سؤآآآل جريء ... تلبسون تقليد؟!

[يامطوله صبري]

والساعات همن ما البس تقليد

 

[Mrs_Orchidia]

اتفق مع اغلب البنات


الجناااط نووو وااي اشتري تقليد

حتى لو ما اقدر على سعر الماركات الغالية آخذ من الماركات الرخيصة

طقة مايكل كورس وغيرها

او من المحلات العادية مثل زارا وريفرايلاند ومس سيلفريدج




اما الاكسسوارات عادي البس تقليد

خصوصا بعضها حييل حلوة ومضبوطة


اما الجناط التقليد صراحة غالية ماتسوا

شدعوة جنطة 90 او 100

حتى لو الكواليتي اوكي ماتوقع هالسعر سعر التكلفة

صح 90 و 100 .. بس السعر اللأصلي يوصل 500!! شوفي الفرق

الاكسسوارات يمكن اشتري .. الكل شجعني لحد الحين


نورتي حبيبتي مشاركتج هامة و مفيدة
:eh_s(7):

 

[Mrs_Orchidia]

والساعات همن ما البس تقليد

حتى انا !! لوووول

ساعات أشوف أشياء حلوة بس ماعندي الجرأة أستحييي

 

[HaYoOoMa]

يااحلوو اسلووبج يهببببببل

اي هذي الكلمه اللي ادوررهآآآآ استحي

\

تقليد درجه اولها ب 130 ة150 تاجرات اهني شدعوووه عليكم ازيدها نفس السعر واشتري الاصليه ولا اشتري ماركه ثانيه بنفس هالسعر صراحه مايسوون اسعارهم كلها تقليد @@

 

[ملكة الميمة]

انا مااحب البس تقليد ..
ولا شي عندي تقليد .. مو عن شي بس مااحب يا اخذ اصليه والا بلاها..

وفي ماركات حيل رخيصه مثلا اكسسوارات d&g حدها رخيصه واغلب اكسسواراتي منه او من موسكينو

وبالنسبه للجناط عندي الالوان الاساسيه ماركات اصليه وباقي الالوان اخذ جناط من محلات عاديه مو ضروري ماركه او افصل لي جنطه والكل يسالني عنها .. او اشتري جناط ماركه رخاص مثل dkny جناطهم على 70 و 80 وكد ومد


والجواتي عزج الله اخذهم من الاوت لت اللي كانوا ب 600 احلهم على 80 و 70 واشوف البنات يشترون تقليد ب 60 و50 ما فرقت عن اللي انا دافعته عادي خذيت اصلي بس من الاوت لت وحتى اكسسوارات ديور و lv اخذهم من الاوت لت بس مااخذ تقليد

 

[حقـوق]

انا من فتره شفت بمعرض جنطه هرمز تقليد درجه اولى بـ 200 دينار
صراحه صدمه .. انا اقول هال200 اقطهم على ماركه اصليه احسن بوايد من تقليد
وبهالسعر ..

من فتره شريت جنطه فندي بـ 680 من المانيا شفتها كوووبي عند تاجره
تبيعها بـ 150 دينار .. حدي انقهرتتتتتتتتتتتتتتتتتتتتتتتتتتتتتتتتتتتتتتتتت

والمشكله الحين لو بتقولين اصلي بيجذبونج .. بيقولون جذابه ..
تقليد وتجذب .. لان بصراحه التقليد صاير ماينعرف .. وكل الناس
صايره ماركات ..

وانا بصراحه احب اشتري الى يعجبني مو شرط ماركه
بس الى مهم عندي اشتريه ماركه اهي الساعات
لو امووووت مااشتري ساعه تقليد وخصوصا ان كانت
سنقل .. مستحييييييييييل ..

والاحذيه انا مو ذاك الزود بس احب احذيه ألدو ومحل بالسعوديه
اسمه فنسي .. والثاني انف .. احذيتهم راقيه واحبهم وان رحت الخبر
قشيت منهم كل الى عندهم .. فلااتاتهم روعه وقعوبهم مريحه .. وصناعه
ماليزيه وبرازيليه ..

