أبي حلى حلو مررررره مثلكم (:

[جنون الحرف]

السلام عليكم ورحمة الله

كيفكم كويتيات ،، :eh_s(7):اليوم أنا طالبتكم طلبه ابي حلى حلو مره وراقي حتى لو يكلف وياخذ وقت

أهم شي لذيذ


عندي بكره عزيمة رجال وأبي شي يواجه أبي الصحون ترجع لي فاضيه ههههه

تكفون وأدعيلكم من قلبي باللي تبون:yaaaaaarb:

يالله ياحلوات أنتظركم:bbbiu:

 

[B7rainia]

بقولج سويت البنات قالولي عنه انا صراحة ماجربته بس جريب انشالله

هو عبارة عن ثلاث طبقات الاولى منهم الله يسلمج عبارة عن علبة بسكوت دايجستف + علبة بسكوت بيتي فور

تطحنينهم بس شوي يعني خليه يصير مطجون بس فيه شويه قطع صغيرة يقولون حلاته جذي وتحطينهم في البايركس تحت

نيي حق الطبقة الثانية عبارة عن نص صبع زبدة غير مملحة الي تكون صغيرة + قشطة المراعي الي تكون مثل الروب (يقولون لازم هالنوع بس اذا ماحصلتي تقدرين تستبدلينه بالقيمر العادي) + نص علبة حليب محلى

هالثلاثة تحطينهم ع النار يذوبون وينخلطون مع بعض بعدين تصبينهم فوق الطبقة الاولى طبعا بيصير مع البسكوت يعني مابينفصل لا بيدش ماعرف اشرح ان شالله فهمتي علي خخخ

الطبقة الثالثة والاخيرة هي 6 جالكسي تسوينه في حمام مائي واذا جهز بسرعة تصبينه ع الي فوق بس هالطبقة طبعا بتصير مفصولة عنهم

في النهاية طبعا تدخلينه الثلاجة

انا جربت سويتات تشبهه وبصراحة روعة بس ذي ماجربته بس احسه احححححلى منهم بجربه جريب ان شالله خصوصا اني اثق في ذوق البنات الي قالولي عنه

اتمنى فهمتي علي وقدرت افيدج بشي

وان شالله باقي العضوات مابيقصرون

 

[جنون الحرف]

الله يوفقك ويحقق لك اللي تتمنين

مع أني ما عرفت أتخيل شكله بس بأجرب وأشوف كل مقاديره عندي ما عدا الجالكسي

بنط اللحين أطلب من البقاله

مشكورررره كثييييييير

 

[جنون الحرف]

وين الباقين؟؟

ليه كسرتوا بخاطري ؟ ما كان العشم يا كويتيات

 

[B7rainia]

حااضرين اختي هو بيصير مرتب شكله النهائي واذا مافهمتي علي دشي هالرابط فيه سويت مقاديرها شوي غير بس الفكرة وحدة يعني الشكل النهائي نفس الشي حتى تقصينه مربعات بنفس الطريقة وتحطينه في ورق التقديم نفس مال الكب كيك بس الصغير تفضلي هني

http://www.q8yat.com/t896270.html

 

[جارة القمر]

تفضلي طلبك



س نصيحه سوي حلو بقلاصا أحسلك

تشيز كيك المارس بهالموضوع عليه طلب موطبيعي أهلي وايد عجبهم

http://www.q8yat.com/t900287.html



http://www.q8yat.com/t824791.html


http://www.q8yat.com/t916025.html



http://www.q8yat.com/t70866.html

 

[جنون الحرف]

مشكورين الله يجزاكم خير

جاره القمر الله يرزقك الولد الصالح

أبشركم تمت على خير صلحت الجلي المايل وكيكه الباونتي والحلى اللي كتبتيه يابحرينيه

ولقيمات والحمد لله عجبتهم بس عاد مارجعت الصحون فاضيه ههههه

 

[جارة القمر]

مشكورين الله يجزاكم خير

جاره القمر الله يرزقك الولد الصالح

أبشركم تمت على خير صلحت الجلي المايل وكيكه الباونتي والحلى اللي كتبتيه يابحرينيه

ولقيمات والحمد لله عجبتهم بس عاد مارجعت الصحون فاضيه ههههه

بالعافييييييييييييييييييييييييييييييييييية حبيبتي


:eh_s(7)::eh_s(7)::eh_s(7)::eh_s(7):


وتسلم ايدج



واهم شي ردوا الصحون فاضية:eh_s(7):