بأي مسيد تصلين التراويح و الجيام ؟ تعالي ما عليج أمر أبيج بكلمة راس

[:: Diva ::]

السلام عليكم


مبارك عليكم الشهر و عسى الله يكتب لك الخير و الأجر
يارب يقدركم على عمل الخير و التصدق و الصلاة و يارب تختمون المصحف أكثر من مره



بأي مسيد هالسنه راح تصلين التراويح ؟
هل راح تصلين الجيام في مكان ثاني و لا بالبيت و لا نفس المسيد ؟



عن نفسي أصلي بمسيد الحمدان
في عدة أمور سلبيه شاهدتها خلال يومين
ما أعمم أبداً لكن حالات فرديه ضايقتني و تعبتني حيل



أولاً
المسيد الي أصلي فيه يتوافد عليه واااايد حريم لانه يدييد و عند الجمعيه و نظيف
فيه وافدات واااااااااااااايد ( مصريات ) أكثر من الكويتيات
ففي حريم ظروفهم الاجتماعيه ما تسمح لها بخدامه فتجيب معاها كود أطفال !


اذا أولاً شي سبب بلبله و هوشه بأول و ثاني يوم الأطفال
الناس يايه تصلي
ما نقدر نخشع من بجي و صراخ و ركض اليهال ولعبهم
هواشهم و حنتهم و فوق هذا في يهال بحفاظات و موصخين!
والله الكل يخربط و لا قادر يركز
اليهال مكانهم البيت و اذا ما تقدرين تحطينهم عند أحد خلاص مو لازم اتيين
صلي في البيت و الله يأجرج ان شالله




ثانياً
النظافه الشخصيه
تكفووووون هذا بيت الله و بالقرآن آيه صريحه بالتزين عند الذهاب للمساجد
ما يصير يايه و ريحتج عرق و خيسه
ادري يايه مشي من بيتج و رطوبه بس في ديودرنت!
و هم ما يصير اتيين و ريحتج طباخ و بصل و شي يلوع الجبد!!
و ان طلعتي من المسيد الكلينكس و بطول الماي وراج
و الحمام عقبج وصخ و ريحه و الماي يجرخ



ثالثا
النفس بالخشم ليش؟
هواش لا وحده طقتج بكتفها بدون قصد
شحقه
اختي التراويح مو بس حركات جسديه تسوينها
ما أقصد التراويح كل طقوس التعبد ما هي فيزيا!
في طيبة نفس في أخلاق



ياربي انا كافيه خيري شري
وراي وحده ذابحتني على الكرسي
يا اختي ابي الكرسي تقول حق بناتها ( خودو الكورسي ده و رقعوه و الي عاوزه تؤعد عليه تؤعد )
اقول لها اختي ابي الكرسي انا تعبانه ترد علي ( انتي مش قاعده عليه ماشفتكيش حتى امس قاعده )
و طنقرت علي خلت 3 بناتها وراي يهال يلعبون و يطبلون على الارض و ضحك !


و اخيراً القرقه !
ما تبين تكملين لاتقعدين و تسولفين
غيرج تبي تخشع تبي تبجي و اهي بين كفوف الرحمن




قبل لا انسى و اختم
لما بتصلين يا اختي حاولي تصلين بينج وبين نفسج
ان قريتي الفاتحه خليها همس محد يسمعه غيرج
و ان تشهدتي لا يكون صوتج عالي و هكذا
يعني اليوم مشكلتي بالاخت الي يساري صوتها عااااااالي
خربطت اللاين كله لين حاجتها الي على يسارها
و هم ماكو فايده!





