يااااارب ساعدني ....... مادري شسوي :(

[لحظة اشراق]

السلام عليكم​

يابنات احس اني مختنقة وبموووت وفيني بجيييييية​

انا صارلي 3 سنين متزوجة وماعندي عيال .......​

سويت كل التحاليل والحمدلله سليمة مافيني شي :yaaaaaarb:​

كتبتلي الدكتورة من فترة على تحليل علشان زوجي يسويه​

وكان يماااطل ويتعذر بالشغل وانه مو فاضي كل ما افتحله هالسيرة .......​

ومن جم يومي كلمته مرة ثانية ...... وعصب علي وصار يهاوش وقال خلاص لا عاد تفتحين ​

هالموضوع مرة ثانية انتي مافيج شي يعني اكيد انا فيني شي والعيب مني ومابي اتكلم بهالموضوع مرة ثانية​

مادري شسوي ساعدوووووني والله انا بحال مايعلم فيها الا الله ولا اقدر اتكلم بهالموضوع مع احد :yaaaaaarb:​

لما اقرأ مواضيعكم اقول احمدوا ربكم ان في رياييل يوافقون يعالجون ويروحون للدكاترة لكن حالتي انا مادري شسوي :eh_s(11)::eh_s(11):​

الحمدلله على كل حال ​

 

[الريشة]

أخاف اهو راح فحص و انتي ما تدرين ؟؟؟؟؟؟؟
شوفي قولي له:
مو شرط إنه فيك شيء عشان جذيه ما حملت.
أحسن إنك تفحص عشان نتطمن و ما يضيع الوقت
و حتى لو فيك شيء لا سمح الله انا راح اوقف معاك و ما راح أتخلى عنك.
و انت لا تتشائم و انت ما سويت الفحص ليما الحين

 

[لحظة اشراق]

أخاف اهو راح فحص و انتي ما تدرين ؟؟؟؟؟؟؟
شوفي قولي له:
مو شرط إنه فيك شيء عشان جذيه ما حملت.
أحسن إنك تفحص عشان نتطمن و ما يضيع الوقت
و حتى لو فيك شيء لا سمح الله انا راح اوقف معاك و ما راح أتخلى عنك.
و انت لا تتشائم و انت ما سويت الفحص ليما الحين

مادري والله بس خايفة اكلمه مرة ثانية لأن آخر مرة حيييل عصب وقام يصارخ :eh_s(2):​

 

[ام دليار]

أصبري عليه شوي ولاتقوليله روح حلل أنطري فتره
أحسن ماتصير بينكم مشاكل على الفاضي
بس يشتاق للولاد راح يروح يركض
الله يرزقك حبيبتي

 

[الزيـــــ^^ـــــن]

انتي هالفتره سكتي عنه خليه يهدى
وبعدين كلمي امه بهالموضوع اذا كنتي ماينه عليها
وقوليلها عن المشكله وانه رافض يسوي التحليل
وانج لو شنو تطلع النتيجه بتوقفين معاه ولاتقوله انج انتي اللي قلتيلها عن الموضوع
علشان لايعصب .....
وان شاءالله ربي يسخره لج ويرزقج الضنا الصالح

 

[راقيه وجذابه]

ياقلبي انتي دوري الوقت المناسب مثلاً كنتوا قاعدين مستانسين بقولج شغله

خلي مواظيعج معاه بغرفة النوم انا اسفه على اللفظ لاكن انا اقولج والله عندي بنت خالتي ماتفاتح زوجها بموضوع تدري انه رافظه الا لمن تكون بغرفة النوم وداخلين جو تكلمه بأسلوب حلو وناعم تقول والله على طول يوافق خلج دبلماسيه دوري الوقت المناسب الحين هدي اعصابج وخليه هو بعد يهدا شوي وبعدين لا صار عندكم وقت او ماعنده دوام دوري يوم تكونون فاظيه وزهبي عشاج والبسي واكشخي وتمكيجي وخلج ناعمه وبعدين فاتحيه بالموضوع قوليله ليش تقول ان فيك عيب خروح انا وياك لطبيب او روح انت وحلل وشوف نتيجة التحليل ليش متأكد ان السبب منك انت واجد ناس يفحصون ويحللون عشان يتطمنون ويعرفون وين السبب ويعالجونه , وحاولي تقنعينه بأسلوب حلو وناعم اهم شي الوقت المناسب عسى الله يفرح قلبج ونباركلج عن قريب يارب

واسفه ع اللقافه​

 

[زين ودلال]

دزيله رساله اذا ماتبين تواجهينه وتخافين يصرخ

قوليله انتا زوجي مهما صار ماراح اخليك وحتى لو العيب منك انتعالج مافيها مشكله قوليله وايد رياييل جذيه ومع العلاج حريمهم حملوا الحمدالله

والله يرزقج يارب

 

[أحبك يالبنفسج]

انشالله يفيدج

اول شي سولفيله عن قصص ريايل عالجو وحملوا حريمهم وقوليله انا قريت بالنت من اسباب تاخير الانجاب انه ريايل يتاخرون عن التحليل ويكون فيهم دوالي والدولي تسبب ضمور بالخصيه يعني مع الايام بدون علاج يصير الحيوانات صفر جذي يخاف علي روحه وبشكل غير مباشر توصليله انه تحليله مهم
انشالله فهمتيني
الله يرزقج

 

[جديده 1]

مو شرط يكون عيب كبير .. اول شي ممكن يكون اثنينكم مافيكم شي .. ثانياً ممكن يكون زوجج يعاني ضعف بسيط و هذا يحتاج له بس حبوب سهله .. يعني مو شرط انه فيه مشكله كبيره !!!

