ساعدوني اخليها تكلم

[الحبـ العذريـ]

السلام عليكم ورحمة الله وبركاته

شلونكم يا احلى كويتيات :eh_s(17):

بقولكم سالفتي شوي مو مفهمومه بس ان شاء الله توصل لكم السالفه مثل ما ابي

طبعا انا عضوه هني بس سجلت بنك يديد عشان رفيجاتي بالدوام يعرفون اليوز مالي ..

سالفتي تقول ..

انه في شخص بالدوام محترررررم وخجووول جدا فوق ما تصورون .. اغلب الاوقات اشوفه يراقبني من بعيد .. لمن احس انه احد يطالعني ينحاش ..

فـ مره من المرات انا كنت اكلم موظف عندنا فـ كنت اشوف الباب والله يا بنات انه طل شافني ونحش كالعاده .. ..

عاد انا عرفت انه الاخ معجب .. وبنات انا مابي اقول اني ملكة جمال واني مرات اقوم القمر واقعد مكانه .. بس انسانه عاديه ولبسي بدل بس محترررم ..

السالفه اللي ابي لها الحل ..

انه كلم موظفه معاي بنفس القسم بما انها دائما معاي وقالها سئلي فلانه اذا مرتبطه والا لأ ..

ماراح اقولكم شلون عرفت لانه شي خاص فيني ..

هالبنت ماقالت وصلت لي الرساله ولا ردت على الاخ معجب .. والله يا بنات صارلي شهر تقريبا اسحب منها حجي ابيها تكلم ابيها تنطق بالسالفه بس مصره انها ما تكلم لانها " انانيه "

الحين انا ابيها تفتح معاي الموضوع ابيها تكلم او اي طريقه ثانيه تخليه هو يتكلم ..

انا مسستحيل اروح واكلمه عن اي شي سواء معامله او شي لانه مابينا شي ..


عطوووووووووووووووني الحل


وسامحوني لو ماعرفت اوصل لكم السالفه بس اتمنى تفهموني :eh_s(2):




لـــكــ :eh_s(7): ـــم

 

[دلع العتبان]

صوتج وصل اختي ارفعي راسج لوووووووووووول

شوفي ياقلبي البنت واضح محتره منج وانه هذا معجب الي يبيج يسالج انتي ويقولج ابي عنوانكم بخطبج

ددددددددددددددددددددددددديري بالج ترخين له او تتنازلين وتسوين علاقه ترى ترى العلاقات اخرتها فشل ياولد الناس معجب يسوي النون ومايعلمون يعني لو يبيج يطق الباب يقولج ابي رقم ابوووج لاتسمعين كلام احد ولا تنزليله الجام والله يكتبلج الي فيه خير يارب

 

[•Brown•Sugar•]

دلع العتبان :eh_s(15):

 

[noorq8]

دلع العتبان :eh_s(15):

دلع العتبان :icon30:

 

[لياليـ]

اب
اب

 

[ام عبداللـه]

حبيبتي شوفي السالفة امبين انه ناوي علي خير وانه ولد حلال ويبي يدش الباب بس مو عارف اشلون

شوفي انتي لاتردين عليه ومثل ماقلت دلع ..وصلت لج الرسالة مو وصلتها انتي موقفج واحد ومحدد ..

يبي شي الاخ يروح للوالد .. غير جذي ماعندج.. خليج صريحه وواضحه عشان اهو يفكر انج مو مال علاقات ..

ويثق فيج ويعرف ان ذوقه واختياره صحيح ..!!

موفقه يارب وعقبال ماتسمعينا الاخبار الناااايس

 

[أم توتو]

انا مع دلع بعد عسى ربي يوفقج

 

[Om_Ksha]

شوفي خلج من هالبنيه لا تحنين عليها ولا شي ..
اللي الله كاتبه بصير .. واهوا اكيد عارف اسمج ويقدر يطلع عنوانج او شي او يوصلج رساله خاصه اذا ماشاف منها رد لج بيتجرا ويسالج ..