الصلاة هذي القصد منها التقرب من الله
و استغلال شهر الطاعه الشهر الفضيل
لا تخربين على نفسج و لا على غيرج
و يارب يكتب لكم أحلى الجزاء و أفضله


ادري مصختها بس تكفون الدعاء للجميع
لا يصير دعائج لنفسج بس



مو تنسون السؤال
اي مسجد تصلين ؟
يمكن اشوفكم

 

[عالمي انا غير]

انا والله اصلي بالبيت لان اذكر لما كنت بالمدرسة ابلة الدين المصرية تقول البنت ان صلت بالبيت تكون حسنتاتها اكثر من اللي تصلي بالمسجد لان الحرمة مكانها البيت وابركلها طبعا هذا كلامها وانا امشي عليه وهم سئلت عنه وكم شيخ يقول نفس الشئ

 

[عالمي انا غير]

وهذي الفتوة
حكم صلاة التراويح للنساء
​

هل على النساء صلاة تراويح ، وهل يستحسن لهن أداؤها في المنزل أم الذهاب للمسجد لهذا الغرض ؟. ​

الحمد لله​

صلاة التروايح سنة مؤكدة ، ويبقى الأفضل في حق النساء قيام الليل في بيوتهن لقوله صلى الله عليه وسلم : " لا تَمْنَعُوا نِسَاءَكُمْ الْمَسَاجِدَ وَبُيُوتُهُنَّ خَيْرٌ لَهُنَّ . " رواه أبو داود في سننه باب ما جاء في خروج النساء إلى المسجد : باب التشديد في ذلك . وهو في صحيح الجامع 7458
بل كلّما كانت صلاتها في موضع أخفى وأكثر خصوصية كان ذلك أفضل كما قال صلى الله عليه وسلم : " صَلاةُ الْمَرْأَةِ فِي بَيْتِهَا أَفْضَلُ مِنْ صَلاتِهَا فِي حُجْرَتِهَا وَصَلاتُهَا فِي مَخْدَعِهَا أَفْضَلُ مِنْ صَلاتِهَا فِي بَيْتِهَا " رواه أبو داود في سننه كتاب الصلاة باب ما جاء في خروج النساء إلى المسجد وهو في صحيح الجامع 3833
وعن أُمِّ حُمَيْدٍ امْرَأَةِ أَبِي حُمَيْدٍ السَّاعِدِيِّ أَنَّهَا جَاءَتْ النَّبِيَّ صَلَّى اللَّهُ عَلَيْهِ وَسَلَّمَ فَقَالَتْ يَا رَسُولَ اللَّهِ إِنِّي أُحِبُّ الصَّلاةَ مَعَكَ قَالَ قَدْ عَلِمْتُ أَنَّكِ تُحِبِّينَ الصَّلاةَ مَعِي وَصَلاتُكِ فِي بَيْتِكِ خَيْرٌ لَكِ مِنْ صَلاتِكِ فِي حُجْرَتِكِ وَصَلاتُكِ فِي حُجْرَتِكِ خَيْرٌ مِنْ صَلاتِكِ فِي دَارِكِ وَصَلاتُكِ فِي دَارِكِ خَيْرٌ لَكِ مِنْ صَلاتِكِ فِي مَسْجِدِ قَوْمِكِ وَصَلاتُكِ فِي مَسْجِدِ قَوْمِكِ خَيْرٌ لَكِ مِنْ صَلاتِكِ فِي مَسْجِدِي قَالَ فَأَمَرَتْ فَبُنِيَ لَهَا مَسْجِدٌ فِي أَقْصَى شَيْءٍ مِنْ بَيْتِهَا وَأَظْلَمِهِ فَكَانَتْ تُصَلِّي فِيهِ حَتَّى لَقِيَتْ اللَّهَ عَزَّ وَجَلَّ . رواه الإمام أحمد ورجال إسناده ثقات
ولكنّ هذه الأفضلية لا تمنع من الإذن لهنّ من الذهاب إلى المساجد كما في حديث عَبْدِ اللَّهِ بْنَ عُمَرَ قَالَ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ : لا تَمْنَعُوا نِسَاءَكُمْ الْمَسَاجِدَ إِذَا اسْتَأْذَنَّكُمْ إِلَيْهَا قَالَ فَقَالَ بِلالُ بْنُ عَبْدِ اللَّهِ وَاللَّهِ لَنَمْنَعُهُنَّ قَالَ فَأَقْبَلَ عَلَيْهِ عَبْدُ اللَّهِ فَسَبَّهُ سَبًّا سَيِّئًا مَا سَمِعْتُهُ سَبَّهُ مِثْلَهُ قَطُّ وَقَالَ أُخْبِرُكَ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ وَتَقُولُ وَاللَّهِ لَنَمْنَعُهُنَّ رواه مسلم 667
ولكنّ ذهاب المرأة إلى المسجد يشترط فيه ما يلي :
1- أن تكون بالحجاب الكامل
2- أن تخرج غير متطيّبة
3- أن يكون ذلك بإذن الزّوج
وأن لا يكون في خروجها أيّ مُحرّم آخر كالخلوة مع السّائق الأجنبي في السّيارة ونحو ذلك .
فلو خالفت المرأة شيئا مما ذُكِر فإنه يحقّ لزوجها أو وليها أن يمنعها من الذّهاب بل يجب ذلك عليه .
وقد سألت شيخنا الشيخ عبد العزيز عن صلاة التراويح هل لها على وجه الخصوص أفضلية للمرأة في صلاتها في المسجد فأجاب بالنفي وأنّ الأحاديث في أفضلية صلاة المرأة في بيتها عامة تشمل التراويح وغيرها هذا والله تعالى أعلم .
ونسأل الله لنا ولسائر إخواننا المسلمين الإخلاص والقبول وأن يجعل عملنا على ما يحبّ ويرضى وصلى الله وسلم على نبينا محمد . ​

