السلام عليكم ورحمة الله وبركاته
مبارك عليكم الشهر خواتي وكل عام وانتوا بخير
انا متابعه موضوعكم من اوله وجزاكم الله الف خير
عني وعن كل عروس استفادت من كلامكم ونصايحكم الاخويه
حبيت اشارك معاكم بصراحه خووش موضوع وحيل مفيد
عرسي بعد فتره بسيطه وانا طالبه فالتجهيز عندي بالبطيء
بس الحمدلله خلصت شغل اول يوم خذيت البدله والشبكه
وحجزت المكياج
بس باقي الشوز عزكم الله ليلحين ما شريته
والتصوير بعد حيل محتااره وين احجز
وهم امسيتي خلصت البدله
وخلصت الساعات والذهب ماشريت غير الدبله والشبكه لان حيل سعره غاالي
شريت بداله اطقم فضه جنها ذهب
وخلصت المكياج والعطور لان غرامي
بس هذا اللي سويته باخذ بريك برمضان
لان احس الدراعات والبدل واايد مبجر عليهم
بحاول بعد العيد ان شاء الله اخلص البجامات ولبس البيت وقمصان النوم
وحبيبيتي قاهره عذالي كتبت الاشياء اللي قلتيها بجرب كذا شغله لان ذوقج نفس ذوقي
اغلب الاشياء اللي تحبينهم واعرفهم انا احبهم وايد
فبجرب جم شغله اول مره اسمعها منج
اي وباقيلي خمريات للشعر ماشريت
مو عارفه وين احسن مكان وشنو احسن الانواع ياليت اللي تعرف تفيدنا
وسامحوني طولت عليكم
واللي تبي تسأل عن اي شي من تجهيزي انا حاضر وبالشوفه
اسألتج حددتهم لج باللون الاحمر
عشان ارد عليهم بالترتيب
الشوز لثوب الزفه في تفصلينه من محلات الجواتي تكرمين
قولي لهم ابي افصل جوتي العرايس الابيض ويسوون مقاسج ويسون اي ارتفاع تبينه
عشان يشيل الثوب
انا كان ارتفاعه جنه 10 سم مدري 12 بس لما سويت بروفه لثوب الزفه طلع حلوو
وكلفني جنه 12دك تفصال الجوتي وكان فيه ربطه مطاط بالوسط يلزق برجلج عشان مايطلع منها وثابت
فصلته عند محلات جواتي فوق بمجمع واره رقم 1 بالجهرا
شوفي مجمع منيره بالفروانيه يممكن تلقين تفصال جوتي عروس ابيض او حوش السالميه
........
التصوير حبيبتي حسب ميزانيتج
عندج زيزي اذا تبين تصوير حلو وما يزيد عن 300دك وهي عندها عروض في ب180 وفي ب200 و250 وقولي لها انه تبين البوم حق ثاني يوم 66817192
او اذا تبين تصوير حلو وعندج ميزانيه عادي عندج بابارازي رفيجتي البومها منهم ب750
رقمهم 25755800
كلهم حلوين وشوفي واختاري حسب ميزانيتج واللي تقدرين عليه
.............
الدراريع والبدل حلو منج مفكره ورا العيد ورمضان لان الحين الاسعار شابه ضو
الدراريع عشان ما تتعبين احدد لج : دراريع الحموله يكونون ناعمين عشان اذا جاج احد شقتج او انه انتي ساكنه عندهم وتنزلين عليهم على الاقل من 13 الى 15 دراعه اهم شي يكونون فياسج وتشترين ملافع تانسبهم لو نقشاتها على طرف وبسيطه اشتري من دراعات ساره في بالمباركيه وفي بالخيمه مول بالجهرا بالتوسعه لهم فرع بعد وفصلي موديلات ناعمه من العربيد
الاستقبال سوي دراعات حراير وشيفونات وتكون فخمه
عندج 3 جهات
العربيد
البلوكات
مجمع الاوقاف
واعتمدي الشيفون والحرير وفي هم بالعربيد نظام مني دراعه حلو لجمعات الحريم اللي مافيها رجال
دراعات الاستقبال من 4 الى 6 حلوين وفخمين والباقي اشتري بدلات حلوه نظام تنوره وقميص من الافنيوز او الحمرا مول من 5 الى 7 بدلات حق المناسبات والوانهم حلوه نفس بدال العيد جنج رايحه تختارين بدال عيد
وبالنسبه للبجايم
اشتري من ماكس موجود بالافنيوز وهم لاسنزا بعد بالافنيوز ومجمع اوتاد بالجهرا وماكس في بمجمع الصحاري مول بالجهرا
اشتري على الاقل 15 بجامه منوعه ( برمودات - جنزات - بجايم طويله - بجايم حرايرر)
واشتري من محلات شحليله دراريع قصار للشقه لهم فرع بمجمع العالميه مول فوق بالجهرا وما اعرف لهم فروع ثانيه
وقمصان النوم قميص اول ليله من نعومي مع روبه ويكون لونه اوف وايت ببيج احلى شي
مع 5 قمصان مثله بس الوان مختلفه
اسود - اخضر - وردي - عنابي - بني - بنفسجي وعقب جم قميص طوال بس بدون روب عدد 5 الى 7 والباقي نوعي كيفج بيبي دول + قصير مع روبه بس يكونون من 25 الى 30 قميص عشان اول شهر تقعدين تبدلين فيهم
واشتري دراريع حلوه للبيت قطنيه وساتره عشان ايام الدوره تلبسينهم :eh_s(17):
.............
شوفي بالنسبه للشعر
اشتري خمرية الشايع حلوه
وفي عطور شعر من القرشي حلوه
اللي على ورد طائفي واللي على عود
وهم بدي سنتر عندهم عطور شعر خفيفه وحلوه وريحتها ورد لهم فرع بالعربيد بلازا بالفروانيه وبالمنار مول بالجهرا على الارض وفي بالصحاري مول بالجهرا وفي لهم موقع بعد
http://www.bodycenterperfume.com/default.aspx
يوصلون للبيت
احلى مجموعتين عندهم مجربتهم فيوليت وزهرة النرجس
وموفقه ياقلبي
وبشرينا عنج :eh_s(8):
