استضافة الدكتور نائل الهزيم .. تخصص جراحة الوجه والفكين والاسنان

[3la-q8']

السلاااام عليكم

انا مركبة تقويم للاسنان العلوية عادي اسوي تنظيف للاسنان ولا مايصير

 

[آسطورة زمآنهآ]

آلسلآم عليكم

شكرآ لك آختي بنت آلكويت

وشكرآ لك آخي آلدكتور نآئل آنك عطيتنآ من وقتك آلثمين

حآبه آسآلك عن صفآر آلآسنآن مشكله آعآني منهآ وهذي مشكله مزعجه

جدآ كيف آعآلجهآ ؟؟

هل علآجهآ صعب آو مؤلم ؟؟

طيب بآنسبه للفرآغآت مشكله آكبر وآكبر بصرآحه مدري وش

آسوي مع هآلمشكله مضآيقتني آنآ عمري 12

وبعدين فيه آلم عند وضع آلـــ تقويم لو بحطه ؟؟

آلتآكل آلحمظي شو علآجه ؟؟

آسسفه ع آلآطآله

..~||

 

[طمطومه الحمرا]

السلام عليكم ورحمه الله وبركااته
اول شي يعطيكم الف عاافيه

دكتور انا اسناني مووايد اطوال بس في اثنين اطوال الي من الجدام
فيهم اشوية طوول زياادة وشكله موحلو لماا رحت الدكتور قلت ابي ابردهم يعني
اقصرهم اشوي مارضى يقولي لانه اذا سويتهم شكلج بيصير كبير جنج مراه
يعني شكلي بيصير اكبر من عمري وانا الحين عمري 18
ويقولي جذي احسن يبينون شكلج بنية صغيرة وبعدين اذا سويتهم بيتاذون ضروسي
من حمضيات ويصير فيهم حساسية
شنو قولتك دكتور عرسي قرب حييل وابي اعدلهم مااعرف شسوي
ويعطيييك الف عاافيه والله يوفقك

 

[طمطومه الحمرا]

اي وقالي لثتج من فوق هو الي يبين شكله جذي
قال لانج حااكه اللثه بالفرشااه حييل بس انا ماافرجهم حييل وهم من
زماان جذي قال اذا تبين اعدل لثتج بس انا خفت واسناني صج اطوال صاكين على التحت بعد

وقال الحين موضه الاسنان الطويله صج

ويعطيييييك الف عاااافيه

 

[غـلآوي ّ ~]

شششـكرآآآآ بـنت الكويت

يعطيك العـافيه دكتور نآئـل

عنـدي استفـسار

تـأيـد الـتقويم الشـفاف ؟ لـه اضـرار

 

[لبى عيؤنكـ]

انا للي كتبت الموضوع بصفحه الاولى
اكو جم سوال بساله
1 اكو زراعه لثه رحنا لعيادهـ ميدان قالت دكتورة لازم نحط لها عظم حيوان ونبني عليها باجي لثه
دكتور الاشاعات والتقارير موجوده اذا عارف اتسوي العملييه لأأن نص لثتها موجوده كلش
ولا اخر ثلاث ضرورس هم موجوودات بليز دكتورر اهي بعد محتاجه بعد زراعه لثه اسنان بعد وعيادتك وينها واحنى نقدر انيي عندك بس للي بعرفه اكو حـــــل لمشكلتها الصفحه الاولى ذكرت لك انها كان وياها سرطان سوت فوق ا23 عملييه او اقل
وعسى ربي يوفقك ومشكـــــــــــورهـ بنــت الكوويـت

 

[al39laa]

السلام عليكم ...

مشكوووره اختي بنت الكويت عالاستضافه


دكتور انا فكي شهرين كنت احسه يتحرك من مكانه ويرد يطق امي تقولي هالحاله عاديه بس لي يومك فكي يعورني اذا كليت صمونه كبيره

هل احتاج حق جراحه ولا حالتي عاديه ؟؟

ويعطيك العافيه دكتور ..

 

[الدرة الغالية]

السلام عليكم ورحمة الله وبركاته

دكتور عندي سؤال عن الفك..

انا عندي مشكلة بالفك صار لي تقريبا اكثر من 3 سنوات..والفك عندي مفصول عن بعضه..

ويتعبني حيييل لما آكل او اتكلم..ومرات اسمع صوت العظمة تطرقع..

حتى اني مااقدر افتح حلجي وايد..حتى في زياراتي لدكتور الاسنان مااقدر افتح الفم فترة على طول اتعب واطلب من الدكتور يريحني..

ورحت عند دكتور جراحة الفك..وقالي هذا من نفسيتج....ويقولي اذا النفسية ارتاحت هالشي بيتغير..اشلون تفرقون ان هالمشكلة من النفسية او غير ذلك؟

يعني العظمة بترد مثل ماكانت قبل؟ علما اني سمعت بعد ان هالمشكلة مالها علاج..صحيح هالكلام؟

- شنو سبب مشكلة الفك لما تنفصل العظمة ويسبب صوت ..يعني لما افتح فمي العظمة تنفصل عن بعضها..وتسبب لي الالام.. حتى لما آكل او اتكلم ..

