله
وطول اليوم اشربوا عصيرات وميلك شيك من هرفي او كون زون

وتحملوا واحتسبوا العافيه بترجع شوي شوي وكل شي بيرجع طبيعي بعد فتره

ولاتفكرون بشي سلبي الحين جا دوركم انتوا

بردود افعاالكم تجاه صحتكم سواء سلبيه او ايجابيه هي اللي بتاثر على نفسيتكم وعلى صحتكم عموما
اضغطي على نفسيتك مع اني عارفه ان الشهيه زيرو حاولي تشربين السوائل قد ماتقدرين
انا قاريه بالمواقع الطبيه لازم بعد العملية تخلصين 2 الى 3 لتر سوائل في اليوم الواحد
بس احسه صعب مع التهاب الحلق وانسداد الخشم بس اشرب غصبا عني
خايفه اطيح على وجهي خخخخخخ

هو التعب مو سهل صح بس هونوها وتهون احتسبوا الاجر من رب العالمين وان شاء الله اللي مرينا فيه كفاره لنا عن ذنوبنا
واعرفوا ان هذا كلللله مؤقت وشي طبيعي وماقررنا قرار العمليه الا وقاطعين عهد على انفسنا
ان راح نتحمل وراح نصبر لان النتيجه اكيد افضل وتستاهل :eh_s(15):

والانسان مهما صار قوي اكيد بيمر بحالات ضعف شي طبيعي بس اذكري الله وتعوذي من الشيطان
وادعي ربك وكل شي بيتسهل

قلبي معاكم ربي يسهل عليكم ان شاء الله :eh_s(17):

 

[innocence]

انسنس

الله يعينك ويصبرك ويطمن بال امك
تحملي وحاولي احد يكلمها ويريحها من اللي تعزهم من اخوانك او خوالك او عمانك اهم شي احد تسمعله وتطمن لكلامه او الدكتور

وحتى لو تخلونها تشوف الصور اللي في النت قبل وبعد مااظن بتستمر على رائيها
وعسى ربي يطمن قلبها ويسعدك بالنتيجه يارب

آآمين الله يسمع منك كلمت خالتي واحس نفسيتها افضل شوي
وراحت معي للدكتور وجلست تلومه خخخخخخخخ
قالت له انصدمت من كمية التغيير وليش ترفع لها الفك كثير اسنانها و لثتها مو باينه ابد بتصير ضحكتها مو طبيعيه
امي مو فاهمه ليش مسويه العمليه مو معقدني الا هاللثه :eh_s(4):ههههههههه
جلس يطمنها ساعه قال انتي امها تبين وجهها القديم حتى لو فيه مشكله خخخخخخ
وقال هي ملامحها تغيرت عشان التورم بس اذا راح يصير بس التغير على النص السفلي وبتتعودين على شكلها مع الوقت

ياحليلك ياستايلك مت ضحك عالمفطح :krkrkr:والرقصات الخطيره هههههههههههههههههههههههه

الف الف الف مبرووووك عالتقويم :eh_s(9):

الله يتمم لك على خير وان شاء الله نبارك لك بنجاح العمليه قريبا :eh_s(17):

ان شاء الله دوم هالفرحه

بس ارحمينا لاتحطين مفطح هههههههههه

وعلى فكره تبغين الطريقة الصح لتنظيف الاسنان فيه موضوع بالمدونه اسمه oral hygiene
حاطه فيه فيديو لطريقة التفريش ومنزله صور الفرش اللي استخدمها

صباح الخير


وين الباقين يلا ان شاء الله الاقي رد على اسالتي



اللي سوا العملية

كيف تنظفوا اسنانكم من بعد العملية بكم يوم ؟

انا ماقدر انظفها جيت انظفها بفرشاة الاسنان حق التقويم الصغيرة الا شفت الخياطة من قدام عن الفك تحت
بغى يغمى علي تصدقون حتى النوم والدوخة طارت من الخوف!

انا قلت اخليه واليوم ينظف لي الدكتور لان اشوف الاكل على الخياطة مو قادرة اسوي شئ (الله يستر ما يهزئني الدكتور)

بس دعواتكم اسراء وينك يختي مالك حس والباقين وينكم !!!!!!!!!!

بنات تكفون ادعولي بشفاء العاجل يارب

هلا كتكوته

بالنسبه للتنظيف انظف بكذا اداة خخخخخخخ

ايام التقفيل طبعا ماافتح فمي احس لساني فيه حبوب ويوجعني بس لما اتمضمض بالغسول يخف
وانظف بفرشاة اطفال على الاماكن اللي اقدر اوصل لها طبعا فوق مااقدر اوصل له ابد حتى الاسنان مااشوفها كثير لانها مغطاة ببلاستيك

فاستخدم فرشاه صغيييره اللي شكلها مخروطي تستخدم للتقويم توصل لاغلب الاماكن وبرضو استخدم اعواد اسنان الخشب

بالنسبه للغرز احاول ارفع الشفايف بالمقدار اللي اقدر عليه لانه يألم وانظف بعود قطن اغمسه بالغسول المخفف بمويه

وهي نفس الطريقه اللي ينظفون بها بالعياده اذا رحت لهم

الحين لما صرت افتح فمي مااقدر ادخل الا اصبع واحد وافرش اسناني بشويش وافرش البلاستيك واستخدم اعواد اسنان

و بالنسبه للخيوط عادي اشوفها تتدلى خخخخخخ بس مااحركها اصلا توجع موووت الغرز


miss_o

ياهلا وغلا اهنيك على اختيارك للجراح بتنبسطين من النتيجه ان شاء الله

كلنا عند نفس الجراح بس مين دكتور التقويم؟؟