سؤآآآل جريء ... تلبسون تقليد؟!

[Daleela]

انا بالنسبه لي ما البس تقليد ما احب وعندي البس اي شي مو ماركه ويكون ذرب ولا البس تقليد

بالاخير كل وحده وقناعتها

 

[حقـوق]

لامااااشتري تقليد لو شنووو


لان الي يجرب الاصلي مستحيل ياخذ تقليد

ليما تاخذين الاصلي انتي قاعده تاخذين الجوده والشغل النظيف
تاخذين شي راح يتم معاج طوووووول العمر بلاستخدام الجيد له والنظيف
تاخذين شي مميز

والاصلي يبين والتقليد يبين. الي يشتري يعرف يميز بالنظر



وسلامة عمرج.

صاجه والله الى يجرب الاصلي يكره التقليد .. :eh_s(15):

شوفي هالبنت اللي في الصورة اكييييييييد تعرفينها مزبوط ( هذي بنت دونالد ترامب اكبر مستثمر عقار في العالم ) ​

جات مرة في لقاء مع اوبرا و سألتها اوبرا سؤال شخصي عن مصروفها على اناقتها لانها دائما تظهر في الصحف و القنوات ​

ردت على اوبرا رد رائع قالت لـ اوبرا ايش رايك في فستاني قالت لها جميل
قالت لـ اوبرا ان ثمنه لا يتعدى الـ 10 دولارات , انا املك قوام جميل و الكثير من الفتيات يملكن ذات الشيء و اعتقد انهم هم من يبرزون الملابس لتبدو جميلة , انا افضل ان انفق مالي على اشياء اكثر اهمية من مجرد قطعة قماش

و اعجبت كثير اوبرا في صراحتها .. كان لقائها ممتع و صريح مافيه تصنع او تكلف رغم انها بنت اغنى رجل في العالم ​

ماشاء الله عليها بس تهقين اسوارها ... تقليد لوووووووول ... بصراحه انا اذكر في فنانه معروفه حيل . بس ماني ذاكره اسمها ناسيته .عربيه هالممثله ... واذكر كانت لابسه ساعه كشخه جنها شوبارد او كارتير .. وسألتها المذيعه عن قيمه ساعتها .. جان تقول لها انها تقليد @@

وقالت انا انسـانه معروف انه عندي فلــوس لاني فنانه.. فلو البس تقليد الناس ماراح تفكر انه تقليد ... عبالها اصلي !!!

وتقول انا افضل اني اقط فلوسي على استثمارات لان عملى مو دايم .. وبالنهايه راح يقل على الاقبال .. وراح ابيع ملابسي بسعر بخس عشان اقدر اعيش .. وهذه نهايه اغلب الفنانات !!!

 

[Mrs_Orchidia]

واااو بناات


الموضوع قاعد يحلى أكثر و أكثر

:eh_s(9):
:eh_s(9):
:eh_s(9):

تعرفين من ناحية منتجات البشرة ما ابحث نهائياً عن شيء تقليد فقط الاصلي لو اضطر اطلبه بالطلب من برا

من ناحية الساعات ما احب البس تقليد ​

من ناحية الملابس و الشنط و الاحذية و انتم بكرامة و الاكسسوارات عادي عندي البس تقليد اهم شي تعجبني و البس ماركات اذا عجبتني ​

و ما اخجل اقول انه مقلد حتى لو غيري سئلني لاني مقتنعه و واثقه اني انا اللي احلي و ابرز القطعه مهما كانت
و اللبس في الاخير يعتمد على الذوق و على فن الوحدة في التنسيق بين القطع​

و بعدين الناس اللي سبق وشافوني البس تقليد اظن سبق و شافوني البس ماركات و قيمتها فيها
يعني ما اظن في الاخير ان مستواي او برستيجي صار ينقاس او يتحدد بقطعة قماش او حذاء ​

والاهم من هذا كل سنة الدولاب يتصفى و لا عمري احتفظت بشي او اكتنزت اي قطعه عندي لاكثر من سنة
(*_*) احب اسوي تحديث update لخزانتي
فيها من المحلات العادية و فيها من الماركات و فيها من التقليد و راضية الحمد لله الذي كسانا من غير حول منا و لا قوة ​

شوفي هالبنت اللي في الصورة اكييييييييد تعرفينها مزبوط ( هذي بنت دونالد ترامب اكبر مستثمر عقار في العالم ) ​

جات مرة في لقاء مع اوبرا و سألتها اوبرا سؤال شخصي عن مصروفها على اناقتها لانها دائما تظهر في الصحف و القنوات ​

