ريلج على ما عودتيه ,, يالسنعااات فيدوناااا ,,نبي تفااااعل

[BoZo]

انا معااج ريلي عصبي والمشكله كلما يتضايق مايلقى غيري يطلع الحره فيه انا ادري و لما يعصب يقط حجي قوي بس انا اسكت وشوي وانا الي اراضيه و يطيح كل شي

وانا معودته انه مو كل شي علي انايعني نروح مع بعض الجمعيه ,مجمعات,مطاعم حتى صار مايحب يروح مع ربعه وايد كله معااي


وانا معاج بشطارتج تشكلين الريال ماكو ريال ماعنده نقطه ضعف

 

[شموسة كيوت]

انا لسا ماكملت سنة معه لكن عودتة على اشياء كثيرة كانت سلبية

1. مثلا علمتة على ترتيب البيت ههههههه اهم شي
2. تخيلو
3. انظف وارتب وابخر واعطر ويصير البيت يلق من النظافه
4. لكن بس يرجع من برة الله يهدية
5. يقلب الدنيا كلها
6. ملابسة يرميها بالصاله وبالحمام وعند باب الحمام وغير عصيرات يشرب منها ويتركها على الطاولات او فوق السرير والجرايد اليومية اللي تفرس البيت <<كأننا بيت عزوبية
7. المهم عودتة على هذا الطبع انة يرجع كل شي مكانة ويرمي اي شي مايبية مو يرمية ليا بالبيت
8. والحمدلله البيت يجي الليل وهو مرتب وانا مرتبتة الصبح<< ماعندي خدامة
9. واشياء ثانية عودتو عليها بعد

 

[شموسة كيوت]

وي

هذه الاعداد بردي كيف صارت؟؟ هههه

 

[a6yb$8lb]

up

up

 

[أحلى البشر]

انا بشطح عن الموضوع شويه
اذا شفتي ريال زين مع زوجته وعياله ويحبها ويموت فيها تأكدي ان هذا توفيق من رب العالمين مو شطاره منها
لاني ياما شفت حريم مايدرون عن بيوتهم ورفاله وزوجها يمووت فيها ويادهينه لاتنكتين

 

[مارشميلو..]

انا بشطح عن الموضوع شويه
اذا شفتي ريال زين مع زوجته وعياله ويحبها ويموت فيها تأكدي ان هذا توفيق من رب العالمين مو شطاره منها
لاني ياما شفت حريم مايدرون عن بيوتهم ورفاله وزوجها يمووت فيها ويادهينه لاتنكتين

70% معاها:eh_s(7):

 

[cool zozoa]

1 اول او اهم شي ولا احد ذكره ان ما ترضين يغلط عليج او يسبج مهما صار و العكس صحيح لازم ما تعودينه ان تسبين
يا شين المره الي تسب جنها ريال تلوع الجبد

٢ لا تعاودينه شغل خلط بين الأهل بنت خالتي وبنت ما ادري منو وبنت عمته وخالته باختصار لا تعودينه يقعد مع بنات اهلكم
ماله داعي و تفاهه و بنات هالوقت مالهم أمان و عينهم على كل شي و اساسا حرام

٣ لا تعودينه انج تروحين الجمعيه والسوق وخاصة اماكن فيها ريايل خلي اهو يتفاهم مع الريايل
لان اساسا صوت المره عوره من ناحية الدين ومن ناحيه ثانيه يشيل مسؤليتج ويهتم فيج و يغار عليج

٤ عوديه ما يغلط عليج او يتغشمر غشمره ثقيله جدام احد ابد
قوليله بعدين محد يحطلي احترام

٥ عوديه ان عادي تقوليله يبلي ماي والا يبلي غرض عودي يساعدج بعيالج

٦ عودي ان دايما يطلع عياله و خلي اعياله يدقون عليه يكلمونه
عشان يتعلق فيهم

٧ اذا بتسافرون سافرو
بروحكم ماله داعي تخمون الامه كلها

٨ عوديه على الاقل يوم بالأسبوع حقج بروحج

٩ اهم اهم شي عوديه ان اي مكان في ريايل مطعم سوق اثاث عمال الي يسير
اهو يتفاهم وياهم لان عيب المره تتكلم والريال موجود وما يسير هذا الشي
يطيح من شخصيته

١٠ اخر شي عودي اهو الي يدفع اي مكان قوليله فشله جدام الناس ادفع حتى لو مثلا
لفلوس من عندج عطيه من السياره
وانت يمي

وهذي لستتي الاغلب مطبقته الحمدالله ومرتاحه و ان شاء الله اذا ذكرت شي افيدكم

٩ عودي على الكلام الحلو والمعسول

 

[بنت.المطيري]

