٪٪ تجمع للي ناوين يولدون بمستشفى منصور العرف ٪٪

[ملوكـه]

رد: قرووووب مراجعات مستشفى العرف """" امراض نساء وحوامل!!!!

ماريا الزينه ام شعر احمر

بس بسالج وقت الفحص يحطولج كمام قبل يصعدونج الولاده ؟

هذه طويله وشعرها اسود قصير ..
مكتبها بجنب مكتب الدكتور مدحــت

بس الولاده والله ماجربتها عندهم ..

سألت دكتورتي
ودي اخذ ابره ظهر مانصحتني فيها
اتقول فيه كمام وابره مسكن ..

وبعد قلت لها انه من
اولد ماابي احس بالخياطه والتنظيفات < فيني عقده
اتقووووول
هذا اكيد لازم يعطي ابره انتا فيه نوم على طول << كلامها جذي
لوووووول

ويارب تسهل علي ولادتي ..
دعواااااااااتكم

 

[مشغوله و محتاسه]

رد: قرووووب مراجعات مستشفى العرف """" امراض نساء وحوامل!!!!

ملح الدنيا ... كثرة الكمام موووو زينه تؤثر على الذاكره
و وقت الفحص ما يعطون كمام .. و اذا لقيتي مستشفى يعطي كمام وقت الفحص .... تأكدي انه مادي و همه الفلوووس بس
ما يهمه صحة المريضة


وقت الفحص اشغلي بالج بالاستغفار و الدعاء و لحظات و تعدي باذن الله




د. تسفيتانا
فعلا حبوبه و تعطي المريضه حقها و تترك مجال للرد على اي سؤال و تاخذ و تعطي


في وحده ولدت عندها ؟؟

 

[cheese cake]

رد: قرووووب مراجعات مستشفى العرف """" امراض نساء وحوامل!!!!

انا ولدت عند دكتورة تسفيتانا الحمدالله كل شي اوكي
والسهالات من رب العالمين

 

[وتين قلبـي]

رد: قرووووب مراجعات مستشفى العرف """" امراض نساء وحوامل!!!!

مسا الخير ياحلوات
انا دخلت شهري اخر موعد لي 1-9
تخيلو دكتورري بيسافر بعد اسبوع يقول اذا ما ولدتي دوري غيرري تخيلو توهقت
افكر اذا سافر وجتني ولاده اروح الطوارئ العرف واطلب دكتوره مااارينا

ها شرااايكم اعتمد عليها حلوووه

 

[مشغوله و محتاسه]

رد: قرووووب مراجعات مستشفى العرف """" امراض نساء وحوامل!!!!

انا ولدت عند دكتورة تسفيتانا الحمدالله كل شي اوكي
والسهالات من رب العالمين

حمدلله عالسلامة


شكرا عالرد

و الله يسهل على كل حامل


جم كلفتج الولادة ؟؟

 

[وتين قلبـي]

رد: قرووووب مراجعات مستشفى العرف """" امراض نساء وحوامل!!!!

اب اب


يارب تسهلها عليناااااا

 

[يا كويتنا]

رد: قرووووب مراجعات مستشفى العرف """" امراض نساء وحوامل!!!!

هاي بنات انا وياكم اراجع بالعرف


اللي جربتهم



مدحت

زين ويعطيج ووقت وما يستعجل ويسويلج توسيعات اذا زهقتي بالتاسع


ووقت الولاده ما اتشوفينه الا لمن يفتح الرحم ثمانيه سانتي



وبعد جربت نجاة كرزون. ملقوفه ومستعجله واتبط الماي بسرعه مال الجاهل


انا اخر حمال ولدت عندها قبل سنتين اطلعت اعيوني من الطلق الصناعي والكمام




الحين اراجع عن مدحت بس الزحمه مووووووو. طبيعيه

فحولت علا دكتور خالد دياب لاني بالسابع وصايره ما اتحمل القعده


فلمن اخلص الثامن برد لمدحت



وسلامتكم

 

[ملوكـه]

رد: قرووووب مراجعات مستشفى العرف """" امراض نساء وحوامل!!!!

