زوجي تغيييييير حيل حيل ساعدوني تكفون

[أدري أخذوكـ مني]

السلام عليكم
كيفكم بنات
ابي رايكم ومساعدتكم تكفون :eh_s(16):
بنات اناا منصدمه من شخصيت زوجي لي سنتين معه مااعرفت شخصيته الا من ثلاث شهور ومره مصدومه واناا الحين حامل بشهر السادس بس اجهضت قبل كذا 3 مرات
ليتني مو حااااااااااامل ندمانه قد شعر راسي ولماا عرف ان اللي فبطني ثبت طلع ع وجهه الحقيقي وصار متغير حيل وما يهتم فيني وصاير بخيييييييييل :eh_s(11):
سألته ليش تغيرت فجأه يقولي انا كذا ومرات يقولي خلاص انه قدر يمسكني من ايدي اللي توجعني
مع انه لما تصير مشكله اهو يقعد يسب اناا اقعد ابكي ولا اتكلم بأي حرف وقبل كان يعتذر يرسل رسايل حلوه
الحين لا رسايل سب وشتم يرسلي
بس انا قلت له مو علشان اللي فبطني ثبت بتحسب انك تذلني يقعد يضحك
احس بندم فضيييييييييييييييييييع
الله يخليكم بنات ساعدوني شسوي

 

[خالف تعرف]

حسبي الله ونعم الوكيل
الله يهديه ان شاء الله

 

[السيندريلا]

الله يعينج عليه
بس شنوو ماعندج اهل اخوان تقولين لهم ويسنعونه حبيبتي لازم يحس ورااج احد

 

[الـــغـــلآ]

الله يهديه و يسخره لج

 

[iLLuMinaTion]

الله يهديه

 

[A7La Na3oOoma]

شنو يعني ما يبيج تحملين ؟؟​

 

[Tom ♥ Jerry]

,


لا حول لله !
شفيهم هالايام الرياييل كلهم متغيرين على حريمهم !
بعدين سالفه ريلج تحير ! :|
شنو يعني عشان ثبت الياهل يتغير عليج
هاذا بدآل لا يريحج عشان مآ تتعب نفسيتج و تأثر على الياهل ،

المهم حبيبتي آنتي الحين قومي بوآجبج .،
و لا تخلينه يآثر عليج و على نفسيتج ، و خليه جنه طوفه بالبيت
حسسيه آنه مو مهم عندج مثل قبل .،
لا تقعدين تقولين له شفيك و شفيك وشفيك :| !
عشان مآ تتعبين ، و يقعد يصارخ عليج ,،

وقت مآ يكون معصب لا تناقشينه > لانه الريال اذا نآقشته مره و آهوة معصب على باله
آنهآ ترادده ! فـ آنتي قوليله آن شاء الله و على آمرك و سكتي ،
و اذا تبين شي لا تطلبينه منه وقت مآ يكون متضايق أو تعبان نطريه لين
يرتاح بعدين قوليله بكل هدوء و باسلوب حلوو و اذا قالج لا قوليله أوكي و سكتي ،
مع الايام رآح يحس آنه مقصر عليييج .!

و آهم شي لاتنسين الدعاااااااء ،

 

[FeShinGoOo]

اول شي حبيبتي سالفه ان الحمل ثبت مالها علاقه نهائيا انه زوجج يتغير ماله منطق ولا تفسير هاذا شي وذاك شي ..


توقعي .. ان زوجج حاله حال وايد رياييل ..

من تحمل الزوجه وتنتفخ وتورم جدامه وتنسى وتزوع وتثقل وتهمل بعمرها يتغير وينفر منها ويبتعد عنها ..

ماتصدقين لو اقولج ان اغلب ارفيجاتي مرو بالي انتي فيه ..

وحتى بالمنتدى اقري وايد بنات يطرحون نفس مشكلتج من حملت وزوجي تغير علي .. بالنفاس وزوجي ماقرب مني ..

رياييلنا غريبين عجيبين يبون يهال وبنفس الوقت يبون ست بيت وبينفس الوقت يبون منيكان ولما تحمل يقعد يعايرها متينه وجسمج يلوع الجبد ومن تولد يقولها يالله حملي مره ثانيه ابي ولد ابي بنت ابي جيش ..


اللي عليج انج تمسكين لسانج وتتجاهلين تحرشه ولاتناقشينه بشي ولاتتهااااااااااااااااااوشيييييييييييين حقري حقري حقري حاولي قدر الاماكان تكسرين عينه بالابتسامه والنفسيه الحلوه والله الابتسامه لها تاثير كبير بنفسيه الريال وابتسمي واذا اهو مايدزلج كلام حلو انتي دزيله كلام حلو وتجنبي سوالف العتاب والتشرهه وتوقعتك شي وطلعت شي ثاني وانت فيك وفيك وفيك لا والله الرياييل يكرهون هالحركات ويتغيرون على حريمهم بهالسبايب
انتي طبقي كلامي واذا شفتيه تمادى حيل حيل وماكو فايده وقام يغلط ويبهذلج بدون سبب كلمي اهلج .. خل يتفاهمون معاه ويحاولون يفهمون منه .. ويعرفون شنو اسبابه وشنو يدور براسه واشفيه ؟؟

 

[تبطي عظم!]