وشوفي توقيعي .. موفقه

 

[شقرا كويتيه]

الله يرزقج البنات ماقصروا

 

[لحظة اشراق]

مشكورين والله يعطيكم العافية ​

مرة قالي المفروض انا اللي اتضايق وازعل مو انتي لأن انتي مافيج شي واكيد انا فيني شي​

قلت له مو شرط انا اعرف وحدة حملت بعد سنين وزوجها كانت تحاليله صفر وأخذ ادوية والحمد لله الحين عندها 4 ماشاءالله​

كنت اتوقع ان اهو موهامة لأني ما اشوفه يتكلم بهالموضوع كلش​

بس قبل 4 ايام لما كلمته المرة الأخير وصار يهاوش على هالموضوع حسيت انه صج يتضايق من هالموضوع​

 

[شنوووفه]

الله يعيينج حبيبتي في رياييل مايحسوون بس خليه مرده رااح يفكر باليهاال

 

[موجة ~ بحر]

الله يرزقج ياارب

 

[تفااحة]

وانتي ليش حكمتي عليه انه فيه شي يمكن اهوووو سليم بعد بس تاخرتي بالحمل اسباب مو معرووفه.......... انا قعدت 3 سنواااات ويالله حملت اللهم لك الحمد وكانت تحاليلي وتحاليل زوجي سليمه وماخلينا مكااان مارحنا لدرجه الدكاترة اطردونا بس الله ماكتب لي الا متاخر الحمل لا سبااب عند ربي سبحاااانه وان شالله انها خيرة .............. والحين ماشالله تباارك الله عندي بنوووته ومدوختني واقوول راااحت اياااام الرااحه والطلعااات والنووم ................ ثلاث سنين راااحت كانها يووومين ............. استانسوا ناموا اطلعوا سووا كل شي لان ان شالله ربي بيرزقكم وتحسووون بالتعب وفقر النووووووم .........................................

 

[خيشة شكر@]

اللهم ياربي يرزقج بالذريه الصالحه ان شاء الله عاجلا غير اجلا ياربي

 

[لحظة اشراق]

حبيبتي تفاحة .... ماشاءالله الله يخليها لكم ويرزقكم بأخوان وخوات لها ​

بس مو انا اللي حكمت عليه وقلت ان فيه شي ....​

اهو اللي يقولي ومقتنع ان فيه شي علشان جذي انا ماحملت ....​

خيشة سكر مشكورة على الدعاء وان شاءالله يارب الله يرزقني ويرزقكم ​

 

[جديده 1]

قولي يا فلان مو شرط يكون فيك شي .. و حتى لو فيك شي ترى له علاج سهل ان شاء الله
قولي انا مو مضايقني ان انت لو طلع فيك شي بالعكس هذا الله اللي كاتبه .. بس يضايقني انك ما تجتهد معاي ..
قولي له انا لو كان فيني شي كنت بسكت على نفسي ؟؟ كنت بروح اسوي فحوصات و بتعالج وانت بتساعدني .. وانا سويت التحاليل .. باجي عليك انت .. موفقه يارب و شوفي توقيعي يمكن يفيدج بشي .

 

[ام الشوامس]

الله يكون بعونج يارب

ادعي الله يلين قلبه ويحن علي العيال عشان يتحرك و يعالج لو في شي

و الله يرزقج بالذريه الصالحه

 

[لحظة اشراق]

جديدة 1

مشكورة على ردج وحاولت اقوله هالكلام لكن اهو ماعطاني اي مجال للنقاش وسكر على الموضوع على طول

ام الشوامس

يارب الله يهديه ويرضى يروح يفحص ومايطلع فيه شي آمين

مشكورة على الدعاء والله يرزقني ويرزقكم ان شاءالله ​

 

[برميت]

وااي ذكرتيني ..قبل لا احمل فحصت و سويت كل شي و قالت لي الدكتوره مافيج شي 100 % سليمه
و عطتني ابره تفجير و قالت اذا ماحملتي خلي ريلج يسوي تحليل و عطتني علبه التحليل مالت ريلي و معاها ورقه الارشادات و لما يه موعد التحليل حللت مو حامل و انا خانقتني العبره و ريلي اشوف عيونه تغورق ..والله بعد قلبي بس وصلنا البيت طقها مناحه بعد روحي ..عباله اهو الي فيه و قالي بقط كل فلوسي علشان تصيرين ام ..و احنا نعيط مثل فلم هندي
و سوينا مناحه من غير سبب
و بعد جم شهر حملت ..يعني اهو سليم!!

ترى مو شرط انتي سليمه و اهو سليم لازم يكون حمل ..هذي كتبه ربج

انتي بس انسي الموضوع و راح تحملين .. حتى ريلج نسيه الموضوع ..و صدقيني موضوع الحمل نصه نفسي
ومتاكده انج راح تحملين لما تلهين بشي ..يا عرس و لا سفر و لا شي تلهين و تنسين تحسبين الدوره و التبويض ..جك بوم تقولين جنها ماشرفت هالشهر و انتي حاامل و نبارك لج

و تذكري شي ..ربي ما ابتلاج الا لانه يحبج و مشتاقلج ...يالله يا قلبي روحي عند ربج ..كثر ما يبتليج كثر ما يحبج و يبيج يمه

و اسال المجرب ؛)