الماترس .. شلون تنظفونه ؟

[رفرف]

شلونكم بنات ؟؟

توني قاعدة انظف سريري جان يطري علي هسؤال ..

كل وحدة تقولنا شلون تنظف فرشة سريرها ؟ (الماترس) ..
نتبادل الخبرات ..


انا بالنسبة لي اول شي لي ييت ابدل الشراشف اكنس الماترس بالمكنسة الكهربا ...

تالي اذا فاضية وحاطة ابالي بنظفها على سنع اخذ تب فيه ماي وديتول الاخضر وشوي صابون مال ملابس الاطفال اللي ما يسبب حساسية وبالبروش انظفها كلها بس ما انقعها عاد .. وافتح الدرايش اهوي الغرفة وهم علشان تنشف تالي افرش الشراشف ..

اذا مستعيلة بس اخذ بخاخ احط فيه ماي وديتول الاخضر وابخبخ الماترس وافرش فوقها الشراشف ..

طبعا ارد ارش ماي وديتول على الشراشف .. وهم اعطرها وافرش الكفر واعطره وخلاص ..



حماتي تقول تنظف الماترس بكلوركس بس مادري اخاف يحسس الجسم او يتأثر ..

 

[لوكريسيا]

رفرف ----> انا اسوي نفس طريقتج .. و مرة يبت شركة تنظيف و غسلوه لي

 

[STYLISH STYLE]

مشكوورة حبيبتي

 

[supermarket]

انا حاطة مثل الفرشة بين الماترس والشرشف

يصير مثل النايلون الخفيف من تحت وطبقة مثل الفوطة من فوق

وبجذي بس اغسل الفرشة بدون مايتوسخ الماترس

 

[الأماكن]

والله ماشاء الله طريقتج وايد حلوة و كلها تعقييييييييم في تعقييييييييييم
و آنا وحدة معقمة و مدمنة ديتووووول

في شركة تجي البيت و تعقم لج الماترس بس للأمانة ماجربتها
أنا خذيت الرقم من وحدة في هذا المنتدى 4344490

بس لازم بعد تعرضين الماترس للشمس لو مرة بالإسبوووع بس الله يعينج على شيلته

و طريقتج راح أطبقها بإذن الله تعالى
و جزاكي الله خيرا

 

[قمه النعومه و الأنوثه]

انا حاطة مثل الفرشة بين الماترس والشرشف

يصير مثل النايلون الخفيف من تحت وطبقة مثل الفوطة من فوق

وبجذي بس اغسل الفرشة بدون مايتوسخ الماترس

هذا اللي كنت بقوله supermarket:eh_s(15): وتنباع بإيكيا خووش شي وسريعه التنظيف

مع انه انعرض الماترس للشمس ومن فتره لي فتره شركه تنظيف عاد انا ابي شركه تنظيف اللي قبل ضاع الرقم ...ومشكووره رفرف خووش موضوع عساج على القوه عمري :33_1185028183:

 

[أغلى حبيبه]

انا نفس طريقتج رفرف

واسبوعي اسوي

بس ماجربت شركه تنظيف ودي اجربها ان شاءالله

 

[غوالي76]

:e3:

 

[زيـنـه]

انا حاطة مثل الفرشة بين الماترس والشرشف

يصير مثل النايلون الخفيف من تحت وطبقة مثل الفوطة من فوق

وبجذي بس اغسل الفرشة بدون مايتوسخ الماترس

انتي نفسي بالضبط ..ما استغنى عن هذه الفرشه .. وعندي اكثر من وحده عشان لا غسلت وحده ما انطرها لين تنشف .

و تعريض الماترس للشمس صعب اذا كانت كبيره و ثقيله .

 

[Dancing^Queen]

ميترسي يبلها ثلاث يشيلونها ويحطونها تالي تدفعيلهم علاج طبيعي
ومنكت علي سريري ححليب بنتي
وشفت اثار بقع قديمه مع كامل احتياطي وكثره تنظيفي انا العامد امسح بفوطه ومماي وديتول
الحين لا في بقع ببقع
ابي انظف ابي احد يسوي نساف من امه
بدون لايخرب الميترس لان غالي وفري قود كوالتي
شلون؟
جس سعر الشركه اللي قلتو ع نها
واكو احد جربها؟

 

[رفرف]

مشكورين بنات


الفرشة من وين اخذها وشنو قياساتها لأن فراشي حجم خاص اكبر من الكينغ سايز كله متوهقة بالشراشف
وما تزلق وتتحرك ؟؟

كوين حتى انا ودي اجرب شركة تنظيف لأني نفس حالتج الماترس وايد كبيرة
وما اعرضها حق الشمس اشلووون ؟ شكبرها

 

[زيـنـه]

رفرف ,, الفرشات هذه من كانون.. و تيي مقاسات.. بس ما تدش النشافه لا يخرب النايلون مالهم ..لا غسلتيهم شريهم عادي .. يبيعونها في سيتي سنتر .. مركز سلطان .. الاسواق الشعبيه .. و مره شفتهم عن الجريوي مال الاسفنج بالقسم الخاص بفرش السراير .. و في بلاند مارك حق سراير البيبات على حجم السرير اللي يبيعونه

 

[fat]

:edbf4317b9:فكرة حلوة بس أنا سامعة

أي شي ترشينة على لفراش راح يكون حشرات الفراش بس بصراحة أعطر فراشي على البركة

 

[ملاك-77]

مشكووووووووووره

 

[xxx]

انا بعد استخدم الفرشه النايلون

ما استغني عنها

خذيتها من سيتي سنتر ماركة كانون

ب 7دنانير وشوي

وقياسها كنج سايز

 

[أم أحمد كول]

انا حاطة مثل الفرشة بين الماترس والشرشف

يصير مثل النايلون الخفيف من تحت وطبقة مثل الفوطة من فوق

وبجذي بس اغسل الفرشة بدون مايتوسخ الماترس

انا بعد حاطه الفرشه وماخذتها من البغلى للاسفنج

 

[رفرف]

شوقتوني عليها دام عند البغلي موجودة اتوقع يسوون تفصال لأن فراشي اكبر من الكينغ

 

[Swan]

انزين شلون انظف البقع القديمة من الماترس ؟
مابي شركه تنظيف ابي انا انظفها

 

[adool70]

لتنظيف البقع القديمه استخدمي فوطة بيضة صابوبه بيضه مع شوية ماي

دافي وصابونه التنظيف هذه ممكن تكون اي صابونه في البيت بس انا اشتريها

مخصوص حق غسال الملابس، في الجمعييات تنباع و في اكثر من ماركة

 

[Swan]

مشكووووورة adool70 عالطريقه
بجربها ان شاء الله