&&* تجــــمع مـــراجــعات مسـتشفـــى المـــــواســاه *&&

[ناني سيكرتس]

والله صدمتيني ناني نفس الاسئله اللي كنت بقولها بالضبط


وااااااااااااااااااااااااااااااااااااااااااااااااااااااااااااااااااااااااي


ابي اجابات شافيه و كافيه
انا ودي اولد عنده

بس عاد ابي الخياااااااط

ابي عقب ما يخلص فيلم الاكشن .... و اولد ..... النهايه تصير حلوه ويرجع الوضع طبيعي ... و ابي تضييق سنع!

مو كشكش و فيونكه مثل الجزء الثالث ( آخر ولاده لي بولدي الدكتوره الله يهداها حالفه تسويلي كشكش و فيونكه بالخيااااط حسبي الله ونعم الوكيل وتقولي تجميلي أجل لو مو تجميلي يمكن تسويلي قصة السمكه وزعانفها !)

فيونكه ..؟ من صجج ....:eh_s(10):

عاد وين الرد على الاسئله , صارلي 3 ايام ناطره...:bbbiu:

 

[Laymo0ona]

ولدت بتاريخ 24/7
عند الدكتور حيان فديته صبر علي وايد
صراحه ماشفت مثله شقول شخلي
ام الخياط مادري اهوا قاللي بضبطج بس مادري شنو النتيجه
ان شاءالله بكتب قصتي بتجمعي عن قريب

 

[الحرير]

ولدت بتاريخ 24/7
عند الدكتور حيان فديته صبر علي وايد
صراحه ماشفت مثله شقول شخلي
ام الخياط مادري اهوا قاللي بضبطج بس مادري شنو النتيجه
ان شاءالله بكتب قصتي بتجمعي عن قريب

الف الف مبروك والف الف الحمدلله على سلامتك
كلمينا عن المستشفى وعناية السسترات والدكاترة والنظافة والغرف وكل شي
:eh_s(17)::eh_s(17)::eh_s(17):

 

[ميشووو]

بنات انا مو بالكويت وان شا الله علي اول التاسع بجي >> وابي مستشفي المواساه


لاني مرتاحه عليه


واول ولاده لي >> كانت عند شاديه عثمان


بس ما ادري محتاره اروح لمنو الحين

ساعدوني بليززززز



وعادي يستقبلوني باول التاسع والا لا ؟

 

[بيرلا ستور]

حياتي ليمونة الف مبروك ماياج

واااااي كنت منتظرة تخبريني عن حيان الحمد لله يارب انا بعد مرتاحة وياه

وعندي مراجعة قريبا مستنية قصة ولادتج على ناااااااااااااار

وجم كلفتج الولادة انتي طبيعي؟؟؟؟ او قيصرية واي غرفه كنتي ماخذة

منتظرة يالغلا

 

[ناني سيكرتس]

ولدت بتاريخ 24/7
عند الدكتور حيان فديته صبر علي وايد
صراحه ماشفت مثله شقول شخلي
ام الخياط مادري اهوا قاللي بضبطج بس مادري شنو النتيجه
ان شاءالله بكتب قصتي بتجمعي عن قريب

ماشاء الله ولدتي... الف مبروك ويتربى بعزكم ان شاء الله.
عاد انا كنت معاج بتجمع سبتمبر ومالله اراد لنا الحمال, الحين الحمد لله انتي ولدتي وانا بقالي 5 شهور.
ياليت تسولفين لنا عن الدكتور حيان وقصة ولادتج بالتفصيل الممل, علشان نستفيد منج .

 

[زوغه طلال]

رد: >>>تجمع مراجعات الدكتورة نداء بو خضور<<<

بنات الله اهداكم اشفيكم علي الدكتوره :eh_s(10):!!!!؟؟؟؟؟؟؟؟؟

علي سالفه السفر ظروف الانسان تجبره ولا يعني اهي دكتوره ماتحوشهااااا مشاكل وظروف
ومن تقريبا اسبوعين تقريبا ولد اخوها توفي وحاله العايله حاااااله


عذروهااااااااا والي مايبي اكمل معاها مالاداعي يتكلم جذي عنهاااا :bbbiu:

لانها ماتستاهل انسانه اخلاقها تشهد لهااا ونفسهااااا الطيبه​

 

[3awaasha]

رد: >>>تجمع مراجعات الدكتورة نداء بو خضور<<<

زوغه:rerrerek:
مسكينه انا ماتوقعتها تداوم عقب العزا على طوووول كسرت خاطري بصراحه الله يصبرهم على مصابهم :eh_s(2):

 

[زوغه طلال]

