سؤآآآل جريء ... تلبسون تقليد؟!

[cup-cacke]

عاااااااااااادي مافيها شي

بالاخير كل واحد يفرض ذوقه

 

[دكتوره دلال]

وييي شذابحنا غير هالسالفه
بعد خبرج احنا مجتمع يدقق و بتقعدين مع اوادم
وبتخالطين تسايير روحات ردات ، ومن ناحيتي ماحب
مة عشان شي بس نفسيا ما ارتاح من ناحيه الجناط و الجواتي و الساعات


وبعدين ملاحظه من خلال المنتدا حتا التقليد غالي
يعني ازيدلي بيزتين و اخذ الاصلي احسن

 

[LuLiTa]

شوفي انا حكمتي انه اللي ما عندوش ما يلزمووش .... يعني ماركة خاطري فيها و عندي فلوسها اشتريها لكن اذا ما عندي فلوسها اشتري شي ثاني يكفي و يوفي و ينفذ الغرض المطلووب.... المسألة تعتمد على ذوق الوحدة و تركيبها لـ لبسها و لوكها .... و انا يا البس ماركة او شي عادي .... ليش اقط فلوسي عـ التقليد ؟

 

[بندوره]

مستحيل البس تقليد لاملابس ولا جناط ولا اكسسوارات
اصلا اوقف واشوف هالاسوار ويعجبوني واروح واتركهم مااقدر
مو من زود الفلوس عندي ولا من زود الغرور
انا البس من كل مكان مانجو زارا فيرجاموا ديور بربري شانيل ال في
p: يعني اشتري ب 500 ريال واشتري ب 5000 ريال
لان حرام تشترين تقليد واصلي لان كل اصلي بتلبسينه بيقولون تقليد :rgewrg::rgewrg:
في بنات يقولون دامه عاجبني موديله باخذه تقليد
وفي بنات يقولون نشتري تقليد ونكشخ فيه ونقول تقليد
انا اقول كل وحده ونظريتها
انا نظريتي اخذ ماركه اقدر على مبلغها واكدها سنه او اكثر او اشتري من اللي سعرهم حلو مثل كارولين هيريرا
بنات انا اقول رايي مع احترامي لكل اللي يشترون تقليد لان هذه حريه شخصيه *

 

[*سعوديه كشخه*]

أنا ما البس تقليد مستحيل اسويها
بس تقدرين توفرين لك قيمه الاف الشنط اذا تعرفين من وين تشترين​

ال في ما ينشرى الا من البوتيك و لا من الموقع و تطلع الشنطه حوالي 3000 _ 5000 ريال انا شريتها من بوتيك لبنان و بعدين عطوني تاكس فري بالمطار يعني تطلع لي ارخص بشوي حوالي 30 دولار​

بربري نفس السعر عشان كذا اشتريه من البوتيك​

غوتشي عندنا مررره غالي تجيك الشنطه ب9000 او 10000 ريال و بامازون من 900 الى 1400 دولار يعني صراحه فرق​

كوتش و مايكل كورس ومارك جيكوب انا اشتريها من امازون و نوردستروم توفر لي من 500 الى 700 ريال​

هيرمز و شانيل مستحيل اشتريها سواء تقليد او اصلي
التقليد راح يبين و الاصلي غالي و يمكن لو اشتريه الناس يتوقعون انه تقليد و خاصة الناس هنا ما يعرفون الفرق مثل ما يفرقون بلويس فيتون و بربري و .....​

و مثل ما قالت وحده من الخوات ناين ويست و الدو و غيرها يقلدون الماركات الغاليه ..... امس مدري قبل امس شفت هنا بموضوع وحده حاطه شنطه mulberry سعرها حوالي 6000 ريال شفتها نفسها بتوب شوب مدري ريفر ايلانند و نيو لوك نفسها بالضبط يعني ماركه ثانيه تشبهها أحسن من التقليد للماركه نفسها .....​

صحيح في تقليد سنع بس انا ضد التقليد يعني وحده شاريه الشنطه باغلى اثمانها و غيرها تاخذها برخص التراب حراااام​

باوربا ممنوع التقليد و يعتبر جريمه حتى المقلدين ما يفرشون الا اخر الليل لما كل المحلات تسكر و انا شفته بعيني بايطاليا يجيبون نفس الشناط و يبيعونها برخص التراب و الله انها نفسها ولا مبين التقليد ........​

 

[سويتي الحلوه]

لامااااشتري تقليد لو شنووو


لان الي يجرب الاصلي مستحيل ياخذ تقليد

ليما تاخذين الاصلي انتي قاعده تاخذين الجوده والشغل النظيف
تاخذين شي راح يتم معاج طوووووول العمر بلاستخدام الجيد له والنظيف
تاخذين شي مميز

والاصلي يبين والتقليد يبين. الي يشتري يعرف يميز بالنظر



وسلامة عمرج.

