&&* تجــــمع مـــراجــعات مسـتشفـــى المـــــواســاه *&&

[BOOBO]

انا مفكره اخذها ان شالله .. والله يسهل علينا يارب ويقومنا بالسلامه

 

[Violetta]

في ناس بعد ٦ شهور ظهورهم تعورهم من الابره
عشان جذي متردده فيها
و رفيجتي حاشها صداع اسبوعين بعد الولاده
يعني على حسب الجسم

 

[q8sweeta]

السلام بنات ومبارك عليكم الشهر

منو فيكم جربت ناهض بالولاده وشلونه وشلون خياطه؟؟

 

[بيرلا ستور]

ليمونة مشكورة قريت قصة ولادتج
والحمد لله انا عندي حيان بعد

ولما رحت اخر مرة خبرته ما ابي احس بشي ابي كمام قوي لووووووووووول مابي اشوف شي

قلي ولا يهمك بنزود العيار ورح تنامي ان شاء الله

لان انا ولادتي الاولى كانت بالراشد وما حسيت الا بالطلق ونمت بعدها وصحيت وانا ولدانة ههههههههه

اخاف اشوف البيبي واحس بكلشي

ليمونة ليش ما اخذتي كمام وبس؟

 

[Laymo0ona]

مادري الكمام مارتحت له وانا مفكره من قبل اني اخذ ابرة ظهر لانه ادري اني بطول واحتمال يحولني قيصريه في النهايه اذا البيبي مانزلت الحوض او صار شي بالجرح القديم فكنت ابي اكون مستعده خصوصا اني مابي بنج كاملابي اكون صاحيه واشوف بنتي اول مايطلعونها فديتها حبيبتي
وانا مجربتها من قبل وارتحت منها وماكو اثار جانبيه الحمدلله

 

[BOOBO]

مادري الكمام مارتحت له وانا مفكره من قبل اني اخذ ابرة ظهر لانه ادري اني بطول واحتمال يحولني قيصريه في النهايه اذا البيبي مانزلت الحوض او صار شي بالجرح القديم فكنت ابي اكون مستعده خصوصا اني مابي بنج كاملابي اكون صاحيه واشوف بنتي اول مايطلعونها فديتها حبيبتي
وانا مجربتها من قبل وارتحت منها وماكو اثار جانبيه الحمدلله

شنو كان وضع البيبي وقت الولادة نزل بالحوض واخذيتي طلق صناعي ولا لا؟
انا عندي البيبي نزل بس مو لي اخر شي وخايفه ماينزل

 

[Laymo0ona]

شنو كان وضع البيبي وقت الولادة نزل بالحوض واخذيتي طلق صناعي ولا لا؟
انا عندي البيبي نزل بس مو لي اخر شي وخايفه ماينزل

الدكتور يقول الحوض مثل الساعه الرمليه في مكان ضيج فبنتي كانت نازله شوي بس مو بالمكان الضيج فكان خايف انها ماتنزل فيه نفس ولدي البجر لانها بطوطه من السكر فقاللي اذا مانزلت نحولج قيصري بس الحمدلله نزلت حلاتها والله
وخذيت طلق صناعي لانه فيني سكر ولازم يولدوني بالاسبوع ال 38 عشان البيبي

ولاتحاتين ان شاءالله ينزل بس ادعي ادعي ادعي ربج وكثري الاستغفار
واقري ادعيه الولاده في ماي وشربي منه وربج يسهل عليج ان شاءالله

 

[BOOBO]

ان شالله يارب انا الدكتور قالي من عقب اخر فحص 70% طبيعي
والله قاعده ادعي استغفرالله ودي اولد اليوم قبل باجر وكل ما يعورني شي استانس .. تعبت حدي
يومين واكمل شهري
الله يسهل علي يارب ومشكوره حبيبتي

 

[أنشودة المطر]

ليمونة حبيبتي حمدالله على سلامتج ومبروك ما ياج :eh_s(7):

