ليمونه مشكوره حبيبتي على كتابتج لقصة ولادتج, بصراحه ريحتيني وطمنتيني على المستشفى والعنيه والسسترات, اما دكتور حيان صج باله طويل حييل ويصبر على الوحده لاخر رمق, الله يتتم على خير واولد عنده, واكتب لكم قصتي عاد اهني, بتكون اول مره اولد بالمواساة.
الحين قاعده افكر اخذ ابره الاظهر مع اني رافضتها تماما, بصراحه اخاف من الاثار الجانبيه مالتها, واخاف واحاتي اشلون بغزوني اياها بظهري وانا اخاف من الابر. من جذيه قاعده اقول السهالات من الله ويمكن كمامهم قوي مثل كمام الهادي ودار الشفا.
ابرة الظهر اشلون طريقتها, يعني صج يغزونج اياها وقت الطلقه لما تيي, يعني بنص الطلقه يغزونج اياها..؟ واشلون لما يدخلونها بظهرج تحسين فيها ولا يحطون مخدر مكان الي بغزونها فيه ..؟ وصج لازم ما تتحركين وتاخدين نفس وقت ما يغزونها لج ..؟ واااي عندي اسئله وايد عنها.
