بأي مسيد تصلين التراويح و الجيام ؟ تعالي ما عليج أمر أبيج بكلمة راس

[وردة-الكويت]

اصلي مرات ف المسجد الي يمنا وفعلا ازعاج اليهال لايوصف وغير جذي الحمامات ومكان الوضوء يجرخ ماي يبطلون الماي

ويخلونه والكلينكسات محذفه حذف ماايستحون وربي هلحريم والقيام اشوف لي مسجد مايطول بلصلاه وروح له

ومبارك عليكم الشهر وتقبل الله صيامنا وقيامنا يارب

 

[Dreamy G!rl]

واااااااااااااااي يبتيها و الله
تدرين اصلا انا من عقب هالسوالف هذي صارلي ارمضان اللي طاف و اللي قبله
و هالرمضان هذا كله اصلي بالبيت و قسما بالله يا حلو الصلاة بالبيت خشووع
هدووء اتعيشين جو ابروحج تتفكرين بالايات تطولين بالسجود و تدعين على راحتج
تبجين تستغفرين تدعين كل شي على راحتج .. صج صلاة المراة في بيتها أفضل فعلا أفضل

 

[LuLiTa]

على طاري روحة اليهال للمسيد ذكرتوني بـ موقف عيال خالتي لووول


اهمه اسمله الله عليهم اعمارهم 6 و 5 فـ ابوهم يبي يعودهم و يحببهم بـ الصلاة بـ المسيد فـ ياخذهم معاه للمسيد بـ كل صلاة ... فـ هذول اسمله عليهم نزغ ...و قت الصلاة يمثلوون انهم يصلوون مع الرياييل بس اول ما الرياييل يسجدون فـ عيال خالتي يدلدغون ريول المصلين واحد ورا الثاني من اول اللاين لي اخره .... و هـ المصلين حرااام اللي يضحك و اللي يتخربط و اللي ينسى شكثر صلى .. و عيال خالتي يردون اماكنهم جنهم مو مسوين شي لووووول

 

[قـہۈه فـرنسيـہ™]

أنا أرووح للمسجد مشي ....العام كنت أقطع يوم بالبيت ويوم بالمسجد بس هالسنه ....ان شاء الله كل يوم مسجد خصوصا بالعشر الأواخر بأذن الله ما أطووف جايبين شيخ جديد ماشاء الله تبارك الرحمن صوووته طبق الأصل من ماهر المعيقلي حتى المسسسجد صاير فل ماكو مصافط ووقت الصلاه يصلون برآآآ من الزحمه ....والحمدلله ماكو ازعاج لأن منطقتنا هاديه وجديده ...


واللي تقول صلاة المره ببيتها أحسسن ...ندري عن هالشي ...بس بالبيت ماكو شيخ يقرا لج ...ودج تسمعين هالأصوات اللي ترد الرووح وصج أجواء دينيه بزياده لا سمعتي صوت شيخ يخليج تخشعين غصب ...


.....

وسلامتكم ...تقبل الله منا ومنكم

 

[khawla&tito]

اذا أولاً شي سبب بلبله و هوشه بأول و ثاني يوم الأطفال
الناس يايه تصلي
ما نقدر نخشع من بجي و صراخ و ركض اليهال ولعبهم
هواشهم و حنتهم و فوق هذا في يهال بحفاظات و موصخين!
والله الكل يخربط و لا قادر يركز
اليهال مكانهم البيت و اذا ما تقدرين تحطينهم عند أحد خلاص مو لازم اتيين
صلي في البيت و الله يأجرج ان شالله

نفسسسسسسسس كلامي لامي كنت اقول لها جذي تخيلي كنا بمكة العام والله ماتهنيت بصلاتي استغفر الله صراخ مو طبيعي حتى يوم خلصنا صلاة راحو عندها الحريم قالو لها مو لازم صلي بالبيت لانج اذيتينا

 

[ام الدرر]

مسجدنا بيبي الصباح -السلام
اصلي التراويح فيه والقيام باذن الله
امام المسجد اللي متعودين عليه 3 سنين مريض الله يشافيه ويرفع عنه (ياليت ما تنسونه من صالح دعائكم )
والحمدلله مسيدنا المصلين فيه من الفرجان اللي يمنا وحريصين على نظافته ومانطلع الا متاكين ان المصلى نظيف
واليهال ديفا حبيبتي
انتو اجانب ماعندها خدامة
احنا بنت الديرة تييب ام 6 سنين وياها وتقول شسوي فيها تعلقت فيني
ولا اييبها عشان ما تأذي اخوها الصغير
وطول الصلاة الله يحفظهم سوالف ورانا ولا مراكض من اول المصلى لاخره
بس شنسوي ندري هبة اول الايام مستانسين نصبر عليهم
وعسى الله يعينا على طاعته وحسن عبادته​