عندي سؤال انتي قلتي ان اللي عطاج ابرة الظهر كان ريال
وبعد قلتي ان امدحوا لج الدكتور معن وأيمن
بس أنا شفت في موقع المواساة ان انضموا لهم دكتورتين تخدير وحدة منهم صارت رئيسة قسم التخدير ... وأساميهم الدكتورة نجلاء وسناء ... واذا ما خاب ظني اهمه نفسهم اللي كانوا بدار الشفا وكان الكل يمدحهم في ابرة الظهر
ف سؤالي هالدكتورات ماكانوا موجودات لما ولدتي؟؟ ماسمعتي عنهم هناك ؟؟
لأني وايد تشجعت يوم دريت انهم انضموا للمواساة وأفضّل الدكتورة على الدكتور حتى للتخدير خصوصا اذا كانت شاطرة

 

[Laymo0ona]

ليمونة حبيبتي حمدالله على سلامتج ومبروك ما ياج :eh_s(7):

عندي سؤال انتي قلتي ان اللي عطاج ابرة الظهر كان ريال
وبعد قلتي ان امدحوا لج الدكتور معن وأيمن
بس أنا شفت في موقع المواساة ان انضموا لهم دكتورتين تخدير وحدة منهم صارت رئيسة قسم التخدير ... وأساميهم الدكتورة نجلاء وسناء ... واذا ما خاب ظني اهمه نفسهم اللي كانوا بدار الشفا وكان الكل يمدحهم في ابرة الظهر
ف سؤالي هالدكتورات ماكانوا موجودات لما ولدتي؟؟ ماسمعتي عنهم هناك ؟؟
لأني وايد تشجعت يوم دريت انهم انضموا للمواساة وأفضّل الدكتورة على الدكتور حتى للتخدير خصوصا اذا كانت شاطرة

الله يسلمج
والله انا ماسألت عنهم بس سألت دكتوري وقاللي عن معن بس يقول صعبه تحصلينه لانه يخلونه للعمليات القويه من شطارته وهم قال ايمن شاطر بس ماكانوا موجودين واللي قزني دكتور شكري وعقب يوم مافاد وخلص شفته ياني دكتور ايمن يضبطها بس ماضبطت
وحياج ياقلبي اي سؤال انا حاضره

 

[بيرلا ستور]

حياتي ليمونة
الدكتور حيان مافحصج ولا مرة بمراجعاتج بالشهر التاسع؟

وصحيح ما يجي على وقت الولادة الا بس بطلعة الراس؟

 

[زينانه]

رد: >>>تجمع مراجعات الدكتورة نداء بو خضور<<<

البشاره
الدكتوره مسافره
واللي تقول ان سفراتها جدا طبيعيه
لو انتي ولادتج هالاسبوع وهي مسافره بحزت ولادتج
شنو بيكون رايج !!!!
عااااادي والا موعادي

 

[3awaasha]

رد: >>>تجمع مراجعات الدكتورة نداء بو خضور<<<

واي مسكينه الدكتورة مراقبينها مراقب
حبيبتي شنو المشكله مافي غيرها يولد!!!
أولا المولد رب العالمين وثانيا لازم تحسبون حسابكم أنكم ممكن تولدون عند دكتوره ثانيه احتياااااط
أنا إذا صادفت ولادتي بسفرتها بغير المستشفى بكبرها بروح المواساة انشاالله لأني بروح رويال حياة علشانها بس

 

[اللولو الغالي]

السلام عليكم
بنات في دكتوره اسمها اماني منظمه للمستشفى ما حد يعرف عنها شي

 

[Violetta]

اماني اخصائيه مو استشاريه هذا الي اعرفه
بس مادري عنها بصراحه

 

[اللولو الغالي]

الله يعطيج العافيه فيوليت
والله ما ادري عنها سمعت فيها وتوني ادري انها اخصائيه
ان شاء الله احد جربها

