تكفون بنات ساعدوني

[بطايه]

سلام عليكم يا بنات....
شلونكم بنات انشاء الله مرتاحين ، انه بدس بالموظوع سيده عشان مو قادره أتحكم اكثر من جذي!
المنزوع وما في انو زوجي يبي يتزوج وحده من بنات خالته و ليش لان كبرو بالسن و مافي احد للحين احد اتقدلهم و هو يبي يتزوج وحده منهم بس ابموافقتي و يقول لان مكسور قلبه عليهن ، انه قتله أكيد انه مو لمواقفه و انهرت اعصاب و صارت قرره و هوشه و قلي فكري بالموظوع و وديلي خبر خلال أسبوعين ، انتي الحين على أعصابك و ابي من رد يقنعني ليش ما تريني أتزوج منهم!

قتله كل شيء يجرحني من يكون في وحده اتشاركني الزوجي بس يقوا هم مالهم احد و للحين محد اتقدلهم حرام و من هل كلام....

تكفون يا بنات ساعدوني سلون اقنعه لا يتزوج! اذا أتزوج انه ما أعيش معى لو تنقلب السماء على الكون!

انتظر مسادتكم و راح ادعيلكم ليل و نهار...

سلام عليكم

 

[أم توتو]

المفروض بدال لايتزوج وكاسرين خاطرة خلي يدور لهم على عريس وانتي بعد اذا تعرفين احد دوري لهم مافيها شي الله يسخركم حق بعض

 

[حلاها كويتي]

مدري بس احس ان الموضوع فيه ان قوليله انه انتي بتدورين على عزابيه يبون يتزوجون شووفي انا ما ابي افتي واقول انصحج بشييخ اي شيخ اهو ادرى مني ومنج واستخيري وادعي ربج انه يفرج همج وانا بدوري بدعيلج

 

[بطايه]

المشكله يا اخت ام توتو انو يقول فشله ادورلهم عرسان يعني عيب ما يصير!

وته بموت من القهر شنو انقطعو الريايل مرخه وحده و ما ظل في هل كون الا زوجي...

بس الحين انه ابي اقنعه ما يتزوج اصلا!!! انه ماقدر اشوف زوجي مع وحده ثانيه!!! والله بجيت مافي الكفايه اليوم و انه بالحمام عشان لحد يحس فيني و اليوم رايحين للبحر و مو طيقه اكون معلهم!!!

شنو اسوي!!!

 

[بطايه]

حلاها كويتي, المشكله هو راظع معه وحده من بنات خالته و يقول انه باقي بنات خالته يكونون اواته ابهل حال بس المشكله انو خالته ما تدري كم رظعه!!!

 

[حلاها كويتي]

جد مشكله الله يكون بعونج اجل لا يتسرع ويخطب لانه جذي يتزوج اخته وعفيه على خالته الي ماتدري كم رضعته

قال تعالى { حُرِّمَتْ عَلَيْكُمْ أُمَّهَاتُكُمْ وَبَنَاتُكُمْ وَأَخَوَاتُكُمْ وَعَمَّاتُكُمْ وَخَالاَتُكُمْ وَبَنَاتُ الأَخِ وَبَنَاتُ الأُخْتِ وَأُمَّهَاتُكُمُ اللاَّتِي أَرْضَعْنَكُمْ وَأَخَوَاتُكُم مِّنَ الرَّضَاعَةِ وَأُمَّهَاتُ نِسَآئِكُمْ وَرَبَائِبُكُمُ اللاَّتِي فِي حُجُورِكُم مِّن نِّسَآئِكُمُ اللاَّتِي دَخَلْتُم بِهِنَّ فَإِن لَّمْ تَكُونُواْ دَخَلْتُم بِهِنَّ فَلاَ جُنَاحَ عَلَيْكُمْ وَحَلاَئِلُ أَبْنَائِكُمُ الَّذِينَ مِنْ أَصْلاَبِكُمْ وَأَن تَجْمَعُواْ بَيْنَ الأُخْتَيْنِ إَلاَّ مَا قَدْ سَلَفَ إِنَّ اللّهَ كَانَ غَفُوراً رَّحِيماً }النساء23

مالج شغل كلمي شييييخ

 

[yes way]

آسفه أختي بس عن جد كلامج مو واضح <<تقبل التعازي للغة العربية واللهجه معاها>>

 

[بطايه]

حلاها كويتي, المشكله خالته شوي كبيره بالسن و ما تتذكر عدل! و على حد علمي بس اللي راظع معاها تحرم عليه و لا انا غلطانه ؟

 

[بطايه]

آسفه أختي بس عن جد كلامج مو واضح <<تقبل التعازي للغة العربية واللهجه معاها>>

مو فاهمه اختي, اذا كلامي مو واضح كانو البنات ما ردو على , يعطيكم العفيه..

 

[yes way]

عفوا عزيزتي ردي اقري موضوعج وبتعرفين قصدي.......... وبالنسبه لمشكلتج أسأل الله العظيم رب العرش العظيم ان يهدي زوجك ويعدل عن رايه ويديم الموده بينكم يارب.

