اللي حامل بتوأم تدش .....................

[loshidano]

شلونكم بنات
أبي أعرف اللي حملت بتوأم.............
متى تعرفين انج حامل بتوأم ؟

وحملت طبيعي والا علاج ؟

وشنو الاعراض اللي صارت لها ؟

ومتى بين وطلع بطنها في اي شهر ؟
بنات الي عندها فكرة او كانت حامل بتوأم ترد علي بسرعة

 

[أم@الحلوين]

هلا والله أختي أنتي حامل بتوأم الحين؟؟ انا كنت حامل بتوأم واللحين كملو اسم الله عليهم سنتين عسى ربي يحفضهم..

والله أنا عرفت بعد 3أشهر وحمدالله كان طبيعي مو علاج واذا عن الأعراض الله وكيلج أنا من أول ماحللت من هاليوم لي الشهر االثامن وانا نايمه بيت أهلي لا تخترعين بس هذا كان وضعي تكرمين اللوعه والغثيان وكله فيني صداع وانا اصلن ضعيفونه مابين بطني الا بالسابع وكان صغير ونسيت اقولج ياني كلق بأول السابع ونوموني بالمستشفى شهر و20 يوم لمن ولدت بأول الثامن وحطوا اليهال بالشيشه عشان كانوا حيل صغار واحد1,600والثاني1700 وحمدالله على كل حال بس صج كانت قصتي قصه كل يوم منزليني غرفة الولاده ذبحوني اخر شي قمت أوقع على مسؤليتي لمن الله فرجها .. ويومهاا حطونا بالجريده علشان كان عدد اللي يايبين توائم بالمستشفى 6 حريم والله يهون عليج يارب.

 

[loshidano]

الحمدلله على سلامتج ومبروك ما ياج
ويتربون بعزج إن شاء الله

بس ابي اعرف شنو الاعراض اللي حسيتي فيها
وصار على بطنج خط غامج في الحمل
وتسلمين عالرد

 

[loshidano]

اشدعوه وينكم يا بنات

 

[أم@الحلوين]

الله يسلمج حبيبتي كنت احس ان صوب المبيض كله يعورني تكرمين حتى عالحمام ماأقدر أقعد لا ماصارخط على بطني ليش انتي الحين اي شهر صار على بطنج خط ؟؟ وبطني ماكبر ما كان يبين حتى الدكتور يقولي ماشاء الله عليج انتي متأكده انج بالثامن جنج بالرابع كتله قوووووووول ماشالله

 

[الارجواان]

لا تحاتين حبوية انا كنت حامل بتوام والحين اسم اللة عليهم عمرعم ثلاث سنوات ونص
وحملت فيهم الحمد للة طبيعي وعرفت بالشهر الثاني اني حامل بتوام والحمد للة كان حملي فيهم خفيف ماحسيت بشي وطلع بطني بنهاية السادس
كانو اصغار وحده كيلوين والثانية كيلوين ونص وجبتهم عالتاسع
لاتحاتين تري سهالات
اللة يهون عليج ويقومج بالسلامة بس لاتحاتين التعب بعدين بتربيتهم انشاء اللة

 

[روحـ روحه]

متى تعرفين انج حامل بتوأم ؟ من الشهر الثاني بين معاي وبين بطني بالشهر الثالث وزاد وزني بشكل صاروخي واحد وزنه 1و 600 والثاني 3 وربع

وحملت طبيعي والا علاج ؟ طبيعي وراثه

وشنو الاعراض اللي صارت لها ؟ اشغال شاقه ههههههههههههه الم اسفل الظهر ثقل الالام بالبطن طبعا السكر والضغط

والحين عيالي اسم الله عليهم عمرهم 5 سنوات

ومتى بين وطلع بطنها في اي شهر ؟

 

[loshidano]

يعطيكم العافية

 

[lulucaty]

انانانانانانانا بعد عندى توام اسمالله عليهم يهبلووووووووووووووون
بس يطلعوووووووون قرووووووووووووون
عادى راح تتعودين اهواش بالبطن وهواش بعد الولاده
انا بين معاى من الثالث وسويت ربط
انا حمالى تعيييييييييييس كله مستشفيات وبالبيت
نساتى تضحك
ههههههههههههههههههههههههههههههههههه
ما اقدر اطلع بره ولا اقدر اشوف الشمس ولا الاضاءه اذا شفتهم اطيح غشيانه
ولا اقدر امشى ادووووووووخ على السادس تعدل وضعى شوى
بس انا ولدت عالثامن بسبت دمى النازل ولدى نبضه يقل
الحمدالله على كل حال
الله يقومج بالسلامه

 

[loshidano]

تسلمون عالرد والله يخليلكم عيالكم ان شاء الله

 

[موني موني]

بنات اللي حملوا بتوائم ....

