تجمع للي تربي عيالها بروحها single mothers

[jawaa]

اي اي مسلسل الملكه بعد

 

[unapproachable]

شويه امل يكسر خاطري ريلها ... صج تحسين الطيب ماله نصيب

 

[جلكسيه اس 3]

اي من امه يكسر الخاطر بس الله عاقبها بموت ابوها و احسها اعرفت غلطهاا

 

[unapproachable]

حسافه عاد حلقه اليوم طافتني وادري الفير اعادتها بس مادري على اي قناه ومتى تبدي

 

[سارا ديور]

السلام عليكم ورحمه الله وبركاته

انا الحمدلله وبفظل ربي تطلقت من 2007

عندي بنت وولد

الحمدلله علي نعمة الاستقرار والراحه النفسيه والهدوء

ياخذهم كل خميس من الساعه 4- 10 بالليل

اول ياخذهم بيت اهله لكن لما شفت ان بنتي كل مره ترجع لي مطقوقه من عيالهم

هههههههههههههههه لعنت خير خيره كلش ولا عيالي

فتفقت معاه ان ياخذهم يطلعهم

فقام ياخذهم يطلع معاهم مره 360
مره الأفنيوز
مره المدذينه الترفيهيه

طبعا اهوا كل صيف يسافر مع امه لأنه اهوا المدلع المدلل

فا يفكني بالصيف استانس مع عيالي اسافر معاهم

انا ساكنه بشقه في بيت بنت خالتي بمنطقه قريبنه من اهلي وقريبه من مدرستي

ولا افكر أبدا ارجع له مع العلم ان مشكلتي ما كانت معاه مع النسره اللي ما تموت امه

ولا افكر اتزوج مره ثانيه حياتي هذي وااااااااااااااااااااااايد افظل اللهم لك الحمد عساني اقدر اربي عيالي هالمره اوهق روحي بريال ثاني قطيييييييييييعه

(( طبعا الفلوس النفقه ما تكفي لكن الحمد لله ))

لما سويت عمليات اللوز لعيالي ما دفع شي اهلي ادفعو فلوس المستشفى الخاص

اهوا اصلن ما كان يزورهم بالمستشفى يخاف يدبس بالفاتوره مع ان فلوسه وفلوس ابوه كثر التراب لكن البخل اعوذ بالله

فلوس التقويه لبنتي علشان احافظ علي مستواها علي انا اهوا حتي حفل التفوق ما يحضرها

فلوس جلسات التخاطب لولدي لما ماكان يتكلم هو انا اللي كنت ادفعها

كل ما تتوقعون انا اسويها اهوا حتي ماسجل ولده بمدرسه كل مسافر

لكن فوق كل هذا

أقول الحمدلله

إني تـــــــــــــــــــــــــــــــــــــــــــــــــــــــــــــــــــــــــــــــــــــطلقت

 

[jawaa]

حياة الله سارا حبي كلنا نقول الف حمد وشكر وعيالنا مالين علينا دنيتنا وكلن ياخذ نصيبه الله يخليلج عيالج ويبلغج فيهم *

 

[سارا ديور]

عن الحلال والحرام

كل ما يسافر اييب لهم صوايغ

ملابس من gap

وجناط للمدرسه

والعاب

واهم شي لما يجيبون اهدوم للعيد هههههههههههههه

ويقولون لبنتي عاد لبسي مو تخششونه

عاد الله والذوق

اسم الله علي بنتي ما البسها خلاقين

الحمدلله احرص دايما بنتي تلبس احلي النفانيف

سواء بالزوارات او بالعيد او بالقرقيعان ما انطر منهم شي

 

[سارا ديور]

حياة الله سارا حبي كلنا نقول الف حمد وشكر وعيالنا مالين علينا دنيتنا وكلن ياخذ نصيبه الله يخليلج عيالج ويبلغج فيهم *

الله يحييج

بس انا عندي نظره

المره اللي تزوجت ويابت عيال وتطلقت

لا تفكر في نفسها وتتزوج ترا ما يضيع غير اليهال

اما ان ترجع لزوجها ولا احمدي ربج وتفرغي لعيالج

لأن هالأيام محد يتحمل عياله هالمره يتحملون عيال الغير

يامه سوالف وسوالف اسمع واشوف

اللي طليقها ما يرضي عياله او بنته تتربي في بيت واحد غريب

او الريل يعامل عيال مرته معامله مو زينه

وتضطر الام تقل عيالها لأهلها وما تشوفهم الا من اسبوع لأسبوع

وتعالي شوفي لما تحمل وتييب عيال ثانين والله تتوهق

الاولاد أمانه حرام يتبهذلون

 

