للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[كتكات احمر]

يالبيه ابيه كامل مع البديكير وتنظيف بشرة وحمام زيت وشعر ومادري شنو؟؟؟ جم ؟

 

[يالبيه 17]

يالبيه ابيه كامل مع البديكير وتنظيف بشرة وحمام زيت وشعر ومادري شنو؟؟؟ جم ؟

والله مادري بجم
شوفي انتي باجر لاقعدتي دقي على صالون الشرقيه بخيطان واسأليهم بجم برنامج العروس
وابدي فيه قبل عرسج بشهر عشان تلقين لق
24769510

وانا الي اعرفه ان سعر الحمام المغربي العادي عندهم ب15 دينار
بس حيل نظيف الشرقيه ومعروف بسمعته

بس يبيعون الليفه عندهم ب3 يعني يطلع عليج الحمام المغربي ب18


لاتاخذين ليفه من عندهم روحي اي حواج واشتري لج ليف مغربيه سوده وخشيهم كل مارحتي الحمام المغربي اخذيها معاج

 

[كتكات احمر]

انا خذيت رقمهم والله وناوية ادق باجر اشوف الشرقية ورنيم بجم ؟ هم يمدحون رنيم ..
صاجة ماكو الا اشتري الليفة من الحواي واشوف اخاف من شغلهم مو نظيف

 

[يالبيه 17]

رنيم مايعجبني شغلهم
مره سويت عندهم حف وماعجبني

الي صج يهبل ونظيف الشرقيه بس اسعارهم تحسين غاليه

 

[يالبيه 17]

عاد لاتشوفين الشرقيه الحين توني راده منه اليوم زحممممممممه والسبه رمضان
رحت له الظهر وطلعت 6 ونص

 

[كتكات احمر]

ووووالله وااااااااايد من صجج 6 المغرب واكيد ارفعوا الاسعار لان رمضان والعيد بعد حيييل غالي

 

[MISS-WAD0o]

هلا بنات
اول شئ برد على سؤال اختي الغاليه قاهره عذالي ابخصوص الدراريع فصلت عند معرض الهيلوتن 2 وحده من هدىى البرجس شغلها يهبل بس توني ماطلعتها ووحده ماعرف اسمها وفصلت 2 في العربيد و2 عند الخياييط اللي عند البيرق واحد اسمه حسن بس محله صغير وزحمه بس ولا دراعه طلعتها وكلفوني اغلبهم حوالي 25دينار اما هدى 95 والثانيه 50 وبس
وبقولكم شنو شريت
شريت من القرشي معطر الشعر اللون الوردي ريحته بارده
وشريت من نكتار مجموعه مس نكتار حلوه ريحتها اعجبتني
ومسك العروس من القرشي وبخور ومعمول ملكي
وشريت 7 قمصان نوم قصيره و3 طويله و2 بجامه ستان و5 بجايم قطن طويله و3 بجايم شورت و3 بجايم برمودا و2قميص قطن قصير
وطقم فوطه اللي يتسكر من فوق قصير لون افوايت <<<<<<حسيت هذا كافي طقم الفوطه احس ماله داعي الطويل اشرايكم بكلامي
وشرايكم ببعدد الاشياء اللي شريتهم كافي ولا ازيد
والمسك العروسه شريت توله كافي ولا اشتري وحده بعد
وبس هذا سوقي اليوم

 

[MISS-WAD0o]

ايه بنات شفت فواحات نكتار اللي تكلمون عنها ماعجبوني حسيت استعمالها معقد وقلت اشتري العاديه ام شمعه احسلي
والسبب الثاني اللي ماخلاني اشتريها ان روائح العطر حقها شوى
وبس بس شكلها صدق فخم ;-)
بنات شنو ترشحولي اسامي عطور حقت الفواحه لاني ولا مره استعملتها وانا بشتري فواحه من بودي شوب

 

[معزوفه حنين]

قهوره ممكن مساعده :eh_s(2):

ابي اشتري ملافع حلوه وذرب من وين :eh_s(16):

وابي اشتري استشوار - كوايه بس بخار من ويين ترا الغانم اشكثر بناات يذمونه يقولون يخرب بسرعه
وسله احط فيهاا جبصااتي وتاااجااتي سله لوشناات حماام من وين


:eh_s(4)::eh_s(4)::eh_s(4):

اناا شريت طقم روب اصغر شي بس طلع مو قدي كبير علي <<< بناات لا تضحكون :eh_s(2):

شكله يفشل ماكو مقااسي يااربي شسوي اوديه الخيااط ولا شنو :eh_s(10):

 

[كتكات احمر]

احساس عروسة

ملافع من الشرقية حلوين وخامتهم تهبل

والاستشوار جربي روحي يوريكا يمكن احسسن

والسلال شوفي المحاميد طيور الجنة وبسرداب بياع الورد سرداب الشايع وسنتر بوينت هذا الي اعرفه

بس شلون روب تودينه الخياط يخترب!!!