انا ما اتعمد اعوده لكن في شي لاحظت اني عودته عليه

قبل يعصب على اي شييي تافه ومثلا انا كنت راده من الدوام منهد حيلي واهو بيتهاوش او يداحرني عاد انا اتنرفز او انفس يعني انطرني ارتاح


فكنا يوميا نتهاوش واحنا طالعين من دواماتنا قلتله خلاص انا عرفت وين الخلل انت عصبي وانا اقدر اهديك اذا مرتاحه لكن اذا تعبانه ازيدك مااهديك
فجاء لاتكلمني وانا يايه من الحر والدوام

ولي شفتني متضايقه لا تزيدني فالحمدالله تعلم اني انسانه نفسه احس واعصب واتضايق ومو كل الوقت اكون مرتاحه واقدر اخذ عصبيته بسعة صدر

عاد امس كنت مثقله اكل ونايمه وقعدت معصبه حاول يكلمني منفسه ومالي خلق وماكو اسلوب قال يوووه جوج ربعج

سلام عليكم،، وطلع هههههههههههه

ج
والا قبل كنا نجره
ج
------

من الاشياء اللي تعودنا عليها
-مانخش شي عن بعض ،، ولي جذبنا بسرعه نعترف
-امورنا محد له شغل فيها نحل مشاكلنا بروحنا
-عودته اذا بكشخ مااطبخ ولااشتغل
-سالفه المصروف ان شالله قيد التنفيذ (مع ان لي الحين داحس والغبراء)
-بس انا ماكو فايده مني بس تصير معاي فلوس واحتاج شي علا طول اروح اشتري حق البيت
فلاحظت ان مستانس علا هالسالفه اففف

 

[miss swan]

الحمدلله قدرت اعوده على وايد اشياء الا المصروف للاسف ما قدرت لانه عنده ظروف بس تخلص هالظروف اعوده
انشالله
عودته انه يقعد بالبيت حاله من حالي ويجابل اليهال ويخفف الدواووين
وبايام الويك اند نسهر ويا بعض
عودته ماينام بره البيت
عودته يفتح قلبه لي ويستشيرني باموره الخاصه ويشكيلي


​

 

[om MaRyooM]

انا مع هالمقوولة طبعا


ولأن اقتنع ان الريال نظرا لتأثره الكبير بالغير فاحتمال جدا كبير يتاثر بزوجته ويتطبع منها

 

[ام حمد 85]

اتوقع هالمقوله تضبط مع بعض الريايل مو الكل لانه في ريايل خالف تعرف

 

[أو عبوش]

5 سنين ومحد مشى الثاني على كيفه للحين كل واحد برايه ومازالت الحروب طااااحنه

 

[أو عبوش]

جوزاء + جوزاء = علاقه فاشله ههههههههههه

 

[فوق الثريا محلي]

مو كلهم

 

[مفرفشه عالاخر]

مع هالمقولة 100%

البنت بدلعها + شوية صرامة + شوية مرادد بذكاء + ممنوع التنازلات = تخلي الزوج يمشي على كلامها

مو بطولة اللسان والهواش او السلبيه والخضوع والتبجبج

الرجل كالطفل كوني امه يصبح لك عبدا

وشكثر ناس اعرفهم يقولون ازواجنا مو زينين من البنات نفسهم ومن شخصياتهم !!

يعني 90% عالزوجة

اذا مو 10000%

وازيدكم من الشعر بيت مو بس تغير زوجها الا تغير اهل زوجها بكبرهم :eh_s(15):

 

[الزيـــــ^^ـــــن]

اي صح الريال عالتعويد

مثلآ عندج اذا انا كنت فبيت اهلي وطلعت مع امي مادق عليه واقوله بطلع
جذي يحاسبني على اي شي بعدين اذا رديت اقوله أني كنت طالعه
وتقبل الامر بس طبعا مرات يقول ليش ماقلتيلي اقوله حبيبي لي قلتلك انت ماتقولي شي
هني يسكت فديته 

وشغلات واايد انه مايتحكم فيج وتعودينه انه يطلعج ويوديج السوق ويصرف عليج وحتى السفر معاه

*

 

[أسم والسلام]

في رجاجيل عيني عينك يقولج مابيج تعوديني على هالشي يكون موصى من أمه وخواته

بس الشي اللي بصالحه يبيج تتعودين عليه غصب

 

[غـرامـي أنـت]

الا صح ميه بالميه

 

[@همس المطر@]

ايه مع هالمقوله ميه بالميه

 

[نور الشهري]

انا بشطح عن الموضوع شويه
اذا شفتي ريال زين مع زوجته وعياله ويحبها ويموت فيها تأكدي ان هذا توفيق من رب العالمين مو شطاره منها
لاني ياما شفت حريم مايدرون عن بيوتهم ورفاله وزوجها يمووت فيها ويادهينه لاتنكتين

معاج والله انتي صاجه