عمليتي يوم الاحد الياي وخايفة بسوي smart lipo

[ذهب أبيض]

الله يقومج بالسلامة ........الله معاج

 

[shams2008]

الله يقومج بالسلامة

 

[sallyq8]

موفقة إن شاءالله والله يقومج بالسلامة ويعطيج النتيجة اللي تتمنينها

وبانتظار تجربتك والنتائج بالتفصيل

 

[sweeeety15]

ان شاءالله تقومين بالسلامه وتقولين كل التفاصييييييل

 

[عسووووولة]

جبيتي سويتي العملية طمنيني عليج

 

[وحي الخاطر]

الله يقومج بالسلامه بارب وطمنينا عن صحتج

 

[إٌزٍقـً/ـرٍتِية]

السلام عليكم يا بنات بنات اسفه على التاخير انا اجلت موعد عمليتي وصار موعدها اليوم الصبح وتوني جايه من العياده وسويت العمليه ولله الحمد :cxxxp:

ابرتاح شوي واقولكم التفاصيل :cxxxp:

​

 

[مكاييل]

ننتظرك لاتنسين لاني ناويها عليها اول الشهر الجاي

 

[إٌزٍقـً/ـرٍتِية]

السلام عليكم اختي ميكاييل اذا انتي بتتزوجين انصج ماتسوينها لان راح يبين فيج زراق والجلد ماراح ياخذ شكله الا بعد 6 شهور على كلام الدكتور وانتي عروس ماتصلحلج تسوينها حاليا لان عرسج قريب وما انصحج تسوينها حاليا ابد .... سويها بعدين ...

 

[إٌزٍقـً/ـرٍتِية]

بنات مثل ماقلتلكم اليوم كان موعد عمليتي وقررت اسوي زنودي السنه الجايه خواصري احسن لان الميزانيه ماتكفي :eh_s(11): ورحت قبل الموعد بنص ساعه من الحماس انا الي فتحت العياده هههههه وقاعده طبعا جايبه معاي عباية ثانيه وسيعه لان العبايه الي جيتي فيها مستحيل يدشون زنودج فيها وطبعا ماقالولي شنو البس انا الحمد الله اني لبست بنطرون سترج وبلوزه علاق عشان ما تأذيني وقت العمليه ولا تأذي الدكتور..:eh_s(15):. الموهم نطرت لين نادو اسمي على الساعه 10 ورحت وقالتلي النيرسه لازم تدخلين الحمام تفرغين كل الي فيج وانتو بكرامه لانج بتقعدين 4 ساعات بالغرفه ومايصير تروحين الحمام ...:jumpon:
ورحت الحمام ولما طلعت منه قالتلي لازم تكونين متريقه وماكله عدل :botetoo:..بس انا ما كليت ولا شي بس شربت ماي. :eshrab:.. وقلتلها اي تريقت ^^

المهم لما فصخت ملابسي وانسدحت بالسرير وجا الدكتور وخطط على زنودي بقلم اسود وطلع من الغرفه .. ولما جو النيرسات حطو على زنودي شي مثل الزيت الاسود وقامو يفركون يديني...

وبعد شوي دخل الدكتور وقمت ارجف من الخوف قال لي احنا معملناش حاقه وبترجفي ... المهم جاب ابره طوووووويله ومتييييييينه تخرع جنها ابرة حمار هههههههههههه يكرم السامعين .. قلت اووله هاذي صج ولا لعبه كبيره حيل تخوف هههههههه... والنيرسات ما يضحكون ولا يبتسمون تحسين انهم جادات حتى الدكتور مايسولف ولا يتكلم على الاقل يشيل الرعب الي بقلبي شوي... المهم وغزوني ابرة البنج ااااااااه هاذي المرحله عذاااااااااااب بصراحه الم بس تقدرين تتحملينه وانا الصراحه اقولكم دلوعه ما اتحمل يعني الشجاعه ماراح تحس بشي وقال لي الدكتور انتي اول وحده بالعياده توون وتقول اااااااااااااااه وتتشكى من الالم العاده الي يجونا اسويلهم العمليه ومعاهم موبايلاتهم ويسولفون عادي ويضحكون... بس مثل ماقلتلكم انا صراحتن ما اجذب عليكم دلوعه مع ان الالم خفيف...المهم انا مادريت انها فترت البنج لانهم ماقالولي... انا حسبالي الشفط..المهم طلع الددكتور وقلت للنيرسه هاه خلصنا ماشاء الله مسرع ؟؟؟؟ قالتلي ياحبيبتي ده بس التخدير ههههههههههه انا بغيت ابجي...
وبعد نص ساعه قمت اقرص نفسي بشوف البنج خذا مفعوله او لا... وماحسيت بشي