رد: >>>تجمع مراجعات الدكتورة نداء بو خضور<<<

زوغه:rerrerek:
مسكينه انا ماتوقعتها تداوم عقب العزا على طوووول كسرت خاطري بصراحه الله يصبرهم على مصابهم :eh_s(2):

امـــــــــــــــــين​

 

[جمالي خيالي]

رد: >>>تجمع مراجعات الدكتورة نداء بو خضور<<<

شلون اوقات عيادتها برمضان؟

 

[Om_Ksha]

رد: >>>تجمع مراجعات الدكتورة نداء بو خضور<<<

من ال9 لي 11

 

[3nona]

رد: >>>تجمع مراجعات الدكتورة نداء بو خضور<<<

السلام عليكم بنات
دكتورتى اللى اراجع عندها مسافره وتوهجت حدى بقيت اسال عن الدكتوره زينه ولا شلون بنات اتذم وبنات تمدح وحدى موعارفه الف شغله براسى وقاعده احاتى ولادتى ممكن تكون اى وقت الحين ماادرى شنو اسوى شنو تشورون على

 

[زينانه]

رد: >>>تجمع مراجعات الدكتورة نداء بو خضور<<<

والله الدكتوره زينه

بس سفراتها واااااااااااااااااااااااااااااااااااااااااااجد

 

[3awaasha]

رد: >>>تجمع مراجعات الدكتورة نداء بو خضور<<<

الدكتورة ماشاالله ممتازه وايد
وأنا ماأشوف سفراتها وايد طبيعيه جدا موفقه حبيبتي

 

[ميشووو]

بنات انا مو بالكويت وان شا الله علي اول التاسع بجي >> وابي مستشفي المواساه


لاني مرتاحه عليه


واول ولاده لي >> كانت عند شاديه عثمان


بس ما ادري محتاره اروح لمنو الحين

ساعدوني بليززززز



وعادي يستقبلوني باول التاسع والا لا ؟

بنات وينكم >> ردوووا علي :eh_s(16)::eh_s(16)::eh_s(16)::eh_s(16):

 

[BOOBO]

ولدت بتاريخ 24/7
عند الدكتور حيان فديته صبر علي وايد
صراحه ماشفت مثله شقول شخلي
ام الخياط مادري اهوا قاللي بضبطج بس مادري شنو النتيجه
ان شاءالله بكتب قصتي بتجمعي عن قريب

حمدالله على سلامتج :eh_s(22):
ناطرين قصتج حبيبتي

 

[Laymo0ona]

