كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[درة أهل الطولات]

يعطيكم العافيـــ’ة

 

[بنات حواء2]

مشكوره حبيبتي بنت حواء كلج ذوق

بنات لو شريت خرايط ومجسمات ووسايل يصير اخذهم معاي البيت بعد ما اخلص منهم

والا بينحطون بمخزن المدرسه يعني يكون حق المدرسه!؟

اي عادي حبيبتي وسايلج و انتي حره تخلينهم تاخذينهم شي راجعلج
و ممكن يكون لج خزانه خاصه فيج تحطين فيها كل شغلج و تقفلينها و مفتاحها عندح

 

[بنات حواء2]

مشكووره حبيبتي على النصاايح
اي على قوولتج الميدااني درس لج
تخليلي فيه ابله حاقده علي ما ادري ليش جذي نفيسه ومتحاجى والمشكله ماخذه صفها وكل ما ابي استفسر عن شي تقول لي مالي شغل انتي المفروض تعرفين وبعدهاا قمت اعطي من نفسي لا اسال فلانه ولا علانه
والحمد الله تعلمت من الابله انه مو كل وحده تستااهل الطيب
وعلى طاري مهندس الكمبيوتر تدرين اغلب شغلي ال بوربوينت واوراق عمل وانشطه وافلا م انا اسويهم بالموفي ميكر تدوورن وين لقيتهم في منتدى مدرستي حاطه اسمها وقايله ما احلل اللي تنقل وما تقووول اسمي!!
امبيه اهنيه صج مت من الحره وحقدت عليهااا صج قهرر وقاعده اوري امي اقوولها شووفي قواات عين عااد امي تقوول ما عليه سامحي وما شفتي شي
بس شنسووي كل طرااق فيه تعلوومه

وشكرراااا

امبي صج شي يقهر واي انا حدي انقهرت عليج امبي مافي ذمه و لا ضمير اخذ شغل الناس و اقول شغلي
لا و ماحلل الي ينسبه لنفسه
امبي صج شي يقهر
قتلج الطيبه لها حدود و هذا درس للي ياي انشالله
و الله يوفقج يالغاليه
وبنسبه للمدرساتالي شايفين نفسهم ذوله امراض نفسيه و لا ماله داعي هلحركات كلنه بدوام واحد و قسم واحد مله داعي شدة الحيل الغريبه هذي
هههههههههه
حدي فصلت على هنوعيه ههههههههههههههه

 

[بنات حواء2]

قوه مدرسات
بغيت اعطيكم هالنصيحه اخذوها مني و احفظوها عدل عن خبرة و الله

رفيجاتج بالدوام على عيني و راسي بس في الشغل مالج شغل فيهم سوي و سايلج و تحضيرج بروحج باجتهادج و كتبي على كل شي اسمج يبون مساعده مو مشكله مرة أو مرتين مو كل مرة ياخذون وسايلج و شغلج و يتشيحطون جدام الادارة و التوجيه و علمي رئيسة قسمج عن كل اصغيرة و كبيره عشان اتعرفج و تمدحج عند الادارة و التوجيه

انتي جديده راح يركبون على ظهرج اذا طاوعتيهم....... فهمتي .....

انا بصراحه كنت كل شي اوثقه و اوصله للناظره و الموجهه و اتناقش مع رئيسة القسم بكل شي و اوريها وسايلي عشان اتعرف ان بكل حصه انا ابدع


و لا تسمعين كلام المعلمات الفاشلات اللي مالهم شغل دام معاشهم ماشي ترى ما يبونج اتصيرين احسن منهم اثنتي نفسج و خلي الكل يعرف اسمج

انا رئيسة قسم كانوا عندي مدرسات يقولون ان اهم يتساعدون بالوسائل و كانت و سايلهم وحدة و في نهاية السنه تخانقوا و يتني وحده منهم تقول انها كانت كل التحاضير و الوسايل اهي اللي تتعب و اتسويهم و يعني تبيني احط على الثانية عاد انا قلت لها مو مشكلتي انتوا قلتولي انكم تتعاونون الحين غيرتي كلامج هذا غلطتج و تحمليها لانها راح تاخذ تقديرها مثلج

حرصي على نفسج من حسد الحريم اللي اذا حبوج طيروج لسابع سما و اذا اكرهوج نزلوج لسابع ارض

كلامج 100 % صح
و يسلمووو عنصايح

 

[مصممة أزياء]

أفكار رائعة وابدائعية موفقين يامربيات اجيال المستقبل لكل خير في مرضاه الله

 

[om3abod]

هاااا ام زنوووب شلونج؟؟؟
اتوقع عرفتيني من نكي ))
مشالله افكارج تهبل عقبال ما يقطونج بمدرستي عشان نييننهم مثل ايام الكليه خخخخخ
بنزل موضوع فيه تحاضيري بس نطري علي شوي خخخخ

 

[بنات حواء2]

