شي غريب و معور قلبي :"(

[elpinkya]

السلام عليكم

بنات انا من دخلت الشهر التاسع وانا حيييييييل تعبانه

و نفسيتي صايره زفت حشاكم وماااااالي خلق شي ابد

حتي ريلي صايره معاه نفسيه ومالي خلقه و عيالي كاسرين خاطري

بس أعصب عليهم واذا عصبت أعصب بصراخ وأقعد ابجي و بعد شوي اتحسف

ليش سويت جذي انا ما اقصد بس حدي تعبت و مو متحمله

باجر موعدي شكلي بقول حق الدكتور يولدني بس خايفه اضيع التعب كله و استعيل

شنو تنصحوني بنات !؟؟

 

[المسكـ]

لوول عادي حبي كلنا نمر بهالشعور بالتاسع
وعادي انا لان كان عندي امتحانات فاينل بالجامعه
رحت الشفا وقتلهم ولدوووووووووووني بسسس ماتحمل احاتي دراستي واحاتي ولادتي عالاقل لما اكون والده غيرر البيبي عند امي وانا لاهيه بس بالدراسه مو احاتي اولد وانا بامتحان
وترا اللي تقول الطلق الصناعي يعور ماعندها سالفه
لان كلهم يعورون
والصناعي والطبيعي نفس الشي
طبعا انا ولدت صناعي وانا باول التاسع والحمدلله ولدي عمره 4 سنين الحين

 

[pure smile]

الله يعينج ويسهل عليج يارب طولي البال الله يكتب لج الاجر

 

[elpinkya]

حبيبتي فدديتج

انا ولاده بطلق صناعي ولاده بطلق صناعي لا مفر بس الدكتور معطيني موعد ١٤/٨
يقول عشان تكملين ٣٨ اسبوع

و انا تعبت من الإبر و انا بيت حموله و ماكو خدامه و رمضااااااان

ااااخ احس بموت مو عارفه اجابل عيالي ولا خالتي و المطبخ و لا ريلي و شغل البيت

و ماكو غيييري بالبيت جنتهم الوحيده :""(
و الأكيد ماكو رحمه اذا ما ساعدتي تسمعين جم كلمه الله كريم

 

[elpinkya]

الله يعينج ويسهل عليج يارب طولي البال الله يكتب لج الاجر

امييين الله يسمع منج و مشكوره عالرد :*

 

[anooma_86]

مادام انتي جذي ولا جذي طلق صناعي نطري بعد اسبوع و الله يسهل عليج انشالله

 

[مواصله]

الله يسهل عليج

واللي من بداية حمالها جذي شتسوي!!الله يسهل امورنا بس

 

[ScarletteO'Hara]

كلنا بالهوا سوا
بس هم انصحج صبري لا تستعيلين
سبحان الله ما تدرين يمكن البيبي محتاج يتم ببطنج فترة اطول
انا نفسج و الله زهقانة و توني بجر
بس ما ابي اسوي اي عمليات انتحارية حرام اخاف اضر البيبي
و ريلي يقول لي انسي سالفة الطلق الصناعي الحين لا تاخذينه ولا تطلبين من الدكتورة انها تحطه لج الا اذا كانت حالتج محتاجة الطلق الصناعي
الله يسهل عليج يا رب و يسهل علي

 

[الشموخ~~]

يا قلبي تستعجلين علي مسكين قطعة لحم ما اكتمل بعدة سبحان اللي خلقة بالارحام اهوة ادري فية ومتي ما حان وقتة يشرف للدنيا لا تبلين روحج بروحج ترا الدكاترة ما همهم الا الفلوس والا صحة البشر صارت ولا شي عندهم انا بالسابع وطالعة روحي وانرفز علي عيالي وعلي زوجي وعلي ادنات الدون تلقيني كريت هالدموع زوجي صار يسميني ام دميعة بس عادي كلها جم يوم ويعدون بعد اجر من رب العالمين

 

[غالية22]

موفقه

 

[@ام يوسف@]

الله يهون عليج وتولدين بالسلامه

 

[كويتيه مذهله 87]

لا حبيبتي نطري ميخالف صبرتي 8 شهوور نطري اسبووعين فووقهم

 

[عروس فبراير]

اخذي راي الدكتوور شووفي شيقول تولدين اللحين ولا تنطرين
وعسى الله يسهل عليج

 

[om MaRyooM]

كلنا نفس الحالة والنفسية


انا اعصب على بنتي واقعد ابجي لأن تكسر خاطري

وظميري مأنبني احس وايد اشياء بحياتي وبزوجي وببنتي مقصرة


بس شنسوي . . لنا أجر انشالله

انتي اصبري ليما تولدين .. ودايما استغفري ربج وسبحي بترتاحين

مو بروحج جذي ترا

 

[مظلومه ياناس]

حرام تستعجلين ماردج تولدين وترتاحين والله يعينج

 

[عبث طفله]

الله يعييينج .. ويهون عليج ..
نطري اسبوع بعد ما يضرر على الاقل تدشين الاسبوع 38

 

[نـعـومـه]

نطري لما تخلصين تاسع هنيه تولدج

واذا حابه تولدين امشي امشي والجماع بعد