شي غريب ؟ !!

[Strawberry.lady]

سلام عليكم بنات


بنات قبل شوي أنا كنت قاعدة بدوامي و عادي قاعدة أسلوف بتلفون فجأة دخلت عليه وحده منقبة سلمت و قالتلي تبيني اشوفلج حظج قتلها لا مشكوره و كنت لاهية بتلفون فجأة عادت الكلمة مره ثانية و هني انتبهت عليها طالعتها بعيونها ولا تقولي انتي عليج عيين قوية و عادة ثلاث مرات و خاطرج مكسور من شي و حييل مكسور يا بنتي انا هني مادري شصار فيني اخترعت و قتلها لو سمحتي قتلج مشكورة و تفضلي برا قبل لا تمشي قالتلي انتي بنت صغيره و عليج عين قوية و خاطرج مكسور والي كسر هل خاطر يومه قريب و اسفه على ازعاجج و مشت :jumpon:
بنات صراحه انا اخترعت شنو تبي هذي ؟! و شسوي اذا ردت مرة ثانيه لأن قالت رح ايلج مره ثانية يمكن تغيرين رايج !!!!!!!!!!

 

[ليلو جبريت]

هم دوم يقولون نفس الكلام عشان يلفتون الانتباه
مثلا تقولج في وحده طويلة وضعيفه وفي وجها شامه مسويتلج عمل
طبعا في حياتج اكيد مريتي بوحده من نفس المواصفات فهي تحاول تلاقي منفذ لج
فقالتلج عليج عين قوية ولما تتجاوبين يبتدي النصب
احسن حل تذكرين ربج وتبتعدين عنهم
وتذكري محد يحميج غير ربج فألجئي له وقومي صلي ركعتين وطولي في السجود عشان نفسج تهدئ

 

[ليلو جبريت]

واظن في موضوع عن الي منقبه وتسرق لفلوس فتطالعين حد في عينه

 

[قطوووة]

اي حجي فاضي

يالفون من عندهم
خليها تولي

 

[الأميرة جوري]

اشلون يدخلون بهالاماكن ...!!
اذا يت ثاني مره اقري الاذكار بدون لاتحس لانهم يتعاملوون مع الجن ومايعلم الغيب الا الله...طرديها

 

[أماني عمري]

من تشوفينها على طول اقري آية الكرسي بقلبج و ادعي اللهم اكفنيهم بما شئت و تشوفين شلون تقفي عنج لا تخافين، ترى الخوف يسهل على هالنوعية اللي يبونه من الناس و الله يحفظج من كل شر

 

[al3sooola]

دوامج ما فيه سيكورتي؟ يجرونها ؟ قطيعه اول ما تجيلج دقي عليهم من غير ماتدري على بن بتطلبن شي اهما يعرفون المكان من رقم المكتب وبس. دربالج منها عاد احنا جذي طريقتنا بالدوام

 

[•Brown•Sugar•]

نفس الموقف صار معاي بالدوام
بس انا دوامي بمكان راقي مادري من وين طلع هالانسان
وانا اشتغل بمعاملته قالي ممكن تفتحين ايدج؟
قلت له عفوا؟ ليش
قالي انتي برجج ...
اللي يمي تنحت
قلت له لا << كلامه صح
قالي مبين عليج
اللي يمي نطت وقالتله اناااااااااااا شنوووو؟؟
قالها وريني ايدج
قالها انتي زواجج بعد 6 شهور وعزميني
البنت مو مخطوبه ولا شي
بعد 6 شهور بالضبط تزوجت @@
قلت لها تذكرين اللي شاف ايدج وقالج بتتزوجين
اخترعت هههههههههههه
بس انا ما احب هالسوالف واخاف ماعطيته ويه
ولا خليته يتمادى معاي احسها قله ادب يعني

 

[السهم الصويب]

اعوذ بالله

 

[عاشقة هواك]

نفس الموقف صار معاي بالدوام
بس انا دوامي بمكان راقي مادري من وين طلع هالانسان
وانا اشتغل بمعاملته قالي ممكن تفتحين ايدج؟
قلت له عفوا؟ ليش
قالي انتي برجج ...
اللي يمي تنحت
قلت له لا << كلامه صح
قالي مبين عليج
اللي يمي نطت وقالتله اناااااااااااا شنوووو؟؟
قالها وريني ايدج
قالها انتي زواجج بعد 6 شهور وعزميني
البنت مو مخطوبه ولا شي
بعد 6 شهور بالضبط تزوجت @@
قلت لها تذكرين اللي شاف ايدج وقالج بتتزوجين
اخترعت هههههههههههه
بس انا ما احب هالسوالف واخاف ماعطيته ويه
ولا خليته يتمادى معاي احسها قله ادب يعني

لوووووووووووووووول قوية

بس بعرف شغله اهذيله يعاملون مع الجن ولا شنو ؟؟

 

[مس روبنز]

أعوذ بالله
الله يفكنا من هالأشكال
خلصنا من التليفونات
وصارت هالموضه الجديده
زين ما سويتي

بارك الله فيج لا تسمعين كلام هالأشكال
وعليج بالرقية الشرعية والله الحامي​

 

[mf6nt el3lat]

اعووووذ بالله مالج شغل فيها حبيبتي ثاني مره اطرديها

 

[ام زهقانه]

ارقي نفسك

 

[الغلا كله لبوي]

اعوذ بالله منهم
انتي لاتعطين كلامها اهميه وكل يوم اقراي الاذكار والمعوذات وايه الكرسي وربي يحفظج

 

[مريت صدفه]

يؤؤؤ
يكفينا الشر
لاتعطينها وجه

 

[oM 5doood Pink]

اعوذ بلله من هل اشكال
اقري على نفسج دووم
ماتدرين هذيل شيسوون بلوحدده
يسحرونها ويبهذلونها عشان ياخذون فلوسها عمه بعينهم
والله يحفظج ويحفظنا من هل اشكال يارب :$​

 

[مس تسذآ]

وهـ يمهـ

الله يكافينا شرهم

 

[أم توتو]

انتي اهم شي لاطالعين بعيونهم ترى يسحرون بالعيون وياخذون اللي وراج واللي دونج وانتي ماتحسين اعرف وحده دقت عليها الباب عجوز قالت لها جيبي لي ماي وراحت البنت تجيب الماي لها وعقب تقول فصخت الخاتم اللي علي وعطيتها اياه بدون مااحس وعقب ماطلعت فزيت وانتبهت لحقتها مالقيتها فص ملح وذاب الله يكافينا شرهم

 

[Strawberry.lady]

مشكورييين بنات على ردودكم و انا الحمدالله ما اهتميت حق كلامها كلش , و اعوذ بالله منهم انا لما شفتها قعدت اقرى بقلبي من الخرعه لأن صج شكلها و عيونها كانت تخرع

 

[سكر فتافيت]

مايعلم الغيب الا الله