استضافة الدكتور نائل الهزيم .. تخصص جراحة الوجه والفكين والاسنان

[أعشقه]

ماشاء الله
ربي يوفقه ويزيده علم ..
/
ابي استفسر من الدكتور ..
انا حامل بالشهر 5 وعندي رحاتي تالمني وابي اروح لطبيب
رحت مستشفى خاص يوم عرفت قالت لي ماقدر اسوي لك شي لانك حامل
ورحت المستوصف الي عندنا قالي عادي ويقولي عادي لو حطيت لك ابره بنج واشتغلت في رحاتك اسناني يعني
المهم هو عادي ولا ..
يعني عادي اخذ ابرة تخدير وانا حامل بالشهر 5 ولا .
وشكرا

 

[أناناسة]

تحيتي لك د نائل، وشكري لك لإفادتنا هنا، وشكري للموقع الكريم الذي استضافك.

لدي بروز بسيط بالفكين العلوي والسفلي، وهبوط بسيط في الفك العلوي، وابتسامة لثوية وتراجع بسيط في الذقن وهذه المشاكل تؤثر في مظهري وتزعجني جدا
أسئلتي: هل يمكن بالجراحة حل هذه المشاكل دون حدوث تغيير كبير بشكلي؟ (الطبيب الذي استشرته قال إنه سيتغير شكلي تماما فيما لو أجرى لي العملية)
وهل يمكن بالتقويم العادي دفع الفك للخلف ولو بضع مليمترات؟
أرجو الإجابة ولك جزيل شكري.

 

[blondeya-pretty]

السلام عليكم
نشكرك دكتوور على اعطائنا من وقتك
آنا سؤالي بسيط جدا
آنا عندي بروز بالاسنان اللي جدام
ماعندي مشاكل بالفك كلش لا بس مجرد بروز
وأبي أردهم لي ورا بس بدووون تقويم و لو شنو ماراح احط تقويم
هل في حل غير التقويم؟؟ يعني يصير يبردونهم أو شي جذي ويركبونلي طبقة فوقهم أو شالحل بالظلط غير التقويم؟؟

 

[FiOnKa]

السلام عليكم ,,

أشكر بنت الكويت على إستضافتهآ لـ الدكتور. نآئل ..
و الشكر موصول لك دكتور على إعطآئنه فرصة الاستشارة بـ النت = )

دكتور آنـا معاي آلام بـ مفاصل الفك ,
و هـ الآلام تسبب لي صدآع شديــــد بـ الرآس ..
و احيـآناً بعد احس الـ آلام توصل لي العين .

من قبل 3 سنوات تقريبا ,
سويت اشعة لـ اسنآني قآلي الدكتور إنه فكي صغير و آسناني
محشورة و إنه ضروس العقل قاعد يطلعون و يدزون الاسنان !~

و قال بعد إنه سبب الـ آلام إحتمال يكون من ضغطي عـ الأسنان وقت النوم ,
و سوالي مثل تقويم من ربل البسه وقت النوم .. وعادي ما حسيت بـ أي فرق

و فيه دكتور ثاني قالي لازم نشيل ضروس من وره و نركب تقويم مدة سنة ,
يـ الله آرتآح من آلام الفك .. و لـ حد اللحين مآ سويت وله شي ..

بس شـ الحل دكتور بـ رآيك ؟~​

 

[caramella <3]

يزاج الله خيييييييييييير يا بنت الكويت على استضافة الدكتور نائل الهزيم اللي بصراحة قمـــــــــــــــــــــــــــــــة بالاخــــــــــلاق

 

[Moi belle]

انا ودي اسوي زراعه لرخى الفوق ع اليمين وع اليسار بس قالو ماكو مساحه شنو الحل

 

[يوم السفر]

جزاك الله خير

سؤالي لشخص عنده سكر واسنانه يحس انها تخلخل يعني مو ثابته مافي طريقه او علاج تثبت الاسنان وتقويها مايعاني من تسوس ولاشي


وسؤال اخر ضرس العقل له عمر محدد وهل يالم كل الناس وفيه ناس عادي تعيش فيه مايسبب لها شي لان متخوفه من الخلع

 

[مس تسذآ]