 

[حبج يا يمه بدمي]

سلام عليكم

شلونكم بنات شخباركم

بنات تكفون ملافع وعبي الخبر حلوه ولا لا
وشنو غير سويكت حلو عندهم
لانه بروح هاليومين اللي تعرف تقولي
والعبي باخذلي من عندهم ٤
٢ ساده
٢ نواعم بس لانه شريت ٦ من الكويت ٣ فخم ٣ فيهم قصات

طبعا خلصت المكياج من سرداب الشايع
بس الكريم اليومي والبودره والكحل القلم والساىل والمسكره هذيل ماركه من دبنهامز
وبعد يبيلي جم قلوس ع جم حمره
وشريت الذهب بس واذا اتذكر شي بكتبه لكم والباجي تعرفون اللي خلصتهم*

 

[كلي لكـ]

كتكات ياحلو المغربي عند الشرقيه روعه

انا قبل كل مناسبه اسوي عندهم الحمام الملكي بـ 25 ومع الليفه 28

والبدكير والمنكير روووووووعه عندهم والادوات تشترينها يديده من عندهم

والحف روعه روعه روعه روعه

جد جد هالصالون عجيييييييييب


انا قبل العرس بشهرين بسوي حمام مغربي عادي وقبل العرس بشهر بسوي حمامات ملكيه ابي اتدلع يمكن ارتاح نفسيا واسترخي

 

[softlady]

قاهره عذالي تسلمين قلبي كل ذوق

انا اسال لاني اجهز اختي الصغيره

سؤالين من ردود البنات وحيييييييل استفدت منكم جزاكم الله خير

شنو الاجهزه الكهربائيه الي لازم تشتريها

ومن وين تلاقي اطقم تكرمون جواتي مع جناطهم سيم سيم


وسلامتج

 

[أستثنـآئيهـ]

قوه بنات .
آنآ عروسه يديده بهالقسم وآيد أستفدت وآنآ كنت زآئره من كلآمكم ..
وخصوصاً من خبرة قآهره
اللحين آنآ حددت ميزآنيآت وعرسي بآجي عليه فتره تقريباً منآسبه ..
بس أحس الميزآنيآت اللي محددتهم أوفر شوي يعني حيل أسرآف ..

وصلت أن حددت ميزآنية العطور 400 دينآر والكل يقول وآيد قللي ..
العطور تشمل ( عطور الجسم - المرشآت - العطور الفرنسيه - العطور العربيه مو وآيد مآ أحبهم حييل -البخور - دهن العود )
زين جذيه والآ لآ ..


يآليت تسآعدوني ..
ومن المهر خلصت الالماس
والذهب وآيد طآير قلت أنطر شوي لمن يطخ السوق شنو هذآ أول أمس وآصل 14 الغرآم

 

[متوترة]

استثنائيه حياج حبيبتي والف مبروك

احسسسسسسسسسسسسساس ههههههههههههههههههه .. فديتج ولتشيلين روحي فيه عند الخياط!!

موفقين احلى عرايس

 

[شيخه كويتية]

هااااااااااااااي عرايس
شلونكم



خذيت من ماك جم شغله
وبجامة من oysho

و4 اندر وير من tezenis
يم فورايفر ووجوه تابع حق زارا

وخذيت بدله من
french connection


وسلامتكممممممممممم

 

[حبج يا يمه بدمي]

بنات محد قالي عن شغل الخبر لانه شكله اليوم امشي
واللي تبي جناط مع العكب عزكم الله. روحي حوش سالميه صج صج شي عجيب
وفيه كحل ماك القلم بنات سواد الكحل حيل حلو انا خذيته حيل عجبني

 

[قاهره عذالي]

حبج يا يممه

عنده مجمع فينيسيا لملابس السهره والجاهز
والراشد مول والظهران مول والخبر مول
ولاتنسين تشترين عطور الماجد عندهم مثل العاذريه وريما

ولي عوده بنات ارد عليكم لاني من الجامعه شابكه

 

[قاهره عذالي]

ايه بنات شفت فواحات نكتار اللي تكلمون عنها ماعجبوني حسيت استعمالها معقد وقلت اشتري العاديه ام شمعه احسلي
والسبب الثاني اللي ماخلاني اشتريها ان روائح العطر حقها شوى
وبس بس شكلها صدق فخم ;-)
بنات شنو ترشحولي اسامي عطور حقت الفواحه لاني ولا مره استعملتها وانا بشتري فواحه من بودي شوب

اشتري بريحة الللافندر وبريحة الياسمين وبريحة المسك :eh_s(7):

 

[قاهره عذالي]

قهوره ممكن مساعده :eh_s(2):

ابي اشتري ملافع حلوه وذرب من وين :eh_s(16):

وابي اشتري استشوار - كوايه بس بخار من ويين ترا الغانم اشكثر بناات يذمونه يقولون يخرب بسرعه
وسله احط فيهاا جبصااتي وتاااجااتي سله لوشناات حماام من وين


:eh_s(4)::eh_s(4)::eh_s(4):

اناا شريت طقم روب اصغر شي بس طلع مو قدي كبير علي <<< بناات لا تضحكون :eh_s(2):

شكله يفشل ماكو مقااسي يااربي شسوي اوديه الخيااط ولا شنو :eh_s(10):

في ملافع ذربه بجمعية كيفان وبجمعية الفيحا

شوفي يوريكا واشتري ماركة باناسونيك ترا حلوه

بالنسبه للشباصات والتيجان والاكسسوارات شوفي سنتر بوينت وايكيا عندهم سلال وعلب حلوه

وبالنسبه للروب عادي اهم شي ضافج وساترج

واشتري واحد طويل بعد احسن :eh_s(7):