لو ترجع السنين كل وحدة تقول الصج

[princess.78]

أيه آخذه بس اتمنى ارجع 7 او 8 شهور قبل الخطوبه كان اغير اشياء واجد

ياليت يرجع الزمن : (

 

[بقــآيآ جـروح]

آخذه مآآآخذه
آخذه
مآآآخذه ههههههههههههههههه << طموووشه

 

[%دانة%]

اللي قالت اي بتاخذة لو رجع الزمن اللة يتمم عليكم يااااارب وتتهنون
وعقبالي اناوخواتي وبنات المسلمين

 

[ام شيخون]

لو ترجع السنين كان اخذته الله يخليه امين

 

[هيبة ملك]

والنعم فيه إي والله ماخذه

 

[الضــبي]

اي اخذه
والله يتمم علينا اللي احنا فيه
لان الناس مو مخليتنه

 

[كوكي العسل]

قلبي يعورني اذا اقول لا بس بقول اي اخذه بس بشروووط

الحمدلله على كل حال

 

[UNICORNA]

فديته نظرعينى :eh_s(22):

اى اخذه وما اخذ غيره فديته ربى يطول بعمره ويحفظه

كفو ورجال بمعنى الكلمه

الله يوفقه بكل خطوه يارب :yaaaaaarb:

 

[**وقفة فرس**]

أتمنى تتقبلون رايي بصدر رحب:
اللي تبي الزمن يرجع وتاخذ زوجها مرة ثانية أقولها الله يوفقج ويسخره لج ويزيدج سعادة وراحة بال وقلب معاه وهذي المرة السنعة الذهبة اللي تستاهل من يأتمنها على نفسه وبيته وحلاله...
أما اللي ماتبيه وللحين على ذمته وشايلة إسمه وعايشة بخيره وتنام جنبه وتواسده وتروح وتجي معاه وتشاركه لقمته وتضحك بوجهه وهي من داخل كارهته وماتبيه أقولها عييييييييب عليج والله عيب الرجال أبسط حقوقه الإحترام في حضوره وفي غيابه شلون يطاوعج قلبج تقولين ما أبيه شلون أصابعج تطيعج تكتبين هالكلمة ويمكن لودخل عليج وإنت تكتبينها تبتسمين إبتسامة صفرا تخفي وراها كره له!!!!!!! شحادج؟ مهما كانت الظروف على الأقل إحترميه و إستجمعي شجاعتج ولا تكونين جبانه وقوليله بوجهه ما أبيك ولو يرد فيني الزمن مااااا آخذك...
بس كل وحدة ومعدنها وتربيتها...صار النفاق حتى بين الزوجين شهالزمن الأغبر؟
أتمنى محد يزعل ترى ماقلت شي...قلت راي ووجهة نظر فقط لاغير...
وآنا لويرد فيني الزمن راح آآآآآخذه وإن صار أي ظرف أحس إني كرهته خلاص أقولها أشكره..وربي لا يجيب هاليوم...والله يسعد الجميع ويوفقهم ويهديهم يارب

 

[انصاريه قمره]

اااه لو ارجع بعمري كم سنه كان اصير انسان ثاني مو انا

 

[انصاريه قمره]

وقفه فرس

واللي تقولهااا وزوجهااا غلطان بحقهاااا ومو معطيهاا حقوقهااا ومو فارض احترامهااا ولا مسويلهاا قيمه ويدري انه غلطان بس ما بيتركهاا شتسوي تنتحر مثلاااا ترى وايد بنات اختربت حياتهم وانهدمت احلامهم بعد الزواج خصوصا لي كانت متزوجه عن حب وعشمهاا بأشياء ويوم اخذهاا بدل جلده

 

[UNICORNA]

8


8


8


وقفه فرس

:ggdw::ggdw::ggdw::ggdw::ggdw:

 

[أإلع ـشق دلع ـهـأإ]

.


















والله ليلحين مآتزوج خخخخخخخخ

بعد شهر ونص أقولكم خخخخخخخخ

الله يوفق الجميع ..



















.

 

[بعدك تعبني]

انا لو ارجع بس من عمري سنتين مابي شي لنة حبيت واحد مايستاهل ماكنت احبة كنت معجبة فية بس وقالي احبج وابيج ويوم حبيتة وعشقتة تركني حسبي الله علية

 

[دلع الشرقية]

زوجي فيه الزين والشين بس شينه يغلب
اتوقع ارفض

 

[غمزة خجل]

اوااافق

بس لوترجع السنين عشان امسح كل شي من قلبي واعيش احلى ايامي معاه

الله يخلينا لبعض

 

[حنين السعودية]