مصممة أزياء
حياج الله يالغاليه نورتي الموضوع
ام عبوووووووود
اخيرن اخيرن قررتي تسجلين
ولكموووووووووو
اي و الله هلمره بعد نداوم شفتات خخخخخخخخخخخخخ
تذكرين على ايام استاذه بثينه شسوينه ؟؟
خخخخخخخخخخخخخخخخخخخخخخخخخ
ولكموووووووو و لا تحرمينه من وجودج و افكارج
الله يسمع منج يارب اني اكون وياج

 

[LA TROO7]

ام زنوب

صراحه انا ويني عن هالموضوع قريت شويه بس بقعد افصفصه الحين

مجهووود جبااااار والنصايح فظيعه

راح اكون وياكم كل يوم تحملووني

 

[بنات حواء2]

La troo7
حياج الله يالغاليه افا عليج المكان مكانج بالعكس ينور الموضوع في وجودج و اي سؤال او استفسار لا يردج الا لسانج
وثينكيو علكلام الحلو

 

[om3abod]

لووول ام زنوووب والله ذكريات كنا فلم خخخ يوم انا ادوام ويووم انتي خخخخخخخخ
يلا شدي حيلج تعالي عندنا ابي اسوي ورشه عمل خل نسويها مع بعض لا تروحين متوسط حرام

 

[fri2010]

 

[بطاطا]

بطاطا
ودي اكلج من كثر ما ودي اشكرج
و ابي اعطيج حقج في الرد


وياج بكل كلمه قلب و قالب
تعب بس يونس لمن تشوفين نفسج انجزتي و الطالبات حبوج انا اسوي نظام تقييم لي من قبل الطلبه في نهياة الكورس تعالي شوفي شكاتبينلي
من ظمن التعليقات الي حبيتهم
ابله انتي اكثر ابله تنصجحينه و انحس ان قلبج صج علينه
ابله احنه نحب طريقتج في التدريس و االشغلات الي تعرضينهم ياريت كل الابلات يسوون لنه مثلج
ابله احنه نحب لبسج و اهتمامج بنفسج
ابله ملابسج حلوه
هههههههههه
طبعن انا حدي تشققت و استانست لاني قدرت أئثر فيهم و هذا شي حلو

و مشكووووووووووره عالتوضيح بنسبه للدوره ما كنت فاهمه شنو الفايده منها بس انتي ماقصرتي و وضحتي المطلوب قواج الله

هههههههههههههههههه اكليني عليج بالعافية

و العفو حبوبة و الله ما سويت شي هذا شي من تجربتي ( البسيطة ) اللي جربتها و شفتها
و الحمدلله عطلنا و ارتحنا و لازم ايي وقت الشغل عاد

و التقييم انا كنت مقررة أسويه بس لاني غبت باخر اسبوع دوام للطالبات فما قدرت اسويه:rgewrg:

يلا ان شاء الله هالكورس :eh_s(15):





احس مشتاقة لجو الدوام و التعب و الكراف و عوار القلب هههههههههههه

و حق البنات :eh_s(22): و استعباطهم و دلعهم :eh_s(11): و شطانتهم :bbbiu:

و طريج الردة بهالحر لما تصير الهدة و زحمة الطلعه من عند المدرسة

 

[بنات حواء2]

لووول ام زنوووب والله ذكريات كنا فلم خخخ يوم انا ادوام ويووم انتي خخخخخخخخ
يلا شدي حيلج تعالي عندنا ابي اسوي ورشه عمل خل نسويها مع بعض لا تروحين متوسط حرام

و الله يا ام عبود انا حاولت كثر ماقدر و دعيت من قلبي ان الله يحطني وياج انتي وضحى لانه جد جد احبكم و استانس وي بقعدتكم و علاقل اعرفكم احسن من قسم ما اعرفه
سلميلي عليهم كلهم وقولي لهم يدعولي اني انقبل عندكم
يارب يحطوني ثانويه
عاد تدرين انا قلت اذا ماحطوني ثانوي بسحب اوراقي و بكمل دراستي هذي نيتي
ههههههههههههههههه
اي و الله ايامنه حلوه الكليه ما تنسي :eh_s(15):
والله ودي اسوي ورش مو بس ورشه وحده وياج عاد ماشاء الله علينه احنه مخنه حلو و يطلع منه و تخيلي ثنتينه بورشه وحده هقوتي بنبدع

 