الإسلام سؤال وجواب
الشيخ محمد صالح المنجد​

 

[عالمي انا غير]

حبيت احطة حتى الكل يستفيد منها من بعد اذنج اكيد

 

[ناتشوو]

اروح المسجد القريب من بيتي
السلبية اللي دايما الاحظها عند الحريم كل سنة
مايحرصون على تكملة الصفوف وسد الخلل فيها
بس اشوة رواد المسجد نظاف ونفوسهم طيبة
والمسجد دايما معطر مبخر
جزاهم الله خير
وفعلا في جهال مع امهاتهم
بس هادين ماكو شوشرة كبيرة منهم

 

[:: Diva ::]

صاجه اليوم
صلاة العشا ماكو صفوف مكتمله و كلها مفججه
تالي وحده معصبه تصارخ
من اليمين ما يصير كملوا الصف
و اشوا تعدلت الامور

 

[شذونه]

انا اصلي بلبيت
وبعدين اهو مكانه عباده جايبه لاطفال ليش اذا مو مودبين
استغفرالله ياربي
الله يعينك اختي

 

[الأميرة جوري]

افضل الصلاه للمراءه بيتها......وانا اصلي بالبيت علي راحتى وادعي ربي بكل هدوء.....والله يتقبل مناااا يارب....

 

[ترف بابا]

اصلي بالمسيد اللي يم بيتنا

بس احس براحه لما اصليها

بالبيت !

 

[*الغاليه*]

اصلي بالبيت لان صلاة المرأه في بيتها افضل

​

 

[شندوخه]

القيام نصليها بمسيد المنطقه
بس ذكرتيني على سالفه موتتني ضحك
الامام سجد والكل سجد ورفع من السجود وفي وحده ماقامت جان تصرخ عليها العيوز اللي يمها يافلاااانه قومي قومي نمتي ؟ وهذا بنص الصلاه ورفعت المرا من السجود وسلمنا
قالتلها شفيج انتي تنامين بالصلاه جان ترد العيوز
لا والله عيالي شكثرهم وقاعده ادعيلهم واحد واحد ههههههههههه كسرت خاطري وهذي دشت باخلاقها

 

[فـــخـــر]

^^

:krkrkr: :krkrkr:



* نصلي بالبيت او واحد من المسااجد القريبه بالمنطقه

 

[ام يوسف الكويت]

صراحه انا انقي الوقت اللي يكون امبجر ويكون الوقت قصير وتخلص الصلاه قبل الساعه 2 او على ال2 يعني حتى لو مسيد بعيد اتعنا له واهم شي يكون صوت القارئ حلو عشان تدرين بعد دوامات وعلما ترجعين البيت ياله يمديج تحطين السحور حق ريلج وعلما تشيلين مواعين السحور وعلما تصلين صلاة الفجر الا طار الوقت..
وصراحه لاني اتعب من الوقفه معني مو عوده يعني
اما التراويح بالبيت اريح اصلي على راحتي واقرى قران على راحتي لان صراحه الحريم اللي اييبون عيالهم بالمسيد كرهونا بروحة المسيد استغفر الله

