ابي رايكم يالمتزوجااااات ضروري

[فدوووو]

السلام عليكم بناات

انا توني مملكه وباقي العرس بعد اربع شهور

بس حاابه اسال سؤال وابغى اللي مجربه هي اللي تجاااوب

اول مرة اكتب موضوع بهالقسم

انا اخت زوجي كلمتني وقالت لي ان زوجي يبي يكلمني قبل العرس عشان يبي يتعرف علي

وحنا عندنا هالشي ممنوع وامي وخواتي اللي مجرباات ومتزوجات بعد رافضاات هالشي وابوي ماقال شي والا لو ابوي مانع هالشي كان قال له

وكان وصى امي علي انه مايكلمني بس ابوي ماقال له شي وكانه موافق على هالشغله وهو استاذن من ابوي قبل لايطلب من اخته انها تكلمني

وانا رفضت واخاف انها تكلمني مرة ثانيه وتطلب مني هالشي

مع ان هالشي محلله الشرع خصوصا اني خلاص صرت زوجته

وبصراحه هو كاسر خاطري يعني بعد الملكه جاب لي هديه وش كبرها وكاكاو وش حلاته كليته كله هههههه

ابي رايكم بكل صرااحه وراح اتقبل اي راي بصدر رحب

 

[بتبوتااا]

مافيها شي حبيبتي كلميه ترى مو حرام والله يوفقج ياقلبي

 

[انا لحبيبي .]

مافيها شي حبيبتي ، بالعكس عشان التوافق الذاتي والذهني

وعشان تكوني فايته بيتك وعارفه الشخص يلي رح تعيشي معه كيف تصرفو وشو اسلوبه

الله يتمملك على خير حبيبتي ،

 

[كويتيه شماليه]

احلى ايام هالفتره هذي اذا طوفتيها غلطتي

 

[*صَبا*]

دام ممتلكين عادي

خاصه اذا الملكه قصيره

 

[بنت احلى ديرة]

حبيتي اهو لا حرااام ولا عييب صج ششغله مو مؤلووفه عندنا حييل احنا البدو بس ما ننقد حيييل لان حلاال ما احد يقدر يتحجى
بس انا من رايي الشخصي .... ما افضل هالشغله لان من جد كل شي بيعرفه عنج والشباب عندهم طريقة عشاان يكشفوون البنت واهي ما تدري حتى لو الوحده تكون مو من نوع الي عندها ماضي ولله الحمد بس اكو اشياء مو حلو الز وج يعرفها قبل الزواج ... وحتى ذفيجة امي تقول اخوهاا بليلة الزفة كانوا متزاعلين على بعض يعني ما تسوى السالفة ان يكون في هواشاات وقصص قبل الزوااج .. وغير جذي ادري طولت عليج صدقيني يعني احس حتى تكون شي عادي الزفة اذا تكلمينه وما يكون فيها الهيبة الي تخلييها صج ليلة العمر ولج حرية الاختيااار

 

[Tulips]

بالعكس !

اصلا هالتجربه من صالحج انتي .. سئليني ليش

لانه لما تكلمينه ( قبل العرس ) وتتعرفين عليه وعلى اطباعه واشلون طريقة تفكيره وايد افضل

يعني تخيلي ( لا سمح الله ) يطلع فيه مليون عيب وانتي تكتشفينه عقب العرس شالفايده ؟؟ بالعكس لازم تكلمينه قبل لايطيح الفاس بالراس .. بعدين ياحبيبتي اهو حلالج وانتي حلاله ليش ماتكلمينه ؟؟ مافيها شي بالعكس

اصلا اشلون تتحملين فكرة انه تبدين حياتج مع واحد عمرج ماكلمتيه ولا تعرفين اطباعه .. ؟

واللحين ترا البدو نادرا ما تلاقين عندهم هالعاده مستمره خلاص الناس تفتحت وبالنهايه اقولج لاهو عيب ولا هو حرام