بس هذيك مايندرا شقايلتله .. دام عرفتي نوعيتها بعدي عنها .. لا باجر تطلع عنج كلام او شي من حرتها

 

[Tom ♥ Jerry]

,،


انتي تبين تكلمين و لا تبين زواج وحب على سنه الله ورسوله ؟
اذا الريال يبيج صج و يحبج راح يدل البيت لا تخافين
اما بس يكلم بدون زواج .,، خلج بعيده احسن

الله يكتب لج الي فيه الخيرر

 

[Tulips]

اذا الله كاتبج من نصيبه ماتقدر مليون وحده تمنع هالشي

خلج ثقيله واهو الريال مو انتي .. اهو اللي يشوفله صرفه ويلاقيله الف طريقه عشان يتقدملج

 

[مس تسذآ]

لا تروحيله و تحاجينه ,,
قعدي نطري شيصير
يالج و قال احبج و هالسوالف ردي عليه رد محترم يعلمه السنع ,
يالج و قال ابي رقم ابوج وله بيتكم و جذي ,
سوي نفسسج غبيه اول شي خخخخ
بعدين عطيه و شوفي شيصير .

شسمونه ,

طمنينا ها >> فضوول بتعرف شيصير خخ

 

[عالمي انا غير]

انا مع البنات

 

[رحيق الحياة]

صوتج وصل اختي ارفعي راسج لوووووووووووول

شوفي ياقلبي البنت واضح محتره منج وانه هذا معجب الي يبيج يسالج انتي ويقولج ابي عنوانكم بخطبج

ددددددددددددددددددددددددديري بالج ترخين له او تتنازلين وتسوين علاقه ترى ترى العلاقات اخرتها فشل ياولد الناس معجب يسوي النون ومايعلمون يعني لو يبيج يطق الباب يقولج ابي رقم ابوووج لاتسمعين كلام احد ولا تنزليله الجام والله يكتبلج الي فيه خير يارب

معاااج بكل حرف وكلمه:ggdw:

صح اذا ارخيتيله وعطيتيه ويه وخذيتي رقمه تحملي الي بيجيج منه بلاااااااااااااااوي ولا تقولين محترم وخجوول ياما تحت السواهي دواهي
صحصحي على رووحج خليج نبيه
واذا يبي زواج يدل البيت

 

[AtOoMy Q8]

الله يكتبلج اللي فيه الخير

 

[عبير العنزي]

بنات اهي ماتقول اكلمه والا لا

اهي تبي الطريقه اللي تخليه يعرف انها مو مرتبطه ومافي وحده من البنات عطتها الحل

هذي الموظفه اللي معاج صج انانيه وتغار..شفيها لو قالت له لا فلانه مو مرتبطه قطيعه ناس ماتحب تسوي خير

انزين ليش ماتسئلينه تقولين له اخوي انت سئلت عني فلانه ؟؟ ممكن اعرف ليش وحاولي توصلين له بالكلام انج مو مرتبطه

او انج تحاولين بهذي الانانيه وتضبطين معاها علاقتج وتتمصلحين معاها لين توصل الرد للاخو المعجب لوول

ولو صارت لك حاجه عند الـ ... قوله ياسيدي
اهوا الظاهر بعد عاجبج ..يارب يكون من نصيبج ويابخت من جمع راسين بالحلال

 

[فطفط نجد]

الله يكتبلج اللي فيه الخييييير

 

[مزاج]

هالبنت محتره ديري بالج تنزلين نفسج اثقلي اللي يبيج يجي بيتكم

 

[الحبـ العذريـ]

مشكووووووورين بنات ريحتوني بردودكم الله يريح بالكم ..

بنات انا ابيها تكلم تطلع منها هي عششان تخلص السالفه وما تطول وهي قصيره

بس طلعت انانيه .. ومايبين بعينها ششي ..

والي تقولي تمصلحي معاها .. اقولها تمصلحت رحت بعد الدوام وديتها مجمع تغدينا تمشينا قعدنا بكوفي .. كل شي اوصلها بيتهم اسسولف معاها سوالف مالها داعي ..

بسس للاسف حقد قلبها رابط لسسانها :eh_s(2): ..

وانا مابي اكو و و و ن معاه علاقه اصلا والله ماعرف .. .. او يكون بينا تلفونات بالحرا ا ا ا م لا والف لا ما ارضاها على نفسسي

وشوكـــ :eh_s(7): ــــراَ

 

[شذى2007]

ماتدرين يمكن صج البنت ماتدري ولا قالهاااا والسالفه اللي وصلتج مو صحيحه

ممكن البنت ماتبي تتدخل بالموضووع علشااان لاصار شي قالو فلانه وصلتهاااا فعلشان جذي تبيه هو يسئلج مو يسئلهاا ماتبي تكووون طرف بالسالفه

 

[سويت فانيلا]

الايبيك يخطبك من الباب حياك بس لعب باي بلاحب بلا وجع قلب