ابي اعالج هالمشكلة لإنها مسببة لي الم في الاذن بعد ودكتور الاذن قالي ان هالمشكلة من الفك ولازم تعالجينها..والالامها تكون قوية..ماابي استخدم مسكنات ابي هالشي يتعالج للأبد..اشلون؟

 

[still there]

السلام عليكم
مبارك عليكم الشهر الكريم و شكرا لاستضافة الدكتور نائل الهزيم
و حابة استفسر من الدكتور عن حالتين عندى ,,

اولا اخوى عنده الاسنان الامامية بالفك العلوى متقدمة و متفرقة شوية , و الفك السفلى متقدم ككل عن الفك العلوى قليلا , و مشكلته انه الاسنان الامامية (علوى و سفلى ) ما ينطبقون على بعض , فراح لدكتور و ركب له اول شى موسع للفك العلوى لان يقول الفك ضيق , و صار له تقريبا شهر و الدكتور قال له بعدين لك الخيار يا اما نحط مقوم للفك العلوى مع جراحة للفك السفلى لارجاعه , او مقوم للفك العلوى و السفلى مع تلبيس الفك العلوى , و هو محتار شيسوى و عنده موعد قريب بعد 10 ايام عشان يركب مقوم للفك السفلى مع انه اسنانه السفليه زينه و هو الصراحة مو عارف ليش او شنو الفايدة , يا ليت تنصحه شنو الافضل له و شنو يسوى لانه بصراحة هو راح على طول للعيادة من غير ما يسال و لا يعرف شى عن موضوع الفك و التقويم .


ثانيا اختى دايما عندها مشكلة مع نزيف اللثة و خاصة لما تقوم من النوم و هى تستعمل الخيط و احيانا الاعواد بعد التفريش , و هى تسمع عن جهاز ليزر لعلاج نزيف اللثة و تسال هل يوجد فعلا هذا النوع من العلاج و شنو اسم الجهاز او الليزر المستعمل ؟
و شنو اسباب نزيف اللثة بشكل عام و هل التفريش الزايد و استعمال الاعواد تسبب النزيف ؟ و ما هو العلاج للخلاص من هالمشكلة اللى تعانى منها اختى لسنوات ؟
​

وهم بعد بضيف شغلة تسال عنها ان بعد تنظيف أسنانها تلاحظ طبقة صغيرة مثل الشعرة بين اللثة والسن لونها أبيض وتطلعها بالعود
فشلون تقدر تخلص منها؟ مع العلم بأن طبيبة المستوصف تقول مافيها جير ! :rgewrg:

 

[عز الرفاع]

مشكووورة يا بنت الكويت لاستضافة الدكتور محتاجه استشارته
الله يجازيكم خير

يادكتور صارلي كم سنه اعاني من الم في جهة مفاصل الفكه وصوت طقه في الفك وبعض المرات يعلق على خفيف وصداع في الراس هل له علاقه بالفك ؟؟
و الفك السفلي متراجع عن اللي فوق

فالسنة اللي طافت عالجة عند دكتور في مستشفى حكومي ((البحرين ))

سوالي اشعه عادية قال ان العظم سليم فسوالي اشعه مغناطيسية وقال عندي انزلاق بالغضروف جهة اليسار اكثر من اليميين

قالي اسوي تمارين للفكين وامتنع عن الاشياء الصلبه وما افتح فمي اكثر من مسافة اصبعين واحط كمادات وعلمني طريقة وضع اليد تحت الفك عند التثاوب وسوالي تقويم للفك بلاستك البسه اول فترة عند النوم وبعدها طول الوقت ماعدا عند الاكل اشيله قعد عندي فترة بعدها انكسر

وقالي اذا مانفعت العلاجات والتمارين راح نلجأ لغسيل المفصل واذا مانجح الغسيل نسوي عملية

ولحد الان ماسوالي شي كل مادخلت عنده قال بعطيج فرصه ونشوف
الى يومكم هذا ماسوالي شي بس نصايح

والحين انقطعت عن الدكتور وماراح ارجع له

فابي رايكم يا دكتور نائل الله يجزاك خير في حالتي وشنو احتاجه عشان افتك من المشكله

انقذني من الهم والالم الي انا فيه

ومشكوووووووورين

 

[السنيوورا]

اششكر بنت الكوويت ع الاستضافة الحلوة ويعطيك العافية دكتور ..