هذي قصتي مثل ما وعدتكم سويتلها كوبي بيست من تجمعي

السلام عليكم اخيرا فتحت اللاب وبكتبلكم قصتي بسرعه قبل لا تقوم النتفه

بتاريخ 23/7 كان عندي مراجعه ومن قبل كان محددلي 24 دخول طلق صناعي
سوالي سونار وطلع وزن البيبي 3.800 انا ضاق خلقي حيل لانه اذا وصل ال 4 على طول قيصري
قاللي ننطر عليج يومين زياده قلتله مابي ابي 24/7 اخاف يزيد اكثر قاللي كيفج وكتبلي اوراق الدخول وكلشي وقاللي تعالي باجر 7 الصبح
طبعا في ذاك اليوم نفسيتي كانت صفر وبس ابجي
المهم رحت الصبح المستشفى لبسوني هدومهم وحطولي التخطيط وكان فيه طلق خفيف بس لا يذكر
يتني دكتوره هنديه فحصتني وشكلها وسعتني لانها قالتلي 3 سانتي وانا اليوم اللي قبله ولمدة اسبوع 1 سانتي!! وقالت عنق الرحم ليلحين طويل!
وحطولي الطلق الصناعي
بعدين ياني دكتوري مادري على الساعه جم بالضبط بس اتوقع 9:30 وفحصني مره ثانيه جان يقول 2.5 سانتي وقاللي بييج الساعه 12 افحصج مره ثانيه وان شاءالله ابط الماي ونعطيج الابره
طبعا الطلق قام يزيد وبلش العوار كنت انطره نطاره عشان يقولهم يحطونلي ابرة الظهر
وصل الدكتور وفحص والا نفسه ماتغير ضاق خلقي وخلقه قلتله ابي الابره قال بعد تو الناس نطري الساعه 2 اييج ونشوف
املق شي النطره مع العوار بس كان مو العوار القوي حيل يذبح
بعدها وصل الدكتور 2 وفحص والا 3 سانتي بس !! قال خلاص نعطيج ابرة الظهر وننطر لي الساعه 4 وان شاءالله تكونين مفتوحه خمسه سانتي استانست بارتاح عالاقل
ياني طبيب التخدير وقاللي عن الاثار الجانبيه وقاللي احتمال جنب يتخدر والثاني لأ بس نحرك القسطره وان شاءالله تصير اوكي
قلت خير بس يالله قزوني مابي احس بشي
قزوني وصار نفس اللي قاله دكتور التخدير جهه اوكي والثانيه لأ
قاللي انسدحي على حنب وصارت اوكي بس احسن بعوار خفيييييف وقاللي بعد شوي يصير اوكي طبعا للاسف ماصارت اوكي ورد خف التأثير مال الابره على الجنب اليسار وزاد العوار وكل شوي اييني دكتور يحاول يعدل فيها بس ماكو فايده وزادوا الجرعه كذا مره وهم ماكو فايده
صارت 4 وياني دكتوري فحصني والا 4 سانتي جان يتنهد قلتله شكله ضايق خلقك قال توقعت اكثر بس عنق الرحم عندج سميك وموراضي يلين وليلحين طويل والمفروض يقصر مع الطلق
قاللي شكلج مطوله لي ال12 بالليل بس لا تحاتين انا بالي طوييييل اطول من عنق رحمج طالما نبض الجنين وجرح القيصريه اوكي بننطر اهني امي قالتله عطها مخدر خل تنام مدامها مطوله لاني طبعا مانمت ذيك الليله احاتي
ماكنت ابي لاني ادري انها ماراح توخر عوار الطلق وراح تخليني دايخه عالطل وهذااللي صار وبلش العوار الصجي وبلشت البجي
يوم يو يركبونلي البربيش نزل على دم متجلط كتل ونادوا الدكتور بسرعه ياني بلبس العمليات لانه كان عنده قيصريه الظاهر توه خالص وجيك علي قال اذا نزل مره ثانيه قيصريه انا ضاق خلقي حتى ماعلقت ساكته واهوا يكلمني
طبعا السسترات يهبلوووون وكل شوي يمرون يجيكون على جرحي القديم واذا ابي شي حتى امي راحت تصلي وريلي راح ياكل جان تقعد معاي سستر وانا ابجي وتمسح على احس توهقت فيني انا مو نوعي اصارخ بس بجي غير منقطع وبهدوء عقبها دقيت على امي قلتلها تعالي ماني قادره مابي سستر ابي امي
طبعا الدكتور قاللي اييلج الساعه 6 بس ماياني كان عنده الظاهر ولاده قال ريلي بقولهم ينادونه قلتله لأ مابيه ايي اخاف يفحصني وينزل علي دم ويحولني قيصري طبعا الطلق زاد حيل بين كل طلقه وطلقه اقل من دقيقه على كلام ريلي لأني كنت بين الطلقات اخدر وانثول من هالمخدر اللي حطوه لي قبل كنت عبالي اني انام عالاقل 5 دقايق طلع لأ
بعدين قالولي انه دكتور التخدير بييلج الحين بيشوف شالعله ويت قبل دكتوره افحصتني الساعه 7 جان تقول لا تنادون دكتور التخدير نادوا دكتورها مفتوحه 10 سانتي!!!!
انا ماصدقت شلون سبحان الله بهالسرعه الحمدلله قمت ابجي زياده من الوناسه
ضبطوا وضعية الولاده وسنعوني ويا الدكتور وسطر جبالي (املق شي)
جان يخف الطلق جان يقول احنا من نرفع ريولكم يختفي الطلق!! لوول من الحيا فشله
زاد الطلق الصناعي ماكو فايده متباعدين الطلقات والسستر تمسح بطني مادري شلون تعرف انه فيني طلقه من التمسح عالبطن استغربت كل مايتني اقولها يتني تقولي لا نطري لما تزيد بعدين تقلولي يالله بوش وانا اسوي بوش من قمت راسي ابيها تطلع مابي قيصري وردوا زادوا الطلق الصناعي يبون يحمونه وبوش وانا دموعي تخرخر جنها حنفيه بدون صوت محترمه نفسي استحي لووول
قاللي ماكو فايده لازم شفط وفي النهايه شفطها وطلعت الساعه 8 ووروني البيبي بس خذوها بسرعه لانها اول شي مابجت بعدين سمعت بجيتها بس صرخه وحده يازينها وانا بس ابجي وامي قامت تبجي
بعدين بلش الخياط قاللي راح اضبطج ومايندرا الله يستر احاتي اصير وسيعه ومايضبط الخياط خصوصا انه في غرزه ليلحين ماطاحت وتحرقني شكلها ليلحين مو ملتأمه وانا بعد اوسوس وايد