الاكسسوارات بصراحه احب الفضه .. ومومهم عندي الماركه
اهم شي شكله باللبس .. ومن فتره اخذت لى خاتم فضه بـ 80 دينار
من توماس سابو .. عجبني شكله حيل .. شفت نفسه بالضبط وفضه
بس من داخل يختلف ..بس محد بيشوفه من داخل .. يبيعه بـ 300 ريال
قهررررررررررررررررررررررررررررررررررررررر

وألبس تقليد .. بس بأشياء معينه .. جناط ماحب لانها تبين حييييل اكسسوارات
عادي لان مو حيل تبين .. حزام عادي مايبين .. الاسكارفات ..
اما الجنط والساعات فضيحه

والله يخلى الاوت لت .. ماقصر .. سعر التقليد اصلي ينباعون
ولا اشتري لى تقليد راح اشتريه اصلي في يوم ما

 

[زين الوصايا]

تبين الصراحه مافيها شئ ليش عادي يعني لازم البس ماركه معني صغيره لامتزوجه ولا جاهل انا بالثانويه
يعني عالعمووم مو شرط ماركه انا انسانه متواضعه
اي شئ يعجبني اشتري حتى ان شاء الله سعره 1 و500
بس الشئ المتحشم والمحترم واللي يدل على مبادئ الاسلام
ومافيهااا شئ اعتقد يعني عاادي

 

[عاشقه رويشد]

انا عادي البس تقليد مو الا ماركه سواء جناط ولا جواتي ولا اكسوارات

 

[روج بنكي]

اي والله المهم نفسي والأهم ذوقي دامه عاجبني ما همني انا البس ماركة وتقليد ورخيص وغالي

وتراااا تلاقي شي رخيص ومو ماركة ويكووون واااااااااااو الكل يسألك عنه واوقات تصرفي فلوسك عالماركات وهي جدا عاديه وتلاقيها بالهبل تقليد

يسلمووووووووووووووووووو

 

[Beauty is Me]

انا عندي جنطه ماركه وجنطه تقليد درجه اولئ

استوعبت اني ما احب جناط الماركه
لووووووووووووول

مو مهم عندي تقليد او ماركه

اي شي خاطري فيه اخذه

وكاني حق العيد بفصل جنطه بالقصه اللي ابيها وبالخام اللي ابيه

وهمن اطلع نيو لوك ومتميزه

خير يا طير حتا لو تقليد عااادي بس انه يكون حلو

ما ينجك انه تقليد

مو انه استحي من هالشي

بس عشان اضمن انه اللبس زين

بالنسبه للجواتي ما اخذ ماركات

يا ربي احس جني قاطه الكي نت ودايسه عليه

افضل فلوس الجوتي اقطه علا ساعه او خاتم كشخه

والقالب غالب

الوحده ترز اللبس سواء ماركه او تقليد


وشوووكرااااااان

 

[لورا آشلي]

البس وجنه العيد بعد

 

[PuPa^^SWeeT]

الصراحة بنات

انا اذا ماقدر اشتري الماركة الاصلية اشتري المراكات الرخاص

جيس dkny ck

يعني السالفة انه احس التقليد همن نصب فيه يعني شدعوا 130 150 على تقليد ديور ولا gucci

الافضل اخذ هال 130 و اشتري من الجناط الماركة بس الرخيصة شوي مثل مايكل كورس و هالسوالف و ازيدهم عشرين مو مشكلة ولا ثلاثين دينار


بس اذا ماقدر اشتري لا والله اروح حق الماركات الرخيصة مثل ماقلت

 

[english muffin]

ايييي اكسسوارات اشتري تقليد عادييي
بس جنط لا

 

[قمه النعومه و الأنوثه]