حبيبتي يمكن اهملتي بنفسج وتغير


انا حملت بعد زواجي على طول وكرهت المياج وكله مالي خلق وما اكشخ وانا اساسا عرووس!!!


تخيلي زوجي قام يقولي ليش صرتي جذي بداية العرس تكشخين وتلبسين الحين كله نوم وشعرج رافعته

فهمته ان كل هذا من الحمال مو مني وخليت الدكتوره تكلمه لما كانت مراجعتي والحمد لله امورنا تمام صج انا متضايقه

ليش قالي جذي بس هم بنفس الوقت استانست اني عرفت السبب الي ممكن ينفره مني لو بستمر على هالوضع

فغيذت وجبرت نفسي اترتب ع الاقل لاني جد كارهه المكياج واللبس الضيج كلش مو حلو علي والبجايم صايرين لووعه هههههه

كله بيبي دول وشعري ارتبه شوفي زوجج يمكن متضايق انج مهمله شكلج الخارجي وتغير عليج

لا تعاتبينه واجد ترا بيمل منج ويزهق رياجيلنا قطيييعه ماينتحاجوون وماتقدرين تعاتبينهم بتظلين انتي غلط وهو صح ~

 

[Freakya]

ام-ابيها

والله يبتيها عالجرح

 

[مألوفة]

حبيبتي في ريياييل جذي ما يحبون شكل المرا الحامل

انا ريلي من احمل يصير كله معصب ونفسيته بخشمه وكله يقولي متى تولدين وتفكينا بس

وما يقربلي ولا ينام معاى لين اولد وعقب الاربعين يلا يلا نفسيته اتعدل ويصير صوبي

وهم انا نفسج كله معصب علي وماله خلق وبس ما اتحجى يزفني جني مسوية جريمة واهي بس عشان انا حامل بس انا شمسوية حاقرته ومالي شغل فيه لا نام اعلي التلفزيون واقعد بالدار واييب ولدي العب معاه

ومشية وقتي واتمكيج والبس بجايم حوامل واسوي شعري ومو مهتمه منه ولا شي خلج جذي عشان لا تنقهرين لاني بحملي الاول هم صار معاى جذي فتعلمت قبل كله ابجي وضايق خلقي الحين ما قمت اهتم منه خلااااااااااااص

الله يسخره لج وتولدين وتقومين بالسلامه ان شاء الله

 

[الدرة الغالية]

عسى ربي يهديه وتزيد المحبة بينكم محبة صادقة

وربي يتمم لج هالحمل على خير ويقر عينج بشوفة البيبي وابوه بأحسن حالاته معاج..

 

[Tulips]

الله يهيده ويسخره لج

كلميه قوليله ليش تغيرت معاملتك لي

 

[بقــآيآ جـروح]

الله يهديه وترى آنتي حسآآسه وآآيد وبعد حآآمل
الهرمونآآت لعبه فيج آحسن شي اهتمي بنفسج
ولاتعصبين ولاتتنرفزين وآحمدي ربج ع الظنى
وآنه ثبت واشغلي نفسج عنه

 

[dantial]

كلام البنات صح
بعض الرجاجيل مايحبون المرة تحمل
لان غالبية الحريم يهملون بنفسهم
ونفسية اكس
فلا تلومينه
الله يهديه ويسخره لك

​

 

[dantial]

كلام البنات صح
بعض الرجاجيل مايحبون المرة تحمل
لان غالبية الحريم يهملون بنفسهم
ونفسية اكس
فلا تلومينه
الله يهديه ويسخره لك

​

 

[al-musk]

مو من صجه شفيه هذا .. طنشي يابنت الحلال بس غصبن عنه لازم يحترمج فشوفيلج صرفه بسالفه الاحترام واذا مصخها خلي اهلج يتفاهمون معاه

 

[دنيتي^صلوح]

حياتي البنوتات ماقصروو
عسى ربي يسخره ويهدييه لج ويتمم حملج على خيير

 

[فوفو22]

لو العيال يمسكون الرجال

جان محد طلق زوجته وشتت عياله

وكلام فاضي العيال يربطون الزوج

والحامل بالعموم تكون حساسه كثير

والمشكله الصغيره تكبرها براسها لفرط حساسيتها

حاولي تصيرين ريلاكس شوي

وككلها شهور وتصير ام

ويصير اب

والمشاعرى بالبيت كلها تتغير

فوفو

 

[عاشقة هواك]

الله يهديه