يعطيك العافيه دكتور وائل ,

عندي جم سوال

اول شي انا ضروسي مجدمه شوي اوكي و عني الانياب شوي مرتفعه فوق عرفت اخوي

اما الضروس اللي تحت حلوين صفه وحده

اللي فوق بس عندي مشكله معاهم

رحت للدكتور قالي بركب لج تقويم بس ركب لي المتحرك اللي بس حديده

و ينشال

و ركبته 4 سنين و دايما اركبه ما اشيله اله وقت الاكل ,

بس ما فاد ولا ولا شي

ما تغير شي نفس ضروسي نفس ابتسامتي

انا عمري 17 و ما طلعوا لي ضروس العقل

و الحين انا مليت و قطيته ,,

بس تهقى يعني انا ما يفيد وياي وله شنو

و ترى اهوا ما شلع لي ولا ضرس بس ركب لي التقويم

يعني الحين خلاص ماروح ما ارد اسوي

يعني ما احس فادني بشي ليش اتعب عمري ؟

__________
عندي سؤال ثاني ,

انا لثتي فيها سواد و حده منرفزني

و لمه كنت صغيره كنت العب مع اخوي و دش قلم رصاص باللثه و سوو لي خياط

ابي شي اسويه يورد اللثه ؟

__________


و عندي استفسار عن التبييض

يقولون مع كثره الجاي و القهوه يرد اصفر من قبل

و بالكثير سنه و يروح ؟؟

هل صحيح هالحجي وله بس اشاعات ؟

لان انا وايد اشرب جاي و قهوه !

______________

مشكور دكتور و يعطيك العافيه وايد لجيتك بأسالتي .

 

[bedo]

السلام عليكم ..
شكرا اختي على الموضوع جزاك ربي الف عافيه
و شكرا على تعاون الدكتور..

حبيت اسال الدكتور هل فيه امكانيه اني اسوي عمليه
تطعيم عظمي لفك العلوي
و عمليه تقديم للفك العلوي نفس الوقت؟
علما بان الفك العلوي ضعيف من ناحيه كميه العظم

 

[DisNey :*]

السلام عليكم و رحمة الله و بركاته
يعطيكم العافية لاستضافتكم الدكتور / نائل الهزيم
و ما شاء الله السيرة الذاتية للدكتور مميزة و منها للاعلى

دكتور بغيت أسئلك :
عندي الأنياب اللي بالفك العلوي نازل مو بمكانه فهل التقويم يرده لمكانه و يصير شكله مضبوط
و الا ما ينفع التقويم ؟
و مشكور

 

[miele]

السلام عليكم
يعطيييك العافيه دكتور

انا بسأل اذا بغيت اسوي لومنيرز حق اسناني .. وانا اسناني مو مجدمه ولا طالعه برا .. لاطبيعيه
والدكتور يقول لازم تسوين تقويم بعدين لومنيرز

والمشكله نفس الكلام لاكثر من بنت اعرفها.. ولخواتي بعد

وعندي سؤالين :
كم اقل مدة للتقويم ؟؟؟ يعني ما ابي اطول فيه

وكم تتراوح اسعار اللومنيرز ؟؟

يعطيكم العافيه

 

[فيۉنڪًہ فوشيهـ]

السـلام عليكم
حبيت اسالك؟؟
انا كنت مركبه تقويم قبل اربع سنــوات وضبطوو اسناني واهملت التقويم المتحرك وردو اسناني يتحركوون وتصير فتحات بين الاسنان
والحين حاليا رجعت ركبت تقويـم للمره الثااانيه من فوق بــس لانوو من تحت اوكيه
سؤالي هو اني ان شاء الله بعد5 شهور راح انزل التقويـــم بس ماابي احط التقويم المتحرك ابي احط الحديده الي تجي من خلف الاسنان ايش رايك فيه وهل تنصحنيي فيها بالنسبه للحالتي؟؟.. والشي الثاني اني حاااابــه ابرد اسناني الاماميه الي من فووووق بعد ما انزل التقويم؟؟؟
وهذاي صوره للحديده الي خلف الاسنان بس الصوره الي هنا من تحت بس انا ابيه من فووق
ويعطيك الف عاااافيــه

 

[أبتسامة حلوة]

السلام عليكم ورحمة الله وبركاته
أشكر المنتدى لإستضافة الدكتور الفاضل
وأشكر الدكتور لتعاونه معنا

أولا ً : بسأل الصفائح المعدنية التي يثبت فيها الفك بعد الجراحة هل تذوب إم تلازم الشخص مدى الحياة ؟ وإذا تبقى هل لها تأثير وخصوصا مع الأشعة ( الرنين المغناطيسي ) ؟

ثانيا ً: جراحة الفك العلوي للأبتسامة اللثوية وتقدم الفك العلوي تكفي أم لابد من إجراء الجراحة للفكين ؟