 

[أم توتو]

انا لي سنين ماروح المسجد لان عيالي كانو صغار اصلي بالبيت بس هالسنه الحمد الله قمت اروح المسجد اللي جنب بيتنا واخلي عيالي بالبيت بس مثل ماقلتي اكثر اللي يجيبون عيالهم اجانب حتى حرمه هاوشتهم قالت لهم هذا مسجد موحديقه هههه ضحكتني والله بس والريحه استغفر الله مايتسبحون والامام يتكلم بس ماكو فايده عمك اصمخ

 

[f2_al7lwa]

انا اصليها ب البيت الحمدلله
لان محد ياخذني للمسسجد
كل واحد عذره ب جيبه
بس ليله 27 ..< اروح كيفــان .؛ < الشيخ < نعمه الحسان
بس مادري هالسنه موجود ولالا
وعسى ربي يتقبل منا ومنكم
مشكوره اختي

 

[بنوتة باباها]

القيام نصليها بمسيد المنطقه
بس ذكرتيني على سالفه موتتني ضحك
الامام سجد والكل سجد ورفع من السجود وفي وحده ماقامت جان تصرخ عليها العيوز اللي يمها يافلاااانه قومي قومي نمتي ؟ وهذا بنص الصلاه ورفعت المرا من السجود وسلمنا
قالتلها شفيج انتي تنامين بالصلاه جان ترد العيوز
لا والله عيالي شكثرهم وقاعده ادعيلهم واحد واحد ههههههههههه كسرت خاطري وهذي دشت باخلاقها

ههههههههههههههههههاي يحليلهم :krkrkr:

 

[مسك حياتي]

القيام نصليها بمسيد المنطقه
بس ذكرتيني على سالفه موتتني ضحك
الامام سجد والكل سجد ورفع من السجود وفي وحده ماقامت جان تصرخ عليها العيوز اللي يمها يافلاااانه قومي قومي نمتي ؟ وهذا بنص الصلاه ورفعت المرا من السجود وسلمنا
قالتلها شفيج انتي تنامين بالصلاه جان ترد العيوز
لا والله عيالي شكثرهم وقاعده ادعيلهم واحد واحد ههههههههههه كسرت خاطري وهذي دشت باخلاقها

يا حلوها و الله ضحكتني الله يخليلها عيالها و يبارك فيهم ...

و يا صاحبه الموضوع معاج حق ماله داعي الوحده تاخذ اليهال المسجد يسببون ازعاج ...

ومبارك عليكم الشهر و الله يعينا على صيامه و قيامه :eh_s(7):...

 

[sweet.sanfoora]

مسيد بالمسيلة بس شسمه مادري ارووحله بالعشر الاواخر بس
اما الباجي ببيتنا
عاد رمضان اللي طاف بنقات بنق وبنق وبنق وبنق يعني اوكي كلنا عندنا بيبي حطيه صامت او خليه ببيتكم ياية تتعبدين ولا ياية تسولفين وتدزدزين برودكاستات

ياربي انا كافيه خيري شري
وراي وحده ذابحتني على الكرسي
يا اختي ابي الكرسي تقول حق بناتها ( خودو الكورسي ده و رقعوه و الي عاوزه تؤعد عليه تؤعد )
اقول لها اختي ابي الكرسي انا تعبانه ترد علي ( انتي مش قاعده عليه ماشفتكيش حتى امس قاعده )
و طنقرت علي خلت 3 بناتها وراي يهال يلعبون و يطبلون على الارض و ضحك !

اللهم فكنا من هؤلاء الوافدون اللي مداحرينا على كل شي

اللهم ارحنا من هذا الشعب الذي وصخ ديرتنا

اللهم آمين

 

[عزة وكبرياء]

أنا أصلي بمسيد بمنطقتنا موقريب من بيتنا وايد يعني اروحله بسيارتي والحمد لله نظافة وماكو ولاياهل عندنا يهال بس نخليهم بالبيت المسيد مكان للعبادة موللعب اليهال واللي موقادرة تخلي عيالها بالبيت خلاص موشرط تصلي بالمسيد بيتها أبرك لها:blueSmCLR:​

 

[لولوه الحربي]

انا اصليها بالبيت والله يذكرج بالشهاده على كلامج هذا ادري بدش ابقصه بره الموضوع ذكرتيني بمكه على حوسة الجهال وانا اصلي الا ذيك الهنديه اتصلي يمي وبنتها الصغيرونه نطت اقبالي اطالع فيني وترقص بالحييييييل مسكت ضحكتي على المقوقف والي اكثر من جذي امها واهي تصلي قطعت صلاتها وسحبتها وعطتها ذاك الكف وكملت هههههههههههههههههههههههههههههههههههههههههههههه توووووووووووحفه صلي بالبيت تكسبين اجر اكثر وترتاحين من اللويه الله على كلامج هذا جنه المسجد الي بالفروانيه باليل ريحت فول وثوم ياااالهويتي