طبعا ولادتي كانت في مستشفى المواساة
ودكتوري فديته فديته فديته دكتور حيان الأحمد ماراح افكر اولد عند غيره
وسويت استقبالي بالمستشفى وخذيت غرفة ال في في اي بي والحمدلله كلشي كان اوكي
عنايتهم عجيبه والسسترات يهبلون
العيوب انه اذا قلتلهم ابي البيبي اييبونها عقب نص ساعه ومرات ندق كذا مره يالله اييبونها وابرة الظهر ماضبطت هالمره
معني مجربتها بالصباح وصارت نفس المشكله ونفس الجهه بس ياني الدكتور وضبطها واضبطت

وهذي قصتي وان شاءالله مانسيت شي لاني نسااايه وتعصرت مخي عشان اذكر التفاصيل وان شاءالله كلهم صح
وترى من الساعه 11 الصبح وانا اكتب فيها مقطع كل شوي تبجي بنووتي وتقطعني الحمدلله تم بحمد الله كتابة القصه

واي سؤال انا حاضره

 

[Laymo0ona]

حياتي ليمونة الف مبروك ماياج

واااااي كنت منتظرة تخبريني عن حيان الحمد لله يارب انا بعد مرتاحة وياه

وعندي مراجعة قريبا مستنية قصة ولادتج على ناااااااااااااار

وجم كلفتج الولادة انتي طبيعي؟؟؟؟ او قيصرية واي غرفه كنتي ماخذة

منتظرة يالغلا

الله يبارك فيج ليدي
اي ولدت طبيعي وكلفتني 569 هذا اللي دفعته فرق الغرفه وابرة الظهر ومادري اذا في شي بعد ماشفت الفاتوره والتأمين دفع الباجي بس مادري التوتال جم
وخذيت ال VVIP

ماشاء الله ولدتي... الف مبروك ويتربى بعزكم ان شاء الله.
عاد انا كنت معاج بتجمع سبتمبر ومالله اراد لنا الحمال, الحين الحمد لله انتي ولدتي وانا بقالي 5 شهور.
ياليت تسولفين لنا عن الدكتور حيان وقصة ولادتج بالتفصيل الممل, علشان نستفيد منج .

الله يبارك فيج ناني انا كنت بتجمع شهر 8 بس كنت ادخل بتجمعكم مرات
الله يتمم عليج وسهل ولادتج وقصتي كتبتها عشانكم :rerrerek:

الف الف مبروك والف الف الحمدلله على سلامتك
كلمينا عن المستشفى وعناية السسترات والدكاترة والنظافة والغرف وكل شي
:eh_s(17)::eh_s(17)::eh_s(17):

الله يبارك فيج الحرير والقصه موجوده اب اب :eh_s(15):

بنات انا مو بالكويت وان شا الله علي اول التاسع بجي >> وابي مستشفي المواساه


لاني مرتاحه عليه


واول ولاده لي >> كانت عند شاديه عثمان


بس ما ادري محتاره اروح لمنو الحين

ساعدوني بليززززز



وعادي يستقبلوني باول التاسع والا لا ؟

انا رحتلهم بالثامن عادي
اتوقع عادي بس يبي تحاليلج وشغلج معاج او اهما يسوونلج تحاليل يديده
انا يبتلهم تحاليلي وسوالي سونار وقلتله عن وضعي وبس مايحتاج اكثر من جذي

حمدالله على سلامتج :eh_s(22):
ناطرين قصتج حبيبتي

الله يسلمج واستمتعوا بالقصه

 

[وردة النرجس]

اي انا انشالله ناويه اولد بالمواساة

عند الدكتوره لينا

هذي راح تكوم ٣ ولادة لي عندها والحمدلله مرتاحة عليها


وناويه اسوي استقبالي بالمستشفى هالمره وانشالله حاطه عيني على غرفة الفي اي بي


وربي يسهل انشالله

بس عادي انا كلا اراجع بالحكومة كل شهر والحين كل اسبوع بالمستوصف عادي بس اذا بولد اروح علطول المواساة

وبصراحة كافي خبرتهم

لان في بعض المسشتفيات اليديده الي فتحت مؤخرا صج غرف كشخة وعنايه بس يفتقرون للخبره الطبيه

 

[!الجادل الصعب!]

من كثر ماتمدحون هالدكتور وربي تحملت اني بولد
بالهادي بعدين وانا بغرفة العمليات طلعت منهم ورحت
المواساه وقلت نادو لي دكتور حيان بولد ههههه
وشفته بالحلم وانا مو عارفه شكله بس الي بالحلم مزيووون
صراحه

بس المشكله ادري زوجي مستحيل يرضا دكتور لو شنو
والله يعين

ليمونه خرعتيني بسالفة ابرة الظهر
ليش مانفعت معاج
انا جربتها بالهادي تهبل
بس كارهه الهادي مابي اولد فيه :/
ومحتاره بين المواساه وعاليه
المواساه بعد يقولون كمامهم خفيف حيل ..!