شوروا علي لا تخلوني بنات مالي غيركم

[شمعه تحترق123]

راح ادخل بالموضوع بنات انا زوجي مسافر ورايح العمرة اول ارمضان انزين وانا وخالتي ام زوجي علاقتي وايد زينه يعني مثل امي انزين المشكله يا بنات احنا قاعدين قتلها يمه فلان ما دق عليج قالتلي لا جان تقولي ليش اهوا داق عليكم جان اقولها ركزوا بنات احنا من اشوي امكلمينه انا واعيالي تبيني ادقلج عليه تكلمينه قالتلي لا مابي اكلمه عشان ماتبجي خالتي تحب ولدها حيل المشكله مو اهني المشكله بالليل دزيت مسج حق زوجي قلتله ترى امي تسال عنك حلو ثاني يوم داق علي يسلم جان اقوله على اللي صار بيني وبين خالتي عنه جان يهاوشني ويزفني ويقولي انتي تبين ازلقين وايرات بيني وبين امي وليش تقوليلها يعني قصده ان اهوا دق علي وما دق عليها وقتلله اني انا قلتلها اني انا اللي داقه جان يقولي وبنفس خايسة يلا يلا مع السلامه وس التيليفون بويهي ما عطاني فرصه اتكلم جان ادزله مسج وقتله الله يسامحك يا فلان انا ازلق وايرات بينك وبين امك واذا سالفة منو داق على الثاني يبا اسفين ما راح ندق عليك مره ثانيه وما رد على المسج منو الغلطان انا ولا اهوا وترى يا بنات خالتي مالها شغل بالسالفة عشان محد يقول ان اهي اللي محرشته عليج مرة عودا ومسكينه

 

[زوجة عزيز]

الله ايرده بالسلامه الحين اهو شمزعله عشان طمنتي امه عليه والله ريلج غريب

 

[miss_whitemocha]

شكو يزعل؟؟ إذا أهو مقصر بحق أمه و ما يسأل عنها خل يحاسب عمره و يعصب على نفسه..إنتي شعليج واااعلية عليج..مالج شغل فيه طنشيه وخل يرضى من كيفه إنتي مو مسوية شي غلط​

 

[gala q8]

صح في رياييل حساسين لوول .. اهوا خايف انها تزعل امه .. بس تدرين شتسوين .. انسى السالفه و صدقيني بينسى السالفه نهائيا .. لان سالفه تافهـآ .. و إذا سده مو معناته انه معصب .. يمكن عرف ان السالفه مالها داعي هواش و ان كلامج صحيح .. اللي تسوينه انج تدقين عادي ولا كآن صار شيء و إذا ما جاوب دزي له مسج : بو فلان عسى ماشر ما رديت .. و جذيه ..


..((طموشه )) ..

 

[G!RLooNa]

هذا واهوا رايح العمره جذي نار و شرار و نفسيه

انتي ماغلطتي بشي و بس حقريه !*

 

[المستغفرة 74]

الله يجزاه خير يراعي شعور الوالدة وكثر الله من امثالة
والله يوفقج ويهنيكم ببعض لان الي ما فية خير لامة ما فية خير لبنت الناس
والله يسخركم لبعض
وانتي لا تكبرين السالفة مسكين ما يبي امة تزعل علية
عادي دقي علية ما صار شيء

 

[شمعه تحترق123]

مشكوريين حبيباتي والله المستعان

 

[يآلبى ضحكتي:$$]

مع آلمستغفره

 

[ترف بابا]

!!!!

 

[أعرفك نفسي]

لا انتي غلطانة ولا اهو غلطان وصدقيني يدري انج مو غلطانة بشي
بس تلاقينه تضايق من الموقف وأنبه ضميره قام طلع حرته فيج ... عادي تحصل

خليه يطخ بروحه ويراضيج

 

[Freakya]

وانتي شعليج يحط حرته فيج !!

انتي ما عليج منه انسي السالفة

 

[عاشقة هواك]

هذا واهوا رايح العمره جذي نار و شرار و نفسيه

انتي ماغلطتي بشي و بس حقريه !*

اي صح انا وياها :rerrerek:

 

[[[ عيون جابر ]]]

ماني شايفه انج غلطتي بشي

 

[EleGanZa]

حبيبتي ماشوف اي احد فيكم غلطان

وانسي السالفة كأنه ماصار شي والله يعدي الامورعلى خير ان شاءالله 

 

[dubai girl]

انا فاهمه ريلج
قصده انج تبين اتبينين انه دق عليج ومادق على امه
يعني فضلج انتي على امه واتصل
هو غلطان مافهم قصدج

بس انتي يوم قلتي جيه كانت نيتج صافيه بس هو الله يهديه
جيه فهمها .. وصدق انتي ليش قلتي اتصل فيج ولا لا

جان اتصلتوا وسلمتوا عليه بدون هالسؤال

 

[أم توتو]

الله يهديه لج ويسخرة

 

[om MaRyooM]

يمكن زوجج مضغوط ووصايم وبلحظة عصبية جذي قال


مومشكلة ياقلبي طنشي والله يهدي سركم .. ولا تفتحين الموضوع مرة ثانية معاه
اذا دق خلج عااادي وكلام حلو ودلع ولاجنه اكو شي

 

[الا يامطول صبري]

انتي بنفسج قلتيها امه حييل تحبه
عشان جذي اهو زعل خاف على مشاعر امه مسكيييين
انتي ماغلطتي بس الافضل انج ماتقولين انه دق عليييج او تقوليلها انه دق على البيت ومحد رد عليه تتعذريله يعني

بس مو مشكله السالفه تااافه لا تحطين ببالج

كلامها صحححح

 

[prand]

انتي مو غلطانه انتي تمام .. و تصرفج حلو الله يسامحك شي طيب ..

انطري عليه و شوفي شلون بيرد ويعتذر منج لانج خلوقه و ما منج عيبه ..

و نصيحه لج : لا تسمعين كلام المطلقات (( المعقدات نفسيآ )) او العوانس (( خراب بيوت ))

بس يبون يخربون عليج .. الي يقولون (( بالطقاق و خليه يولي .. الخ )) ولا تسمحين لهم يهينون ريلج
اذا كنتي تحبين ريلج و تدورين رضا ربج ..​