وبعد نص جا الدكتور والي عجبني ان الادوات كلها يطلعها من قراطيسها...وقام يدخل الصيخ الليزر داخل ويدخل ويدخل ويدخل نص ساعه على اليمين ونص ساعه على اليسار وراح تحسين بلسسسع خفيف بس تقدرين تتحملينه ^^.. المهم حسيت وقتها ان ايديني تخدرت قال لي انا الحين فتت الشحوم بخليج ربع ساعه ترتاحين وراح اجي ابدا اشفط... قال اي دكتور والله احس بتعب بيدي قال نعاش حسيبك ربع ساعه... وراح وجابولي نسكفيه :nbptr: لاني حسين اني متجممممممممممممممممده بررررررررررررد :0bee2e8d89: والمساكين ماتو حر لاني طلبت منهم يطفون التكييف لاني حاسه بموت من البرد ولحفوني انصحكم تجيبون معاكم بطانيه شتووويه والله ضرووووري يا بنات... واخر مرحله الي انفضخ قلبي من صوت جهاز الشفط قلت للدكتور يما شنو هاذا جنه صوت منشاااار قال ده بس صوته صيخ ثاني للشفط... ويدخل ويدخل ويدخل واشوف الشحوم في بطل قلت اوووله دكتور كل هاذا بزنودي... اجل الي بفخوذي شلون...

ولما خلصنا لفوني بشاش وقعد يخرخر البنج من يديني قال الدكتور عادي بينزل منك ماي لمده يومين وبيوسخ الفراش و بتنقرفين بس لاتخافين لان بكل حته تمشين راح ينزل منج ماي... ولفوني بشاش ولما لبست ملابسي حسيت اني حسسسسسسراااااااااااااااانه
من السوائل الي حطوها فيني..>.< ولبست عبايتي الثانيه لان الاولى مستحيل تدش يدج فيها انا جايبه عبايه كبيره كمومها كبار عباية الفراشه وسيعه عشان ايديني تدش ... والحمد الله اول مارجعت البيت صكيتتها نومه من 3 لين 8 .... واول ماقمت ولا فراشي متغرق بس طبعا مو وايد شوي خفيف وشلت الشاش لان صار لي زراق مثل التجلط وحطيت شاش بس على اماكن الفتحات عشان ارييح يديني... ويقول كل 10 ايام راح تحسين بفرق.. وانا عندي موعد بعد 10 اياك check عشان يفحص يديني شنو صار فيهم.. وسلامتكم وسامحوووووونس على التأخير بس عشان افيدكم واحمسسسسسسسسسسكم ^^

وبعد كل اسبوع بقولكم شنو يصير معاي ان شاء الله :yaaaaaarb:
وبسوي ريولي بعد ان شاء الله السنه الجايه ....:eh_s(9):​

 

[إٌزٍقـً/ـرٍتِية]

شنو نوع هالعمليه شفط وشد ؟؟؟؟؟
وجم سعر المنطقه ؟؟
لان ودي اسوي بطني
والله يقومج بالسلامه حبوبه

العمليه اسمها سمارت ليبو سويتها بعيادة اللوتس بعماره فرجينيا بالسالميه واذا تبين رقمهم موجود عندي...^^

انا سويت زنودي ب 500

تسلمين يالغاليه آمين الله يعطينها الي نتمناه بدون الم ولا تعب

 

[shams2008]

مفكره فيها ودي اسويها
الحمدلله علي سلامتج

 

[مكاييل]

نفس عملية تحديد الفك عندي بس الدكتور ماعطاني بريك ولاشي شك بوم بثلث ساعه وخلصنا واول يوم كان فيه انتفاخ وكل يوم يخف لحد عشر ايام وتبداء ملامحك تبين ومازرق وجهي ولاشي

اذا على 6 شهور مو مخليني سبع البرومبه لازم اكشت فيه دامني بيت اهلي

 

[إٌزٍقـً/ـرٍتِية]

مفكره فيها ودي اسويها
الحمدلله علي سلامتج

لاتسوينها لان تشوفين نتايجي
الله يسلمج ياقلبي

 

[إٌزٍقـً/ـرٍتِية]

بدق عليهم العصر ان شاء الله عشان بشيل الشاش يضايقني

 

[exanon]

ربنا يقومك بالسلامة نفسي اسويها بس لفخوذي

 

[إٌزٍقـً/ـرٍتِية]

السلام عليكم

​

بنات شلونكم اليوم رابع يوم من سويت العمليه واحس بحكه مكان العمليه وفي شويه زراق من الشفط والليزر دقيت على الدكتور وقال لي عادي مع الايام راح تخف وحطيت عليهم فازلين وخف الزراق بس الي يضايق انج لازم ماتشيلين المشد مال الزنود
وماتفصخينه الا بعد اسبوعين :eh_s(16):​

راح اقولكم التفاصيل اول بأول بأذن الله :eh_s(8):​

والتمنى من كل البنات لهم دوام الصحه والعافيه
والرشاقه بدون تعب ولا الم :eh_s(7):​

 

[** رش رش **]

حمد الله على سلامتك و ان شاء الله تفرحين بالنتيجه االحلوه
بالنسبه للمشد لازم تخلينه على الاقل شهر و نص انا جذيه قالت لي دكتورتي
انتي شلون المشد مالج ؟؟ كامل و لا مثل الشورت ؟؟

 

[$نرجس$]

الله يقومج بالسلامه يارب

 

[$نرجس$]

بغيت اسال عن البطن اشلون وجم التكلفه عشان اختي ودها اتسوي شفط لبطنها امضايقها وعرسها بعد سنه يعني عندها وقت سمارت ليبو اجدد جهاز لشفط الدهون