طيب
اللي جربو الولاده عندهم
شرايكم بكماااااامهم ........ ؟؟
ويعطونكم ابره بالعضل يقولون احسن مفعول من الكمااااام ..

 

[يا كويتنا]

رد: قرووووب مراجعات مستشفى العرف """" امراض نساء وحوامل!!!!

كمامهم قوي


يعني تضيعين نص ساعه واتردين واذا ما تبين قوي قوليلهم يخففونه


انا لمن يزيد الطلق اقولهم زيدوه فيزونه وما احس بشي




وفي ابره بالعضل اذا تبينها عادي وفي يعطونج بالدرب بعد



وسلامتج

 

[cheese cake]

رد: قرووووب مراجعات مستشفى العرف """" امراض نساء وحوامل!!!!

حمدلله عالسلامة


شكرا عالرد

و الله يسهل على كل حامل


جم كلفتج الولادة ؟؟

العفو اختي
كلفتني551دينار

 

[مشغوله و محتاسه]

رد: قرووووب مراجعات مستشفى العرف """" امراض نساء وحوامل!!!!

شكراا على الرد اختي cheese cake



الله يسهل على كل والده

 

[وتين قلبـي]

رد: قرووووب مراجعات مستشفى العرف """" امراض نساء وحوامل!!!!

يااااارب تسهلها علينا وتهوووون الطلق ونولد بسلاااام وبصحه وعااافيه
ويحفظ بيبيااتنا وتقر عيوونا بشووفتهم بكامل صحتهم وعااافيتهم



قوووولووووو


امييييييييييين

 

[مشغوله و محتاسه]

رد: قرووووب مراجعات مستشفى العرف """" امراض نساء وحوامل!!!!

آآمين الله يسهل على كل حامل

 

[ملح الدنيا فيني]

رد: قرووووب مراجعات مستشفى العرف """" امراض نساء وحوامل!!!!

قصة ولادتى


قبل العمليه بيوم رحت قابلت د التخدير وناقشته بحالتى وقال احسن لك ابرة الظهر قلت اوكى توكل على الله وسويت دخولى س 12 بالييل وس 9 عمليتى الصبح اخترت الغرفه ونزل ريلى اغراضى يا سلم على وانا بكى ولا كلمه قال كثري استغفار وتهلييل وسبحى واكلى قبل تنامين وطلع راح البيت يصلى القيام

قمت شربت حليب وكليت 5 تمرات وانا بكى بكى وصليت القيام بعدها اخدت شور وكنت طارده الممرضات يا ويلها الا تدش عندى س 5 صبح سوا اجراءات العمليه

وقعدت بروحى رتبت داري وحطيت شغل الاستقبال كله وانا بكى وادعى اشوف ولدى حبيبي
سالم

خلصت وانسدحت بس مستحيل انا م يت الساعه 5 وحطولى حقنه شرجيه وبعدها درب وعالساعه 9 و10 دقايق نزلونى العمليات وانا حدى خايفه
دشيت العمليات الا فوق 30 نفر نفر يمه مت خرعه والكل يقول ملح وملح وانا اقول يا حسرت ملوحه عسى فرقاكم عيد

حطونى على السرير ويالى 4 اطبه للتخدير وقزنى د انجليزى ابره الظهر وتخدرت ود تهدينى وانا اقولها خاااااااااااااااااااااايفه وبس معلقه على هالكلمه

وهى تدعيلى وتطمنينى فديتها وفديت اسلوبها العسل

وتقولى بتعيدين معاه وتدعى دعوات وحده احلى من الثانيه وانا ودى اقولهم طلعوا بره بس ابى اطبيبيتى وبس خانسه وساكته وخايفه
حطولى القسطره وحطولى اكسجين وستاره وبلشت الطبيبيه وانا اقولها خايقه
قالت تبين تشوفينه قلت لا خايفه وقعدوا يضحكون على وحسيت بضغط بطنى وجنه بالون انفشت ودريت انه طلع لانى لمحته بس طبيبيه ساكته لانه ما بجى وفجاه بجى وانا فينى بجيه بس كتمتها خايفه من الضغط وانا اخسبقهم لاننى اعرف نفسي ان بجيت مستحيل اسكت
والكل يقولى سامعه

