أبي رايكم شنوو أسوي بغرفة نومي ؟؟؟

[a9ila.Girl]

السلام عليكم ورحمة الله وبركاته
شلونكم عساكم بخير
احترت شسوي بغرفتي مليت منها
ابي اغير الصبغ ومادري احط ورق جدران وله رسم وله صبغ عادي
انا ابيها هاديه وابيها تكون حيل ناعمه
شنو اقتراحاتكم .؟ ووين أحصل ورق جدران حلـوه
وشلون الاسعار تتراوح من جم لي جم ؟؟

ناطره رايكم وعطوني أفكار يديده
ابي شي حيل حلـو ساعدوني :*

 

[المصممة رورو]

شوفي حبيبتى اذا تبين غرفتك كلها حياة وحيويه وبعيده عن الكآبه اهتمي بنوع الاثاث لانه اهم من الصبغ ..الصبغ متوفر في كل مكان لكن صعب انك تلاقي مثلا سرير بتاج مميز وشكله غريب وحلو او كنبه صغيره وحلوة تعطي منظر حلو للغرفه وزي كذا يعني.. وانا انصحك تخلينها صبغ افضل من ورق الجدران لانه بصراحه مايتحمل درجات الحراره المرتفعه.. والان بنزل صور لغرف نوم تساعدك اكثر

 

[a9ila.Girl]

انا توني شاريه اثاث ما صارلي وايد
فـ ماراح أغيره لان يديد واحبه
فـ بس أبي اغير بلون الغرفه
ومادري اذا صبغ او ورق جدران ابي رايكم

 

[المصممة رورو]

اممممممم طيب وش لون الاثاث اللى شريتيه؟؟؟​

 

[a9ila.Girl]

خشبي فاتح ومحروق شوي

 

[ام عفراء]

صبغيها 3 جدران سادة بلون هادي وحلو .. وجهة وحدة ورق جدران بنقشة ذربة وناعمة بعد

عشان ماتملين منها مع الوقت

 

[ياني فديتك]

بطلي جريدة الوسيط دقي على واحد منهم الي عندهم اصباغ وورق جدران اييون لج للبيت مع الكتالوجات سواء تبين او لا
اللون البنفسجي الفاتح حلو

 

[MoonDiamond]

حطي طوفه ورق جدران
روحي مجمع الشراع اللي بحولي جبال مجمع البحر سنتر

وتفنتقي بالاكسسوارات والرفوف والثريا

وتتهنين فيها مقدما

 

[om mariam]

عندج ابيات حلو وهم يصممون لج مجاني وهم ميداس
صبغي فستقي

 

[tt2tt]

صبغيه بيبي بينك فاااااااااااااااااااااااااااااتح كل الطووف
وطوفة السرير خليها هم بعد لون فاتح حلو يفتح النفس وحطي فيها ورق جدران < يعني خليها مختلفه
او طوفة التلفزيون

 

[أخت أخواني]

المصممه رورو عرضي لنا الصور اللي عندج
خلينا نستفيد

 

[a9ila.Girl]

أهليـن بنوتات ^^
شكرا عالاقتراحات
بس ما فهمت شلون يعني ابيات وميداس يصممون مجاني . . ؟
وجم يكلفني اذا شريت منهم .. وشلون طريقة التصميم المجاني ؟؟
ممكن أحد يوضحلي . . ؟

 

[عبير-الشرق]

حبيبتي اذا بيتكم سنترال حطي ورق جدران طوفه وحده وره السرير والباجي صبغي بنفس لون ورق الجدران وعندج المجمع الي بحولي قبال مجمع البحر فيه ورق جدران وتكلف الطوفه الوحده تقريبا 60 احنا تونا مسوين شقه اخوي المعرس عند محل اسمه جرير حلو شغلهم

 

[عــــهـgggد]

احلى شي ورق الجدران يهبللللللللل كل طوفه شكل وطوفه ساده يطلع حلوووووووووو

 

[المصممة رورو]

اذا حابه تحطي ورق الجدران سوي مثل ماقالوا البنات الله يعطيهم العافيه خلي الغرفه كلها ساده ماعدا ورا السرير خليه ورق جدران وعشان تطلع الغرفه احلي لازم تنقين اكسسوارات الغرفه متناسقه مع بعض (الصور- الورود - الابجورات ) وعشان يطلع منظر السرير حلو كثري مخدات باحجام مختلفه والوان مناسبه

 

[a9ila.Girl]

مشكورين حبيباتي

عندج ابيات حلو وهم يصممون لج مجاني وهم ميداس
صبغي فستقي

بس ممكن رد على هالنقطه ؟؟
شلـون يصممون بالمجاني ممكن شرح
وشكثر يكلف ابيات وميداس اذا شفت عندهم ورق جدران !

 

[المصممة رورو]

 

[a9ila.Girl]

عجيبييين والله
شكرا لج

 

[سميتك الغلا كله]

جهه وحده ورق جدرآن والبآجي صبغ عآدي ..