[جلكسيه اس 3]

سارو ديور اهو دفع لج نفقه بس ولا بعد عطاج متعه
يا معوده عالاقل انتي اخذتي حقوقج انا طليقي ظلمني و ماعطاني ولا شيء وانا مو محللته كلش
و اعرف بعد وحده من اهلنا توها مطلقها و طليقها مو راضي يدفع لها شيء حسبي الله عليهم من رياييل اعرفون الله باشياء و بالفلوس ينسون الله
يارب ان شاء الله زقوم ببطونهم
تخيلي انا الحين مسجله ولدي بحضانه و طبعا انا اللي بدفع لانه مبين قاعد يخش فلوسه بيتزوج
انا ودي ادخلهم على طول مدارس خاصه بس مادري اشلون شكلي ماراح اقدر لان اهوا مو ناوي يساعدني كلش مبين قاعد يخش فلوسه حق الزواج الثاني َحسبي الله عليه. و مادري كلامج عن الزواج احسه مو كله صح

يعني الوحده مردها تحتاج واحد يوقف معاها

انا عن نفسي مادري اذا ريال زين وابوي وافق بوافق بس مادري و اذا ما كان زين مع اعيالي و معاي لا والله بطلق لان انا مو متزوجه عشان اقعد مع واحد مو زين

 

[jawaa]

والله انا عن نفسي مو رافضه فكرة الزواج الحمدالله ادري مثل مافي الزين في الشين اكيد وانشالله الله يرزقني بولد الحلال اللي يسندني ويحب ولدي لعل الله اراد لي الافضل ولكم بس عاد هالمره بسال عن جد جدن جابه لووووووول بصير كونان

 

[جلكسيه اس 3]

هههههههه. لا يبه انا مالي. شغل لا بابوه. و لا باهله اهم شيء يكون االريال نفسه زين و اخلاق زينه

 

[jawaa]

هههه لا مو قصدي اهله قصدي راح اسأل عنه اهو وادقق واحطه بتجارب وامتحانات بلعن خيره لووووول

 

[جلكسيه اس 3]

اي زين اتسوين

 

[unapproachable]

حياج الله معانا ساره ديور والله يعينا احنا وياج على تربيه هالعيال ويرزقنا ولا يخلينا نحتاج احد يارب وعسى الله ينتقم من اللي ظلمنا بالدنيا والاخره ويرزقنا باللي احسن منه

صح كلامج المره لازم تفكر بعيالها اولا وبعدين بالريل .. اذا انتي متطلقه 2007 يعني اعتقد عيالج مو صغار يعني يعتمدون على نفسهم فمااشوف في مانع من الزواج اذا حصلج ابن حلال وترى مو كل الرياييل نفس اللي طلقونا في ناس تخاف الله ولكن الوحده لازم تكون حذره وتفكر عدل بشنو وضعها ووضع عيالها بعد الزواج

 

[ام هزاع]

صباحكم طمأنينه ياخواتي الغاليات

ونرحب باللي انضموا لنا ...

/

\


أصبحنا واصبح الملك لله رب العالمين ..

اللهم ما اصبح بي من نعمة او بأحد من خلقك فمنك وحدك لا شريك لك فلك الحمد ولك الشكر

 

[سارا ديور]

حياج الله معانا ساره ديور والله يعينا احنا وياج على تربيه هالعيال ويرزقنا ولا يخلينا نحتاج احد يارب وعسى الله ينتقم من اللي ظلمنا بالدنيا والاخره ويرزقنا باللي احسن منه

صح كلامج المره لازم تفكر بعيالها اولا وبعدين بالريل .. اذا انتي متطلقه 2007 يعني اعتقد عيالج مو صغار يعني يعتمدون على نفسهم فمااشوف في مانع من الزواج اذا حصلج ابن حلال وترى مو كل الرياييل نفس اللي طلقونا في ناس تخاف الله ولكن الوحده لازم تكون حذره وتفكر عدل بشنو وضعها ووضع عيالها بعد الزواج

انا بنتي الحين عمرها 8 سنوات ونص

وولدي 6 سنوات ونص

ولدي فيه تأخر بالنطق ويراجع في الطب التطوري وعنده شهادة اعاقه لأن ليما الحين

لو بتسألينه وين رحت مثلا .. ما يعرف يقول لج شي

هذا لحاله يبيله عنايه خاصه

ومدام 8 سنوات و6 سنوات هذول يعتبرون أطفال ومحتاجين رعايه

والله احنا الوحده فينا اشكبرها وليما الحين تحتاج لرعايه واهتمام فما بالج اليهال

لما كنانو عيالي يمرضون والله علي الساعه 3 الفجر انا بالمستشفي اقعد براحتي

لا اشيل هم واحد ينطرني ولا في ريال بيرضى تطلعين هالوقت وعلي عيال مو عياله

انا الحمدلله كلش ملش ما افكر اتزوج ولا ارجع لأبوهم

عيالي ثم عيالي ثم عيالي

الله يخليهم لي ويخليني لهم

 