 

[tt2tt]

الشنط لازم ماركه او الجواتي لا عادي لي يعجبني اخذه الساعات لازم ماركه والمكياج لازم ماركه

 

[shayo0oma]

تبين رايي انا وحده اقووول كل وحده تلبس حسب مجتمعها
يعني الي الناس الي حولها لهم بالماركات تلبس اما الي حولها مالهم بالماركات احسلها تلبس تقليد

وانا من النسبه لي انا بالثانويه واحب البس اشياء عمليه ما انكر ابوق من امي جناط لان يشوقون الماركات

ومن نسبه لي ان شاء الله دشيت الجامعه صراحه بشتري ماركات جناط
والساعات انا لا اشتري ماركه والاكسسوار همن ماركه لان انا من النسبه لي اسعار الاكسسوارات الماركه حلو مو غالي
الجواتي شوفي اشتري كعوب كشخه ماركه بس اغلب الاوقات لا صراحه اشتري من محلات عاديه اولا لان البس فلاتات وصراحه مو كل مره يعجبني ماركه ولبس ما البس ماركه لبسهم مليق بس البس من محلات حلوه وغاليه مو رخيصه
و عادي اشتري من زارا وهسوالف
بس بعلق ع الي تقول ما البس الا شيله ماركه >>> منو الحين يلبس شيله مكتوب عليها الماركه اصلن مو حلو عندي الشيله الي بشوارفسكي الشيفون وااايد احلى
وهذي وجهت نظري

 

[داريــن 85]

للرررررررررفع

 

[جوري 2007]

الصراحه لا ،الهدوم مااشتري ماركات بس جناط امبلى لازم ماركة ، اكسسوارات من كل مكان اشتري بس اكسسوار الماركة

لازم تكون اصليه من المحل نفسه ،، الجواتي من كل مكان بس لي اشتهيت جوتي ماركة هم من المحل نفسه

مرة شريت جنطة كوتش من ماليزيا تقليد ومامسكتها ولا مرة >>>>>>>ماقدر

كلامي مو تفلسف بس صج ماحب *ومو كل شي بخاطري اشتريه ، جنطة الشانيل مامسكتها ليلحين مو لازم ، ماقدر اشتري

شانيل ب 700 دينار عشان الهبه ولا اقدر امسك التقليد فبلاها احسن ........

 

[:: سمر ::]

والله يا اوركيد شريت 3 جناط تقليد من تايلند مالبستهم ولا لبسه وشحتهم كلهم بالزباله كرمج الله
حسيتهم بلاستك مادري فشله يبينون ,, والله للأمانه ملمسهم اي شي حتى جناط h&m احسن منهم بالكوالتي !​

انا دايما اشتري ماركات على قدي واصليين : كوتش - مايكل كروس - قيس - جوسي - بيبي - dkny
شحلووهم اصليين واسعارهم بالمتناول
اما شانيل وديور وال في و هالطقة ما اقدر عليهم وتقليدهم للأمانه ماعجبني
لاعند التاجرات ولا نواعم ولا تايلند كللللهم احسهم بلاستك وابو طقة ,, حتى ريحتهم موشي جنهم شمع​

لو احصل تقليد ماستر ابن ماستر بشتري ماني قايله لأ
بس هالتقليد الي حوالينا لا والله يضيق الخلق ويبيين حده يبيين
ليلحين ماعندي ولا جنطه تقليد كل جناطي يا ماركات اصليه بالمتناول او من محلات عادية مثل زارا ومانجو واكسيسوريز احب فناتقهم
خوش موضوع مشكوووووووورة​

 

[بنوتة كول]

انا اذا شريت اي جنطة لو تقليد ما تشوفيني الا ارزها بكل مكان واقول تقلييييييييييييييييييييد يا عالم ياهو تقلييييييد
ماكو اي مشكلة بس خلي عندج ثقة بنفسج

 

[قروب وناسه]