وعلى فكره مو شرط يعني تكلمينه يعني تكلمينه على الصاعده والنازله .. اذا ماتبين تحتكين فيه حيل خلي مكالماتج معاه بالاسبوع مرتين ولا 3

وبالنهايه القرار لج

 

[ماردك لي]

عادي صار زوجش كلميييييييييييه احسن مايكلمووه بنات بليس خخ

الله يوفقش يارب

 

[زوجة عزيز]

أهم شيء رضى أهلج

 

[ماني من الناس]

انا عندي الكلام فيس تو فيس احسن واوضح عالاقل تشوفين تعابير الفيس وتفهمين شسالفه وشصاير احسن من الفون

 

[classicyah]

عآدي حبيبتي ، مآ فيهآ شيْ ،

زوجته و من حقه يكلمج و يتعرف عليج قبل العرسْ ،

و أحسـن عشآن اتعرفيـن أطبآعه من ألحينْ ،

و اتعرفيـن شو يحب و شو يكره . .

،

الله يوفقج . .

 

[خالف تعرف]

لاتكلمينه عشان ماتصير مشاكل وتنفل السالفه
دام عاداتكم وتقاليدكم جذي

 

[أغلى أمنياته]

مافيها شي،،
الله يسعدج معاه ويوفقج​

 

[مهندسة مكياج]

انا خبري بالسعوديه ايي لخطيبته بالبيت ويقعد احد من اهلها معاها بالمجلس وقللليل تطلع معاه ويكون مع احد من اهلها


بس ماتكلمه لااااااا ماظن قليل يمكن الي عندهم هالعاده

من ناحية الحلال والحرام اكيد حلال ومن ناحية هلج انتي ابخص بهم واذا بيضايقهم ساليهم اول

 

[ماحب اتدلع]

اذا بتكلمينة عادي كلمية بس
1- لا تضحكين بصوت عالي ابدا خلي ضحكتج خجولة وياالله تطلع هذا اذا كلش كلش شي يضحك
2- لاتسألين وايد ولاتثرثرين وايد حدج اي والا لا
3- اذا قالج قولي لي سالفة سكتي على ابو انج مستحية قولي ماعندي
اي بعد ماتدرين هالرياييل كل يوم لهم وحدة بس فترة ملجة وبعدين يخليها يقول ماتستحي ومادري شنو
والاحسن انج ماتكلمينة هههههههههههههههه وانتي وراحتج

 

[[[ عيون جابر ]]]

ماكو بعد شرع رب العالمين كلااام ورب العالمين ماحرم هالشي انتي حلاله واهو حلالج

 

[فدوووو]

مافيها شي حبيبتي كلميه ترى مو حرام والله يوفقج ياقلبي

تسلمين ياقلبي

 

[فدوووو]

مافيها شي حبيبتي ، بالعكس عشان التوافق الذاتي والذهني

وعشان تكوني فايته بيتك وعارفه الشخص يلي رح تعيشي معه كيف تصرفو وشو اسلوبه

الله يتمملك على خير حبيبتي ،

اي والله صادقه بس المشكله ان اهلي هم اللي رافضين بالذات امي

 

[فدوووو]

احلى ايام هالفتره هذي اذا طوفتيها غلطتي

اي والله احلى ايام ولكذا اسئلكم اخاف افوتها

 

[UNICORNA]

مدرى احس انكم عندكم استفسارات غريبه صراحه !!!؟؟؟

يعنى انتى زوجته وماتبين تكلمينه ؟؟؟

يعنى تبين بيوم وليله تصيرى معه بالبيت بدون ماتتعرفون على بعض ولا تعرفون شخصيات بعض

ترا الجواب باين من عنوانه انتى زوجته قدااام الله اللى اهو اهم من كل شى

عموما ربى يوفقك ودامه زوجك مايعيبه ولا يعيبك شى بالعكس هذا راح يخلى فيه قبول اكثر

مو فجأه تحصلى شخصيه غريبه عايشه معها وماتعرفين عنها شى (=

مبرووووك عليكى