[سارا ديور]

سارو ديور اهو دفع لج نفقه بس ولا بعد عطاج متعه
يا معوده عالاقل انتي اخذتي حقوقج انا طليقي ظلمني و ماعطاني ولا شيء وانا مو محللته كلش
و اعرف بعد وحده من اهلنا توها مطلقها و طليقها مو راضي يدفع لها شيء حسبي الله عليهم من رياييل اعرفون الله باشياء و بالفلوس ينسون الله
يارب ان شاء الله زقوم ببطونهم
تخيلي انا الحين مسجله ولدي بحضانه و طبعا انا اللي بدفع لانه مبين قاعد يخش فلوسه بيتزوج
انا ودي ادخلهم على طول مدارس خاصه بس مادري اشلون شكلي ماراح اقدر لان اهوا مو ناوي يساعدني كلش مبين قاعد يخش فلوسه حق الزواج الثاني َحسبي الله عليه. و مادري كلامج عن الزواج احسه مو كله صح

يعني الوحده مردها تحتاج واحد يوقف معاها

انا عن نفسي مادري اذا ريال زين وابوي وافق بوافق بس مادري و اذا ما كان زين مع اعيالي و معاي لا والله بطلق لان انا مو متزوجه عشان اقعد مع واحد مو زين

هلا حبيبتي

انت عبالج دفع طيب منه

غصبن عنه دفع .. والعده والمتعه ليما الحين ما رفعت قضيه

لأن لما طلقني كان طلاق رجعي

فلما ماردني لازم اغير منطوق الحكم يعني لازم ارفع قضيه علي القاضي انه يغير منطوق الحكم

من رجعي إلي بائن عقب ارفع عليه عده ومتعه

والمضحك في الموضوع

ان طليقي من اللي (( قال الله وقال الرسول )) والقرآن ما ينزل من إيده يعني الظاهر يوصل عند

سورة الطلاق ويوقف ما يبي يقرأ

الله لا يحلله

 

[ام هزاع]

ساره ديور

الله يشافيلج وليدج ... ويمكن لانه صغير صارت عنده هالمشكله بس لما يكبر شوي راح يتعدل النطق عنده باذن الله لا تحاتين


انا معاج ان الزواج الثاني راح يكون قرار صعب لانه اللي شفناه خلانا نخاف مليون مره وخصوصا ان برقبتنا اطفال مالهم ذنب وابهاتهم مايدرون عنهم انصير احنا بعد عليهم ونتركهم للمجهور لعيون زوج .. صعبه فعلا


وماقول الا عسى ربي يعوضج بعيالج وتشوفينهم صالحين فالحين وللقران حافظين وبارين فيج يارب

 

[غلا فاضل]

السلام عليكم بنات ومبارك عليكم باجي الشهر والله خوش تجمع وخوش فكره جراكم الله خير وانا وحده منكم وزين لقيت احد يشد من ازري ويخفف علي بهالتجمع

عيالي 3 اسم الله عليهم ومطلعين الشيب براسي خاصه اني عايشه مع اهلي واي غلطه من عيالي العين علي محسوبين غصب عليهم حسبي الله ونعم الوكيل على اللي خله عيالي جذي وماعزهم ورزهم في بيت ابوهم من غير لايتسلط عليهم احد بس الله كريم

انا والله مادري لويصير فيني شي شنو حال عيالي خاصة ان عيالي متعلقين فيني حيل تكرمون مادش اتسبح الا ويدشون علي ماكو فكه الله لايحرمني منهم بس مادري شنو مستقبلهم احاتيه حيل
والحمدلله دوم الامل بالله موجود ..................... ومشكورين

 

[جلكسيه اس 3]

سارا ديور حسبي اله عليهم مادري اشفيهم يانين اعرفون الله على مزاجهم واذا شي في فلوس قالو لا
غلا فاضل والله مادري شقولج بس ليش ماتطلعين و تقعدين بشقه بروحج دامهم مو زينين معاج طلعي واشتري راحتج والله يعينج انا الحمدلله مرتاحه فبيت ابوي بس لللي مضايقني ازعاج و صيحة اليهال