ردت على اوبرا رد رائع قالت لـ اوبرا ايش رايك في فستاني قالت لها جميل
قالت لـ اوبرا ان ثمنه لا يتعدى الـ 10 دولارات , انا املك قوام جميل و الكثير من الفتيات يملكن ذات الشيء و اعتقد انهم هم من يبرزون الملابس لتبدو جميلة , انا افضل ان انفق مالي على اشياء اكثر اهمية من مجرد قطعة قماش

و اعجبت كثير اوبرا في صراحتها .. كان لقائها ممتع و صريح مافيه تصنع او تكلف رغم انها بنت اغنى رجل في العالم ​

ردج عجيب!! فعلا البساطة و الذوق يطلعون الوحدة بأحلى ستايل

يعطيج الف عافية حبيبتي عالرد و المرور و المشاركة .. نورتي
:eh_s(7):

صج صج أحلى و أقوى رد .. و لا هانوا البناات
:eh_s(17):

 

[Mrs_Orchidia]

دليلة و حقووق

منوريين حباااايبي حياكم الله

 

[يامطوله صبري]

<<< متاابعة

 

[blondeya-pretty]

آنا من ناحيتي الميك اب وهالسوالف ما آخذ تقليد لووووو شنو لأنه أخاف على بشرتي

والجناط صراحة عندي جنطتين بالكبت تقليد هاي كواليتي وحده مأخذتها ب30 و وحده بخمسة وعشرين وما يبينون تقليد كلش
يعني مو إفشل نفسي أروح آخذ تقليد ويبين أنه تقليد !!
يعني في أوقات ميزانيتي تكون عاااالية حيل واروح أخذلي جنطة ماركة وأكسسوارات ماركة لأني أموت عالماركات بس مرات ميزانيتي تخسف بالأرض لوول
والجواتي دايما آخذ من زارا ولا سترادي فاريوس يعني مو شرط لازم ماركة
بس الشي الوحيد اللي لو أتييبين لي إياه تقليد طبق الاصل وتعطيني إياه إبلاش ما آخذه أهوا الساعات !!
ما البس ساعه تقليد مادري ليش استحقر الساعات التقليد لووول أحس الساعه لأااازم ماركة

 

[ورود كويتيه]

ياحلو التقلييييييييييييييد


>>>>> والله محد يدري ماركه والا لأ؟؟؟

ياكرهي للي تسأل ماركه والا لأ؟؟ دامج تفرقين بين الماركه والتقليد ليش تسألين ... والله ماتدري وين الله قاطها ~~

أنصحكم بالتقليد بناات :eh_s(15):

 

[Mrs_Orchidia]

حياااكم بناات .. و حيالله المتابعة

منوريييييييييييين كللكم و آرائكم عالعين و الرآس

 

[Dalal.al3tibi]

البس تقليد الكولتي ماله عالي مو اي شي واذا مافرق التقليد عن الاصلي اخذ الاصلي

 

[أمةالله77]

هلا حبايبي. انا عن نفسي اشوف سعر الماركه واذا سعرها غالي اشوف التقليد بصراحه انا عارفه نفسي ملوله واحب اغير بالجناط والساعات وحرام اشتري الغالي وأقطه ففي ببعض المحلات تلاقين تقليد الماركات تقليد من الدرجة الاولي والدرجة الثانيه*

 

[فراشـهـ]

أأبــ​

 

[PuPa^^SWeeT]

انا عن نفسي مااحب التقليد مو غرور بس تطيح من عيني واعرف نفسي ماراح البسها فليش اقط فلوسي عليها حرام وبعدين اسعارهم مو رخيصه مثلا رفيجتي ماخذه شانيل ب 70 صج ان الاصليه غاليه بس مو لازم البسها انا عندي البس ماركه عاديه ولا تكون تقليد الله يعافي سامبا وقصر الجلود وفي ناس تاخذ التقليد على اساس انه درجه اولى على 100 و 200 والله حرام
بصراحه اهلنا يجكون التقليد وانا بعد مااحب البسها يعني اذا عندي استقبال مااحتار حاطتلي جم جنطه من الماركات الراقيه سيده البسهم احسهم يرزون البدل في ناس مايأيدوني كل وحده ورايها
طبعا انا اقصد الجناط والساعات والشيلات في البعض يقولون الشيلات ماتسوى بس بصراحه انا احبهم احس تشييرتهم راقيه والوانهم حلوه وبعدين عندي قناعه انهم يحلون الويه بس اذا ساده مااحب اخذهم ماركه احب شيلات لاشارب خامتهم راقيه يعجبني شغلهم
و الجواتي اشتريهم من سنتر بوينت او ناين ويست يهبلونون ومريحين واللبس عادي حالي حال البنات من المعارض والسوق المهم يكون عاجبني :eh_s(7):