ياقلبي عادي البس مافي اشكال ولو اقولك قصصي في كل عيد او مناسبة اوجمعه ماتصدقين لووووووووول
بقولك
بس مو كل شي لاني من هنا لين ذا ما اخلص
الله يسلمك العيد كنت لابسه فستان
قالت لي بنت خالتي بكم شرتيه قلت لها ب90 ريال وكاسرته وخذته بـــ 80قالت اوما كذابه قلت لها والله
قالت صديقتي شرت زيه بظبط نفس الخامة وحتى نفس اللون وكل شي ب289 ريال
انا ههه ضحكت قلت ادري شفته في العثيم من مانجو وهم بعد بزارا قالت اما انتي داهيه (مو داهيه مطير فرقو لووول )
بعد شهر جات تقولي ان صديقته اا لخام تسلل من تحت لانها غسلتها بالغساله وانا مرتين لابسته ولا خترب
عادي
قصه ثانه قبل 3 سنين او سنتين ماذكر شريت فستان في شعبان وخليته لعيد الفطر
الموهم جاء برنامج مسلسلات حليمه شفت حقي لابسته
لمن لبسته في العيد قالو زي حليمه قلت انا شاريته قبل (طبعا صدقوا لانهم يعرفون انا اخلص في شعبان ومارحوا في رمضان السوق مستحيل اطبه)الموهم
قالو بكم قلت 55 ريال
قالو احنا سمنه ب 300 وشوي
وللحين يبيعون الفستان سنه ثالثه ب 192 واقل على فكرة الفستان فيه منه 4الوان بنفسجي زي حليمه وفوشي زيي واصفر وتكرواز
شفتي عادي ماكو اشكال اهم شي الشكل والخامه عندي مو مهم الفلوس

 

[قروب وناسه]

صححيح ان حليمه البسته قبلي بس انا شريته قبل لاتلبسه اهم شي لوووول

زي هذا

 

[اماراتيه vip]

ههههههههه سؤال قوي

انا اهم شي عندي الشنط والمكياج

بس الجواتي والنعل عادي من الدو وهذيل حتى الثياب عادي اهم شي يكون شي مرتب وحلووو

 

[Mrs_Orchidia]

يااحلوو اسلووبج يهببببببل

اي هذي الكلمه اللي ادوررهآآآآ استحي

\

تقليد درجه اولها ب 130 ة150 تاجرات اهني شدعوووه عليكم ازيدها نفس السعر واشتري الاصليه ولا اشتري ماركه ثانيه بنفس هالسعر صراحه مايسوون اسعارهم كلها تقليد @@

حبيبتي .. تسلمين @@ الحلوة
انا ذابحني الحيا لووووووول .. و ترى اسعار التاجرات مو غالية لو بتفكرين بجم يشترونهم و تكاليف الشحن و التوصيل .. الخ
بتشوفين انهم يدووب يستفيدون

و ترى اسعار الماركات الأصلية وايد تفرق
الاسعار الاصلية توصل لي 600 و 700 .. و يبيعونها ب150 .. زين!

بس ب150 ممكن تشترين ماركة بسييطة مو غالية وايد
بس هالماركات الفخمة تشوووق!! لووول

نورتي حبيبتي

انا مااحب البس تقليد ..
ولا شي عندي تقليد .. مو عن شي بس مااحب يا اخذ اصليه والا بلاها..

وفي ماركات حيل رخيصه مثلا اكسسوارات d&g حدها رخيصه واغلب اكسسواراتي منه او من موسكينو

وبالنسبه للجناط عندي الالوان الاساسيه ماركات اصليه وباقي الالوان اخذ جناط من محلات عاديه مو ضروري ماركه او افصل لي جنطه والكل يسالني عنها .. او اشتري جناط ماركه رخاص مثل dkny جناطهم على 70 و 80 وكد ومد


والجواتي عزج الله اخذهم من الاوت لت اللي كانوا ب 600 احلهم على 80 و 70 واشوف البنات يشترون تقليد ب 60 و50 ما فرقت عن اللي انا دافعته عادي خذيت اصلي بس من الاوت لت وحتى اكسسوارات ديور و lv اخذهم من الاوت لت بس مااخذ تقليد

انتي مو من فريق التلقليد .. بس سؤال
وين تعرفين محلات اوت ليت ؟؟ ثقة و فيها اشياء حلوة؟؟
بلييز اذا تحبين تقولين عالخاص و للا العام .. لو سمحتي

نورتي حبيبتي .. مشاركتج حلوة

انا من فتره شفت بمعرض جنطه هرمز تقليد درجه اولى بـ 200 دينار
صراحه صدمه .. انا اقول هال200 اقطهم على ماركه اصليه احسن بوايد من تقليد
وبهالسعر ..