ومبارك عليج الشهر

 

[Japanese]

واااااااي شندوخه ذبحتيني ضحك!!! خخخخخخخخخخخ وعليه عليها الله يستر عليها و ع عيالها مسكينه احشرتها هاللي قاعده يمها لووول

حبيبتي ديفا صاجه بالكلام اللي قلتيه ،، اوبيه انا من هالسوالف ماروح المسيد مستحيل مستحيل مستحيل ،، اتطمن وارتاح واحس بخشوع اكثر ف البيت

جان زين يحطون سكيوريتيز ف المسايد! اووووبيييه جان تسنعو هالحريم :/ !!

الله المستعان ان شاء الله

 

[اطياب طيبه.أم عبدالله]

اشلونج ام علي
مبارك عليج الشهر حبيبتي

انا ما قمت اروح المسجد الكبير حق الجيام والسبه هاليهال اسم الله عليهم ما يخلونج تصلين بخشوع

الله يهديهم هالامهاااااااات يا جمااااعه المسجد للصلاه مو حق اليهال لله يرضا عليكم

وبصراحه انا اصلي ببيتي خصوصا ان عندي يهال صغار وما احب اخليهم بروحهم مع الخدم

 

[ޢޢޢإيمانޢޢޢะۣۨ>]

والله صاجه حبيبتي كلامج كله عدل
وهالأشياء تصير بكل وقت مو بس رمضان
الوحده ودها تروح وتحس بالخشوع وأجواء الشهر الفضيل بس لما تصير هالأشياء تقولين البيت أبرك

عسى الله يتقبل صيامكم وقيامكم وطاعتكم ​

 

[Tulips]

انا بعد اصلي بالمسيد اللي يم بيتنا نسيت اسمه ..

وبالنسبه شنو يلفت نظري .. قصدي شي يبط الجبد صج صج لما مكانج يصير يم مره عووووده وماتبي المروحه تشتغل

ماعندها مانع الكل يخيييس بالحر عشان اهي ما تستبرد .. اي صلي في بيتج !!

لانه جد مرات يصير زحمه و نفس غير اللي كاته تووولة دهن العود عليها ويايه فالريحه صج تقعد عالجبد وتييب القامت عشان جذي لازم يكون في نسمة هوا على الاقل

وهالحريم الله يسامحهم مداحرين الناس على هالمروحه لالالالا مستحيل ماتشتغل .. من جذي قمت اصلي بالبيت بالايام العاديه .. والعشر الاواخر اروح المسيد واقعد يم المروحه واحجزها

بعد الواحد رايح يتعبد مو يختنق بالريحه والحر والخيسه !

 

[Model Look]

انا ماحب اروح التراويح المسيد افضلها بالبيت

مرا رحت للعفاسي السنه اللي فاتت في قرطبه

وااي يمه يالزحمه وحررررر ماقدرت اصلي الا ركعتين وطلعت

انا ودي اروووح والله بس مثل ماقلتي ماكو خشوع والسبه الاوادم

 

[BnoTa CuTe]

انا اروح اللي يم بيتنا

بس اللي يمي حدهم يحشروني حتى لدرجة ماقدر اتحرك ولا اسجد معنه المسيد كبير !

قبل الصلاة آخذلي مكان زين بس مع الصلاة كل شوي يتقلص لين ماقدر اتحرك كلش :'(

شكلي بصلي بالبيت عشان اقدر اركز بالصلاة ويصير بصلاتي خشوع

بس هذا اللي باط جبدي اما على سالفة اليهال بالمسيد فيه بس مالهم صوت ومو مزعجين الحمدلله

 

[درة أهل الطولات]

واااااااااااااااي كإإنج تتكلمين عن مسيد اعرفه