[بنات حواء2]

fri2010
شفيج ليش زعلانه ؟؟؟؟
عسى مازعلتج ؟؟



بطاطا تبين الصج
صج الدوام شقى و تعب
بس حلو علاقل تطلعين تشوفين الدنيا
و تبين الصج انا دايمن اعتبر الدنيا تجارب ك ما اطلع من باب البيت راح امر بتجربه مو شرط المرسه او الكليه حتى لو مكان عام
لانه اكيد بصير في هتجربه شي ولو بسيط يصقل شخصيتي و يعلمني شغلات
مثل السياره مره ورا مره بتعلمين عليها
مادري انا اشوف الدنيا بعيني جذي
حتى المدرسه بالعكس رغم التعب الا انها مكان للتنافس الحلو
و مكان لاثبات الذات
يعني الحين كل وحده فينه عندها افكارها و ابداعتها لاكنها بمخها ماتقدر تسويها على ارض الواقع
فيما عدا المدرسه تقدرين تسوين الي في بالج من افكار في حصتج و ممكن انتي تقيمين نفسج مو شرط ننتظر تقييم احد او كلمة شكر ممكن احنه نشكر نفسنه و نقيم نفسنه اذا شفنه انه شغلنه بيرفكت و حلو
هذا مادري شسمه بعلم النفس مره قريت عنه بس ناسيه المصطلح ماله
لاكن هو مثل تعزيز ذاتي للنفس و ممكن يكون سلبي و ممكن ايجابي
مثل لمن تسوين شي غلط و تضايقين او ما تتقنينه و يضيق خلقج
هذا الشي بديت اطبقه على نفسي اول مادخلت الكليه و الحمدلله الف الحمدلله هشي قام يزيد ثقتي بنفسي و اثر حتى على درجاتي و قمت اييب a في اغلب المواد و الف الحمدلله بفضل ربي علي قدرت اييب معدل حلو
ولاكن بعد ماتخرجت تحبطت لانه محد قدر هذا الجهد و لا حفلت تفوق و لا يحزنون ولمن رحت العماده اسئل حق الماستر قالولي راجعي من فتره لفتره و كل ما اروح يقولولي ريض التسجيل
والكل يقول لازم واسطه
ليش واسطه و انا عندي معدل انا واسطتي معدلي كافي و ما احتاج واسطه انا كفء من غير واسطه الي ييب واسطه هذا الي ماعنده معدل بس انا عندي
وي خريت الي في قلبي كله لج يا بطاطا

على فكره ترى نك نيمج ييوع و انا ضعفانه حرام عليج
يسسون منه اشكال و اصناف هلبطاط و كله يمتن

قلت ايوعكم اشوي علماشي
عشان كلنه نمتن وي بعض
ههههههههههههههههه>>>>>>>>> مجرمه حدي

 

[بطاطا]

ههههههههههههههه
بدعتي بصور البطاط و انا لو ما حبي للبطاط ما سميت روحي بطاطا ااااااااااااخ يالبطاط
و الله يسامحج صج الله يسامحج :>





كلامج كله عدل و الله
و انا بعد افكر جذي
و الله يسهل و يحقق لنا كل اللي نبيه ان شاء الله

و لا واسطة و لا بطيخ ما عليج من بنات هالعمادة استغفر الله اكره نفسي اذا رحت لهم مادري على شنو شايفين روحهم مالهم خلق و بيمشووونج

جيكي بالنت كل شي موجود و الماستر مافيه وسايط هالشي مستحيل



ما علينا ... كلامج عجبني عن تقدير الذات و هذا اهم شي لازم يكون عندنا هالشي

و احس كل ما اسولف اشتاق للدوام اكثر

 

[بنات حواء2]

اممممم
اي طبقي سالفت تقدير الذات على نفسج وشوفي من اول شهر ارح تفرق عليج المسائل و ادعيلي
بنسبه للعماده اي و الله تحبيط في تحبيط
امممم سالفت الماستر سالفه وقصته قصه و صدمه بصراحه
بييييييييه
لو اقولج بشيب شعرج خليها على الله
بنسبه للصور اي البطاط لذيذ بس قطعته و بسبتج كل يوم اشتاقله
خخخخخخخخخخخخخخخخخخخخخخخخخخخ
قلت امتنج وياي
عييل امتن بروحي
هههههههههههههههههه

 

[بطاطا]

ههههههههههههه
اي متني شنو الكويت كلها متان ههههههههههه عادي تضيعين
الحين الضعاف اهما اللي نخزهم :>

و الله يهديهم هالموظفات و الله كريم


و بنجرب سالفة تقدير الذات :>

 

[om3abod]

ام زنوووب حبيبتي احلى واسطه دشي عالمراقب وحني فوق راسه انا سويت جذي
قالووولي المدرسه فل ماكو فايده وحياتج قعدت احن فوق راسه عاد تعرفين حنتي انتي لووووول
مفروض اتعين بطليلطه بس الحنه خلته يحطني بالعدان
وبعدي تعينوا ابلتين يعني لا يقصون عليج ويقولونلج فل
يلا تعالي مدرستنا خل نيننهن خخخ

 

[fri2010]

زعلانه لان اهلي يقولون امبين عليج ما راح تحبين الوظيفه وتقعدين اتحسفين وتقولين ردوني الابتدائي وليش تبين تشترين وسايل وادوات مكتوب وخرايط والمدرسه موفره ليش تقطين فلوسج عليهم

 

[بطاطا]

بنات ابي افكار لتزيين دفتر التحضير من برا

ابي افكار واقعية مو صور من قوقل لانها حلوة حق دفاتر او اشياء ثانية

اما دفتر التحضير يبيله شي تكانه و رسمي شوي

عطونا افكار :>