ثالثا ً : جراحة ترجيع الفك العلوي للخلف تؤثر على التنفس أم لا ؟

رابعا ً : هل لجراحة الفكين تأثير على الشخص في المدى البعيد ؟​

 

[سآرٍٍآ]

عسآك على آلقوة دكتور . . :d

سؤآلي هو / أن آنآ فكي العلوي ضيق ورحت لـ دكتور وقآلي بيركب لي جهاز توسيع الفك العلوي وتقويم تحت بس سمعت آنو آلخشم يتغير و آلوجه وكذآ وترددت آركبه
هل هو صحيح يغير شكل الوجه آو الآنف ؟؟

وبس شكراً

 

[*SUPER~COoL*]

شكراً للمنتدى على استضافت الدكتور نائل الهزيم و شكراً لدكتور على قبول الدعوه
استفساري هو انا حاطه تقويم متحرك بغيت اعرف اذا صكت ضروسي شنو الخطوه الي وراها لان الدكتور الي عنده بحطلي بعدين تقويم داخلي وبغيت اعرف التقويم الداخلي نفس نظام التقويم الخارجي
و السؤال الثاني انا عندي مناسبه مهمه وبسوي تبيض قوالب لازم قبل المناسبه بجم فترى عشان احصل على النتيجه و يصير اسوي تبيض و انا اللبس متحرك مع العلم المناسبه هي مناسبه مهمه مناسبت زواج*
شكراً يعطيكم العافيه :eh_s(7):

 

[نادية_]

السلام وعليكم

دكتور عندي سؤال حيل مهم انا اسناني كله تعورني ويعوروني كلهم .........وكل ما اروح لطبيب الاسنان يقولي عندج التهاب باللثه مع اني ما ادخن كلش ..........ومع اني اغسل اسناني 3 مرات باليوم ........ويقولي الطبيب بسوي لج تنظيف لثه ويسوي لي تنظيف لثه وماكو فايده مايفيد معاي نهائيا يظلون اسناني يعوروني ........وسويت اشعه ويطلع ماكو شي؟؟ والحين اللثه قاعده تتاكل وجربت المضمات ولا يوجد اي فائده ؟؟؟؟؟؟؟ ما العمل واحس اسناني صارت خفيفه مو مثل قبل ؟؟؟ وكذلك اسناني فيها خشونه

ما العمل ..............؟؟ ارجو المساعده قبل لا يطيحون كل اسناني

 

[الاحمدية]

ماشاء الله مسيرة حافلة دكتور وجزاك الله خير وبنت الكويت على تقديم كل ما هو مفيد دكتور ابى تركيب 2 ضروس سؤال هل لازم تركيب عظم اولا وكم يكلفنى العمليه فى عيادتكم لانى ابى اسويها عندك دكتور لو ما عليك امر وابى مواعيد وجودك فى المستشفى والعيادة وكم يأخد وقت تركيب الضرسين سؤال ثانى حشوت ضرس اخر من سنه والحين يؤلمنى عند شرب الماء حتى لو كان دافئ ماذا افعل دكتور وذهبت للمستوصف وقالولى ننزع الحشوة ثم نموت العصب ونحشى مرة ثانية ارجوك رد على دكتور لانى فى الم مستمر جعلك الله خالدا ومنارة لوطنك

 

[eyes mother]

يسلموو بنت الكوويت على هاللاستضاافه
واسئلتي باختصااار.؟؟
ابي اسووي جرااحة لخشممي اقدر؟؟؟
وكم تكلف اذا اقددر؟

 

[eyes mother]

+++ سؤال؟؟
كيف اخلي اسناااني بيضاااء ؟؟
وشنو هذا اللي يسمونه سن من ذهب وشلوون ياليت يووضح لنا عنه؟

 

[sendrila]

السلام عليكم
مساء الخير دكتور ويعطيك العافيه
انا ان شاء الله ح اسوي جراحة فك لمعالجة الابتسامه اللثويه لانه يبان من اللثه من 7-8 ملم وعندي (Deep bite ) سؤالي هو
كم المفروض يبان من اللثه في مقاييس الابتسامه المثاليه ؟
هل العض على الاسنان وبالذات في الليل يسبب muscle hypetrophy للعضلات اللي على جوانب الفكين ؟
وحابه اسأل كم تكلفة زراعة الاسنان بالنسبة للسن الواحد لانو عندنا في السعوديه تقريبا 5000 ريال هل تعتبر تكلفه مرتفعه ولا معقوله ؟
وشكرا