زوجي تغيييييير حيل حيل ساعدوني تكفون

[أدري أخذوكـ مني]

مشكورات حبيباتي ع الردود
بس انتو فاهمين السالفه غلط تحسبون انه متغير علشان حملت بالعكس
وقت ماكنت اتنسى شايلني ع كفوف الراحه
وكان يقولي متى تكبر بطنك
لا هو شكله بينتقم مني ع اللي سويته فيه
انا لي اربع سنين متزوجه بس اول سنتين قعدت عند اهلي فيهم ماابيه لأن ابوي غصبني عليه
وهم رجعت له من سنتين بالغصب ابوي رجعني
وهو شكله بينتقم مني ع اللي سويته مع اني صرت احبه
بس بديت ارجع اكرهه
وهو مايخليني اشرب منع الحمل يخاف اني اطلب الطلاق
ولما عرف انه ثبت يقولي الحين ماتقدري يعني تفكري مجرد تفكير بطلاق
تخيلوا بنات ابوي لما اشكيله من زوجي كان يطقني قدامه حتى لو هو الغلطان ويطلعني معه بالغصب
علشان كذا مااشكي لأبوي لأنه راح يوقف بصفه
خلوهاااااااااااااا بالقلب تجرح
بس ابي حل معه
مع اني عارفه مافيه حل غير الطلااااااااااااااااق

 

[أدري أخذوكـ مني]

وينكم الله يخليكم لا تهملون الموضوع

 

[رواضي قطر]

الله يسخره لك يارب

 

[زوجة عزيز]

اول شي حبيبتي سالفه ان الحمل ثبت مالها علاقه نهائيا انه زوجج يتغير ماله منطق ولا تفسير هاذا شي وذاك شي ..


توقعي .. ان زوجج حاله حال وايد رياييل ..

من تحمل الزوجه وتنتفخ وتورم جدامه وتنسى وتزوع وتثقل وتهمل بعمرها يتغير وينفر منها ويبتعد عنها ..

ماتصدقين لو اقولج ان اغلب ارفيجاتي مرو بالي انتي فيه ..

وحتى بالمنتدى اقري وايد بنات يطرحون نفس مشكلتج من حملت وزوجي تغير علي .. بالنفاس وزوجي ماقرب مني ..

رياييلنا غريبين عجيبين يبون يهال وبنفس الوقت يبون ست بيت وبينفس الوقت يبون منيكان ولما تحمل يقعد يعايرها متينه وجسمج يلوع الجبد ومن تولد يقولها يالله حملي مره ثانيه ابي ولد ابي بنت ابي جيش ..


اللي عليج انج تمسكين لسانج وتتجاهلين تحرشه ولاتناقشينه بشي ولاتتهااااااااااااااااااوشيييييييييييين حقري حقري حقري حاولي قدر الاماكان تكسرين عينه بالابتسامه والنفسيه الحلوه والله الابتسامه لها تاثير كبير بنفسيه الريال وابتسمي واذا اهو مايدزلج كلام حلو انتي دزيله كلام حلو وتجنبي سوالف العتاب والتشرهه وتوقعتك شي وطلعت شي ثاني وانت فيك وفيك وفيك لا والله الرياييل يكرهون هالحركات ويتغيرون على حريمهم بهالسبايب
انتي طبقي كلامي واذا شفتيه تمادى حيل حيل وماكو فايده وقام يغلط ويبهذلج بدون سبب كلمي اهلج .. خل يتفاهمون معاه ويحاولون يفهمون منه .. ويعرفون شنو اسبابه وشنو يدور براسه واشفيه ؟؟

معاها :rerrerek::rerrerek::rerrerek:

 

[Gatwa DaloO3a]

انا مع ام ابيها بكل كلمه ..

 

[Gatwa DaloO3a]

توني اقرى ردك الثاني ...

ياربي كسرتي خاطري ، الله يعينك عليه وعلى ابوك صراحه ! ..

بس انشالله انك تقدرين تغيرينه ، وتغيرين نظرته فيك ، يمكن هو يبي يرد اعتباره ، او نوعه انتقامي ..