 

[سموره 87]

رد: >>>تجمع مراجعات الدكتورة نداء بو خضور<<<

زينانه حبوبه المره اليايه سئليها عن سفراتها لان اكيد ماتسافر الا اذا عندها مؤتمر او شي جذيه وفوق كل هذا اللي اعرفه ان بنتها تدرس بأمريكا يمكن رايحتلها بعد المره من حقها تسافر ومثل ماقالت عواشه حطيلج دكتوره ثانيه والمولد الله مو الدكتوره

والله يسهل عليج ولادتج *

 

[Om_Ksha]

رد: >>>تجمع مراجعات الدكتورة نداء بو خضور<<<

احنا مانختلف انه المولد الله بس هم الواحد ماتعنى لها كل شهر وانتظم بالمواعيد واغلبنا بيولد برويال حياه ومااااااااااوده يولد بس مجبوووور عشاااااااانها يعني احنا تنازلنا عن وايد اشيااااء وكذا مستشفى بس عشان اهياااااا تولدنا باللي سمعناه عنها من مدح وانه خياااااطها زييين

فعلى كل هذا بالاخييييييييير اوووووووولد بمستشفى ماودي فيييييييه والله العالم منو بووولدني ممكن الخياط يكون اي شي كل هذا ليش ؟؟

مو المفروض اذا بتسااافر تعلم مراجعاتها عشان يحسبون حساااابهم يدبرون لهم احد بهالفتره احتياط مو جك بم مسافره !!

وبعدين الحين نقط قط على هالمراجعات وغيره وعلى اساس سفراتها المتكرره تضطر الواحد تراجع عند غيرها احتياط وتقط اهني وتقط لهناك . لانه مو كل دكتوره ترضا على اخر شي احد يختارها تولده لالالالازم تكون مرااجعه جم مراجعه عنده فشوووفي المخاسير عالفااااضي !!

احنا ماقلنا لا تسافر بس عالاقل اتعبر مراجعاتها وتعطييييييييهم خبر !! مو كل ما رحنا ننلطع ساعه او اكثر على امل تفحصنا ومع كل هالتعب بالاخير وقت الصجيه مانلقاها !! هم مايصير ..

عالعموم ردت من السفر وخذيت موعد .. وانا بشهري ماكو مجال احطلي غيرها وبوكل امري لله والله كريم الله يحنن قلوب هالدكاتره علينا ..

 

[أنشودة المطر]

مشكورة ليمونة على الرد وشي مؤسف والله ان الابرة ما اضبطت معاج لأنها صج ابرة الرحمة
يارب تضبط معاي ! أنا عاد أبي المواساة لأنهم كانوا يقولون ان احسن مستشفى لإبرة الظهر :eh_s(10):





اللولو الغالي هذي معلومات عن أماني

الكلية:
حاصلة على شهادة الإستشارية في أمراض النساء والعقم –لندن
حاصلة على شهادة الزمالة الملكية البريطانية - لندن

عضوفي:
الكلية الملكية البريطانية لأمراض النساء والولادة – لندن.
حاصلة على البورد البريطانى فى أمراض النساء و العقم و الولادة.
الرابطة البريطانية لجراحة المناظير – لندن.
عضو جمعية العقم الأمريكية.
عضو جمعية الأطباء ذوي الاختصاصات الدقيقة في الإخصاب والإنجاب – أوروبا.
متخصصة فى طب الإخصاب و المساعدة على الإنجاب – لندن.

الخد مات التي تقدمها:
متابعة ورعاية الحوامل وحالات الحمل عالي الخطورة.
القيام بجميع جراحات أمراض النساء.
المساعدة على الإنجاب.
إجراء المنظار التشخيصي والجراحي.
علاج جميع الأمراض النسائية.

 

[اللولو الغالي]

مشكوووره انشودة المطر معلومات دسمه
بس ودي لو احد مجربها ويقولون لنا تجربتهم