أتمنى تتقبلون رايي بصدر رحب:
اللي تبي الزمن يرجع وتاخذ زوجها مرة ثانية أقولها الله يوفقج ويسخره لج ويزيدج سعادة وراحة بال وقلب معاه وهذي المرة السنعة الذهبة اللي تستاهل من يأتمنها على نفسه وبيته وحلاله...
أما اللي ماتبيه وللحين على ذمته وشايلة إسمه وعايشة بخيره وتنام جنبه وتواسده وتروح وتجي معاه وتشاركه لقمته وتضحك بوجهه وهي من داخل كارهته وماتبيه أقولها عييييييييب عليج والله عيب الرجال أبسط حقوقه الإحترام في حضوره وفي غيابه شلون يطاوعج قلبج تقولين ما أبيه شلون أصابعج تطيعج تكتبين هالكلمة ويمكن لودخل عليج وإنت تكتبينها تبتسمين إبتسامة صفرا تخفي وراها كره له!!!!!!! شحادج؟ مهما كانت الظروف على الأقل إحترميه و إستجمعي شجاعتج ولا تكونين جبانه وقوليله بوجهه ما أبيك ولو يرد فيني الزمن مااااا آخذك...
بس كل وحدة ومعدنها وتربيتها...صار النفاق حتى بين الزوجين شهالزمن الأغبر؟
أتمنى محد يزعل ترى ماقلت شي...قلت راي ووجهة نظر فقط لاغير...
وآنا لويرد فيني الزمن راح آآآآآخذه وإن صار أي ظرف أحس إني كرهته خلاص أقولها أشكره..وربي لا يجيب هاليوم...والله يسعد الجميع ويوفقهم ويهديهم يارب

كلام سليم .. حكيم :eh_s(15):
الله يسخر لج زوجج يااارب

 

[**وقفة فرس**]

^
^
الله يسخرلج من تحبين ويحبب فيج عباده يارب مشكورة على دعوتج الحلوة

 

[**وقفة فرس**]

وقفه فرس

واللي تقولهااا وزوجهااا غلطان بحقهاااا ومو معطيهاا حقوقهااا ومو فارض احترامهااا ولا مسويلهاا قيمه ويدري انه غلطان بس ما بيتركهاا شتسوي تنتحر مثلاااا ترى وايد بنات اختربت حياتهم وانهدمت احلامهم بعد الزواج خصوصا لي كانت متزوجه عن حب وعشمهاا بأشياء ويوم اخذهاا بدل جلده

قمر..لا ياقلبي ماتنتحر..والحقوق ما تنوخذ بهالطريقة!!زين قالت ما آخذه وقللت من قدره وقيمته شنو إستفادت؟خذت حقها منه؟
ياحياتي الإنسان اهو اللي يفرض إحترامه ويصنع شخصية وقيمه لنفسه لا ينتظر أحد يسويها له...والحقوق بين الزوجين أولها وأخرها الإحترام حتى قبل الحب والرجال اللي ما يحترم مرته البعد عنه غنيمة وحفظ للكرامة وعزة النفس لأن هالنوعية لا اترجين من وراها خير..المفروض الوحدة اللي تبي الإحترام والقيمة ما تقعد عند إنسان تشاركه كللللل شي بحياته وهي من داخل موبالعته وكارهته وماتبيه وعايشة معاه بنفاق ومجاملة بحجة عيال أو ظروف أو غيره بالله عليج أي إحترام وقيمه اللي تنشدها مثل هالزوجة؟ والرجال يحس إذا المرة تحبه وتبيه ولا لأ..لي متى بتم تجذب وتنافق؟حبل الجذب قصير وبيجي يوم وتنفجر واطلع كل اللي بقلبها..فتختصر الطريج وتنسحب من البداية أحسن إحتراما لذاتها على الأقل...وإذا رافض يتركها ترى ما انحطت السلاطين إلا للشياطين ومافيه رجال يرضى على نفسه يعيش مع إنسانه ماتبيه..
وإذا على الأحلام اللي نبنيها بخيالنا وننصدم بواقعنا هذا أسميه نصيب ورزق ما يجيبه الزوج يجيبه رب العالمين..وربج إذا حبج بيحبب فيج خلقه وأولهم زوجج ويسخره لج..الحياة ماتنتهي إذا ما تحققت بعض أحلامنا أو انصدمنا في بعض البشر ترى حتى الإخوان يتغيرون على بعض والعيال على والديهم فما بالج بالزوج؟ لكن إذا تغير هني يجي دور الزوجة وقرارها إنها تستمر أو تنسحب من حياته؟؟ موتقعد فبيته وتنام يمه وهي ماتبيه وتحش فيه من ورى ظهره عيييييييييييييييب

 

[حقـوق]

راح اقول باخذه وياما قلت ليت الزمن يرد ورى ولا اخذه
بس دام ربي قسمه لي اكيد قاسملي الخيره وباخذه

سؤال

تحسون بالي احس
ابيه وما ابي شخصيته واطباعه شلون هذي !!

انا نفسج .. ومرات اقول انا ماعرفت اتعامل معاه :eh_s(4):