اقول انا خاااااااااااااااااااااااايفه ويضحكووووووووووووووووووووووون

وانا ارجف جنى سعفه واحس جنى بغرفه الاعدام والله لو طبيبيتى ما تهدينى جان زر عقلى

قالت طبيبتى يبوه خل ملوحه تشوف ولدها وشفته وانا متخرعه واقول بقلبي انا مو مصدقه انه هدا لى انا مو مصدقه انه اخيرا صرت ام
وصار لى بيبي واتحمد ربي انه استجاب دعائى قالت الطبيبيه بوسيه وقال طبيب التخدير لمسيه وبسته ولمسته يااااااااااااااااااااااااااااااااااااااااااااااااا اااااااااى وينك عنى سنين وانا انطرك راحت فلوسي وحفيت ما بقى طبيب داخل الكويت وخارجها ما فحصنى صرت فرجه وكنت اقول بنفسي يااااااااااااااااااارب استرنى وعطنى من عندك وبرحمتك ولا تكلنى لجهدى وان كنت حارمنى لدنب فانى اعلنها توبه نصوح لك وادعى

ودعيت لكم ولكل محرومه ان الله يبلغها ضناها

وقعدت انفض جان يحطون لى واير بحلجى الظاهر هبوط مدري شنو بس كانوا وايد دقيقين وممتازين 4 دكاتره عند راسي

وطبيبتى روووووووووووووووووووووووووووعه الله يخليلها عيالها ويبلغها فيهم ويا حلو
دعواتها واسلوبها

خلصونى وما بقى احد ما بارك لى وحسيت شوى ارتحت واسمع الطبيبه تقول اى اهى عانت وايد للحصول الحمل وصج ثابرت لو غيرها كان ياست بس الله عطاها على نيتها

وطلعونى من العمليات لداري

واتصلت على ريلى الا جهازه يدق يمى ويدخل فجاه على واااااااااااااااااااااااااااااااااى لما شفته
ياء باسنى وحضنته وانا متيبسه على ظهري وفينى البنج للحين

وقالى مبروك حبيبتى وانت طيبه وولدك طيب الحين يبونه

وقعد يحوس بالدار يقولى ملوحه متى سويتى كل هدا حركاااااااااااااااااااااااااااااااااااات
ما تخلين سوالفك كله اكشن
ومتعجب من حركات الاستقبال وقام صلى شكر لله
ويابوا دودتنا فديته نتوفه

ياااااااااااااااااااااااااااااااااااااااى بنات ما تخيلون فرحته والله نسيت كل التعب اللى تعبته سنين على شوفته
ابوووووووووووه كان طاير من الفرحه وليومكم مو مصدق والله ما الومه وايد عانينا يارب يرزق كل محرومه



بعدها لمدة 4 ايام ما بقى احد بالكويت ما يالى انترست غرفتى ورد وكاكاو لدرجه لما طلعنا اقول لخوى فك محل كاكاو عليك بالعافيه كل هدا قال والله مشروع مربح

وطبعا اهلى طايرين من الفرحه وامى حبيبتى مجابله البيبي 24 سااااااااااااااااااااعه

والحمد لله الدى بنعمته تتم الصالحات

صج انى تعبانه من الجرح وظهري يعورنى وحليب الصدر وحووووووووووووووووسه بس اتحمد ربي انه وصلنى لهدى المرحله


ونفاسي ماشى وخدامتى تطبخ لى وامى تقول لا انا بطبخ قلت لا كافى عليك البيبي
واهلى يقعدونى ويقومونى لانه الجرح يعووووووووووور حيل