من فتره شريت جنطه فندي بـ 680 من المانيا شفتها كوووبي عند تاجره
تبيعها بـ 150 دينار .. حدي انقهرتتتتتتتتتتتتتتتتتتتتتتتتتتتتتتتتتتتتتتتتت

والمشكله الحين لو بتقولين اصلي بيجذبونج .. بيقولون جذابه ..
تقليد وتجذب .. لان بصراحه التقليد صاير ماينعرف .. وكل الناس
صايره ماركات ..

وانا بصراحه احب اشتري الى يعجبني مو شرط ماركه
بس الى مهم عندي اشتريه ماركه اهي الساعات
لو امووووت مااشتري ساعه تقليد وخصوصا ان كانت
سنقل .. مستحييييييييييل ..

والاحذيه انا مو ذاك الزود بس احب احذيه ألدو ومحل بالسعوديه
اسمه فنسي .. والثاني انف .. احذيتهم راقيه واحبهم وان رحت الخبر
قشيت منهم كل الى عندهم .. فلااتاتهم روعه وقعوبهم مريحه .. وصناعه
ماليزيه وبرازيليه ..

الاكسسوارات بصراحه احب الفضه .. ومومهم عندي الماركه
اهم شي شكله باللبس .. ومن فتره اخذت لى خاتم فضه بـ 80 دينار
من توماس سابو .. عجبني شكله حيل .. شفت نفسه بالضبط وفضه
بس من داخل يختلف ..بس محد بيشوفه من داخل .. يبيعه بـ 300 ريال
قهررررررررررررررررررررررررررررررررررررررر

وألبس تقليد .. بس بأشياء معينه .. جناط ماحب لانها تبين حييييل اكسسوارات
عادي لان مو حيل تبين .. حزام عادي مايبين .. الاسكارفات ..
اما الجنط والساعات فضيحه

والله يخلى الاوت لت .. ماقصر .. سعر التقليد اصلي ينباعون
ولا اشتري لى تقليد راح اشتريه اصلي في يوم ما

اهلييييييين و سهلييييين رفيجتي بقسم المكياج

صح ترى حرام ال200 على تقليد شدعوة عاد
صج هيرمز الاصلية ب4000 مادري جم بس هم حرام ال200 @@

و حده صدمة جنطتج بجم اخذتيها و جم لقيتيها!! انزين نفسها بالضبط بالضبط .. ما حسيتي فيها فرق مولية؟؟ و الله صدمة

انا عندي جيفنشي و لقيتها بموقع تاجرة .. و بنفس سعر مالتي (اهي تقليد) و انا أصلية مع التنزيلات .. يعني حمدلله مو حسافة لووول


الفض حلوة ... المطلي بعد اينن .. الماركات الرخيصة كلهم مطليين ذهب او فضة

و الحزم وايد أفكر اني ألبس تقليد ساعات اشوف اشياء مميزة عندهم
نشوف شيصير ان شاءالله



نورتي حبيبتي المووضوع .. حياج االله
:eh_s(7):

تبين الصراحه مافيها شئ ليش عادي يعني لازم البس ماركه معني صغيره لامتزوجه ولا جاهل انا بالثانويه
يعني عالعمووم مو شرط ماركه انا انسانه متواضعه
اي شئ يعجبني اشتري حتى ان شاء الله سعره 1 و500
بس الشئ المتحشم والمحترم واللي يدل على مبادئ الاسلام
ومافيهااا شئ اعتقد يعني عاادي

انا نفس حالتج .. طالبة و مو متزوجة فما اتعب نفسي وايد عالخبة

بس هم تصير بخاطري الماركات
و اهم شي ان اللبس يكون محتشم على قولتج .. و ساتر و مو اوفر

حياج الله حبيبتي

انا عادي البس تقليد مو الا ماركه سواء جناط ولا جواتي ولا اكسوارات

تعجبيني حياج الله حبيبتي .. نورتي

اي والله المهم نفسي والأهم ذوقي دامه عاجبني ما همني انا البس ماركة وتقليد ورخيص وغالي

