ابي لقيمااات مقرمشة من بررة وفااضية من دااخل...بلييز الكل يدش خلونا نستفيد

[تعويذه الحب]

رد: أهي أهي أهي أهي ياقرد حظي يابنات

بنات مو تخلون العجينه ثقيله لاااا شفتوا المسسلات المصريه لما يكونون يعجنون المشلتت شلون العجينه تصير لزجه جذي خلوها وعجنوها حيل لان الطحين يتكتل

فلازم تشيلون هالتكتل بالعجان وبعدين صبيها وبس يصير لونها ذهبي حطوها بمشخل وبعدها حطوا عليها الشيره وياريت اللي تجرب الطريقه تكتب رايها

 

[بدوردا الأموره]

لقيمات مافي داخله عجين علموني شلون اسويه

السلام عليكم بنوتات

صيام مقبول و إفطار

ماماتي تبغى منكم طلب صغنون

أمي لمن تسوي اللقيمات يصير في بطنه عجين ومره راحت بيت ناس من قرايبنا و كلت عندهم لقيمات وكان بطنه خالي من العجين نهائيا بس استحت تسألهم عن الطريقه

اللي تعرف مقادير اللقيمات اللي مافي داخله عجين لا تبخل علينا

يعني تكون الحبه منفوخه بس وبطنها نظيف تمام من العجين

أفيدونا بنات

 

[ماجين]

رد: لقيمات مافي داخله عجين علموني شلون اسويه

اب لعيونج
إن شاء الله البنات يفيدونح

 

[شوق&حنين]

رد: لقيمات مافي داخله عجين علموني شلون اسويه

يحياتي عندي طلبج عندي صورة بعد بالايفون بس للاسف ما اعرف انزل صور السموحة
بكتبلج المقادير بس السموحة من غير مكاييل هههههه
والله ما اعرف الا بالنظر يعني تخبيص

تقريبا نص جيس طحين المطاحن الجيس الصغير
ملعقة ونص كبيرة خميرة
قوطي روب
ماي دافي
هيل مطحون +زعفران منقع بشوي ماي حار
ملح + تقريبا ملعقتين كبار سكر او ثلاث
وخلي العجينة شبه خفيفة اهو سر اللي يخليه فاضي من داخل

ان شاء الله اكون فدتج ادعيلي

 

[توتــه]

رد: لقيمات مافي داخله عجين علموني شلون اسويه

على حسب العجينه انا مرة سويتها من برا مقرمشه ومن داخل فاضيه

اهي لقمه القاضي واحط معاها قيمر بس عاد على حسب التخمير وحرارة الزيت

وكل هالاشاء تأثر

 

[بدوردا الأموره]

رد: لقيمات مافي داخله عجين علموني شلون اسويه

يحياتي عندي طلبج عندي صورة بعد بالايفون بس للاسف ما اعرف انزل صور السموحة
بكتبلج المقادير بس السموحة من غير مكاييل هههههه
والله ما اعرف الا بالنظر يعني تخبيص

تقريبا نص جيس طحين المطاحن الجيس الصغير
ملعقة ونص كبيرة خميرة
قوطي روب
ماي دافي
هيل مطحون +زعفران منقع بشوي ماي حار
ملح + تقريبا ملعقتين كبار سكر او ثلاث
وخلي العجينة شبه خفيفة اهو سر اللي يخليه فاضي من داخل

ان شاء الله اكون فدتج ادعيلي

مشكوره حبيبتي مقاديرج حيل حلوه بس الروب أول مره ادري انه من مقادير اللقيمات أن شاالله بنجربها بكره و بصوره لكم

 

[رمانة الكويت]

اسهل شي تاخذين كرتون لقمة القاضي هونج وتخلطين الطحين اللي فيه مع الخميرة اللي فيه يعني توزعينهاا عدل مع الطحين

بعدين اخذي 2 لبن المراعي الصغير ودفيه شوي على الجولة مو تسخنينه بس ليما يصير داااااااااافي .. بعدين اعجنيهم مع بعض ..

اعجني عدل وبعدين غلفيها بنايلون وخليها تتخمر من نص الى ساعه الا ربع ..

وكوريها بايدج او اخذي شوي واعصيرها من ايدج ليما تطلع لج مثل الكورة وبقفشة مدهونة اسحبيها وقطيها بالزيت على طوول ..

الزيت لاااااازم يكووون حااااااااااااااار واذا حطيتي اللقيمات قصري على النار وقلبيهاا ليما تصير كلها ذهبية وحطيهاا بالمشخال عشان يروح الزيت الزايد وبعدين حطيهاا بالشيرة ..

ملاحظة صغيرة ومهمة حييييييييييل ..

اذا سويتي اللقيمات لا تغطينهااا بتصير لينه حيييييييييل اذا غطيتيهاا خلي فيهاا فتحات ..

جربي نفس الطريقة بخليط لقيمات المطاحن اليديد روووووووووعه .. وهاذا ما يحتاج تخلطين الخميرة ولاشي الخميرة مخلوطة فيه .. بس يمكن يحتاج زيادة باللبن لان المقياس اللي اعتمد عليه بالنظر ..


ولاتنسوني من الدعووة الحلووة ..

 

[لف ليدي]

البنات ماقصرو وانا نفس طريقتهم