 

[star warld]

والله حاله ها الريايل كل يوم يطلعون بشي
اصري علئ رايتس ولا تغيرينه حلوه ذي مافي احد تقدملهم وانت شكو فيهم علئ العين والراس ولد خالتهم او يمكن ترا اهو ناوي علئ الزواج بس جابها بطريقة كسر خاطر
ومثل ماقالو البنات دوري علئ العرسان
او سمعي تدرين كرهي بنات خالتها فيه اقعدي حكي عنه كل شي مو حلو (تعرفين ها السواليف )
وسلامتس وان شاء الله اكون افتدس

 

[Tulips]

اهم شي انه قلبه مكسور عليهم

عذر اقبح من ذنب

 

[ملكةجمال]

السلام عليك .. أولا حبيبتي .. هدي أعصابج علشان تعرفين تقنعينه بعقلانية و إلا ما راح يقتنع بالدموع راح يفتكر إن ما زالت أعصابج تعبانة.
ثانيا .. على ما يبدو إن زوجج هو اللي محتاج أسبوعين تفكير قبل ما يقرر و يقدم على شيء قد تكون عواقبه وخيمة.
خلينا نقول إن بالفعل هم كاسرين خاطره و يبي يسوي خير في وحدة فيهم و منها يضرب عصفورين بحجر يعني يعيش حياة جديدة مع وحدة غيرج ... الله سبحانه و تعالى ما منع الرجل من الزواج مرتين و ثلاثة و أربعة لكن بالعدل و امساواة فيما بينهم و رب العالمين قال في كتابه المجيد بما معناه إن إدا خفت إنك لا تتمكن من العدل فتزوج واحدة فقط لا عير .. و أضاف رب العالمين مؤكدا إن الرجل لن .. و أكرر .. لن يعدل لأن العدل في أمور كهده صعبة بكل بساطة و أساسا لن يتمكن من الزواج إلا إدا وافقت و فرضت شروطج و وافق عليها.
كيف تقنعينه؟ بداية لا تكونين سلبية جدا معاه و بيني له إنج فاهمة دوافعه النبيلة و نيل الخير و الأجر من رب العالمين و بعدين وضحي له الصورة المستقبلية إللي قد تكون غايبة عن باله .. شلون راح يأثر غيابه بالليالي عن البيت تاركج لحالج و عياله وهدا طبعا في حال واعدج بأنه راح يحط لها سكن منفصل و بعيد عنج .. وضحي له إن هالشي ممكن يدمر أحلى معاني الود و الألفة اللي عشتوها مع بعض .. و اسأليه شنو متوقع منج تسوين و الشخص الي هو حبيبج و رفيج دربج و أعز الخلق كله و أقربهم لقلبج يطلب منج توافقين على زواجه بوحدة ثانية .. اسأليه من دون مبالغة و لا تقولين أشياء تقلل من جديتج بالتفاهم كإن تدكرين شغلات فيها سخرية لأن هالشي ما راح يساعد و بالعكس راح يمحي كل الجدية و الأسلوب العقلاني اللي بدأتيه معاه و يتنرفز و ياخد قراره بالحزم رغما عنج لأن طبع الريال ما يضى على رجولته و إحنا لازم نتفهم هالشي و نعامله باحترام .. إكسبيه يا حبيبتي بالكلمة الطيبة و العاطفة و أهم شي فآخر كلامج معاه دلعيه و ابتسمي عشان يجوف الخير اللي بين إيديه و يفكر صح و بعد هالشي بعد ما يبيله .. هاهاها .. صيري جريئة و وريه اشكثر تحبينه عشان ينغرم فيج من جديد. فهمتي قصدي؟ و إدا تبين تكلميني بأي شي لا تترددين و على الخاص يستحسن. و إن شاء الله خير حبيبتي لا تحاتين. أهم شي الرقة و الجدية. الأسلوب يسوي ألف شغل بس في ناس راسها يابس عموما خلينا نتمنى الخير ألحين و بشرينا أوكي؟ مع السلامة

 

[ملكةجمال]

السلام عليكم خواتي العزيزات
بنات في منكم يدري شصار على موضوع إختنا "بطاية"؟ كانت طالبة مساندتنا و حاولنا بس ما دخلت من أمس العصر حسب ظني. اللي عندها خبر أرجو إنها ما تقصر بإبلاغنا و لكم ألف شكر و تقدير عالمرور.

 

[بلقيسو الحلوه]

حبيبتى انا اقول خليج مراه قويه ولج شخصيه وحاجيه وقوليله ان هذا مو عذر


وان يات على بنات خالاته الله يسهل لهم ولا ان يحرق قلبج خو الشريجه تحر حتى فى القبر


:eh_s(7):

 

[بنت الاحلام]

بالعكس لا فشله ولا شي خل يدور لهم عرسان دام كاسرات خاطره حيل جذي

وله اجر بالعكس

بس يعني ما يكسرن خاطره الا عشان يتزوجهن لووولي
ما عليج منه لا توافقين عصبي

 

[om MaRyooM]

كاسرين خاطره @@



والله ماعندي تعليق .. غير الله يهديه مادري شقولج

 

[بطايه]

سلام بنات... شلونكم انشاء الله مرتاحين.. انه اسفه عالتاخير, الحمدلله بعد مساعدتكم و دعواتكم الحمد لله حليت المشكله بس خذت وايد وقت عشان ارد حالتي النفسيه! قلتله يا انه يا هم و خلاص ما عندي كلام ثاني.. و قعد يتناقش و يفهمني انه راح اكون اول والاخيره بعد المناقشه الطويله! بس قال فكري بالمضوع للمستقبل يمكن اتغيرين رايج او يمكن اتقولين لا انسه الموضوع... قتله انسه الموضوع و الله كريم
شنو رايكم? و تقبل الله الطاعات...
احبكم