وتراااا تلاقي شي رخيص ومو ماركة ويكووون واااااااااااو الكل يسألك عنه واوقات تصرفي فلوسك عالماركات وهي جدا عاديه وتلاقيها بالهبل تقليد

يسلمووووووووووووووووووو

صاااااااجة يامه اشياء رخيصة تسوى الماركة بمليون مرة .. و اشياء غالية تلوع الجبد و بسرعة تتوسخ و تطيج بجبدج لووول

و انا ليلحين ماني قادرة اتبع ذوقي و بس
لازم القيمة و الاسم! عشان جذي بطلت الموضوع .. بحاول اغير من نفسي شوي

حياج الله حبيبتي

انا عندي جنطه ماركه وجنطه تقليد درجه اولئ

استوعبت اني ما احب جناط الماركه
لووووووووووووول

مو مهم عندي تقليد او ماركه

اي شي خاطري فيه اخذه

وكاني حق العيد بفصل جنطه بالقصه اللي ابيها وبالخام اللي ابيه

وهمن اطلع نيو لوك ومتميزه

خير يا طير حتا لو تقليد عااادي بس انه يكون حلو

ما ينجك انه تقليد

مو انه استحي من هالشي

بس عشان اضمن انه اللبس زين

بالنسبه للجواتي ما اخذ ماركات

يا ربي احس جني قاطه الكي نت ودايسه عليه

افضل فلوس الجوتي اقطه علا ساعه او خاتم كشخه

والقالب غالب

الوحده ترز اللبس سواء ماركه او تقليد


وشوووكرااااااان

انا جواتيي مو بوطقة دينار و نص
و لا غاليين 50 و فوق
لا وسط .. يعني حدي بالثلاثينات
و دايمًا اشتري من شوبوكس و سنتر بوينت جواتيهم غييير غير

بس سؤال .. وين تفصلين جناط؟
اكيد المكان اللي تفصلين فيه جناط يفصلون حزم .. و انا أبي حزم على كيفي!!

مشكورة عالمشاركة الحلوة حبيبتي نورتي

 

[Mrs_Orchidia]

بناااات ردودكم تينن!!!

ودي أرد على وحدة وحدة
بس ماشاءالله الردود واايد

اعذروني ياحياتي :*


قاعدة اشوف تناقض بالردود



بس لاحظت ان العموم نفسي
نشتري من ماركات معقولة و مو غالية حيل
او من المحلات العادية

الحمدلله .. مانبالغ بشي




بس خلوني أنبهكم على شغلة


ترى في تقليد زين زييين .. يعني ما يفرق عن الأصلي و هذا اللي انا اتكلم عنه

مو بو 30 و 40 ملوت سوق السالمية !!






بس احس احسن حل اهو الماركات المتوسطة المعتدلة فعلا كويتيات حبايبي

ما غلطت لما فتحت هالموضوع




كل مشاركة قريتها بالتفصيل و رديت عليها مرة ثانية و ثالثة


الله لا يحرمني منكم ان شاءالله

 

[فيروز خانوم]

لا لا لالالالالالالالالالالالالالالالالالالالالالالالالالالالالالالالالالالالالالالالالالالالالا مستحيل البس اصلا ما اقدر مو معنى هذا ان لبسي كله ماركات لا البس ماركات والبس من محلات عاديه بس ما البس تقليد

 

[ميرور]

انا نااادر ماالبس ماركات اصليه يعني الشنطه من سنه لين سنتين عندي ،،،،

اما النعل اخذهم من محلات معروفه بس اسعارهم معقووووله وتناسبني ،،،



لكن البس تقليد لا ،،، لانه الماركه الغاليه لها بديل والسووق اشكثر فيها ،،، اشتري على قد ميزانيتي
واذا عندي احط فلوسي ع الغالي ماعندي مشكله لكن ماادفع ع التقليد مافيها شي بس انا نفسيا ماراح اكون مرتاحه
لاني مابفرح بالقطعه ،،، كيف بحس انه عندي شي حلو وثمين اذا هو تقليد ؟؟


عندي فلوس خذيت ماعندي اخذ شغلات ع الموضه بس من محلات عاديه ورخصيه

 

[سمو الغلآ]

اي عادي البس تقليد

لو محد يلبس تقليد جان مامشت هالبضايع اللي تاريسه السوق
وصكرت محلات الاكسسوارات