وعطونى ادويه وايد ريحتنى كل 8 ساعات


ووايد تفاصيل وفوايد كل ارتفع وارتاح راح احطها لكم بالصور

ادعولى

نتوفتى ما يكون وحيد وكل سنه اكرر هالتجربه المثيره

احس والله مو مصدقه من الفرحه انه هالبيبي لى انا :krkrkr::krkrkr:

المستشفى رووووووووووووووووعه وعنايتهم فوق اللممتازه

والدكتوووووووووره منتهى السالم


مو تجنن الا عسل على عسل فديتها

ربى لك الحمد

 

[ورد و ريحان]

رد: قرووووب مراجعات مستشفى العرف """" امراض نساء وحوامل!!!!

الحمدالله عسلامتج ملوحه ومبروك عليج البيبي
انا الحين دشيت الثامن ولي اسبوعين بعد
ومراجعاتي كلها بالعرف
اول ما بديت كانت عند عزه المصريه مدري احسها ماتعرف شي
بعدين حولت لتسيفيلاتا لانها هي ومارينا ومنتهى بس
اللي يولدون عمليات ومنتهى ماتداوم الا الصبح
وانا ما اقدر الصبح ومارينا حدها زحمه
بس تسيفيلاتا روووووووعه بكل معنى الكلمه
والله يابنات ارتاح نفسيا لما اشوفها
قررت لي عمليتي٢٧/٩
بس للاسف قعد يرتفع عندي الزلال الله يستر لايولدوني بالثامن

 

[ملح الدنيا فيني]

رد: قرووووب مراجعات مستشفى العرف """" امراض نساء وحوامل!!!!

تسيفيلاتا

صج تجنن هالطبيبه رفيجتى والده عندها 3 قيصريات

طيب ليش روحى لمنتهى الصبح اهى قيصريه عادى


والله يبارك فيك ويسلمك

مستشفى العرف رووووووووووووووووووووووووووووووعه

بس صج زادوا الاسعار بالولاده والمراجعات قبل كانو ارخص

 

[مظلومه ياناس]

رد: قرووووب مراجعات مستشفى العرف """" امراض نساء وحوامل!!!!

وااااااي ملووحه دمعت عيني وماقدرت اقرا باقي الكلام عساه الف مبروك وعسى الله يحفظه ويجعله من الذريه الصالحه ياااارب ،،،، ذكرتيني بولدي طولت على ماحملت فيه ويوم شفته ماصدقت انه لي وملكي
كم كلفتج العمليه وكم ليله قعدتي ؟
الف الحمدلله على سلامتج وسلامة وليدج

 

[ملح الدنيا فيني]

رد: قرووووب مراجعات مستشفى العرف """" امراض نساء وحوامل!!!!





مخالف لعدم الاستئذان من صاحبة القصه

نفسهااااا

 

[ملح الدنيا فيني]

رد: قرووووب مراجعات مستشفى العرف """" امراض نساء وحوامل!!!!

وااااااي ملووحه دمعت عيني وماقدرت اقرا باقي الكلام عساه الف مبروك وعسى الله يحفظه ويجعله من الذريه الصالحه ياااارب ،،،، ذكرتيني بولدي طولت على ماحملت فيه ويوم شفته ماصدقت انه لي وملكي
كم كلفتج العمليه وكم ليله قعدتي ؟
الف الحمدلله على سلامتج وسلامة وليدج

هلا يا قلبي الله يسلمك ويبارك فيك حياتى

كلفتنى القيصريه 800 وقعدت 4 ايام

الحمد لله الحمد لله الحمد لله

والمستشفى روووووووووووووووعه والدكتوره اروع

وكل شى توفقت فيه وهذا نعمه عظيمه من ربي اولا واخيرا


انت تراجعين عندهم ؟ وعند منو ؟

 

[يا كويتنا]

رد: قرووووب مراجعات مستشفى العرف """" امراض نساء وحوامل!!!!

بنات ابليز


منو اولدت طبيعي عند تستفانيا


انا ناويه اولد عندها