متى قلتوا للناس انكم حامل بتوأم ..والا بعد الولاده ؟؟؟

 

[Hello_kitty]

شدني الموضع بصراحة...الله يرزقني توام يفرح قلبي يارب وكل من تبي

 

[الهما]

ودي احمل بتوم شلوون؟

 

[رقي]

انا توني والده يبت توم بنات
دريت مبكر حيل اول ماحللت لانه حاشني
نزيف وسوولي سونار داخلي
بس مابين علي اني حامل بتوم الا من السادس كبرحيل
وحملت فيهم علاج
واهما الحين منشفين ريجي

 

[موني موني]

انا توني والده يبت توم بنات
دريت مبكر حيل اول ماحللت لانه حاشني
نزيف وسوولي سونار داخلي
بس مابين علي اني حامل بتوم الا من السادس كبرحيل
وحملت فيهم علاج
واهما الحين منشفين ريجي

الله يتمم عليج يالغالية ... و يحفظهم من العين و يخليهم لج .. يااارب


بس متى قلتي للناس ان فيج توم .. قبل لا تولدين والا بعد الولاده ..

؟؟ لان الصراحه عيون الناس ما ترحم ؟؟؟

 

[رقي]

قلت للكل انه فيني توم
زواللي ماقلت له درا
لاني صرت تفاخيه
بطني كبر بشكل مو طبيعي
مع اني يبتهم صغار
خيطت لي خيام مو دراريع
بس ماعلمت احد كلش ملش عن جنسهم حتا ريلي

 

[موني موني]

الله يحفظهم لج و يتربون بعزج

 

[منى عيني]

شلونكم بنات
أبي أعرف اللي حملت بتوأم.............
متى تعرفين انج حامل بتوأم ؟

وحملت طبيعي والا علاج ؟

وشنو الاعراض اللي صارت لها ؟

ومتى بين وطلع بطنها في اي شهر ؟
بنات الي عندها فكرة او كانت حامل بتوأم ترد علي بسرعة

أنا كنت حامل بتوأم وعرفت في الشهر الثالث مع سماع أول نبض وحمالي فيهم لله الحمد طبيعي لأن وراثه مافي اي أعراض عادي حالك حال أي حامل وطلع بطني في الشهر السادس والحمدلله ولدتهم طبيعي في أول أسبوع في التاسع والحين أسم الله عليهم بيكملون السنه في 09\01\2008

 

[الرييييم]

شلونكم بنات
أبي أعرف اللي حملت بتوأم.............
متى تعرفين انج حامل بتوأم ؟

وحملت طبيعي والا علاج ؟

وشنو الاعراض اللي صارت لها ؟

ومتى بين وطلع بطنها في اي شهر ؟
بنات الي عندها فكرة او كانت حامل بتوأم ترد علي بسرعة

هلا اختي
انا حملت بعلاج طلعوا توأم عرفت من السونار انهم توم من الشهر الثاني
بين بطني بالسادس
والله يعين على الوحااام لان هرمون الحمل يكون مرتفع فيأثر على الوحم يصير دبل
ومن يوم ما دخلت الثامن وانا حاااسه بالثقل مو طبيعي
بس اللي يشوف بطني ما يقول توام
وولادتي قريب اخر شهر يناير بس قالولي قيصري بعيد عنج
لان البيبي الاول قاعد
والسهالات من رب العالمين
مع ان

 

[أحلى شمريه]

انا عندي توأم
حملت فيهم طبيعي
لكن الولادة قيصرية عمرهم الحين سنتين ونص
عندي تربيتهم أصعب من الحمال فيهم
بطني كان صغير وبين بطني بالشهر الثامن
ولدت بالتاسع