نفس اللي اقووله بالضبط

التقليد يبين و حرام اقط فلوسي على تقليد

ازيدهم و اشتري اصلي

والحمدلله

واذا ماعندي الله ماكثر المحلات العادية

شغلهم اكثر من روعة و جناطهم و شوزهم

 

[brettey]

انا الجنطا احبهم اصليين
لان اكدهم كد احللهم عدل
بس الاكسسوارات والجواتي والهدوم عادي مو مهم غالبا اخذهم من محلات عاديه واذا خذيته ماركه النفنوف احلله عدل

 

[(توته مربربه)]

انا بعد عادي البس تقليد وانا عندي قناعه وثقه ان البنت هي تبرز وتحلي الي تلبسه بذوقها يعني اذا ذوقج حلو وعندج ثقه بتبرزين الشي والكل بيسالج عنه :rerrerek: حتى لو كان سعره متواضع
اما اذا لابسه تقليد وماشيه جنج مسويه جريمه ومو واثقه بتخربين شكلج وتخربين الشي الي لابسته
والصراحه الحين التقليد صار كوبي بست يعني ماتفرقين بين التقليد والماركه فحرام نقط فلوس وايد على شي موجود نسخته وبسعر انسب لان في ناس ماتلاقي تاكل واحنا همنا ماركه ومو ماركه ونحتاج نوفر لان احنا البنات نبي ميك اب وكريمات عنايه لازم تكون ماركه وغيره وغيره
وخلى في بالج احنا الي نعطي للشي قيمه ان كانت شنطه ولانعال ولا غيره واهم شي تكون الوحده مهتمه بجسمها وبشرتها واكيد بتحلي الي تلبسه​

 

[tt2tt]

اب اب

 

[غنوجههـ]

لا الحمد الله عمري مالبست تقليد و الله لايقولة

الشنط و الساعات لازم من الهاي فاشن اما الشوزات و الملابس عندي من الهاي فاشن و الهاي ستريت و الاكسسوريز نفس الفكرة البس ذهب او الماس او اصلي او من المحلات العادية

طبعا انا ضد التقليد احسة انتهاك للحقوق الماركة تتعب علشان تبتكر ديزاينات و يجون بكل سهولة يسرقونها

والي يقلون حرام فلوسها لا تشترين باسعار مبالغة اخذي على حسب ميزانيتك

لانة مهما كان التقليد يبين تجيك وحدة ميزانيتها وسط تلبس ليدي ديور او شانيل دموزيل او هيرمس

سوري يبين مهما كان سوبر هاي كوالتي

والي يجرب الاصلي مستحيل يرضى بالتقليد لو ايش


و شكرا حبيبتي على الموضوع ​

 

[احب روحي]

لا انا صراحة ما احب التقليد وافضل اشتري جنطه عاديه ولا اشتري تقليد
وياحلات الماركات اللي سعرها مابيم 50-100 مايقولون شي وشحلاتهم
اما من ناحيه الملابس دايما البس اللبس العادي من المحلات العاديه زارا وريفر ايلاند وجذي
اما الجواتي يا حلو حوش السالميه شزينهم
ومن ناحيه الاكسسوارات انا مو من محبين الاكسسوارات بس لو بشتري اخذلي من كليرز و الدو هالسوالف
بس ماحب التقليد ولا احب البسه مادري ليش

وثانكيو عالموضوع

 

[semsema.q8]

آخذ و انا مبتسمة , لا عيب و لا حرام .. انا مو بايقتهم

و لو اني ما احب اخذ جناط و ساعات تقليد .. بس هم عادي لو لقيت شي عجبني ما راح اتردد

 

[منيرة النيره]

انا البس كل شي .. اهم شي عاجبني .. ماخلى بخاطري شي .. الى قدامي زخيته .. ماعندي مشكله .. اصلي تقليد .. لاني مو انا الى ادفع هههههههههههههههههههههههه

 

[ScarletteO'Hara]

ما البس تقليد
و التقليد لو بدينار ما اشتريه
اقط مبلغ و قدره على جنطة اصلية تكد معاي سنين
و لا اقط دينار على تقليد درجة اولى لبسة لبستين بعدين يتنتف معاي
الواحد يدور الكواليتي مو الرخص
و عموما يبين التقليد من الاصلي
و اذا ما عندي فلوس مو ضروري البس ماركات
اشتري من المحلات العادية مو عيب و لا حرام