لا للتقليد

ياحلات القطع الثمينه ومصنعيتها العاليه وجودتها الموضوع موضوع جوده وقطعه مصنوعه بطريقه متطوره وبإهتمام خاص للزبونه مو قص ولزق وشكل خارجي...حلات الجنطه ماركه جودتها عاليه حتى لي بطلتيها وحطيتي اغراضج الخاصه من داخل اتينن نظيفه وامرتبه بتصميمها الداخلي مثل من بره ونفس الشي نوعيه الجلد...تفرق والجواتي نفس الشي... ولا تاخذينها على آخر موضه توه الموديل نازل مو مليون سنه ونزلوا التقليد عقب..

والماركات اسعارها متفاوته في قطع اتناسب الجميع ماديا... آخذ لي شي جوده ايدوم افضل من خربوطه ما فيه ابركه

والحمدلله على الصحه والعافيه

 

[قمه النعومه و الأنوثه]

الصراحة بنات

انا اذا ماقدر اشتري الماركة الاصلية اشتري المراكات الرخاص

جيس dkny ck

يعني السالفة انه احس التقليد همن نصب فيه يعني شدعوا 130 150 على تقليد ديور ولا gucci

الافضل اخذ هال 130 و اشتري من الجناط الماركة بس الرخيصة شوي مثل مايكل كورس و هالسوالف و ازيدهم عشرين مو مشكلة ولا ثلاثين دينار


بس اذا ماقدر اشتري لا والله اروح حق الماركات الرخيصة مثل ماقلت

تعجبيني :eh_s(7): ماركه بسعر مناسب ولا تقليد بسعر مبالغ فيه ومصنعيه خربوطه :eh_s(15):

 

[قمه النعومه و الأنوثه]

مٍْْـٍْْ♡̷̴̬̩̃̊ـٍْْنٍْْ ناحيه الجواتي والجناط والشيلات لا ما احب التقليد ‏​بًْـٍُْـٍَُسًُ البس
مٍْْـٍْْ♡̷̴̬̩̃̊ـٍْْنٍْْ محلات عاديه. ‏​بًْـٍُْـٍَُسًُ ماايجب مثلا ال في جنطه اخذ تقليد لا اشتري جنطه عاديه مُـو ماركه

تعجبيني :eh_s(15): وهذا الصح والسنع

 

[شتره]

ايه عادي نلبس تقليد ما فيها شي اذا عجبني

 

[ابله لوله]

موضوع شيق للنقاش
انا وحده عن نفسي عزكم الله الجواتي لو شنو ماشتري ماركه لان اخر شي بينحك بالارض ..

اما بالنسبه للجناط .. في مرات اشياء ما تسوا اقط عليها 200 او 300 .. واخر شي بيروح موديلها بس ما يمنع اشتري حق المناسبات او العزايم شي ذرب ..
اما الاكسسوارات.. اشكره تقليد بالله جم طقم بشتري وجم خاتم ويضيعون وانسا بعضهم بحمامات المطاعم واقعد احترق .. << صارت فيني مره

اما الساااااااااااعات .. محل اون تايم اتوقع يرضي جميع الاذواق .. في ساعات من 20 ليي فوق وايد حلوين والكل يشتري منهم باختصار اسعارهم معقوله وتسوا

وشكرا لحسن المتابعه

 

[~{GooShTa}~]

لا و الله يا البس ماركه يا ما البس تقليد ..

اذا الوحده ما تقدر تشتري ماركه خله تشتري جنطه عاديه و سعرها معقول .. لانه مهما تسوين التقليد بيبين و اللي تكون خبره بالماركات راح تفرق بين التقليد و الاصليه

 

[موج الحزن]

انا مايهمنى رائ الناس بلبسى مدامه حشمه ومستور وذوق واناقه بس خلصنا ماركه مو ماركه مايهمنى الى يهمنى انه حلو ولايق على انا الى تزين اللبس مو اللبس الى يزينى وبس وسلامتكم