بسس حبيت استفسر عن التقوويم شنوو الفرق بين التقويم العادي والتقويم الشفاف ؟؟
وهل التقوويم الشفااف له أضراار ؟؟

وششكراا لگم ع المجهوود الطيب .. *

 

[ديمــــــــــه]

السلام عليكم

حبيت اشكر الدكتور لانه عطانا من وقته والشكر موصول لبنت الكويت الله يعطيها العافيه

وكل عام وانتم بخير

سؤالي بسيط ان شاء الله انا حابه اسوي اسناني نفس رسمة اسنان حليمه بولند

هل الموضوع يحتاج عمليه ولا تلبيس ولا وشو بالضبط ؟

ومشكورين مره ثانيه وجزاكم الله الجنه

 

[shayo0oma]

السلام عليكم
انا سوالي اهوا ان انا الحين مركبه التقويم المتحرك بس الحديد والدكتوره قالتلي ان يبيلي سنتين
بس انا صراحه مضايقني واعرف وحده مسويه الشفاف وبس 6 اشهر وفوق هذا مريييييييييييييح
فابي اسال عادي اغير واسوي الشفاف

 

[sharoo_e5]

أشكرك بنت الكويت على استضافة أشطر طبيب بالكويت

اخر مرة خلعت عندة ضرسين مرة وحدة شلون ما اعرف سويت جذى شلون

بس للامانة ايده خفيفففففففففففففففة وانسان جدا خلوق ونفسية روعة


الله يوفقك دكتور نائل

 

[Ǻl.Ĝ₥ąl L3Ъẗў]

السلام عليكم ورحمة الله وبركاته

يعطيكم العافيه على استضافة الدكتور نائل وحياه الله بكويتيات

بس عندي استفسار ، انا خلعت ضرس العقل اليسار في الفك السفلي من مدة اسبوعين تقريباً لانه كان جذره مايل صوب الضروس الي يمه ويضغط عليهم وكان طالع تحت اللثه ومسبب لي ألم .. فخلعته الحمدلله بدون جراحه .. لكن دكتور الحين اعاني من اثار الخلع ان اسناني الي يمه يعوروني احس بحساسيه فيهم يعني من الهوى البارد او لمن اشرب بارد يعوروني او بالاصح احس بكهربا فيهم وكذلك الاذن اليسرى مكان خلع الضرس هم تعورني .. غير جذي لمن رحت لدكتوري قالي في بوكيت بين الضروس الي يمه ونظفهم الحمدلله لكن الالم مستمر من الفكين الي فوق والي تحت صوب اليسار مكان الخلع بس ..

شنو الحل برايك لان اسبوعين الالم مستمر ..

 

[@رزان@]

السلام عليكم
اشكر بنت الكويت على استضافة الدكتور الاكثر من رائع (نائل الهزيم)
عندي سؤالين للدكتور :
1- انا ركبت تقويم لاكثر من سنه ولكن يوجد لدي فراغ في الاسنان العلوية وابي اعرف العلاج لهذة المشكله ؟

2- هل للتبيض اضرار على الاسنان ,لاني سمعت انه يأثر ويضعف من طبقة السن وشنو احسن طريقة له؟

 

[وتين الورد]

مبارك عليك الشهر

انا يادكتور عندي ثقب صغير جدا ولونه بني في سني اللي في الأمام له تقريبا سنه

لم شافته الدكتوره قالت لازم احفره واحط حشوه فا وش رايك

وعندي بعد في اسناني اللي قدام من تحت السن حيل يوخزني مثل الحساسيه لم افرشه بالفرشاه ارتاح بس شوي ويرد

ثانيا انا قطعت اعصاب عند الدكتوره وبعد ماحشت لي الحشوه الدائمه صار فيه وجع لايطاق

وشاكرين لك وجودك معنا

الله يعطيك العافيه

 

[فرح العين]

أنا عندي سؤال في بالي من زمان
الأشخاص إلي يسوون جراحة الفك هل مع مرور السنوات يتغير شئ في الفك ولا يلين ولا يرجع طبيعي مثل أول يعني حتى لو تعرضوا لضربات قوية لا سمح الله حادث ما يتحرك الفك

 

[فيروز خانوم]

مشكوره بنت الكويت على استضافه دكتور نائل الهزيم ومشكور د نائل على تواضعك وانك عطيتنا من وقتك الثمين انا شفته زياره عند بيلا كلينك وماشالله زحمه عليه وعندي سؤال انا رفيجتي حاطه تقويم من زمان بس المشكله ان اللثه نازله بين اسنانه الكبار يعني اسنانها الاماميه ما تصكر من اللثه صايره بينهم شالحل قص اللثه وانا سمعت ان قص اللثه يؤدي الى التهابها هل صحيح هالكلام ومشكورين

 

[^ SMILY ^]

السلام عليكم


بس حبيت استفسر انا قبل كانت اسناني قبل مفرقه ومتقدمه اشوي عاد ركبت تقويم وقطيته تقريبا قبل سنتين و الحين احس اسناني الاماميه تقدمت شوي هل في احتمال اذا تركتها رااح ترجع مثل قبل ما حطيت التقويم؟؟



وارجو الرد

شكراااا