- إنضم
- 13 مايو 2008
- المشاركات
- 1,333
- مستوى التفاعل
- 0
- النقاط
- 0
السلام عليكم ورحمة الله وبركاته
قبل لا تطلعين ... اقري الموضوع كله ... وبعدها .. انتي واللي يمليه عليج ضميرج
ابدأ كلامي بحديث حبيبنا محمد عليه افضل الصلاة والتسليم "من رأى منكم منكراً فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان"
موجة خطيره ستجتاح عقولنا وعقول ابناءنا واخوانا واخواتنا ... ستنطلق في 1 رمضان .... موجات تحمل الرقص والعري والعلاقات الفاسده والافكار المسمومه
والسبب وراء ذلك هو :
نحــــن !!!
نعم لا تستغربون .. نحن من صفقنا لهم في السنوات الماضيه وشجعناهم وامتدحنا اعمالهم الرمضانية وفوازيرهم وبرامجهم السخيفه .... حتى تمادوا دون مراعاة لشعورنا ونحن صائمون قائمون لله تعالى
المسلسلات والبرامج والاغاني والفوازير يا كويتيات راح تنطلق وكلكم تعرفوووون انها ماتخلوا من :
غرف النوم
علاقات محرمه
رقص
عري
تمايل وقلة ادب
تكفون يابنات خلونا نقاطعهم برمضان .. ونحافظ على عيالنا وبناتنا وازواجنا واخوانا من هالتلوث الاخلاقي ....
ونحمي انفسنا من غضب الله ....
الله سبحانه يفتح ايده علشان يغفرلنا ... واحنا مقابلين هالشاشات والمسلسلات ... رحمتك يارب ..
نجرح صيامنا ونغضب خالقنا والنتيجه شنو ؟؟؟؟
قد لا تقبل منا طاعاتنا + افكار مسمومه في عقول اطفالنا ومراهقينا = الحصيلة صفر يابنات
احنا السبب اللي خليناهم يتجرأون واحنا السبب اللي بنخليهم يتوبون ويحترمون نفسهم
اشلون ؟؟
اذا قاطعنا مسلسلاتهم وبرامجهم وماتابعناها ومالقوا اصداء طيبه مثل كل سنه ... راح يستحون ويعرفون ان الناس تبي تتعبد ربها ....
والسنة الجايه ماراح يفكرون يسوون هالبرامج لانهم ما لقوا النجاح ....
اما اذا بنصفق لهم ... ونشكرهم ... ونستضيفهم بالبرامج المباشره ونمدحهم وندزلهم ورد ... راح يتمادون اكثر واكثر ............
حملة .. لمقاطعة البرامج والفوازير والمسلسلات المخلة بالادب والتي تخدش الحياء وتغضب خالقنا ..
نعم للبرامج الدينية والمسابقات العلمية الهادفة ....
كويتيات
انتو قدها ونص
خلونا نكون ايد وحده .... ارضاءا لرب العباد .. وحفاظا على ابناءنا ...
احنا اللي نقرر شنو نبي نشوف ولازم يحترمون ديننا ورغباتنا وعقولنا ... واللي يبي يبث الفساد .. يروح بعيد ويختارله وقت غير رمضان ....
ايد وحده يا كويتيات ......
وراح نغير اشياء كثيره
محبتكم ... واختكم ...
ام هزاع
