السلام عليكم .. مبارك عليكم الشهر مقدما
بنات عندي موضوع منبطه جبدي منه بعرف يعني لي متى هالحاله!
سلمكم الله موضوع عن المغازل الي يكون معاج ريلج,, يعني مثلا انا مره كنت مع ريلي بأحد المطاعم انزين قعدنا بطاوله وانا جدامي شباب اثنين معاهم بنت مبين انهم مش ولابد,, ماعلينا انا قعدت
ولا يقولي ريلي انا بروح الحمام (وانتو بكرامه) وانا اقلب بالمنيو ولا ياربي هالريال الي يخوزز يعني بفهم ماشاف ريلي ولا شنو!
جان اقوم اغير مكاني ولا يرد ريلي يقولي ليش غيرتي قتله فشله جدامي هالرياييل استحي اكل و واعليه على ريلي مايفطن بهالسوالف,, المهم ولا يدشون الموضوع وحده مع ريلها ويقعدين وطاولتهم بعيده مو يمنه
بس طبعا الريال ماطاحت عينه عني! انزين ماتستحي على ويهك معاك مرتك وتخز انزين ماحترمت مرتك كيفك بس ماتستحي معاي ريلي وتخز! بنات مابالغ عينه ماطاحت
انا كل شوي ارفع راسي بشوفه يوخر عينه او لا! عبالكم استحيت وماكليت لا والله كليت وماهمني ههههههه لا وابشركم اللقمه شكبرها بحلجي ابي يوخر عيونه ياربي ماكو فايده
والموقف الثاني,, كنت انا وريلي بمجمع وانا واقفه اشتري حق بنوتي واطالع الهدوم وكان في ريال والظاهر مرته تشتري واهوا عند الباب المهم.. وبس يخزني وانا مايهمني قاعده اشتري وتخيلو تيي مرته يمه توريه لبس مادري شنو
واهوا يكلمها ويطالعني انزين استح عيب مرتك يمك! لا ماكو حيا ولا مستحا
والموقف الثالث,, الي انصدمت صدمة حياتي :eh_s(11): ,, كنت بسوق الكويت هم مع ريلي المهم واقفه عند الحواي ومحل الحواي يكون على وزاويه انزين وقاعده اشتري منه وكل شوي الف الصوب الثاني صوب الزاويه وارد من جدام وجذي
عاد خلصت وريلي قاعد يحاسب الريال وكان بواجهة المحل وانا رحت صوب الزاويه بشوف صابون مادري شنو المهم مادري ولا ريال واقف وراي ولا يقولي شهالزين كله قمر قمر ومن هالكلام
انا انصدمت ومن الخرعه بققت عيوني ادور ريلي ولا اركض واوقف عنده والتفت بشوف في احد يمي او لا ,, حتن من الخرعه يابنات ماشفت ويهه الريال ولا شفت شكله
والموقف الاخير همن صدمه ,, كنت بمركز سلطان شرق مع ريلي بعد,, وكنت واقفه عند ثلاجات الرجيم وبظهري الفواكه وريلي واقف عند الفواكه يعني بظهري, ولا يمر ريال ولا هم يقط كلمه يالحلوه يامادري شنو ومن هالكلام ماعندهم غيره, انا اخترعت خفت ريلي يسمع
بس امانه مايستحون يمكن ريلي يايلي من بعيد وشافك لمن كلمتني! صج قهر والله ستر علي بهالمواقف
وفي مواقف وايد بس اختصرتها بهذيل...
انتو شنو مواقفكم ومره صارلكم موقف جذي وريلج شافه!