 

[~ بنت الهدى ~]

انا و امي نصلي بالمسجد اللي يمنـا احب لليالي القدر في المسسسجد روحانيه و خشوع اكثر من البيت ..
طبعا بيتنا كله فوضى و صبيان و اختي صغيره مارتاح ماحس فيه خشوع اروح المسجد احسن لــي و احس ب راحه مو طبيعيه

اللي يضايقني لما وحده ضناها يصيح و ماتسكته @@ ( تقرا دعا مو قاعده تصلي )..
انزين سكتي ضناج و كملي حرام يأذي خلق الله و تفشلين روحج الله يهديهم في ناس مايحسوون باللي يمهم اهم شي راحتهم

و اذا الناس منشغله ولاهين كل وحده تدعي وتتعبد بروحها و فيه حريم يسولفون بصوت عالي يرفعون ضغطي هالنوعية

 

[UM M&M]

اكثر شي يزعج تكملة الصف
و كاهم لازقين بالطوفة اليمين

ياجماعه الصف يبدي من الوسط لين يكتمل للاطراف

يبدي من الوسسسسسط

 

[راعية الطويلة]

الملاحظات هذي من زمــان اللي يصلون بالمسجد
ملاحظينها
و الله من عمري و أنا صغيرة و أذكر أمي تشكي من هالشي

بس الله المستعان شتسوين !!!
الأفضل إنا نعتبرها جهاد و مجاهدة لأنفسنا و للصبر
قال الرسول الكريم صلى الله عليه و سلم:

رواه الإمام أحمد والترمذي وابن ماجه من حديث ابن عمر رضي الله عنهما قَال : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : الْمُؤْمِنُ الَّذِي يُخَالِطُ النَّاسَ وَيَصْبِرُ عَلَى أَذَاهُمْ أَعْظَمُ أَجْرًا مِنْ الْمُؤْمِنِ الَّذِي لا يُخَالِطُ النَّاسَ وَلا يَصْبِرُ عَلَى أَذَاهُمْ .
وفي رواية لأحمد : المؤمن الذي يخالط الناس ويصبر على أذاهم أعظم أجرا من الذي لا يخالطهم ولا يصبر على أذاهم . قال حجّاج – أحد رواته - : خير من الذي لا يخالطهم .
وحسّنه ابن حجر وصححه الألباني والأرنؤوط .
والله تعالى أعلم .

جزاج الله خير ديفا
و يارب في ميزان حسناتنا جميعا
آمين​

 

[NEW WOMEN]

عالمي انا غير
تسلمين اختي عسى ربي لايحرمج الاجر
وياصاحبة الموضوع كل اللي قلتيه هم يصير بالمسجد عسى ربي لايغضب اموت واعرف الناس لايش ما اتسبح الريحه خايسه ليه يخربون المسيد بريحتهم
ومشكوره حبيبتي

 

[سمو الغلآ]

اصلي بمسجد منطقتنا
الحمد لله المسجد نظيف واللي يجون نظاف
ماشاء الله

بس المشكله صوت اللي يقرون بصوت مسمع

ويسسلمو خيتو ع الموضوع

 

[مطيريه ماركه]

مبآرك عليـج آلشهر ديفآ
آنآ آصلــي في آلبيت عشآن آخشع آكثـر وصلآة آلمرآة خير لهآ في بيتهآ
وحآبة آضيف توجيه لـ توجيهآتج قبل كنت آروح آلمسجد آحيآنآ آشوف صفوف آلمصليآت فيهآ فرآغآت
آلمفروض نسد آلخلل آلله لآ ينظر آلى آلصف آلآعوج
وصفوف آلحريم مو عوجة آلآ لوية وفآرغة وكل وحدة متر ع آلثآنية !
ومآيحبون لمسة كتف آبد !
وآلآ تجيج آنآنية عبآلهآ هي آلمصلية آلوحيـــــدة !

 

[EleGanZa]

تقبل الله طاعتج اول شي ومبارك عليج باجي الشهر حبيبتي

وعدل كلامج اكثر شي يغث اللي يقرقووون او اييبووون عيالهم معاهم جد ما يخلوون الواحد يركز عدل !!

وانا اضلي بمسيد المنصورية حمدالله مو زحمة و ماكو اذية ولا ازعاج

والجيام باذن الله بروح المسجد الكبير